Hverjir eru hetjurnar?

Stjórnmálamenn vaða gjarnan fram á völlin og lýsa eigin ágæti og hetjudáðum sínum við "endurreisnina". þeir tala um batnandi efnahagshorfur á meðan í raun allt er í kalda koli.

Ég held að stjórnmálamönnum í forystu flokkanna sé alveg sama hvernig mannlífið er á Íslandi svo fremi sem þeir geti Þóknast alþjóðasamfélaginu og fjármagnseigendum. Að niðurstöðurnar í seðlabankanum skili réttum kennitölum.

Það er ömurlegt að sjá eftir fjölskyldumeðlimum úr landi. Að þurfa að skilja eftir hér á landi það sem fólk hefur byggt upp í lífshlaupinu. Fjölskylduna, vini, aðstöðu og menninguna sem það þekkir. 

Yfirvöld og alþjóðagjaldeyrissjóðurinn hafa ekki tekið þennan þátt með í sínum útreikningum. 

Skattgreiðendur halda stjórnmálamönnum og embættismönnum uppi á feitum launum og síðan eftirlaunum (sjálfteknum ofureftirlaunum). 

Velferð skattgreiðenda virðist þó ávallt vera aukaatriði hjá stjórnmálastéttinni.

Hætt við að færri komi aftur

Athugasemdir

[Aðalsteinn Agnarsson, 23.4.2011 kl. 18:24]

Sjaldan launar kálfur ofeldi, allavega ekki Steingrímur og Jóhanna,

14.000 atvinnulausir og 8.000 flúnir landið, enn er óefnt það sem þau voru

kosin út á, innköllun kvótans og frjálsar handfæraveiðar.

þau hefðu getað leyst byggða, fátæktar og atvinnuvanda Íslendinga

fyrir 2 árum síðan, en ekkert gerist.

[Gunnar Heiðarsson, 23.4.2011 kl. 20:00]

Sæl Jakobína.

Þau atriði sem þú nefnir, fjölskylda, vinir, aðstaða og menning, rúmast ekki innan EXEL. Því eru þessi atriði hagfræðingum og fjármálasnillingum hulin!

Á þeim bænum er horft upp á blákaldar tölur, vandinn er að þessum "snillingum" virðist einnig fyrirmunað að hugsa rökrétt eða fram í tímann. Þeir nota gjarnan tölur frá fyrra tímabili og gera sína EXEL töflur og spádóma út frá þeim!

[Jakobína Ingunn Ólafsdóttir, 23.4.2011 kl. 20:16]

Já það er eins og við höfum fengið geimverur sem ekki skilja jarðlífið til þess að stjórna landinu.

[Óskar Arnórsson, 23.4.2011 kl. 22:53]

...nema það séu geimverur sem séu komnir til að stjórna jörðinni því jarðarbúar skilja ekki jarðlífið...? ;)