Andi félagshyggju og jöfnuðar

Þegar niðurstöður þjóðfundar eru skoðaðar virðist það aðalega vera fjórflokkurinn sem aðhyllist

 frumskógarlögmálið og brauðmolakenningar.

Venjulegt fólk sem mætir á þjóðfund vill standa vörð um velferðarkerfið, tryggja mannréttindi og auka lýðræði.

Niðurstaða þjóðfundarins er nánast samhljóma stefnuskrá minni vegna framboðs til stjórnlagaþings.

Sjá hér: http://framtidislands.is/?page_id=131

og einnig hér:  http://www.facebook.com/notes/jakobina-ingunn-olafsdottir/stefnumid-fyrir-stjornlagabing/167022039981460

Þetta segir mér að ég er venjuleg og telst til þjóðarinnar. Ég hef einatt verið talin vera róttæk en þá hlýtur þjóðin líka að vera róttæk.

Myndin hér til hliðar er tekin á kaffihúsi eftir mótmæli gegn Icesave við Bessastaði. 

Ég vil bjóða fram þekkingu, reynslu og framtíðarsýn á stjórnlagaþingið. Ég vil fara með óskir fólksins inn á þetta þing og gera þær að veruleika.

Í farteskinu hef ég Cand. Mag. gráðu í stjórnsýslufræði, M.Sc. í stjórnun auk þess sem ég hef lokið við að skrifa doktorsritgerð í menntunarfræðum.

Ég ólst upp í sjávarþorpi með fimm systkinum, byrjaði að vinna í fiski þrettán ára. Ég á fjögur börn og stend ekki í þakkarskuld við neina valdablokk né heldur neinn stjórnmálaflokk.

Þeir sem vilja sýna framboði mínu stuðning geta farið inn á þennan link og ýtt á LIKE: 

 Jakobína Ingunn Ólafsdóttir á stjórnlagaþing

Grunngildin skýrð á þjóðfundi

Athugasemdir

[Friðrik (IP-tala skráð) 6.11.2010 kl. 20:19]

"Einn lífeyrissjóður" er fáránlegt hugtak.

[Jóhannes Laxdal Baldvinsson, 6.11.2010 kl. 20:42]

Ég set kröfuna um snjólaust Ísland á oddinn

[Dúlli (IP-tala skráð) 6.11.2010 kl. 21:20]

Ég er líka ofsalega svag fyrir svona innihaldslausum frösum, merkingarlausum slagorðum og tilfinningaþrungnum upphrópunum.

[Jakobína Ingunn Ólafsdóttir, 6.11.2010 kl. 21:24]

þetta með einn lífeyrissjóð er ekki inni í stefnuskránni hjá mér. Hins vegar vil ég fá vinnuveitendur út úr lífeyrissjóðunum og koma þeim í hendur launþega.

Skil eiginlega ekki hvernig þetta lífeyrissjóðsdæmi hefur ratað þarna inn. (kannski uppástunga frá Jóhönnu en henni var boðið á fundinn)

Jóhannes ætli skíðamenn verði þá ekki spældir:)

[Sleggjan og Hvellurinn, 6.11.2010 kl. 22:09]

Einn lífeyrissjóður er mjög gott. Af hverju að hafa marga smákónga með milljón á mánuði sem fjárfesta hvort er í sama shittinu :)

[Jakobína Ingunn Ólafsdóttir, 6.11.2010 kl. 22:28]

Ég hef ekki spáð í þetta með einn lífeyrissjóð. Það er kannski ekki svo vitlaust. Hefur ekki verið í umræðunni en kannski ætti maður að velta þessu fyrir sér.

Ef ég get fundið á því einhverja smugu vil ég setja ákvæði í stjórnarskránna sem fælir vinnuveitendur úr úr lífeyrissjóðunum og tryggir þar lýðræðislega aðkomu launþega og lýfeyrisþega.

[Aðalsteinn Agnarsson, 6.11.2010 kl. 23:24]

Frjálsar handfæra veiðar fyrir alla Íslendinga sem áhuga hafa,

leysir fátæktar og atvinnu vanda fólksins í landinu!

[Jakobína Ingunn Ólafsdóttir, 6.11.2010 kl. 23:48]

Aðalsteinn þú veist að ég er lagjörlega sammála þér í þessu. Stuðlar að sjálfbærni, náttúruvernd, minni mengun og meiri atvinnu. Er hægt að biðja um betra.

[Aðalsteinn Agnarsson, 7.11.2010 kl. 01:03]

Jakobína, þú ert flott!