Hverju svarar Framsókn?

Framsókn talar bara um eitt mál, skuldir heimilanna.

Ætlar Framsókn að upplýsa hvort eða hverjir framsóknarmanna eru í hópi þeirra sem teljast til hrægammasjóða og hafa verið að kaupa upp íslenskar eignir á hrakvirði?

Ætlar Framsókn að halda áfram þeirri gamalkunnu stefnu að ráða afdankaða framsóknarstjórnmálamenn í embætti hjá hinu opinbera og klíkuráða illa menntað fólk í sérfræðistöður  hjá hinu opinbera?

Hvað ætlar framsókn að gera við kvótakerfið?
Hvað ætlar framsókn að gera við atgervisskortinn í stjórnsýslunni?
Hvað æltar framsókn að gera við kjaftæðinu í þinginu?

Og hvað  ætlar framsókn að gera...

...við erlendar skuldir íbúðarlánasjóðs?
...við dauðu lífríkis á hálendinu?
...við mútumálum Steingríms J á Bakka sem brjóta í bága við jafnræðisreglu stjórnsýslulaganna?
...við okri vegna mælaleigu Finns Ingólfssonar?
...við leyndinni um eignarhald bankanna?
...við leyndinni sem ríkir um samninga við AGS?
... Við lögum sem kveða á um 80 ára ríkisleynd um málefni sem varða hrunið?
...varðandi rannsókn á einkavæðingu bankanna?
...varðandi rannsókn á stjórnun lífeyrissjóðanna, mútuþægni og gríðalegt tap vegna þátttöku í glæfralegum fjárfestingum?

 

Þrátt fyrir skort á svörum við ofangreindum spurningum liggur þó fyrir að framsóknarkonur ætla að koma saman og skoða alls konar nærbrækur og drekka bleikt gos.

Framsóknarkonur virðast vita hvað skiptir máli í samfélaginu

 

Framsókn með 29%

Athugasemdir

[Grímur (IP-tala skráð) 11.4.2013 kl. 18:25]

Afhverju ekki Framsókn?

Hafa hinir flokkarnir svarað þessum spurningum?

[Jakobína Ingunn Ólafsdóttir, 11.4.2013 kl. 18:30]

Nýju flokkarnir hafa tekið nokkuð skýra afstöðu til þessara málefna en fjórflokkurinn þegir þau í hel

[Guðmundur Ásgeirsson, 11.4.2013 kl. 18:30]

Hvaða erlendar skuldir hvíla á Íbúðalánasjóði?

Þær eru fréttir fyrir mér sem hef nýlokið lestri ársreiknings sjóðsins.

[Jakobína Ingunn Ólafsdóttir, 11.4.2013 kl. 18:37]

Ég hef ekki lesið ársreikninga sjóðsins en fréttir eru af því að sjóðurinn sé á barmi gjaldþrots. Þeir sem þekkja vel til hafa bent á að þær kerfisbreytingar sem Árni Magnússon (framsókn) stóð fyrir séu að sliga sjóðinn. ÍLS lánaði bönkunum til útlána til heimilanna (100% lána og endurfjármögnunar). Þetta var hluti af klikkuninni sem ríkti hér fyrir hrun.

[Jakobína Ingunn Ólafsdóttir, 11.4.2013 kl. 18:42]

Efnahagsreikningur ILS 2010:

Skuldir  21  

Verðbréfaútgáfa     820.310.099

Aðrar skuldir   6.666.266

[Rhansen (IP-tala skráð) 11.4.2013 kl. 18:57]

................Bullið ..  ...Svo ekki eyðandi fl. orðum á það !

[Marinó G. Njálsson, 11.4.2013 kl. 19:08]

Jakobína, stór hluti þeirra sem eru í nýju framboðunum voru stuðningsmenn Framsóknar, Samfylkingarinnar, Sjálfstæðisflokksins og VG hér á árum áður.  Þó þetta fókl hafi skipt um flokk og sumt margoft, þá þýðir það ekki að það sé saklaust af vinnubrögðum flokkanna meðan það var stuðningsfólk þess. Ég spyr þig bara:  Hverjum af þessum flokkum hefur þú kosið í undanförnum fjórum kosningum?

Ég ætla ekki að nefna nein nöfn, en gæti auðveldlega bent á um 10-15 frambjóðendur nýju framboðanna sem voru opinberir stuðningsmenn og frambjóðendur Framsóknar á síðustu 10-15 árum.  Örugglega annar eins hópur var meðal stuðningsmanna og frambjóðenda Samfylkingarinnar og svona mætti lengi telja.  Af hverju er þetta fólk hvítþvegið af þeim glæpum sem þú dregur hér fram?  Af hverju spyrð þú það ekki að því hvernig það ætlar að bregðast við atriðum sem það bar einnig ábyrgð á?

Nú varðandi kerfisbreytingu Árna Magnússonar, þá var hallinn af þessum bréfum 1% í ársbyrjun 2008, samkvæmt upplýsingum sem birtust í gær. 

Og ef þú hefði áhuga á að kynna þér hlutina, en ekki bara hafa eftir það sem þeir sem ekki heldur hafa kynnt sér hlutina, þá kæmist þú kannski að hinu sanna í málunum.  Tökum bara eitt dæmi, þ.e. þetta sem þú tekur.  Haustið 2004 fóru útlán bankanna til húsnæðiskaupa (og endurfjármögnunar eldri lána) úr því að vera 5% af slíkum útlánum upp í 90% á nánast einni viku.  250 milljarðar flæddu út úr bönkunum og stór hluti upphæðarinnar fór í að greiða upp lán hjá ÍLS.  Á sama tíma féllu útlán ÍLS niður í 1/9 af því sem áður var.  Hvað átti ÍLS að gera við peningana?  Sjóðurinn gat, vegna ákvæða í skuldabréfum frá tíð m.a. Jóhönnu og Páls Péturssonar, ekki greitt upp lán sem sjóðurinn hafði tekið. Hann sat því uppi með um 150-200 milljarða í reiðufé.  Vegna laga gat sjóðurinn ekki keypt ríkisskuldabréf.  Hann stóð því frammi fyrir tveimur kostum, annar að hafa peningana á óverðtryggðum innlánsreikningum í bönkum eða koma þeim í umferð eins og hann gerði.  ÍLS varð að tryggja eins góða ávöxtun þessara peninga og hægt var.  Ef hann hefði sett þá á innlánsreikninga, þá hefði tapið orðið miklu meira.  Klikkunin var ekki hvað ÍLS gerði, heldur að bréfin sem ÍLS fjármagnaði sig með löngu áður en Árni Magnússon varð félagsmálaráðherra höfðu ekkert uppgreiðsluákvæði.  Þau voru ekki með slíkt ákvæði vegna þess á þeim tíma datt mönnum einfaldlega ekki í hug að svona aðstæður gætu komið upp, enda höfðu bankarnir á þeim tíma engan áhuga á að lána í þessu mæli til húsnæðiskaupa.

[Anna Sigríður Guðmundsdóttir, 11.4.2013 kl. 20:18]

Hverju svara allir, sem virkilega þekkja raunveruleikann, í öllum flokkum? Er búið að hvítþvo alla flokkseigendur, án þess að þvo, skúra og henda út topp-ruslinu? 

Er einhver blekkingarleikur og peningavarðhunda-hvítþvottur í gangi hjá allsherjarnefndinni alþingis-alræmdu?

Tökum bara allan skarann og setjum í sama pottinn, og gagnrýnum á hlutlausan hátt, ef við viljum heiðarleika og réttæti í samfélaginu!

Topparnir í öllum flokkunum (eigendur flokkanna), vita um blekkingarnar, og það sleppur enginn flokkseigandi frá þessum blekkingum, án þess að segja sannleikann.

2007 kemur ekki aftur, og sem betur fer.

M.b.kv.

[Jakobína Ingunn Ólafsdóttir, 11.4.2013 kl. 20:54]

Vegna laga gat sjóðurinn ekki keypt ríkisskuldabréf segir þú Marinó. Hverjir fóru með löggjafarvaldið?

Staðreyndin er einfaldlega sú að bæði íbúðarlánasjóður og orkuveitan eru í alvarlegum fjárhagslegum vandræðum. Vandræðum sem má rekja til Excel snillinganna sem sátu við katlanna eftir árið 2000.

Ég er hér að ofan að beina spurningum til Framsóknarflokksins. Það er ekkert að því að einstaklingar í framboði eða aðrir flokkar svari líka þessum spurningum.

[Benedikt V. Warén, 11.4.2013 kl. 20:55]

Jakobína Ingunn Ólafsdóttir.

1. Skráðu þig í Framsóknarflokkinn
2. Notaðu krafta þína þar til að koma hlutunum í lag

[Jakobína Ingunn Ólafsdóttir, 11.4.2013 kl. 21:15]

Benedikt ég óttast  að framsókn hafi engin tök á öllu þessu liði sem þar er innandyra. T.d. þeim sem sækjast eftir bitlingum í nefndum og ráðum og svo flokkseigendum sem trúlega fjármagna auðlýsingaflóð framsóknar um þessar mundir. Flokkurinn er einfaldlega klíkuflokkur sem á stóra sök á atgerfisskorti og vitsmunaglöpum í stjórnsýslunni.

[Benedikt V. Warén, 11.4.2013 kl. 21:43]

Það vantar ekki orðaleppana hjá þér. Hvernig getur flokkur, sem ekki er í ríkisstjórn borið ábyrgð á "atgerfisskorti og vitsmunaglöpum í stjórnsýslunni"????

Þú spyrð hér að framan um kvótakerfið.  Halldór Ásgrímsson, þá sjávarútvegsráðherra (1983-1991), kom því á í því markmiði að koma á fiskvernd og veiðistýringu í sjávarútvegi.  Flestir eru bærilega sáttir við þetta kerfi, en eins og önnur mannanna verk er það ekki gallalaust, en enginn hefur eftir 1991 komið fram með afgerandi breytinar á því, sem segir manni það, að þetta kerfi sé nokkuð gott.  Hvers vegna þá að breyta til? 

[Jakobína Ingunn Ólafsdóttir, 11.4.2013 kl. 22:05]

Atgervisskortur og vitsmunaglöp í stjórnsýslunni er ekki vandamál sem verður til á einni nóttu. Jafnvel spurning hvort það verði alvarlegt vandamál á heilu kjörtímabili. En þegar flokkur sem rekur sjálfan sig á klíkuskap og bitlingum situr við katlanna í fleiri kjörtímabil fer ýmislegt að verða rotið. Fjölmargir embættismenn og starfsmenn stjórnsýslunnar eru þar fyrir klíkuráðningar og ráða ekki við starfið. Hafa ekki skilning á stjórnsýslusiðferði og fara ekki að lögum. Bara lögbrot af hálfu slíkra rata kosta skattgreiðendur hundruð milljóna á ári.

Kvótakerfið er í sjálfu sér spillingabæli. Það er vel hægt að stjórna fiskveiðum án þess að úthluta klíkuvinum einkarétt á sjávarmiðunum. Það er marg sannað að smábátaveiðar bjóða upp á betri gæði meiri náttúruvernd og eru hagstæðari samfélaginu. Núverandi kvótakerfi brýtur mannréttind og skerðir atvinnufrelsi. 

[Marinó G. Njálsson, 11.4.2013 kl. 22:20]

Jakobína, vandræði nánast allra sem tóku lán á Íslandi í undanfara hrunsins tengjast því að frá ársbyrjun 2008 og fram til októberbyrjunar, þá féll krónan um nánast 50%.  Þetta olli því að lán Orkuveitunnar fóru upp úr öllu valdi og verðbólgan fór upp í 21,9% í janúar 2009 (ef ég man töluna rétt).  Ég þarf ekkert að skýra út fyrir þér af hverju krónan féll, en það var hvorki ÍLS að kenna né Orkuveitunni, heldur því að bankarnir þrír og þá sérstaklega Kaupþing var að bjarga fámennum hópi einstaklinga og fyrirtækja, sem svo vildi til að voru meðal eigenda og viðskiptafélaga eigendanna.  Þú af öllum ættir að þekkja þessa sögu eins og þú hefur oft rætt þessi mál á síðunni þinni.  Það er ekki þessari baráttu til framdráttar að hætta að kenna þeim um sem stuðluðu að hruninu.

[Jakobína Ingunn Ólafsdóttir, 11.4.2013 kl. 22:38]

Marínó...Ég er ekki að halda neinu fram í þessari bloggfærslu. Ég spyr spurninga og þú ættir einnig að hafa skilning á því að það er ekkert að því að spyrja flokka í framboði spurninga.

Íbúðarlánasjóður og Orkuveitan tóku óforsvaranlega áhættu. Það er skýringin á því hversu illa fór fyrir þessum stofnunum. Það er ekki forsvaranlegt að reka ríkisstofnanir á glæfralegan hátt.

Óvarlegar fjárfestingar eru orök þess að margir eru í vandræðum. Það er skiljanlegt að einstaklingar hafi gert mistök vegna þess að þeir vissu ekki betur. Annað má hinsvegar segja um embættismenn sem ættu að vera fagmenn og hafa sérfræðinga á sínum vegum. Það er ekkert sem afsakar þeirra framferði. Skýringarnar á þessari hegðun sem verður að teljast óforsvarnaleg eru að fyrrverandi stjórnmálamenn með litla fagþekkingu voru skipaðir í embætti og síðan réðu þeir klíkuvini sína í störf sérfræðinga. Þetta er meira og minna saga Framsóknarflokksins og hefur skilið eftir sig sviðna jörð.

Þetta gerðist bæði í Orkuveitunni (Alfreð Þorsteinsson) og hjá Íbúðarlánasjóði (Guðmundur Bjarnason). Það er ekkert óeðlilegt að kjósendur vilji fá svör frá stjórnmálaflokkunum um þessa hluti núna fyrir kosningar.

[Benedikt V. Warén, 11.4.2013 kl. 22:57]

Það er erfitt að eiga nokkrar vitrænar rökræður, þegar bara er slett fram frösum.  Atgerfisflótti varð frá landinu og núna eru um 8000 manns flúnir landi til Noregs, þökk þeim Jóhönnu og Steingrími.  

Skýrðu betur:  "Fjölmargir embættismenn og starfsmenn stjórnsýslunnar eru þar fyrir klíkuráðningar og ráða ekki við starfið."

"Núverandi kvótakerfi brýtur mannréttind og skerðir atvinnufrelsi."  Þú þekkir greinilega ekki söguna fyrir kvótakerfið og allar þær gengifellingar sem þurfti til að halda útgerðinni á floti.  Mannréttindi og atvinnufrelsi verða að vera í takt við annað mannlíf og atvinnustrúktúrlnn í landinu.  Til þess höfum við lög og reglur. 

Einfalt dæmi.  Við höfum hraðatakmarkanir úti á vegum.  Það gengur náttúrulega freklega á rétt þeirra sem vilja aka hratt.  Eins ökum við hægra megin á vegunum og þar af leiðandi er valfrelsi ökumanna skert verulega.

[Jakobína Ingunn Ólafsdóttir, 11.4.2013 kl. 23:10]

Ég þekki söguna ágætlega Benedikt. Hvernig fámennur hópur á Íslandi (þ.á.m. Halldór Ásgrímsson í skjóli laga sem hann setti sjáflur) hafa auðgast vegna einkarréttar til þess að nýta sjávarauðlindina og réttar til að innheimta skatt af smábátaeigendum eða kvótalausum.

Þessir aðilar hafa veðsett kvótan og atvinnugreinina upp í rjáfur. Eru að setja fyrirtæki á hausinn og fá milljarða afskrifaða þrátt fyrir að vera í einokunarstöðu. Þetta hljóta að vera algjörir vitleysingar eða þá glæpamenn. Staðreyndirnar tala bara sínu máli.

Hvernig voru Alfreð Þorsteinsson (Orkuveitan) og Guðmundur Bjarnason (Íbúðalánasjóður) ráðnir til starfa. Ég held að ástandið á þessum stofnunum tali sínu máli um stjórnunarhæfni þessara manna. Ég þarf ekkert að útskýra það:

[Jakobína Ingunn Ólafsdóttir, 11.4.2013 kl. 23:15]

Benedikt, gengið féll nú um 50% ÁRIÐ 2008 eftir því sem Marinó skýrir út hér að ofan. Ekki reddaði kvótakerfið því.

Röksemdarfærslur þeirra sem vilja halda landslýð í þrælaböndum sægreifa eru hreint ótrúlegar.

[thin (IP-tala skráð) 11.4.2013 kl. 23:23]

Á til með að benda þér á þessa síðu:http://jennystefania.blog.is/blog/jennystefania/entry/1292680/

Ótrúlegt hvað fólk er fljótt að gleyma því hvernig Framsóknarmenn fóru hér um allt á sínum tíma. 

[Marinó G. Njálsson, 11.4.2013 kl. 23:42]

Hvaða óforsvaranlegu áhættu tók ÍLS?  Að lána fólki til kaupa á húsnæði.  90% lánin fóru til innan við 3% lántaka, þannig að varla var áhættan þar.  Lán umfram veð stóðu í 17 milljörðum í byrjun október 2010, þannig að ekki var áhættan þar.  Hann keypti lán af tveimur bönkum og nokkrum sparisjóðum, þar sem hann greiddi út 80% en 20% fóru á biðreikning sem greitt verður út af 5-8 árum eftir kaup í samræmi við verðmæti lánanna.

Enginn efast um að vandi ÍLS er mikill, en ÍLS lenti í sama svikavef og nær allir aðrir á Íslandi.

Ég er bara algjörlega ósammála þér um að ÍLS hafi tekið meiri áhættu en hann gat komist hjá að taka.

Orkuveitan er að hluta til allt önnur Ella, en varðandi annað, þá er erfitt að vera í stöðu þess, eins og flestir landsmenn, sem dregst inn í þá atburðarrás sem setti hér allt á hliðina haustið 2008.  Þeir óku líklegast nokkuð geyst, en það voru samt bankarnir sem fóru yfir á rauðu ljósi og ollu slysinu.  Mér finnst þú vera að gleyma því.

[Jakobína Ingunn Ólafsdóttir, 11.4.2013 kl. 23:49]

Íls lánaði bönkunum sem lánuðu 100%lán og endurdfrjármögnunarlán (fólk veðsetti eignir á þess að það væri að kaupa húsnæði) sem fóru að hluta í neyslu. Auðvitað var þetta óásættanleg áhætta þegar markaðurinn er þaninn upp í topp. Það þarf nú ekki mikla vitsmuni til að sjá það.

Fagmenn lenda ekki í svikavef ef þeir eru fagmenn. Þeir lenda ekki í...það er eðli fagmennskunnar að menn skoða mismunandi sviðsmyndir og gera ráð fyrir áhættu og trúa ekki öllu sem þeim er sagt. Þeir skoða forsendurnar sjálfir. 

Nei Marinó ég er ekki að gleyma framferði bankanna en ég vil þó halda því til haga að víða fóru stjórnendur opinberra stofnana geyst, sbr Landsvirkjun sem var komin út í gambling með framvirka gjaldeyrissamninga sem stofnunin tapaði á í hruninu. 

[Benedikt V. Warén, 12.4.2013 kl. 00:15]

JIÓ.  Skelfing felurðu þú vel þekkingu þína í lagasetningu um kvótann.  Nostradamus einn hefði geta séð það fyrir sem þú eignar Halldóri.  Lögin sem hann setti átti ekkert skilt við það sem gerðist löngu síðar.  Hallldór var aldrei í útgerð, nema sem háseti á bát.  Hlutur hans í útgerð er arfur og kom til löngu eftir umrædda lagasetningu.

Kvótakerfið var verk Halldórs Ásgrímssonar sem var sjávarútvegsráðherra frá 1983 til 1991, eins og ég nefndi áðan.  Þeir sem muna þá tíð vissu að við svo búið mátti ekki standa lengur á fiskimiðunum.  Lögin voru sett í góðri trú til að stjórna veiðum og vinnslu, ekki til að braska.  Það var seinni tíma aðgerð og nær að kenna útgerðarmönnum og lögfræðingum um þann óskapnað, við að finna glufur í kerfinu. 

Sjálfsagt er að gagnrýna þessi lög, en þá ber að hafa það í huga að enginn eftirtalinna sjávarútvegsráðherra hafa séð ástæðu til þess.  Þorsteinn Pálsson, Davíð Oddsson, Árni M. Mathiesen, Einar K. Guðfinnsson né  Steingrímur J Sigfússon.  Sá síðastnefndi reyndi breytingar, sem að aðalmarkmiði voru stíluð til að auðvelda alögunarferlið að ESB.

Mér er ekki kunnugt um að Alfreð Þorsteinsson né Guðmundur Bjarnason séu lengur starfandi.  Mikill er máttur Framsóknar, ef þeir í krafti eins til tveggja borgarfulltrúa geta ráðið því hver stýrir Orkuveitunni.  Hverslags aumingjalið eru þá hinir?  Ég bara spyr? 

 

[Jakobína Ingunn Ólafsdóttir, 12.4.2013 kl. 00:33]

Ekki er Halldór neitt skárri þótt hann hafi erft kvótann. Lögin vor sett til þess að markvisst sölsa undir sig sjávarauðlindina.

Hvar fréttir þú að Halldór Ásgrímsson hefði horfið af þingi árið 1991. Nei vinur Halldór var hvatamaður í öllum skrefum kvótalaganna. Vissulega eiga fleiri þar hlut að máli en það dregur þó ekkert úr spillingu framsóknar. 

Framsókn hefur í skjóli sjálfstæðisflokks farið með mikil völd en nánast umboðslaus oft á tíðum  af hendi kjósenda. Hafa selt sig fyrir lítið. Þetta er alþekkt saga. Í framsókn virðast í gegn um tíðina flykkst einstaklingar sem vilja fá mikið fyrir ekki neitt. Þetta sýnir sagan. Í þessu felst engin ásökun á núverandi frambjóðendur framsóknar að öðruleyti en því að trúlega er sama gamla liðið að baki framsóknar og bíður eftir að fá mikið fyrir ekki neitt.

[Elín Sigurðardóttir (IP-tala skráð) 12.4.2013 kl. 09:14]

Hvaða fólk býður sig fram í nafni Framsóknar? Hvað er það við Framsókn sem heillar?

[Benedikt V. Warén, 12.4.2013 kl. 09:35]

JIÓ.

Hvar minntist ég á að Halldór hafi horfið af þingi 1991? Ég sé hins vegar að staðreyndir rugla þig ekkert í ríminu og pólitískur réttrúnaðar og Gróusögur eru þér betur að skapi. Það er einmitt þannig einstaklingar sem vaða uppi á Alþingi og þú setur inn í spurningu hér að ofan, nefnilega:

Hvað æltar framsókn að gera við kjaftæðinu í þinginu?

Að framansögðu sé ekki betur en að þetta vandamál sé ólæknanlegur faraldur.

[Jakobína Ingunn Ólafsdóttir, 12.4.2013 kl. 11:39]

Benedikt þú talar eins og Halldór hafi ekkert haft með kvótakerfið eftir 1991 en þér hlýtur að  vera fullljóst að það er ekki rétt. Auk þess gefur þú þér að þú vitir hvað er mér að skapi en það er auðvitað þín ímyndum.

[Anna Sigríður Guðmundsdóttir, 12.4.2013 kl. 18:58]

Stríð og kreppa bitnar alltaf á þeim sem minnst mega sín í "siðmenntaða" heiminum.

Klíkukóngar heimsins ætla að hafa það huggulegt á kostnað þeirra sem ekki vilja borga klíkunni fyrir siðblindu-skjöldinn!

Þeir kunna vonandi að skammast sín, sem stjórna glæpastjórnsýslunni á Íslandi?

Sannleikurinn kemur alltaf fram að lokum!

M.b.kv.