Icesave stofnað vorið 2008 og fór á hausinn á 3 mánuðum

Fáránleikinn er kominn á óskiljanlegt stig. Björgólfur Thor opnar fyrirtæki í Hollandi...Einkafyrirtæki... og Hollendingar telja sig eiga rétt á að leggja undir sig íslenskar náttúruauðlindir vegna þess að Björgólfur Thor klúðraði viðskiptamódeli sínu í Hollandi með blessun Hollenska seðlabankans. Íslenskir skattgreiðendur lögðu aldrei blessun sína yfir þessi viðskipti. Ég tel að Hollendingar hafi farið út í þessi viðskipti með opin augu enda var Icesave í Hollandi stofnað viku eftir að matsfyrirtæki hafði varað við stöðu Landsbankans vorið 2008 og fór á hausinn þrem mánuðum seinna.

Vilja rafmagn upp í Icesave

Athugasemdir

[Helgi Armannsson (IP-tala skráð) 21.1.2013 kl. 11:52]

mikið er eg sammala þer

[Guðmundur Ásgeirsson, 21.1.2013 kl. 12:19]

Æðsti löggjafi Íslands, íslenska þjóðin, hefur þegar komist að niðurstöðu sem er sú að ekki skuli vera ríkisábyrgð á innstæðutryggingunum. Afstaða Hollendinga segir hinsvegar allt sem segja þarf um hvers vegna ætti aldrei að leggja slíkan sæstreng.

Þess má geta að EFTA-dómstólinn mun kveða upp úrskurð sinn vegna Icesave eftir slétta viku. Hann getur þó ekki úrskurðað um greiðsluskyldu, það getur aðeins íslenskur dómstóll dæmt á grundvelli íslenskra laga. Eins og áður sagði er löggjafin alveg skýr um að ekki skuli vera ríkisábyrgð á þessu.

[sigkja (IP-tala skráð) 21.1.2013 kl. 13:09]

EES gerði það að verkum að útibú Íslensks banka í Hollandi er undir sömu lögum og eftirlitsstofnunum og útibú á Húsavík. Innistæðueigendur njóta sömu verndar og sömu trygginga.

Hollenski seðlabankinn og Hollenskar eftirlitsstofnanir höfðu ekkert um það að segja hvort þetta útibú opnaði eða ekki. Enda starfaði útibúið samkvæmt Íslenskum lögum, á Íslenskum leyfum, með Íslenskar tryggingar undir Íslenskum eftirlitsstofnunum.  

Ef þú hugsar þér hver viðbrögð ríkisins voru og hvað þér þætti ef innistæðueigendur á landsbyggðinni hefðu fengið afgreiðslu eins og Hollendingar fengu en björgunaraðgerðir ríkisins aðeins náð til útibúa á höfuðborgarsvæðinu þá ferð þú að nálgast raunveruleikan. Eins og auglýsing frá Landsbankanum sagði; "Icesave, part of Landsbanki, Reykjavik, Iceland."

Annars er rafstrengur til Hollands eins og hraðlest yfir hálendið; eitthvað til að blaðra um í gúrkutíð, brandari sem enginn tekur alvarlega.

[Jóakim AðalÖnd (IP-tala skráð) 21.1.2013 kl. 14:00]

Ég skal bara borga þetta.

[Kolbrún Hilmars, 21.1.2013 kl. 15:15]

Ekki er ég viss um að sigkja hafi alveg rétt fyrir sér. 

Um það var skrifað á sínum tíma að Frakkar hefðu neitað Landsbankanum um að koma upp Icesave þar í landi.

Hvernig var það svo ekki í UK; var þess ekki krafist að Landsbankinn keypti aukatryggingar þarlendis vegna Icesave?  Sem hann og gerði.

[Jakobína Ingunn Ólafsdóttir, 21.1.2013 kl. 15:59]

Hollenski seðlabankinn gaf út leyfi fyrir stofnun Icesave þrátt fyrir að matsfyrirtæki hefði sent úr viðvaranir. Það er rétt tryggingasjóðurinn sem var í eigu bankanna var ábyrgur en ekki íslenska ríkið.

[sigkja (IP-tala skráð) 21.1.2013 kl. 17:24]

Úr Skýrslu Rannsóknarnefndar Alþingis:

"...Í skýrslu rannsóknarnefndar á vegum hollenska fjármálaráðuneytisins um Icesave kemur fram að þegar hollenski seðlabankinn, DNB, greindi frá brýnum áhyggjum sínum af innlánareikningum Icesave á fundi í ágúst 2008 hafi því verið neitað bæði af hálfu Landsbankans og Fjármálaeftirlitsins að nokkur ástæða væri til þess að hafa áhyggjur.479 Báðir aðilar hafi vísað á bug þörfinni fyrir að fjarlægja bankann úr hollenska innstæðukerfinu (umfram lágmarkstryggingu sem var á vegum íslenska innlánstryggingarsjóðsins) eða að svipta Landsbankann leyfi til að bjóða fram innstæðureikninga í Hollandi.480 Heimildir DNB til þess að setja hömlur á innlánsstarfsemi Landsbankans í Hollandi voru dregnar í efa. Í tölvubréfi sem starfsmaður Fjármálaeftirlitsins sendi DNB er lýst undrun yfir því að vilji sé til að stöðva innlánatöku Landsbankans í Hollandi. Engin ástæða sé til þess, enda sé staða Landsbankans heilbrigð og hann hafi staðist margvísleg álagspróf Fjármálaeftirlitsins. Auk þess séu engin lagarök fyrir takmörkun á útlánum.481 Hér stendur Fjármálaeftirlitið með íslenskum banka gegn viðleitni hollenskra yfirvalda til að stemma stigu við bankastarfsemi sem átti eftir að skaða hollenska sparifjáreigendur og leggja miklar byrðar á íslenskan almenning. Vitanlega var ekki hægt að sjá það fyrir, en það er athyglisvert að röksemdir Fjármálaeftirlitsins skuli vísa til lágmarkslagaramma EES fremur en að skoða málið í ljósi lagaákvæðisins um heilbrigða og eðlilega viðskiptahætti sem og markmiðsins að stuðla að traustri fjármálastarfsemi.

Svipaða sögu er að segja um aðkomu Fjármálaeftirlitsins að samskiptum Landsbankans og breska fjármálaeftirlitsins, FSA. Niðurstaða rannsóknarnefndar Alþingis er að ekki verði annað séð en að Fjármálaeftirlitið hafi fyrst og fremst sett fram og stutt sjónarmið Landsbankans þegar FSA knúði á um að Icesave-reikningarnir yrðu fluttir í dótturfélag og dregið væri úr umsvifum innlánanna og markaðssetningu þeirra þar til flutningurinn hefði átt sér stað..."

Tryggingarsjóður innstæðueigenda og fjárfesta var sjálfseignastofnun sem starfaði samkvæmt lögum nr. 98/1999 og Viðskiptaráðherra staðfesti ársreikninga.

[Ómar Bjarki Kristjánsson, 21.1.2013 kl. 17:42]

Hvað kemur fram í löggjöf að ekki sé ríkisábyrgð á innstæðum?

Eg hefði haldið að það kæmi einmitt fram. Um leið og Ríki ákveður að til skuli vera innstæðutrygging að ákveðnu lágmarki - þar með er hið sama Ríki að ábyrgjast það að sú hin sama innstæðutrygging sé til staðar. þ.e.a.s. ef við erum að tala um alvöru fullvalda Ríki en ekki eitthvað Mattadorríki.

[Jakobína Ingunn Ólafsdóttir, 22.1.2013 kl. 10:55]

Það að forstjóri fjármálaeftirlitsins lýsi undrun á einhverju eru ekki lög. Það er hins vegar fest í lög í gegnum tilskipun ESB að ekki er heimilt að veita ríkisábyrgð á tryggingasjóði innstæðna.

[Kolbrún Hilmars, 22.1.2013 kl. 14:41]

Það er ef til vill viðeigandi að geta þess - sem kemur ekki fram í máli sigkja - að fjármálaeftirlitið ásamt viðskiptaráðuneytinu var á ábyrgð Samfylkingarinnar í ríkisstjórn SF og XD. 

Meira að segja var einn af reyndustu mönnum landsins á bankasviði í forystunni hjá fjármálaeftirlitinu frá SF.   Hvað klikkaði þar?