Varúð, lélegt blogg!

Ekki eru allir hrifnir af þessu bloggi.

Gunnlaugur Sigmundsson fyrrverandi þingmaður fordæmir það en hann segir:

Sæl Jakobína það er alveg makalaust að lesa bullið í þér. Þú segist vera að vinna doktorsritgerð við Háskóla Íslands en skrifar ítrekað bull og hreinar lygar á opinberum vettvangi, skrif sem oftar en ekki eru klár meiðyrði.

Nú svo er Einar Ólafsson ósáttur við heimildanotkun:

Jakbobína ætti að vita það eftir að hafa stundað háskólanám, en allir virtir háskólar, sem og kennarar, banna að nota wikipediu sem heimild.

Og ekki er Grétar sáttur við þekkingu mína og afstöðu til sjálfstæðisflokksins:

Hefur þú eitthvað fylgst með skólastarfi á Íslandi síðustu áratugi? Þessi lýsing þín á skólastarfi er eins fjarri sannleikanum og hugsast getur. Og frasinn með að sjálfstæðisflokkurinn hafi komið okkur í skítinn er orðinn þreyttur.

Já það er ömurlegt að vera lélegur bloggari.

	Á lúxusjeppa með stolin blóm
Ábyrgðarmaður færslu Tenging við þessa frétt hefur verið rofin vegna kvartana.

Athugasemdir

[Gunnar Th. Gunnarsson, 23.4.2011 kl. 20:44]

Þessar "ásakanir" eiga rétt á sér... ertu ekki manneskja til að viðurkenna það?

[Ómar Gíslason, 23.4.2011 kl. 21:04]

Alltaf gaman þegar allir aðrir vilja hafa vit fyrir manni! Voru það ekki bankarnir sem vildu hafa þetta vit fyrir okkur og hvar eru þeir núna? Og ekki vantaði styrkinn frá Háskólaumhverfinu yfir hinu frábæra viðskiptabankaumhverfinu okkar hins liðins tíma. Er þetta líka kannski sömu menn núna sem vildu að við segðum Já?

[Margrét Sigurðardóttir, 23.4.2011 kl. 21:08]

Jakobína, bloggið þitt er eitt af þeim allra bestu.

• Gunnlaugur Sigmundsson hjá fyrsta einkavinavædda ríkissfyrirtæki Íslands hefur eitthvað að verja.
• Varstu að nota Wikipedia sem heimild í doktorsritgerðinni?
• Það líða a.m.k. 18 ár þangað til við gleymum því að sjálfstæðisflokkurinn kom okkur í skítinn.

[Jakobína Ingunn Ólafsdóttir, 23.4.2011 kl. 22:05]

Gunnar var ég ekki einmitt að vara fólk við þessu bloggi?

Jú Ómar vildu hafa vit fyrir okkur og vilja núna að við þegjum.

Þakka þér fyrir Magga.

[Gunnar Heiðarsson, 23.4.2011 kl. 22:40]

Það er ekkert blogg lélegt. Fólk setur sínar hugmyndir fram í þeim og vissulega eru blogg ekki ritgerðir við háskóla og svo sannarlega eru ekki allir sammála. Hvað væri heldur gaman af því?

Ég kíki oftar inn á þau blogg sem ég tel vera andstæð mínum hugsunum, svona til að fá smá innblástur.

Tjáningarfrelsi er dýrmæt eign. Það höfum við Íslendingar, enn a.m.k. og eigum að njóta þess.

Meðan fólk er ekki með persómuleg níð hvert á annað er mér sama hvað það segir og þykir gaman að lesa skrif þeirra sem eru mér andstæði í hugsun. Persónuleg níð eru þó svartur blettur hjá sumum sem tjá sig í bloggheimum. Þá er ég ekki að tala um þegar opinberar persónur eru uppnefndar, heldur þegar verið er að ráðast á einstaklinga. Þetta er ljótur leikur og á ekki að þekkjast.

Þegar ég álpast inn á síður sem innihalda slíkt níð, hef ég það fyrir venju að koma ekki oftar þar inn. Ástandið hjá okkur Íslendingum er nógu slæmt þó við séum ekki að stunda slíkan leik.

[Jakobína Ingunn Ólafsdóttir, 23.4.2011 kl. 22:50]

Já Íslendingar virðast ekki vera með reglurnar á hreinu. Það er að öllu jöfnu leyfilegt að gagnrýna opinberar persónur og það má beita til þess ýmsum aðferðum. Hins vegar skal hafa varúð þegar að prívat persónur eiga í hlut. Ég er t.d. rétthærri en Gunnlaugur Sigmundsson úr frá þessari kríteríu.

Nú svo ætlast fólk til þess að maður sé í liði. Ég hef fengið fúkyrðaflauminn yfir mig fyrir að styðja náhirðina vegna þess að ég var á móti því að samþykkja Icesave. Sjálfstæðismenn ráðast á mann arfavitlausir þegar kvótakerfið er gagnrýnt o.s.frv. 

Ég tel umræðuna vera orðna vel þroskaða þegar fólk getur gagnrýnt þann flokk sem það hefur sjálft kosið og þegar það kýs ekki sama flokkinn lengur af gömlum vana. Það væri gott aðhald á stjórnmálamenn. 

[Eyþór Örn Óskarsson, 24.4.2011 kl. 02:08]

Ég verð að viðurkenna að mér finnst svolítið gaman að kíkja á bloggin þín Jakobína og finnst þú geta huggað þig við máltækið að "aumur er umtalslaus maður"

[bibsi bops (IP-tala skráð) 24.4.2011 kl. 02:26]

Hvernig tengist þetta fréttinni sem þú tengir við?

[Jakobína Ingunn Ólafsdóttir, 24.4.2011 kl. 02:40]

Ég einbeiti mér svolítið að stolnum blómum á lúxusjeppum.

Þessi frétt er mjög tákræn fyrir ástandið á Íslandi í dag þar sem gráðugir einstaklingar á lúxusjeppum stela öllu steini léttara.

Ég hef einbeitt mér að því að pirra svoleiðis lið á þessu bloggi. 

[Axel Jóhann Hallgrímsson, 24.4.2011 kl. 09:22]

Þetta Kögunar-mál kann að vera skýringin á krónískum kinnroða Sigmundar.

[Lúðvík Júlíusson, 24.4.2011 kl. 10:11]

Sæl Jakobína, við erum oft "skemmtilega" ósammála.  Hins vegar hefði mér fundist áhugavert ef Gunnlaugur hefði komið með gögn(slóðir) sem gætu rökstutt hans mál betur.

kv. Lúðvík

[Hrafn Arnarson (IP-tala skráð) 24.4.2011 kl. 11:17]

Haltu bara þínu striki, Jakobína. Hluti athugasemda eru nafnlausar og merkingarlausar.  Það sama gildir reyndar um þær sem eru skrifaðar undir nafni. Gunnlaugur Sigurðsson er ekki örugg heimild nema um undirheima fjármálalífsins og öll bakherbergin í Framsókn.

[Gunnlaugur M. Sigmundsson (IP-tala skráð) 24.4.2011 kl. 14:16]

@ Lúðvík Júlíusson. Sæll Lúðvík þú ferð fram á að ég leggi fram gögn eða "slóð" sem rökstyðji mál mitt betur þegar ég reyni að andæfa þeim lygum og þeirri vitleysu sem gengur á netinu, að Kögun hf hafi verið ríkisfyrirtæki og að undirritaður hafi komið að einkavæðingu þess. Kögun hf var frá upphafi hlutafélag og ríkið átti aldrei eina krónu í því félagi. Finnst þér sanngjarnt Lúðvík að ég þurfi að vera að sanna þetta til að verjast ritsóðunum? Jakobína Ingunn Ólafsdóttir segir hér að framan að hún sé rétthærri en ég þegar kemur að skrifum á opinberum vettvangi. Það er sérkennilegt réttarfar sem sú kona aðhyllist. Ef þú Lúðvík og aðrir sem þetta lesa viljið, ólíkt nefndri Jakobínu, vita sannleikann um Kögun er þér velkomið að hitta mig og fá að heyra sannleikann. Vilji viðkomandi heldur skoða sannleikann á netinu þá má t.d. vísa þér og öðrum sem taka sannleikann fram yfir lygina á að lesa skráningarlýsingu Kögunar hf sem ætti að vera aðgengileg á vef Kauphallar Íslands. Við þá hér á netheimum sem taka sögusagnir, hysteríu og lygi fram yfir sannleikann minni ég á háðuglega útreið þeirra sem mest höfðu sig í frami í umræðu um meint hundshvarf ( Lúkas ) á Akureyri. Sumu fólki finnst lygi og illmælgi meira spennandi til að dreifa á netið en skrifa um sannleikann slíkt háttalag lýsir bara innra eðli hlutaðeigandi það breytir ekki sannleikanum í reynd. Gleðilega páska.

[Rósa Halldórsdóttir (IP-tala skráð) 24.4.2011 kl. 14:52]

Gunnlaugur. Hverjir fengu að kaupa hlutabréf í Kögun? Var það auglýst til sölu?

[Jakobína Ingunn Ólafsdóttir, 24.4.2011 kl. 15:06]

Gunnlaugur Sigmundsson auðvitað finnst þér gott að lúra á fjármagninu sem þú græddir Kögunarævintýrina en þú vilt hins vegar ekki að tilurð þess auðs sé rifjuð upp. Þú virðist vera hálf móðursjúkur yfir notkun á orðinu einkavæðingu sem er reyndar orð sem ég hef ekki tekið mér í munn. Þú kannast við fyrir tæki sem hét þróunarfélag Íslands. Þú kannast við að þróunarfélag Íslands var ríkisfyrirtæki sem síðar varð meginuppistaðan í Kögun. Þú kannast væntanlega við makkið í utanríkisráðuneytinu sem tryggði Kögun einokun á þjónustu fyrir varnarliðið og síðar flugvöllinn. Þú kannast kannski við að þessi óefnislega auðlind hafnaði í faðmi fjölskyldu þinnar. Þú kannast trúlega við að þú hafðir innherja aðkomu að þessum viðskiptum. Bæði seldir og keyptir. Ég held að þú ættir að skammast þin fyrir þína eigin framkomu. Og þegar ég tala um þessi mál er ég að tala um þig sem opinbera persónu en ekki þína prívat persónu. Ég er hins vegar ekki opinber persóna. Bara venjuleg kona úti í bæ sem þú ert að ráðast á með sóðaorðbragði. Það snertir mig þó ekki en hittir þig sjálfan fyrir.

[Jakobína Ingunn Ólafsdóttir, 24.4.2011 kl. 15:12]

Jú það hefur ýmislegt verið skrifað um framsóknarspillinguna á netinu, t.d. þetta:

Annað ríkisfyrirtæki, sem afhent var Framsóknarmönnum, snertir einmitt föður hins nýja formanns. Gunnlaugur Sigmundsson var jú þingmaður Vestfirðinga um tíma og kom þá að starfsemi ratsjárstöðvarinnar á Bolafjalli, ásamt fleiri ratsjárstöðvum. Hann fékk þann bitling að vera stjórnarformaður Þróunarfélags Íslands  og síðan Kögunar sem sá um rekstur ratsjárstöðvanna, fyrst fyrir bandaríska herinn og síðan fyrir íslenska ríkið.  Hann sá síðan um sölu Kögunar fyrir hönd ríkisins og keypt það svo sjálfur á góðu verði!!

[Jakobína Ingunn Ólafsdóttir, 24.4.2011 kl. 15:21]

Gunnlaugur Sigmundsson var stjórnarformaður þróunarfélags Íslands sem heyrði undir utanríkisráðuneytið, pólitíkt skipaður.

[Jakobína Ingunn Ólafsdóttir, 24.4.2011 kl. 15:24]

KÖGUN hf. fékk með samningi 22. maí 1989 einkarétt utanríkisráðuneytisins til að annast rekstur og viðhald nýs ratsjárkerfis ratsjárstöðva varnarliðsins hér á landi. Einkarétturinn fól í sér mikil verðmæti til framtíðar, og því voru mikil dulin verðmæti fólgin í félaginu. Vegna þessa skilyrti utanríkisráðuneytið einkaréttinn því að eignarhald í félaginu yrði mjög dreift.

Fimmta grein samnings utanríkisráðuneytisins og Kögunar frá 22. maí 1989 er svohljóðandi: "Kögun hf. skuldbindur sig til að afhenda varnarmálaskrifstofu utanríkisráðuneytisins árlega skrá yfir eigendur hlutafjár í félaginu og hlutafjáreign þeirra. Jafnframt mun félagið tilkynna varnarmálaskrifstofunni tafarlaust ef einhver einn hluthafa hefur eignast meira en 5% heildarhlutafjár."

Gunnlaugur M. Sigmundsson, alþingismaður, var framkvæmdastjóri Þróunarfélags Íslands og framkvæmdastjóri Kögunar 1993 og stór hluthafi í Kögun, þegar hann seldi stjórn Kögunar, sem hann átti einnig sæti í, 58% eignarhlut Þróunarfélagsins í Kögun, á fjórföldu nafnverði. Gengi bréfa í Kögun í dag er 56-falt nafnverð. Stjórn Kögunar ákvað eftir kaupin að færa niður hlutafé eigin bréfa og við lækkun hlutafjárins dreifðust hin duldu verðmæti tilheyrandi lækkunarfjárhæðinni á aðra hluthafa, jafnframt því sem hlutur hvers hluthafa jókst.

Gunnlaugur M. Sigmundsson og eiginkona hans eiga í dag 27% hlut í Kögun og samkvæmt því gengi sem er á bréfum í Kögun er hlutur þeirra 129,6 milljóna króna virði.

Eftirlaunasjóður starfsmanna Kögunar á yfir 30% í fyrirtækinu og þannig eiga tveir aðilar tæp 60% í Kögun. Við stofnun félagsins var miðað við að hver hluthafi, 37 hugbúnaðarfyrirtæki, ætti 0,7% hlut, Félag íslenskra iðnrekenda átti 3% og Þróunarfélag Íslands átti 71%, sem það hugðist síðan selja í 0,7% hlutum, til þess að tryggja hina dreifðu eignaraðild, sem utanríkisráðuneytið setti sem skilyrði fyrir einkaréttinum.

[Jakobína Ingunn Ólafsdóttir, 24.4.2011 kl. 15:34]

Án vitneskju stjórnar Þróunarfélags íslands, samkvæmt því sem heimildir herma,
keypti Gunnlaugur M. Sigmundsson jafnóðum þá hluti sem voru falir, þ.e.a.s.
aðra hluti en hluti Þróunarfélagsins. Það hefur fengist staðfest hjá hugbúnaðarfyrirtækjum em voru með í stofnun Kögunar, að Gunnlaugur hringdi í forsvarsmenn þeirra og falaðist eftir hlut þeirra í Kögun sem þeir höfðu skráð sig fyrir í upphafi og höfðu þegar greitt. Þessa tegund viðskipta hóf Gunnlaugur mjög snemma og hann hafði náð því að verða nálægt 12% eigandi að Kögun hf. fyrir árslok 1992. Samkvæmt heimildum blaðsins mun ekkiutanríkisráðuneytinu hafa verið tilkynnt um þetta á þeim tíma.

[Jakobína Ingunn Ólafsdóttir, 24.4.2011 kl. 15:37]

Gunnlaugur Sigmundssson ferill:

 Stúdentspróf MR 1970. Viðskiptafræðipróf HÍ 1974. Námskeið á vegum Alþjóðagjaldeyrissjóðsins í Washington 1976.
      Starfsmaður fjármálaráðuneytis 1974-1982. Starfsmaður Alþjóðabankans í Washington 1982-1984. Forstjóri Framkvæmdastofnunar ríkisins 1985. Forstjóri Þróunarfélags Íslands hf. 1986-1993. Forstjóri Kögunar hf. 1993-2006. Stjórnarformaður HLAÐBÆR-COLAS hf. Framkvæmdastjóri Máttar ehf. síðan 2006.
      Í þingmannanefnd EFTA/EES 1995 og fulltrúi í Þingmannasamtökum Norður-Atlantshafsríkjanna 1995. Hefur setið í fjölmörgum öðrum opinberum nefndum og stjórnum fyrirtækja bæði hérlendis og erlendis.

      Alþingismaður. Vestf. 1995-1999 (Framsóknarflokkur.).

[Jakobína Ingunn Ólafsdóttir, 24.4.2011 kl. 15:39]

Egill Helgason segir um kauða á bloggi sínu:

Gunnlaugur Sigmundsson er einn af spillingarmönnunum sem auðguðust á gráa svæðinu milli stjórnmála og viðskipta.

Kögunarhneykslinu var sópað undir teppi – en það er ekki gleymt.

Gunnlaugur naut þess að tengjast Framsóknarflokknum. Flokkurinn gerði hann ríkari, nánast gaf honum fyrirtæki sem hann stórauðgaðist á. Í reynd má segja að hann hafi verið í þeirri stöðu að selja sjálfum sér fyrirtækið.

Hið sama má segja um annan gosa, Finn Ingólfsson, sem nú virðist vera um það bil að tapa hlut sínum í Icelandair. Hann varð ríkur af þátttöku sinni í stjórnmálum – á þessu sama gráa svæði.

Það er ankanalegt – og ámáttlegt – að heyra mann eins og Gunnlaug kvarta undan því viðskiptalífið að færast í hendur ríkisins. Hann er vond heimild um það.

Í frétt AMX sem er vísað í hér stendur orðrétt að Finnur Ingólfsson hafi verið „ráðherra Framsóknarflokksins og Giftar“.

Þetta er freudískt mismæli – en auðvitað alveg hárrétt.

Svo má nefna að ef gegnsæið fer ekki að aukast í skilanefndum bankanna, og ef ekki verða settar almennar og skýrar reglur um útdeilingu verðmæta úr þeim, þá er hætt við að við sitjum uppi með ansi mikið af mönnum af sauðahúsi Gunnlaugs og Finns næstu áratugina.

[Jakobína Ingunn Ólafsdóttir, 24.4.2011 kl. 15:52]

Hvað sem um menntun Sigmundar Davíðs má segja þá er hann afsprengi spillingarmafíu framsóknarflokksins sem styður brautargengi hans í stjórnmálum.

[Lúðvík Júlíusson, 24.4.2011 kl. 16:32]

Sæll Gunnlaugur,

þar sem ég datt inn á þetta blogg og veit lítið um Kögunar"málið" þá var ég forvitinn að vita meira.  Þess vegna var ég áhugasamur að vita hvort þú gætir ekki einfaldlega bent mér(og okkur) á hvar ég gæti fundið útskýringar á þessu máli.

Ég ákvað að leita að upplýsingum um málið og fann, það sem mér fannst góðar, útskýringar á þessu.

Hvítbók: Kögun

Sæl Jakobína, á næstu mánuðum á að leggja fram frumvarp á Alþingi sem færir miklu meiri auð frá almenningi til auðmanna en dæmi eru um á síðustu árum.  Ég hef spurt þingflokk Framsóknarflokksins, líka SDG, hvort þau þekki málið og hvaða afstöðu þau taka til þess.  Ég vona að ég heyri í þeim eftir páska.  Er þér kunnugt um þetta mál?

Ég er allt annað en sammála pólitískum skoðunum SDG en er ekki skynsamlegra að dæma hann af því hvernig hann vinnur en hvaðan hann kemur?

kv. Lúðvík

[Jakobína Ingunn Ólafsdóttir, 24.4.2011 kl. 17:07]

Sæll Lúðvík,

Hér er líka linkur á Hvítbók: Kögun sem er ekki sérvalinn. Og hér er annar.

Hvað varðar Sigmund Davíð þá kann ég ágætlega við hann og tel hann mörgum góðum kostum búin en hann er ekki trúverðugur í stjórnmálum. Hvers vegna? Vegna þess að hann tengist bæði með beinum og óbeinum hætti fortíðarspillingunni. 

Gunnlaugur Sigmundsson hefur verið í samstarfi við bæði Karl Wernersson og Einar Sveinson. Sigmundur er ekki eini stjórnmálamaðurinn sem er þessu marki brendur. Bjarni Benediktsson er á sama hátt innviklaður í þessa mafíu. 

Og Lúðvík ég veit ekki hvað þú átt við með því að á Alþingi sé verið að leggja fram frumvarp sem færir miklu meiri auð frá almenningi til auðmanna en dæmi eru um á síðustu árum.

Ef þetta er rétt þá er það áhyggjuefni og sýnir að spillingin lifir góðu lífi. Þú mátt gjarnan linka á þetta frumvarp. 

[Lúðvík Júlíusson, 24.4.2011 kl. 17:16]

Jakobína, ég mun linka á frumvarpið um leið og það verður lagt fram.  Það verður gert fyrir 31. ágúst á þessu ári en hugmyndir um það voru kynntar hér.

[Jakobína Ingunn Ólafsdóttir, 24.4.2011 kl. 17:20]

Það rifjast upp fyrir mér að ég skrifaði pistil um þá erfðaprinsa spillingarmafíu sjálfstæðisflokks og framsóknarflokks, Sigmund Davíð og Bjarna Ben, árið 2009.

Báðir tengjast með beinum eða óbeinum hætti viðskiptamafíunni.

Það er einfaldlega þannig að þetta er fólkið sem ég vil losna við úr stjórnmálum.

Ögmundur Jónsson talar um dauðalista sem er í sjálfu sér ámælisvert orðfæri.

En ég gæti hæglega búið til lista yfir þingmenn sem ættu að koma sér út af þingi vegna krosstengsla og viðskiptaspillingar. Málefni sem tekið er vel á í rannsóknarskýrslunni og hrunið er rakið til.

[Jakobína Ingunn Ólafsdóttir, 24.4.2011 kl. 17:21]

Þakka þér fyrir Lúðvík.

[Jakobína Ingunn Ólafsdóttir, 24.4.2011 kl. 17:24]

Lúðvík linkurinn er ónýtur

[Lúðvík Júlíusson, 24.4.2011 kl. 17:30]

virkar þessi?

[Jakobína Ingunn Ólafsdóttir, 24.4.2011 kl. 18:04]

já

[Jakobína Ingunn Ólafsdóttir, 24.4.2011 kl. 18:16]

Svona voru fréttir af aðkomu Gunnlaugs fyrir nokkru síðan:

Gunnlaugur M. Sigmundsson, alþingismaður, var framkvæmdastjóri Þróunarfélags Íslands og framkvæmdastjóri Kögunar 1993 og stór hluthafi í Kögun, þegar hann seldi stjórn Kögunar, sem hann átti einnig sæti í, 58% eignarhlut Þróunarfélagsins í Kögun, á fjórföldu nafnverði. Gengi bréfa í Kögun í dag er 56-falt nafnverð.

Ef þetta er ekki kallað spilling í stjórnmálum hvað er þá spilling í stjórnmálum?

[Gunnar Th. Gunnarsson, 24.4.2011 kl. 20:01]

Þetta virkar eins og þú sért að reyna að "drekkja" athugasemd Gunnlaugs.

Þú vitnar í allskyns fullyrðingar sem finna má á netinu, til þess að yfirgnæva rödd þess er málið varðar. Þetta er þekkt aðferðarfræði í rökræðum. Gjamma nógu hátt svo sannleikurinn fái ekki að komast að.

[Gunnar Th. Gunnarsson, 24.4.2011 kl. 20:05]

Það væri heiðarlegra af þér að hreinlega eyða athugasemd Gunnlaugs, frekar en að reyna að fela hana í svona æðibunu, sem að hluta er algjörlega óviðkomandi málefninu.

[Jakobína Ingunn Ólafsdóttir, 24.4.2011 kl. 20:10]

Gunnar þakka þér fyrir að leiðbeina mér hvernig ég á að haga mér á mínu bloggi.

[Jakobína Ingunn Ólafsdóttir, 24.4.2011 kl. 20:23]

Kannski væri eðlilegt að þú hafir eitt í huga Gunnar. Í skrifum mínum er ég að vega að Gunnlaugi sem stjórnmálamann, opinberri persónu sem brást grundvallarskyldum um eðalilega og siðlega hegðun i opinberu starfi. Þetta kemur mér við vegna þess að Gunnlaugur brást skyldum sínum við mig eins og aðra skattgreiðendur þegar hann ákvað að auðgast á minn kostað og annarra skattgreiðenda.

Ég hef hins vegar engar skyldur gagnvart Gunnlaugi og hann fer því yfir strikið þegar hann ræðst að mér með sóðalegu orðbragði.

[Gunnar Th. Gunnarsson, 24.4.2011 kl. 20:29]

"Þetta kemur mér við vegna þess að Gunnlaugur brást skyldum sínum við mig eins og aðra skattgreiðendur þegar hann ákvað að auðgast á minn kostað og annarra skattgreiðenda."

Þarna sýnist mér þú vera bæði rannsakandi, dómari og böðull.

[Jakobína Ingunn Ólafsdóttir, 24.4.2011 kl. 20:49]

Það er þitt mat sem rannsakanda, dómara og böðuls

[Jakobína Ingunn Ólafsdóttir, 24.4.2011 kl. 20:50]

Merkilegt í raun hvernig þið eru sífellt að setja mér reglur sem þið teljið ykkur ekki þurfa að fara að sjálfir.

[Ágústa (IP-tala skráð) 25.4.2011 kl. 09:47]

"Hvað sem um menntun Sigmundar Davíðs má segja þá er hann afsprengi spillingarmafíu framsóknarflokksins sem styður brautargengi hans í stjórnmálum."

Já, það er þetta með erfðasyndina, sömu rök og nasistar notuðu gegn gyðingum.

Við skulum vona að þú og þínir hafið ekkert óhreint mjöl í pokanum sem orðið gæti til að þú yrðir brennd hér á bloggbáli fyrir.

[Jakobína Ingunn Ólafsdóttir, 25.4.2011 kl. 12:30]

Ágústa ég treysti ekki þessum fjölskyldum sem hafa sett landið á hausinn. Það vantraust byggir á reynslu en ekki fordómum. Sem skattgreiðendi þá hef ég fullan rétt á því að vantreysta fólki sem hefur lifað á fjármunum sem fengnir eru með misnotkun á  pólitískri aðstöðu hjá ríkinu.

Sigmundur Davíð er ekki bara viljalaust fórnarlamb í þessu máli. Á þinginu eru allt of margir sem þangað leita til þess að gæta sérhagsmuna. Sigmundur er ekki ferskur andblær nýrra tíma. Ef við viljum breytta stjórnmálamenningu þá þarf að hreinsa þetta lið burt af þinginu.

Annar óska ég Sigmunds alls góðs og vona að hans hæfileikar nýtist á einhverju sviði í framtíðinni og hann þurfi ekki að líða fyrir klíkuskap og spillingu á sinni framabraut. 

[Ágústa (IP-tala skráð) 25.4.2011 kl. 13:13]

Þetta eru undarlegar skoðanir að þú "treystir ekki þessum fjölskyldum sem hafa sett landið á hausinn" gefur í skyn að heilu fjölskyldurnar hafi staðið að því að knésetja hér efnahagslífið, sem er náttúrulega alveg út í hött og minnir á ættbálkaofsóknir í Afríku, þar sem fólk var ofsótt af því að það var af e-h ættbálk sem ekki féll í kramið. Þú hefur rétt á því að draga áliktun af gerðum föður Sigmundar en engan rétt til að gera Sigmund ábyrgan fyrir þeim og því síður að ætla honum pólitískar misgjörðir vegna þeirra. Þú ómerkir bara sjálfa þig með svona skrifum.

Sigmundur er ekki "ferskur andblær nýrra tíma" segir þú. Þúsundir Íslendinga telja hann vera það og kjósa hann. Hann kemur inn á þing eftir hrun og verður ekki talinn bera pólitíska ábyrgð á því. Ég held að Ísland sé heppið að eiga jafn hæfileikaríka unga stjórnmálamenn og Sigmund Davíð og bind miklar vonir við fáum að njóta greindar hans og skarpskyggni á komandi árum og nú við endurreisn landsins eftir hrun og sviðna jörð kolómögulegrar ríkisstjórnar.

Tek það fram að ég kaus ekki Sigmund Davíð og mun ekki kjósa Framsóknarflokkinn né þekki ég hann eða hans nokkuð.

[Jakobína Ingunn Ólafsdóttir, 25.4.2011 kl. 13:47]

Ágústa þú gerir hinar undarlegustu tengingar og virðist hafa mikinn áhuga á því hvað það er "eins og". Eigum við ekki bara að halda okkur við það hvað það er? Ertu ekki á villigötum þegar þú líkir því við ofsóknir að ég hafi skoðanir framsóknarflokknum og þeim sem þar eru innvígðir. 

Pólitíkst er ég sammála Sigmundi í mörgu. Kaus það sama og hann í Icesave t.d. Það breytir ekki þeirri staðreynd að Sigmundur er alinn upp í fjölskyldu sem er hluti af þeim sem hafa skapað hina spilltu stjórnmálamenningu. Verið í forystu þeirra sem stundað hafa sjálftöku. Þetta er ekki spurningum um gen heldur félagsmótun. Sigmundur Davíð þarf t.d. að svara því hvort hann sjálfur hafi einhvern tíma verið skráður fyrir Kögun. Hvort hann sjálfur hafi auðgast á viðskiptum með einkasamninga við ríkið. 

Ég spyr mig einfaldlega get ég treyst Sigmundi í stjórnmálum. Eftir það sem undan er gengið verður að teljast ósanngjarnt að krefjast þess af mér. Vissulega getur Sigmundur og fjölskylda hans gert yfirbót og skilað peningunum sem þau græddu á því að misnota aðstöðu sína hjá ríkinu. Eftir situr þó sú staðreynd að Pabbinn er hluti af viðskipamafíu Wernersonar og krosstengslin eru óumdeilanleg. Vissulega er þetta ósanngjarnt en ég er nú samt á því að margir þurfi að búa við verra böl.

Tengs Sigmundar Davíðs við viðskiptalífið eru af sama meiði og tengs Bjarna Ben. Gamalgróin og rotin krosstengs sem rannsóknarskýrsla Alþingis gerir nokkur skil.

[Jakobína Ingunn Ólafsdóttir, 25.4.2011 kl. 14:00]

Ágústa það er ágætt að láta af barnaskap og við þurfum að draga lærdóm af fortíðinni. Sigmundur Davíð hefur góðan aðgang af bakherbergjum framsóknarflokksins. Þar er ekki minna makkað í dag en gert hefur verið undanfarna áratugi.

Krosstengslin umræddu eru augljós. Tengsl föður hans in í viðskiptamafíuna. Aðkoma Finns Ingólfssonar og Ólafs Ólafssonar að framsóknarflokknum. Allt lifir þetta góðu lífi í samtímanum og alveg óþarfi að ímynda sér að barist sé fyrir öðru en sérhagsmunum í þessum ranni.

[Ágústa (IP-tala skráð) 25.4.2011 kl. 14:32]

Af hverju kemur þú þá ekki beint að hlutunum og segir: Sigumndur Davíð er spilltur af því að hann......, í stað þess að segja að hann sé spilltur af því að pabbi hans er það. Þú ert full af vænissýki um að allir séu spilltir af því að þeir eru í ákveðnum flokkum og hafa aðgang að reykfylltum herbergjum. Þetta eru vinnubrögð sem Pressan og Helgarpóstuinn og nú DV eru fræg fyrir að endemum, að gefa í skyn að einhver hafi gert eitthvað af því að talið er að hann hafi getað gert það.

Það nálgast mannorðsnýðslu að lýsa einhverjum sem spilltum af því að hann sé félagslega mótaður til spillingar af uppeldi en ekki af því að hann hafi gert eitthvað sem sé spillt.

Komdu nú með eitthvað sem Sigmundur hefur gert sem er spillt að öðrum kosti láttu manninn í friði.

[Jakobína Ingunn Ólafsdóttir, 25.4.2011 kl. 15:10]

Ertu ekki komin á villigötur Ágústa?

það hefur aldrei þótt neitt af því í framsóknarflokknum að nýðast á fólki vegna hverra manna það er. Fólk hefur sætt ofsóknum í áratugi af þeim ástæðum einum saman. Einstaklingur eins og ég ofsækir ekki fólk þótt hann hafi skoðun á því. Til þess hefur hann einfaldlega ekki burði.

Framsóknarmafían hefur hins vegar burði til þess að ofsækja fólk og gerir það.

Það er MÍN SKOÐUN að afsprengi spilltra sjórnmála séu líklegri en aðrir að viðhalda spilltri stjórnmálamenningu.

Þessi skoðun mín er óháð Sigmundi Davíð og ég ber persónulega enga óvild í hans garð.

[Jakobína Ingunn Ólafsdóttir, 25.4.2011 kl. 15:16]

Ps. það er hans mál að gera hreint fyrir sínum dyrum en ekki mitt hlutverk. Ég má hins vegar krefja hann um það þar sem hann er opinber persóna og á mínu framfæri.

[Svavar Bjarnason, 25.4.2011 kl. 16:37]

Samkvæmt fréttum greiddi Sigmundur 120 milljónir í fjárnámstekjuskatt fyrir árið 2008. Þá var þessi skattur 10 %. Menn geta svo reiknað út hve höfuðstóllinn hafi líklega verið. Maður með slík forréttindi um lífsgæði á krepputímum er ekki heppilegur sem leiðtogi stjórnmálaflokks, svo ekki sé talað um hvernig þessi auðæfi eru tilkomin.

Ég sé að einhver Ágústa stendur í ströngu við að halda uppi vörnum fyrir þá Kögunarfeðga. Af hverju í ósköpunum kemur hún ekki fram undir fullu nafni?

[Elín Sigurðardóttir (IP-tala skráð) 25.4.2011 kl. 18:53]

Eins og sást á heimasíðu Teton ? en þó ekki lengur ? e.t.v. vegna bilunar í vefbúnaði ? þá kallaði ríkisstjórn Jóhönnu Sigurðardóttur innsta kopp í búri Framsóknarflokksins til aðstoðar við mótun orkustefnunnar. Er ríkisstjórnin útbú Framsóknarflokksins?

Eigendur Teton eru þrír.

Gunnlaugur M. Sigmundsson er viðskiptafræðingur frá Háskóla Íslands. Hann var áður forstjóri Kögunar hf. og stjórnarmaður í dótturfélögum þess. Þá hefur Gunnlaugur m.a. starfað hjá Alþjóðabankanum í Washington, D.c. og verið alþingismaður fyrir Vestfjarðakjördæmi. Hann var einnig stjórnarformaður Icelandair (ICEX: IAIR) um tíma.

Vilhjálmur Þorsteinsson er stjórnarformaður CCP hf. og Verne Holdings ehf. Hann situr einnig í stjórnum Malbikunarstöðvarinnar Höfða hf., Gogoyoko ehf., Gogogic ehf. og er í varastjórn Auðar Capital hf. Vilhjálmur var áður stjórnarmaður í Kögun hf. og ýmsum dótturfyrirtækjum þess. Hann hefur verið starfandi við upplýsingatækni og fjarskipti í aldarfjórðung. Hann er stúdent frá eðlisfræðibraut MH.

Örn Karlsson var áður stjórnarformaður Kögunar og stjórnarmaður í dótturfélögum þess, m.a. Skýrr hf. Örn hefur starfað við upplýsingatækni frá árinu 1982 og m.a. verið framkvæmdastjóri CODA á Íslandi og Baan á Íslandi. Örn er BSc í tölvunarfræði frá háskólanum í Luleå í Svíþjóð og búfræðingur frá Bændaskólanum á Hvanneyri. Örn Karlsson er jafnframt framkvæmdastjóri Teton ehf.

[Jakobína Ingunn Ólafsdóttir, 25.4.2011 kl. 19:10]

Já þetta eru smart krosstengsl...

[Elín Sigurðardóttir (IP-tala skráð) 25.4.2011 kl. 19:15]

http://blog.eyjan.is/thorsaari/2011/04/

Ósk Vilhjálmsdóttir og Óskar Bergsson eru systkinabörn - af Hánefsstaðaætt.

[Jakobína Ingunn Ólafsdóttir, 25.4.2011 kl. 20:31]

Já þetta lið smeygir sér inn í alla stjórnmálaflokka og ræðst að almenningi.

[Benedikt Gunnar Ófeigsson, 26.4.2011 kl. 13:32]

Þetta er eitt skemtilegasta "lélega" blogg sem ég hef lesið. Endilega haltu því áfram. Alltaf gaman þegar menn, sem halda að þeir séu máttarstólpar samfélagsins, móðgast svona :)