Betri glæpir á fínum gangstéttum?

Árni Sigfússon hefur af órtrúlegri staðfestu keyrt bæjarfélagið Reykjanesbæ í þrot. Gríðarleg félagsleg vandamál sem speglast í hárri glæpatíðni hafa grafið um sig í bæjarfélaginu. Bærinn er skuldugur og eignarlaus en Árni Sigfússon ætlar að ná endurkjöri með því að flagga því hvað það eru fínar gangstéttir í Keflavík.

Árni hefur hyglt að verktökum með byggingu mannvirkja sem á engan hátt þjóna því að draga úr félagslegum vandamálum bæjarfélagsins eða auka á öryggi íbúanna. Árni virðist telja það til bóta ef glæpir eru framdir á fínum gangstéttum. 

Sala auðlinda á Suðurnesjum endurspegla bæði vanhæfni stjórnenda í Reykjanesbæ, vanhæfni stjórnenda Orkuveitu Suðurnesja og vanhæfni hinnar svokölluðu vinstri stjórnar. Ríkisstjórnin sefur á verði um hagsmuni framtíðarsamfélagsins. Þessi Ríkisstjórn hyglar að úrrásarvíkingum og alþjóðafyrirtækjum sem eru í eigu manna sem auðgast hafa á vafasömum viðskiptum. Landið er að falla í eigu fjárglæfarmanna sem munu svífast einskis gagnvart almenningi eins og reynslan hefur sýnt. 

Magma eignast 98,53% í HS Orku

Athugasemdir

[Ómar Geirsson, 17.5.2010 kl. 20:12]

Blessuð Jakobína.

Er ritgerðin búin???

Allavega er mikil þörf fyrir þína hárbeittu pistla.

Kveðja að austan.

[Jakobína Ingunn Ólafsdóttir, 17.5.2010 kl. 21:24]

Hún er á lokasprettinum

[Ómar Geirsson, 17.5.2010 kl. 21:49]

Gangi þér vel.

Kveðja að austan.

[Jakobína Ingunn Ólafsdóttir, 18.5.2010 kl. 10:38]

Takk

[Dingli, 18.5.2010 kl. 13:52]

Árni hefur hyglt verktökum, glutrað frá Reyknesingum og allri þjóðinni Gullkálfinum, komið Reykjanesbæ í þrot, og skapað þar samfélag þar sem glæpatíðni er slík að ekki hefur áður þekkts á Íslandi, segir þú. Má ekki bæta við undarlegum viðskiptum með eigur varnarliðsins, ótrúlegri þjónkun við Norðurál, þar sem allar óskir þess um hvað sem er verður um leið að vilja Bæjarstjórans. Af þessu öllu leggur sterka lykt af "dauðum forsetum." Nokkuð viss er ég og um það, að aðrir sem betur þekkja til, geta bætt ýmsu við.

Fyrir þá sem ekki vita, þá er Þór nokkur sem fékk fimm millur á mán. fyrir ósjálfráða skrift hjá Sjóvá, bróðir Árna. Forsetalyktin gæti því verið í ættinni.  

Ræfildómur ríkisstjórnarinnar í þessu HS máli, er undarlegur, og sú afsökun sem borin er á borð fyrir oss, er ekki boðleg.