Það er Sjálfstæðisflokkurinn sem skapaði þetta ófremdarástand

Það er vert að minna á það. Menn skammast út í VG sem tók lítinn þátt í því spillingarferli sem leiddi til hrunsins.

Ég verð þó að játa að það er slappt hjá ríkisstjórninni að reyna ekki að ná meira út úr atvinnugreinum eins og sjávarútvegi. Breyta ákvæðum í lögum sem hefta að fiskur sé fullunninn hér á landi. Leyfa meiri sókn smábáta og s.frv.

Ég þori þó að fullyrða að ástandið væri enn skelfilegra ef sjálfstæðisflokkur væri við völd. 

Ögmundur sveik loforðið

Athugasemdir

[Sigurður Sigurðsson, 9.9.2010 kl. 02:39]

Æ ekki meira af þessu barnalega vondikallinn tali. Þjóðin er orðin hundleið á þessu kjaftæði. Það laga ekki ástandið nokkurn skapað hlut þó Sjallarnir hafi orðið valdir að hruninu. Það lagar ekki getuleysi núverandi ríkisstjórnar.

Tekið fram að ég kaus Samfylkingu vegna þess að trúði því í alvöru að þetta væri stjórn hinna miklu verka. En fékk eingöngu slatta af sömu óhæfu rugguhestunum og settu okkur á hausinn. 

[Einar Björn Bjarnason, 9.9.2010 kl. 02:48]

Jakobína - ef þú beitir eingöngu samdráttaraðgerðum ofan í kreppu, þá að sjálfsögðu uppskerð þú ástand kreppu. Rökrétt - ekki satt?

Samanburður á 2. ársfjórðungi 2009 við annan ársfjórðung 2010

Hagstofa Íslands 

• Einkaneysla             -2,1%
• Samneysla              -1,9%
• Fjárfesting            -26,3%
• Birgðabreytinga       -2,8%
• Þjóðarútgj, alls        -8,8%

• Útflutn. vöru og þj.  +3,2%
• Innfl. vöru og þj.    +5,0%
• Verg landsframl.      -8,4%

Mín privatskoðun er, að árið í ár - þ.e samdráttur ársins í ár, verði full eins mikill, og samdráttur ársins er leið.

Miðað við síðustu tölur sýnist mér, að góðar líkur séu á að það standist!

Kv

[assa (IP-tala skráð) 9.9.2010 kl. 03:29]

Er ekki tímabært að hætta hugsa um orðna hluti og hver gerði hvað? Okkur veitir ekki af að fara hugsa um nútíðina og hvað þá framtíðina. Í fortíðinni voru gerð mörg mistök, og þau voru svo sannarlega ekki öll Sjálfstæðisflokknum að kenna því Samfylking kom þar einnig við sögu, en það á í raun ekki að skipta máli. Það sem skiptir máli er hvað við gerum í dag. Og þar erum við svo sannarlega ekki að standa okkur er það?

[Bjössi (IP-tala skráð) 9.9.2010 kl. 04:17]

Tek heilshugar undir orð seinasta ræðumanns ("@ assa") , málið er nefnilega að við eru öll í bestu hugsanlegu stöðu sem við getum verið í , þó svo allt sé upp í loft , vegna þess að það er eina staðan sem er í boði, og sífellt fortíðargláp og tuð um að allt hefði þetta nú getað verið öðru vísi en það í raun er , eða hverjum má um kenna  breytir engu, það er morgundagurinn sem skiftir máli , og það er kominn tími til að hætta þessu tuði og bretta upp ermar. Og það værii ágætis byrjun ef mannskapurinn sem vill vera í forsvari fyrir þjóðinni færi að hysja upp um sig brækurnar og taka til hendinni, við hin sem annarstaðar eru getum þá kannski sameinast um að ýta á rassinn á þeim ef þau spóla í drullunni, en þessi "ekki benda á mig" söngur er löngu úr sér genginn og lítt uppbyggilegur.

[Geir Ágústsson, 9.9.2010 kl. 07:09]

Vont er að verða verra, miklu verra, og ef stjórnmálamenn ætla sér á annað borð að vinna fyrir kaupinu sínu þá verða þeir að vinna fyrir kaupinu sínu en ekki í sífellu tala um það hvernig aðrir unnu fyrir sínu, fyrir mörgum misserum síðan.

[Margrét Sigurðardóttir, 9.9.2010 kl. 07:16]

Vanþroska Sjálfstæðismenn vilja alls ekki taka ábyrgð á fortíðinni. Þeir tala um það sem "tuð" ef rifjuð er upp óstjórn þeirra og hörmungar sem þeir leiddu yfir þjóðina. Þeir sem ekki vilja gera upp fortíðina dragnast með skítaslóðann inn í framtíðina.

[Rétt hjá Margréti og Jakobínu (IP-tala skráð) 9.9.2010 kl. 08:12]

Thad á ekki ad haetta ad hugsa um ordna hluti.  Thad á ad minna á thá aftur og aftur.  Í theim tilgangi ad fólk haetti ad kjósa heimska drulluhala sem eydileggja allt sem their koma nálaegt vegna skammsýni, sérhagsmunagaesku, sidblindu og graedgi.

Ég er sammála Margréti og Jakobínu.

Allir hafa gott af ad horfa á thetta:

http://www.youtube.com/user/bstill3#p/a/u/1/D22TlYA8F2E

Kvótakerfid og einkavinavaeding bankanna rústudu efnahag landsmanna.

[Jakobína Ingunn Ólafsdóttir, 9.9.2010 kl. 09:14]

Ef við hunsum mistök fortíðar þá lærum við ekkert af þeim. Ein helsta lexía hrunsins er að sjálfstæðiflokkinn ætti helst að leggja niður eða skilgreina hann sem hryðjuverkaafl. Í tuttugu ár skömmtuðu þeir sjálfum sér ríkiseignir á vildarkjörum, Þeir komu afkvæmum sínum og mökum inn í bankanna þar sem þeir héldu við stýrið á ofurlaunum á meðan þeir keyrðu bankanna í þrot undir stjórn Björgólfs Thors og fleiri. Þeir hafa selt náttúruauðlindir eða stolið þeim. Eina vitið í dag er að forða sér úr landi því stór hluti þjóðarinnar er haldinn sjálfseyðingarkvöt og mun kjósa þetta lið aftur.

[assa (IP-tala skráð) 9.9.2010 kl. 11:24]

Margrét. Erum við ekki öll búin að gera upp fortíðina hvað það varðar að vitað er að kallað er úlfur úlfur ef Sjálfstæðisflokkurinn er nefndur á nafn? Gerði sá flokkur ekkert gott? Og þú sem komst með youtube linkinn...Var ekki Samfylking með Sjálfstæðisflokknum í stjórn um tíma og úr því að þau sem þar eru eru svona klár og vel gerðar manneskjur, af hverju gerðu þau þá ekkert í þessari spillingu samstarfsfólksins? Auðvitað eigum við ekki að gleyma þeim mistökum sem voru gerð en nú er svo komið að við hreinlega neyðumst til að geyma þau. Það er allt annað mál að gera upp fortíðina en að dragnast endalaust með hana svo boginn í baki að manni finnist maður ekki eiga skilið að geta rétt úr sér. Ég er sammála þér Jakobína að það er eina vitið að forða sér úr landi því við erum hættulega nálægt því núna að búa við kommúnistastjórn og lögregluríki. Ég mun reyndar alvarlega íhuga brottflutning ef af því verður að Steingrímur og Jóhanna selja landsmenn og afkomendur þeirra í hendur þrælahaldara.

[Gísli Ingvarsson, 9.9.2010 kl. 13:50]

Ég legg til að "við Sjálfstæðismenn" leggjum okkur marflöt núna strax og viðurkennum mistök okkar og leggjum fram sannfærandi plan hvernig við ætlum að biðjast afsökunar og bæta ráð okkar. 12 spor ættu að nægja. Það er ekkert betra fyrir okkur að standa með óuppgerða fortíð þegar næstu kosningar koma og þær verða kannski fyrr en síðar. Það verður ekkert auðveldara að þá en nú að ræða þessi mál og það rétt fyrir kjördag. Þarna er ég bara að ráða heilt og hlutlaust. Mér varðar svo sem ekkert hvað Sjálfstæðisflokkurinn gerir við pólitískt líf sitt. Núverandi afstaða þeirra getur aldrei orðið annað en fótakefli.

[Jakobína Ingunn Ólafsdóttir, 12.9.2010 kl. 15:09]

Assa einhvern veginn er mér nákvæmlega sama hvort "þrælahaldararnir" eru útlenskir eða íslenskir. Flokkur sjálfstæðismanna sem kennir sig gjarnan við frjálshyggju hefur skapað í landinu atvinnuhöft og ófrelsi sem hefur verið dæmt sem mannréttindabrot fyrir erlendum dómstólum.