Alþingi sefur á meðan landið er selt

Það er verið að færa auðlindir í hendur erlendra fjárfesta sem greiða fyrir góssið með kúlulánum og hrunkrónum.

Suðurnesjamenn hafa fjármagnað mannvirkin og uppbyggingu orkuveitunnar sem nú er komin í eigu ævintýramanns frá Kanada.

Mótmæli Bjarkar og Evu Joly virðast falla í grýtta jörð meðal stjórnmálamanna. 

Það eru liðin tvö ár frá hruni en á þeim tíma hefur máttvana ríkisstjórn ekki gert neitt til þess að tryggja í lögum að allt sé uppi á borðum varðandi viðskipti með auðlindir.

Fram að þessu hafa erlendar fjárfestingar skilað litlu til þjóðarinnar sem hefur kostað og tekur alla ábyrgð vegna mannvirkjagerðar til nýtingar orku.  

Ekki tilefni til frekari aðgerða

Athugasemdir

[Kalli Sveinss (IP-tala skráð) 15.10.2010 kl. 23:39]

Jákvæða Jakobína !

 Aðeins þetta.

 EKKERT landsvæði hefur verið selt !

 Aðeins verið að selja NÝTINGARRÉTT til ákveðins árafjölda.

 Þú segir " erlendir fjárfestar skilað litlu"  Hvað er lítið ?

 Á síðasta ári skilaði álverið á Reyðarfirði BEINT Í ÍSLENSKA ÞJÓÐARBÚIÐ, 28 MILLJÖRÐUM KRÓNA !

 Og mundu - aðeins þessi smágreiðsla á EINU ÁRI . !

 Þú vonandi nærð þessum staðreyndum ?

 Ef ekki núna strax, þá þegar þú ert komin með Cand.mag. gráðuna í stjórnsýslufræðunum !

 Lifðu heil !

[Aðalsteinn Agnarsson, 15.10.2010 kl. 23:57]

Fái þjóðinn frjálsar handfæraveiðar, leysir það allan atvinnuvanda Íslendinga!!!

Þú gætir róið út á litlum bát, með sjóstöng, fiskir þú 100 kg. af þorski á dag,

5 daga vikunar, það gera 2. tonn x 350 kr. kílóið. = 700.000 krónur á mánuði.

Fátækt fólk gæti byrjað svona smátt, sennilega mundir þú fiska miklu meira

en 100 kg. á dag.

Það vantar efndir á loforð Steingr. og Jóhönnu til þjóðarinnar,

stórauknar strandveiðar og frjálsar handfæra veiðar!!!

[Jakobína Ingunn Ólafsdóttir, 16.10.2010 kl. 00:19]

Kalli Sveinss hvað fóru margir milljarðar út á móti tíu, þrjátíu eða fimmtíu. Þeir sem berjast fyrir stóriðju er gjarnt að segja hálfa söguna tala bara um tekjurnar en gleyma að minnast á gjöldin. Ég er búin að kynna mér vel þessi málefni og niðurstaðan er sorgleg.

Ég hef meiri trú á því sem Aðalsteinn segir enda eru engar mútugreiðslur og áróður að á bak við þá sem aðhyllast atvinnufrelsi.

[Kalli Sveinss (IP-tala skráð) 16.10.2010 kl. 10:35]

Jákvæða Jakobína !

 " ... hve margir milljarðar á móti" ?

 Jakobína þó !

 Ekki króna úr ríkissjóði Íslands.

 Hvað er " sorglegt" í málinu ?

 Kannski það að þúsundir fjölskyldna lifa á mannsæmandi kjörum, í öruggri vinnu, njótandi beztu lífsgæða  !

 Lifðu heil !

[Jakobína Ingunn Ólafsdóttir, 16.10.2010 kl. 11:40]

Kalli Sveins það hefur kannski farið fram hjá þér að landsvirkjun er á hausnum vegna afleitra samninga um orkuverð til stóriðju.

Orkuverð til stóriðju er mörgum sinnum lægra hér á landi heldur en hún er seld til sambærilegra aðila á meginlandinu.

Ég vil biðja þig um að fara ekki með forheimskandi þvætting á þessu bloggi. Ef þú vilt afvegaleiða fólk skalt þú gera það á eigin bloggi.

Skatttekjur ríkisins hefur að jafnaði verið 1-3%. Undanfarna áratugi hafa skattgreiðendur greitt með þessum viðskiptum.

Íslenskir framleiðendur og húseigendur greiða niður orkuna fyrir stóriðjuna.

[Kristinn Daníelsson, 16.10.2010 kl. 21:38]

Sæl og blessuð Jakobína.

Enn eitt sprellið frá þér.

Þú ásakar bloggara sem vilja rökræða við  þig um að "fara með forheimskandi þvætting". Þeir eru ekki margir pistlarnir frá þér sem byggja á staðreyndum. Ekki hefur þú heldur fyrir því að rökstyðja fullyrðingar þínar.

Er Landsvirkjun á hausnum? Veist þú betur en forstjórinn? Í fréttum nýlega kom fram að bókfært eigið fé er um 200 milljarðar. Í þínum eyrum hljómar þetta sjálfsagt eins og froða því ekki get ég ímyndað mér að þú trúir þessu. Væntanlega trúi þú ekki heldur að Landsvirkjun gæti greitt niður allar sínar skuldir á 10-12 árum ef ekki yrði greiddur út arður eða nýjar framkvæmdir hafnar.

Ef ég og aðrir orkukaupendur í þessu landi erum að greiða niður orku til til stóriðju þá þætti mér vænt um að þú rökstyddir það áður en ég tek mér mótmælastöðu fyrir framan höfuðstöðvar Landsvirkjunar.

Vel má vera að orkuverð sé hér lægra en annarstaðar en það er lágmarkskurteisi á svona vettvangi að færa rök fyrir máli sínu. Nýlega opinberaði forstjóri Landsvirkjunar orkuverð til stóriðju. Þú ættir að kynna þér þær tölur og bera þær saman við tölur erlendis frá og opinbera þær á bloggi þínu til stuðnings fullyrðingum þínum.

Það ert þú sem ert að afvegaleiða fólk með endalausum órökstuddum fullyrðingum.

Góðar stundir

[Jakobína Ingunn Ólafsdóttir, 18.10.2010 kl. 15:02]

Kristinn ég hef skoðað ársreikninga Landsvirkjunar. Þeir segja sína sögu. Ég hef kannað þessi mál ágætlega og lesið bloggið hans Ketils Sigurjónssonar sem hefur kannað þessi mál rækilega. Þú ferð með fleipur þegar þú segir að ég byggi ekki málflutning minn á gögnum.

Skuldir Landsvirkjunnar eru í lok árs 2009, 350 milljarðar og endurfjármögnun ótrygg. Ef tekið er mið af tveim síðustu árum er arðsemi eiginfjárs neikvæð um 7%.

Áður en þú ferð að andmæla því sem ég segi þá væri vert að skoða arðsemi orkusölu til stóriðjunnar annars vegar og arðsemi vegna sölu til innlendra aðila hins vegar. Þetta hefur ekki verið sett skýrt fram svo ég viti.

[Jakobína Ingunn Ólafsdóttir, 18.10.2010 kl. 15:06]

Ps. venjulega fara fyrirtæki í þrot þegar þau vaxa of hratt og lenda í hremmingum með lausafjársstöðu. Eigið fé getur verið mjög jákvætt en fyrirtæki eigi að síður lent í gjaldþroti. Ég hef í aldrei heyrt um fyrirtæki sem hefur lent í gjaldþroti vegna eiginfjárþurrðar per sei.

[Kristinn Daníelsson, 18.10.2010 kl. 21:48]

Það er gott Jakobína að þú skulir vitna í Ketil Sigurjónsson því af honum gætir þú lært að færa rök fyrir máli þínu. Hann rökstyður sitt mál oft mjög ítarlega og vitnar í heimildir.

Ketill er gagnrýninn á margt og ýmislegt í rekstri og fjárhag Landsvirkjunar en að hún sé á hausnum hef ég ekki séð í hans málflutningi.

Arðsemi eigin fjár 2009 var 14% og 2008 var hún -21,5. Arðsemi eigin fjár síðustu 2 ár er - 2,3% það er eigið fé 2007 var 1,6 millj $ og 2009 1,56 millj $. Þetta kemur fram í reikningum Landsvirkjunar. Ef notaðar eru þínar aðferðir þá er arðsemi undanfarinna 4 ára 51% en ekki 37%. Sjá má reikningana á heimasíðu Landsvirkjunar.

"Áður en þú ferð að andmæla því sem ég segi þá væri vert að skoða arðsemi orkusölu til stóriðjunnar annars vegar og arðsemi vegna sölu til innlendra aðila hins vegar. Þetta hefur ekki verið sett skýrt fram svo ég viti."

Ofangreind setning er einhver skrítnasti málflutningur sem ég hef séð. Að áður en ég andmæli þér þá sé vert að skoða hluti sem aldrei hafa verið settir skýrt fram. Fyrirgefðu en ég ætla ekki að reyna að svara þessu.

Mér sýnist á síðustu athugasemd þinni að þú þekkir ekki mun á gjaldþroti og greiðsluþroti. Eins fara fyrirtæki ekki í þrot vegna vaxtarins per sei heldur vegna þess að útgjöld vaxa hraðar en tekjurnar.

Góðar stundir