Aha konur eru auðlindir

Þegar ég mætti á jafnréttisþing í hádeginu var mér tjáð að þrír karlmenn og ein kona hefðu verið frummælendur. Fréttin í mbl af jafnréttisþinginu hefur réttlætiskennd karlmanns til vegs og virðingar. Við eigum konur sem eru vel menntaðir kynjafræðingar, hvers vegna voru þær ekki með góða og gagnrýna samfélagslega fræðslu á þinginu. Þá hefði Moggin geta hafi þær til vegs og virðingar? Svona í tilefni dagsins ef ekki annað

Þórólfur mun hafa tjáð konum að þær séu auðlindir. þetta hafa konur auðvitað vitað lengi og kannski Þórólfur líka. Persónulega finnst mér karlmenn líka vera auðlindir en það er kannski aukaatriði í þessu samhengi. Annars held ég að Þórólfur sé ágætur maður sem ber fyrir sig táknmál mannauðsfræðanna.

Vinkona mín sagði mér í dag að farið væri að gefa börnum hafragraut þegar þau koma í skólann vegna þess að það er ekki til nóg að borða heima hjá þeim.

Félagsmálaráðherra skipulagði og kostaði þingið. Ekki var skorið um nögl við fólk því boðið var upp á glæsilegar samlokur og créme brûlée í hádeginu og síðan boðið upp á eplaköku með þeyttum rjóma kl. þrjú. Já það væsti ekki um fólk.

Eftir hádegi var einhverskonar pallborð þar sem nokkrir aðilar sátu fyrir svörum og meðal þeirra Elín bankastjóri. Hún þáði ótímabundna ráðningu í starf hjá Landsbanka sem ekki var auglýst. Það er ólöglegt. Nokkur ósvífni að stilla henni upp á jafnréttisþingi.

Það var merkilegt við erindin sem ég hlustaði á að þau báru meiri keim af áróðri en fræðslu. Einn ágætur lögfræðingur kallaði kreppuna hina "svokölluðu kreppu" og vissi ekki nema að þetta væri kannski bara niðursveifla.

Jóhönnu Sigurðardóttur félagsmálaráðherra er lítill sómi af þessu framtaki.

Akkur í að hafa konur í ábyrgðarstöðum

Athugasemdir

[Rakel Sigurgeirsdóttir, 17.1.2009 kl. 03:34]

Ég er farin að skilja hvaða vindáttir það eru sem hafa komið þér í haminn sem þú lýsir í einni athugasemdinni hjá mér. Hef verið á svona tímasóunarþingum og -ráðstefnum þar sem efnið var í sjálfu sér allrar athygli vert en öll umgjörðin gróf það langt niður fyrir sex fetin af innhaldslausri, froðukenndri einksisnýtri framsögu án nokkurrar umræðu. Fyrst og fremst vegna þess að það vantaði þetta jafnvægi sem hefði t.d. verið hægt að skapa á þessum þingi sem þú varst stödd á í dag með því að sjá a.m.k. um jafnvægi í kynjahlutfalli frummælenda.

[snorri (IP-tala skráð) 17.1.2009 kl. 06:38]

þið heimsku "rauðsokkur" haldið þið að allt verði gott ef konur fá að ráða öllu hér á landi!!!!   sem betur fer hafið þið ekki komist til valda hér og ég vona svo innilega að svo verði aldrei! ekki það að ég ætli að reyna að verja það sem er búið að gerast hér á landi síðustu ár það er algjört hneyksli! en ég hef ekki trú á því að hlutirnir væru betri ef konur hefðu stjórnað síðustu ár!!!!!! en ég vil ekki hafa hlutina áfram svona einsog þeir eru ég vil að það komi betri menn til stjórnar ásamt konum en alls ekki að konur komist til ráða eingöngu því þá erum við (þjóðin í skítamálum) algerlega búnir að skíta í okkur!!!!! við (karlmenn) getum ekkert gert af því þó þið séuð með minni heila heldur en við! þið verðið að rífast við einhvern annan heldur en okkur!!!!!!!! því miður! LEIÐINLEGT!!

[Jakobína Ingunn Ólafsdóttir, 17.1.2009 kl. 12:07]

Eintómar konur, já Snorri þá værum við í skítamálum. Best að fá bara gott fólk af báðum kynjum.

Rakel það sem ég heyrði á ráðstefnunni var froðusnakk. Eingin gagnleg umræða um rót vandans, bara svona tæknilegar úrlausnir. En það er lítið gagn í því að hafa tól ef smiðurinn er ekki viljugur eða kann ekki á tommustokk.

[Rakel Sigurgeirsdóttir, 17.1.2009 kl. 14:26]

Skil þig en sérstakt að Snorri hafi æst sig svona yfir því sem þú og ég höfum skrifað hérna. Ég get ekki séð að neitt af því sem kemur fram í því gefi tilefni til að draga þær ályktanir sem virðist vera brenniviðurinn í þeim æsingi:-/