Gamla Ísland í Keflavík

Í Keflavík ræður Sjálfstæðisflokkurinn enn ríkjum. Andi gamla sjálfstæðisflokksins svífur yfir vötnunum. Þar kaupa menn túrbínur fyrir tvo milljarða án þess að hafa fengið tilskilin leyfi til þess að taka slíkt apparat til brúks. Í þessum bæ er búningsklefi fyrir fótboltaliðið leigður fyrir 700.000 á mánuði. Eignir bæjarins hafa verið seldar en eigi að síður hafa skuldir bæjarins margfaldast.

Þróun fjármála bæjarins er lýsandi dæmi um þær hættur sem felast í því að sameignir og völd séu á forræði sjálfstæðismanna. Þetta tengist ekki hægri eða vinstristefnu. Ástandið má frekar rekja til þess að klíkan í stjórn bæjarins hefur verið upptekin við að græða og hygla að vinum sínum en láðst að huga að atvinnuuppbyggingu og velferðarmálum í bæjarfélaginu. Skammtímahugsun og dómgreindarleysi hefur ráðið för við stjórnun bæjarfélagsins rétt eins og dómgreindarleysi og skammtímahugsun réðu för við stjórnun landsmála. 

Sú tilfinning læðist að manni að stjórn bæjarfélagsins hafi átt von á því að gulli tæki að rigna af himnum einn góðan veðurdag. Hegðun þeirra markast af skeitingarleysi við bæjarbúa og trú á að tímabundin fix muni leysa vandann. 

 

Millistéttin missir húsin

Athugasemdir

[Sævar (IP-tala skráð) 1.10.2010 kl. 08:59]

Vandinn er að mestu sjálfskapaður í Reykjanesbæ. Því miður.

[Sigurður K Hjaltested (IP-tala skráð) 1.10.2010 kl. 09:00]

Mikið til í þessu.

Kveðja Sigurður

[Pétur (IP-tala skráð) 1.10.2010 kl. 09:22]

haldiði virkilega að það hafi eitthvað með bæjarstjórnina að gera að fólk er að missa eignir sínar??? Eru skuldir bæjarins að sliga heimilin? Ekki vera svona súr í hugsun... fólk hérna er að missa eignir sínar því það hefur ekki vinnu og velur að eyða þeim litla pening sem það hefur frekar í mat handa börnum sínum en hand ónýt lán af steypu!

[Svanur Gísli Þorkelsson, 1.10.2010 kl. 09:25]

Þetta er eðlilegur gangur í "stéttskiptu" samfélagi. Þetta er bara "millistéttin" sem er á flæðiskeri stödd. Yfirstéttin á nóga peninga og undirstéttin hefur það ekkert verr en venjulega. Hvað er fólk að væla?

[sævar (IP-tala skráð) 1.10.2010 kl. 11:05]

Að það sé ekk skipstjóranum að kenna ef skútan er í stand og ekki bara það heldur langt upp á landi. Að hroðaleg staða Reykjanesbæjar sé ekki bæjarstjórn að kenna. Hmm? er þetta kannski kokknum eða skúringarliðinu að kenna!!!

Reykjanesbær seldi kvótann sinn og kvartar svo yfir því að fá ekki gjafakvóta til að fiska. Bera svo fyrir sig sauð svörtum almúganum í landi sem hefur ekkert gert til saka nema að vera heiðarlegt vinnandi fólk sem lét blekkjast.

Fólkið á alla mína samúð en bæjaryfirvöld verðskulda allt saman. Veldur hver á heldur.

[Adda Þorbjörg Sigurjónsdóttir, 1.10.2010 kl. 11:34]

 Svanur: "Þetta er bara "millistéttin" sem er á flæðiskeri stödd" þetta segir allt sem segja þarf um skynsemi hjá vinstri sinnuðu fólki. Millistéttin eða borgarastéttin eins og hún er oftast kölluð er asninn sem dregur vagninn. Það eru skattpeningar hennar sem halda uppi velferðarkerfinu og menntakerfinu. Til þess að þessi asni dragi vagninn þarf hann að hafa gulrót. Skattpíning þessarar Ríkisstjornar hefur tekið hana, ofan á þetta hefur Ríkisstjórnin ekki gætt hagsmuna þeirra sem tóku lán til að fjárfesta hagkerfið sem gefur afurðirnar á vagninn. Í Reykjanesbæ er forsmekkurinn af því sem koma skal því af hverju ætti þessi millistétt að hanga hér á landi. Ef tekjur hennar eru orðnar ósanngjarnar og eignirnar farnar en menntunin er eftir þá er mun hún sækja þangað sem hún getur framfleytt fjölskyldum sínum.

Hversvegna er ástandið svona í Reykjanesbæ? Héðan hurfu 1100 störf 2006. Ríkisstjórn lofaði mikilli aðstoð við atvinnuuppbyggingu og þessi Ríkisstjórn lofaði að styðja hana áfram sbr. álverið í Helguvík og uppbygginguna á Keflavíkurflugvelli. Stöðugleikasáttmáli var gerður um þetta loforð, þetta var í áætlunum Seðlabankans, Fjárlögum þessarar Ríkisstjórnar, Stjórnarsáttmálanum. Allt tryggt eða hvað? Hvað gerðist?

VG og Svandís Svavarsdóttir í boði Samfylkingar hafa reynt að leggja Suðurnesin í rúst. Önnur niðurstaða finnst ekki nema að VG hafi talið að Suðurnesjabúar hafi flutt brott með hernum?

Svandís hefur hindrað Bitruvirkjun, Suðvesturlínu, Búðarháls, deiliskipulag í Þjórsá þar sem hún hefur verið dæmd logbrjótur, haft áhrif á Orkustofnun á þann hátt að þeir hafa farið fram á endurnýjað deiliskipulag Grindavíkur til þess að fá leyfi til rannsóknarborana þrátt fyrir að hvergi í lögum sé krafist deiliskipulags, hún og Vg vildu ekki friðarflugsveitina ECA, þeim líkaði ekki hverjir áttu í Gagnaverinu, þeir vilja ekki gera samkeppnishæfi gagnavera á Íslandi sambærileg við lönd ESB, hún og Vg hafa gert allt sem þau geta til að hindra einkasjúkrahús á Ásbrú, hindrað útleigu á skurðstofum á Heilbrigðisstofnun Suðurnesja, lagt fjárfesta s.s. Magma í einelti og ofsóknir, ofsótt bæjarstjóra Reykjanesbæjar, sent elítu sína í fjölmiðla að hamast á Suðurnesjabúum og láta sem þeir séu óalandi frekjuskjóður, hefur sjálf lýst því yfir að Suðurnesjamenn þjáist af frekju...... ég get haldið áfram. Með öðrum orðum hún hefur beint eða óbeint hindrað eða laskað hverja einustu framkvæmd sem í gangi er/var á Suðurnesjum.

[Jakobína Ingunn Ólafsdóttir, 1.10.2010 kl. 11:48]

Adda Þorbjörg það er eitthvað í málflutningi þínum sem minnir á klikkuðu karlanna hans Andra Snæs.

það leysir ekki vanda millistéttarinnar að selja arðsemina af auðlindunum til erlendra aðila sem greiða ekki skatt á Íslandi og auk þess skapa sáralitla atvinnu í landinu.

[doctore (IP-tala skráð) 1.10.2010 kl. 11:50]

Það er ekkert að marka hann Svan.. hann heldur td að hann sjálfur muni fljúga um alheiminn sem ljós, eftir að hann er dauður.


Ekki taka bara sjálfstæðisflokk... þetta eru 4flokkar sem ísland þarf að losa sig við með öllum ráðum.. jafnvel hnefum

[Adda Þorbjörg Sigurjónsdóttir, 1.10.2010 kl. 12:00]

Jakobína ég er bara stolt af því. Andri Snær er frábær penni en þráhyggja hans gagnvart virkjunum og þá sérstaklega álverum er banalt. Allir sem ég hef talað við og þekkja jarðhitasvæðið sem nota á til álvers telja það bera 1100 MW.

Vissulega væri frábært ef arðurinn færi allur til innlendra aðila en aðalatriðið er að við þurfum atvinnu en höfum ekki fjármagn til þess að sækja hana. Í stað arðgreiðslna fáum við skatttekjur af atvinnu og veltu innanlands og höldum í mannauðinn okkar. Það er líka mikils virði.

Svo þurfum við að nota útblásturinn til að búa til lífeldsneyti og reka bílaflotann og bátaflotann og þá þurfum við ekki að flytja inn eldsneyti og þannig sparast líka hellingur af gjaldeyri. Best væri ef að hægt væri að vinna úr hluta álsins innanlands og auka virðisaukann og fá Lífeyrissjóðina í að byggja virkjanirnar í stað þess að kaupa áhættufyrirtæki eins og Vestia. Þar er fjármálaelítann enn og aftur að versla við sjálfa sig.

Virkjanir, stóriðjur (í hófi) og slíkt fer alveg saman við umhverfisverndarstefnu ef við erum öll sammála um hvernig og hvað við virkjum.

[Adda Þorbjörg Sigurjónsdóttir, 1.10.2010 kl. 12:03]

Svar þitt Jakobína segir allt sem segir þarf að raunástæða fyrir öllum töfunum er að þið erum á móti álversframkvæmdum og virkjunum. Þið kjósið sem sagt að láta allt drappast niður á Suðurnesjum og ætlist svo til að við kjósum ykkur.

[Jakobína Ingunn Ólafsdóttir, 1.10.2010 kl. 12:27]

Rökin sem þú færir Adda eru skammtímarök. Þú ert að mæla fyrir því að Keflavík ferði reddað í fjögur ár á meðan á uppbyggingu stendur en síðan landið skilið eftir sem blæðandi flak fyrir afkomendur okkar þegar stóriðjan er búið að mjólka það. Þetta er þriðja heims hugsunarháttur sem felur í sér að auðlindir eru seldar erlendum aðilum til þess að halda uppi elítustéttinni.

Nær væri að liða í sundur þetta kvótakerfi sem hefur verið að drepa landsbyggðina og hvetja Keflvíkinga til þess að kaupa sér trillur. Keflvíkingar gætu einnig reist stórkostleg ilver sem myndu tryggja atvinnu til frambúðar fyrir fjölda fólks án þess að ganga of hart að jarðvarmaauðlindunum.

Þröngsýni og græðgi valdastéttarinnar virðist þurrka út hugmyndaríkidæmi sem er það sem þarf til þess að finna bjargálnir við núverandi aðstæður.

[Svanur Gísli Þorkelsson, 1.10.2010 kl. 13:00]

Adda Þorbjörg.

Athugasemd mín her að ofan átti nú að vera kaldhæðni. En hún var greinilega of nálægt hugsunarhætti fólks yfirleitt, til að það heppnaðist.

Það sem mér finnst merkilegt við þessa umræðu er að fólk tekur því nú sem sjálfsögðum hlut að við búum í stéttskiptu þjófélagi hér með íbúafjölda upp á 320.000. (svipaður fjöldi og býr á milli tveggja gatana í ákveðnum hverfum New York)  

Þú gerir það a.m.k. og greinilega þessi viðmælandi fréttamannsins líka.

Ef að sýnt þykir að hugsjónin um stéttlaust þjóðfélag hafi orðið svo illa undir að ekki verði við gert og að svo margir séu samduna stéttskiptu þjóðfélagi að ekki verði til baka snúið,  er þessi þjóðfélagsgerð ekki þess virði að henni sé bjargað. Öll umræða um hver gerði hvað og hvernig á að gera hvað, er ekkert annað en æfing í hugsjónalausum þvættingi og sýndarmennsku. -