Mannvonskan á ábyrgð hinna

Blóðug lík manna, kvenna og barna á Gasa. Ísraelsmenn slátruðu yfir tvöhundruð manns en það er ekki þeim að kenna. Þeir kenna Hamas um gjörðir sínar. Hvað er mannskepnan tilbúin að ganga langt undir því yfirskyni að aðrir stjórni mannvonsku þeirra?

Fréttaflutningur Ísraela ber þess merki að þeim finnist það réttlætanlegt að drepa fólk sem er bara að sinna sínu daglega lífi. Hrikaleg grimmd.

 

Segja Hamas ábyrg

Athugasemdir

[Hólmfríður Bjarnadóttir, 27.12.2008 kl. 20:57]

Það hefur víst fylgt okkur ansi lengi að telja að "vænlegasta" leiðin til að gera út um hlutina, sé að berjast um þá.

Við mundum sjálf grípa til þessara ráða núna ef við værum með her og ef vopnaeign væri hér jafn almenn og er í mörgum löndum.

Okkur finnst sjálfsagt að dæma allt og alla hér á okkar landi nú um stundir, svo það munar kannski ekki svo miklu þegar upp er staðið.

Það er hægt að drepa fólk með ofsóknum í orðum og því miður dæmi þess að slíkt hafi ýtt fólki út í sjálfsvíg.

Ég er ekki að réttlæta gerðir Ísraelsmanna, nema síður sé, en minni bara á söguna af bjálkanum og flísinni.

Gætum okkar í dómum um náungann og þá höfum við frekar ráð á að gagnrýna grimmdarverk annarra

[Jakobína Ingunn Ólafsdóttir, 27.12.2008 kl. 21:39]

Hólmfríður um hvaða náunga ert þú að tala? Síðan hvernær er ljótt að dæma? Ég veit ekki betur en að ríkisstjórnin sé með heilan her manna sem hefur það að starfi að dæma aðra enda kallaðir dómarar.

Það er hluti af eðlilegri hugsun að dæma gjörðir annarra óg hafa á þeim annað hvor velþóknun eða vanþóknun. Nú um mundir lít ég af mikilli vanþóknun á gjörðir ráðamanna og vona að það verði ekki til þess að ýta þeim út í sjálfsvíg en flestir þeirra hafa sennilega framið pólitísk sjálfsmorð með gjörðum sínum, sinnuleysi og vondum ákvörðunum.

Ekki segja við þegar þú talar um hervæðingu og vopnaskak. Ég held að fæstir Íslendingar séu tilbúnir til þess að sprengja upp saklaus börn til þess að ná markmiðum sínum né heldur að senda börnin sín í stríð.

[Jóhannes Ragnarsson, 27.12.2008 kl. 21:49]

Jú, Hólmfríður, ég held nefninlega að þú sért að reyna að réttlæta gjörðir Ísraelsmanna gagnvart fólkinu í Palestínu, þó þú haldir öðru fram. Ég ráðlegg þér að koma hreint og heiðarlega fram í stað þess að slá um þig með innantómu blekkingarkjaftæði bjálka og flísar, dómara og dæmda.

[maggi (IP-tala skráð) 28.12.2008 kl. 00:47]

það er 1 sem veldur mér áhyggjum.

Börum í Ísrael kennt að hata Palestínubúa og börnum frá Palestínu er kennt að hata Ísraelbúa

Hverjar eru þá líkurnar á friði þarna á milli næstu 1 eða 2 kynslóðir?

[Jakobína Ingunn Ólafsdóttir, 28.12.2008 kl. 01:06]

Já og atburðir eins og þessi í morgun ala á hatrinu og hatrið nærir meira ofbeldi.