Sameinumst á Austurvelli

Við sameinumst á Austurvelli í dag og mótmælum því hvernig ríkisstjórnin hefur hneppt þjóðina í skuldaánauð. Hvernig ríkisstjórnin hefur tekið stöðu með glæframönnum. Hvernig lýðveldi Íslands hefur verið rifið niður og fótum troðið.

Sjáumst á Austurvelli 

Samtökin Raddir fólksins standa fyrir mótmælafundi á Austurvelli laugardaginn 17. janúar nk. kl 15:00. Þetta er fimmtánda vika virkra mótmæla þjóðarinnar gegn siðleysi banka, auðmanna og stjórnvalda.

Íslendingar búa við stjórnarkreppu í miðju ölduróti ofurskulda og ráðakeysi íslenskra stjórnvalda er löngu farið að vekja athygli og undrun umheimsins.

Yfirskrift fundarins er sem fyrr Breiðfylking gegn ástandinu og kröfurnar skýrar: Burt með ríkisstjórnina, burt með stjórnir Seðlabankans og Fjármálaeftirlitsins og kosningar svo fljótt sem unnt er.

Samtökin Raddir fólksins leggja áherslu á friðsamleg fjöldamótmæli um land allt. Máttur fjöldans mun færa þjóðinni langþráðar stjórnarbætur og nýtt Ísland.

Ræðumenn :

• Svanfríður Anna Lárusdóttir – Atvinnulaus
• Gylfi Magnússon - Dósent

Fundarstjóri :

• Hörður Torfason

Athugasemdir

[Rut Sumarliðadóttir, 17.1.2009 kl. 13:20]

Vona að kuldinn setji ekki strik í reikninginn.

[Hólmdís Hjartardóttir, 17.1.2009 kl. 13:25]

sjáumst

[Jakobína Ingunn Ólafsdóttir, 17.1.2009 kl. 14:12]

Það þarf bara að taka ullarsokkanna með

[Katrín Snæhólm Baldursdóttir, 17.1.2009 kl. 21:30]

Við erum löngu hætt að spá í veðrið....það þarf sko meira en veður til að stöðva þessa byltingu get ég sagt þér Rut mín!!!!