Enn reynir Geir að blekkja þjóðina

það var svart kastljós kvöldsins. Framundan eru miklir erfiðleikar og ríkisstjórnin er EKKI með nothæft aðgerðaplan til þess að takast á við erfiðleikanna.

Fjármálaráðherra sver enn af sér alla sök. Í miðri hringiðunni eru öfl af verki sem ætla að auka enn á ójöfnuð með árás á heilbrigðiskerfi og velferð almennings.

Við getum ekki treyst ríkisstjórninni. Við verðum að taka málin í okkar hendur.

Fyrsta skref í átt að betri framtíð er lýðræði fyrir okkur. Við verðum að taka að okkur að reisa lýðræði á Íslandi því framtíðin er okkar

Kreppan getur dýpkað

Athugasemdir

[Sigrún Jónsdóttir, 13.1.2009 kl. 22:18]

Er ekki örugglega einhver gerjun í gangi v. lýðveldisbyltingar?

[Jakobína Ingunn Ólafsdóttir, 13.1.2009 kl. 22:25]

Jú það er allt á fullu. Ég má varla vera að því að blogga og ætla að fara snemma að sofa.

[Helga (IP-tala skráð) 13.1.2009 kl. 22:37]

Ég var að renna yfir þessa grein og er ansi hreint hissa eftir þann lestur.

[Jón Ólafur Vilhjálmsson, 13.1.2009 kl. 23:09]

Það er nokkuð ljóst að hver og ein fjölskylda verður að standa saman þeir sem betur mega sín verða að hjálpa hinum sem hægt er að hjálpa peninga lega og sé það ekki hægt verður fólk að flytja hvert inn á annað og búa þröngt.

Við skulum ekki reikna með að fríkstjórnin geri neitt í málunum hún sefur og seigir fólki að þegja þannig að þaðan er enga hjálp að hafa því iður

[Vilborg Traustadóttir, 13.1.2009 kl. 23:29]

Gott að heyr að allt er á fulli í þessum málum.

[Rakel Sigurgeirsdóttir, 14.1.2009 kl. 01:04]

Hann leggur sig svo fram í blekkingarleiknum að það er hreinlega pínlegt. Það er svo pínlegt að hann getur sjálfur ekki varist því að glotta. Glott hans virkar reyndar svo illa á mig að mig verkjar undan því líka!

[Hólmdís Hjartardóttir, 14.1.2009 kl. 10:58]

Greinin sem Helga vísar til er ótrúleg. En ég heyri fullt af fólki gagnrýna mótmælin og kalla okkur vitleysinga

[Ómar Geirsson, 14.1.2009 kl. 11:54]

Blessuð Jokobína.

Á laugardaginn var sagði Andrés Magnússon að ekkert væri gert til að takast á við þann vanda sem atvinnulífið væri að glíma við.  Reyndar minntist hann á eina undantekningu og það var vaxtastigið, sérstök aðgerð til að auka vandann.

Þorsteinn Víglundsson skrifar grein í Morgunblaðið í gær það sem hann segir að ekkert sé aðhafst að hálfu stjórnvalda til að koma í veg fyrir yfirvofandi hrun atvinnuveganna.

Þetta eru tveir talsmenn atvinnulífsins, innmúraðir sjáfstæðismenn og þeir segja á mannamáli að atvinnulífið sé að hrynja og ríkisstjórn okkar sé algjörlega vanhæf.  Maður hefði haldið að fjölmiðlarnir hefðu ekki unnt sér hvíldar fyrr en ráðamenn okkar hefðu verið látnir standa fyrir máli sínu í kjölfar ítarlegrar frettaskýringar um núverandi ástand og það sem koma mun á næstu vikum ef fullyrðingar þessa manna séu réttar.  Nei, ekkert var minnst á þetta.  Önnur mál þóttu vera meira aðkallandi en hvort stór hluti þjóðarinnar yrði atvinnulaus.  Og ríkissjóður gjaldþrota í kjölfarið.

Þá kom Breti, einn af virtustu hagfræðingum heims og hann sagði að hörmungar væru framundan.  Þá rumskaði fjölmiðlafólk aðeins og þetta var þriðja eða fjórða frétt og hann Geir okkar var látinn svara.  Og hvert var svar hans?  Jú við erum að gera mikið,  hafið þið ekki heyrt af fjárfestingasamninginum við Norðurál?.  

Á maður að hlæja eða gráta?  Einhver samningur um eitthvað sem hugsanlega gæti gerst einhvern tímann í hugsanlegri framtíð, Það er efnahagsráðstafanir ríkisstjórnar Íslands til lausnar yfirvofandi stöðvnun atvinnulífsins.  Firringin sem kemur fram í þessu svari Geirs er algjör en heilabúið á fjölmiðlafólki okkar sem lætur málið þar með vera útrætt!!!!!    Guð hjálpi því og varðveiti.  

Kveðja að austan.

[María Sigrún (IP-tala skráð) 14.1.2009 kl. 15:02]

Takk fyrir Silfrið.  Frétti að þú hefðir verið best og með ferska sýn á hlutina. 

[Jakobína Ingunn Ólafsdóttir, 14.1.2009 kl. 18:51]

Takk fyrir innlitin. Við stöndum bara saman og breytum þessu.