Stjórnarskrána úr höndum flokkanna

Atburðir undanfarinna mánuði hafa kennt okkur svo ekki verði um villst að valdhafar þurfa aðhald. Í skjóli meingallaðs valdakerfis komust til valda hér menn sem seldu velferð almennings fyrir eigin hag og það má ekki gerast aftur.

Við verðum að verja okkur og samfélag okkar. Engu hefur verið hnikað í átt til lýðræðis eða nútímalegrar stjórnarskrár hér á landi. Stjórnarskrárnefnd var sett á laggirnar árið 2005 og átti hún að skil tillögum til breytinga árið 2006 en gerði það ekki.

Stjórnmálamenn vildu ekki breytingar og ef þeim er falið að breyta stjórnarskránni mun það verða kattaþvottur. Þess vegna þarf almenningur að mynda breiðfylkingu um lýðræði.

Sumir vilja meina að á alþingi sitji þversnið af þjóðinni en það er alrangt. Á alþingi situr fólk sem hefur gert þingmennsku að frama. Annarsvegar fólk sem hefur setið í áratugi á þingi og hinsvegar fólk sem hefur farið beint inn í flokkanna eftir háskólanám.

Á Alþingi Íslendinga vantar tilfinnanlega fulltrúa venjulegs fólks, með venjulega reynslu og hugsjónir sem þeir vinna að á Alþingi.

Þessu þarf að breyta

Kosið í vor og í haust?

Athugasemdir

[Sigrún Jónsdóttir, 29.1.2009 kl. 17:09]

Nákvæmlega.

[Elín Sigurðardóttir (IP-tala skráð) 29.1.2009 kl. 17:46]

Sammála.

[Haraldur Davíðsson, 29.1.2009 kl. 18:45]

Heyr heyr og vinnan við að sameina grasrótina er hafin, 13 hópar eru að sameina krafta sína....

[Hólmfríður Bjarnadóttir, 29.1.2009 kl. 19:08]

Ég held að þú sért að misskilja málið aðeins Jakobína. Gangur málsins er einfaldlega sá að Alþingi þarf að samþykkja lög um Stjórnlaga þings og það er svo á grundvelli þeirra laga sem kosið verður til Stjórnlagaþings. Það er svo Stjórnlagaþingið sem semur drög að Stjórnarskrá og kosningafyrirkomulagi, sem síðan er lagt fyrir Alþingi og að lokum fyrir þjóðina. Það er enginn að "stela" þessu máli, það "á" það enginn.

[Vilborg Traustadóttir, 29.1.2009 kl. 20:54]

Hvað gerir Framsóknarflokkurinn ef hann fær góða kosningu til Alþingis?

Þetta Stjórnlagaþingsskilyrði hans er greinilega kosningabrella þar sem sú kosning á að fara fram eftir alþingiskosningarnar.

Svo vilja Framsóknarmenn kosningar fyrir 25. apríl sem gerir erfiðara fyrir ný framboð að koma fram.

Flokksveldið sér um sig og Framsóknarflokkurinn kann að sjá um sig.

Ég segi Stjórnlagaþingið fyrst og kosið til Alþingis í haust á grundvelli þess.

[Hlédís, 29.1.2009 kl. 21:07]

Sameinuð stöndum við!

Grasrótin verður að sameinast, ef mönnum er alvara um Nýtt Lýðræðisafl sem í raun geti staðið Flokka-hagsmuna-kerfinu snúning. 

[Hólmfríður Bjarnadóttir, 30.1.2009 kl. 07:20]

Sæl Jakobína. Ég biðst afsökunar á að hafa misskilið þína færslu í gærkvöldi og sé nú að þú ert að tala um það sama og við öll sem viljum endurskoðun Stjórnarskrárinnar með Stjórnlagaþingi (ekki dómstól Grétar Eir)

[Árni Gunnarsson, 30.1.2009 kl. 11:06]

Ég er sammála Vilborgu og vil fresta kosningum þar til eftir stjórnlagaþing. Mér skilst bara að það gangi ekki.

1. Alþingi samþykkir frumvarp um stjórnlagaþing.

2.Kosningar til Alþingis samkv. gildandi stjórnarskrá.

3. Síðari samþykkt Alþingis um frumvarp að nýrri stjórnarskrá.

4. Kosið til stjórnlagaþings samkv. frumvarpi.

5. Þjóðaratkvæðagreiðsla um stjórnarskrárbreytingu. (samhliða sveitarstjórnarkosningum)

6. Þingrof ef breytingin verður samþykkt, eða Alþingi situr fram að forsetakosningum 2012.

Þetta er samkv. tillögu Framsóknarflokks, en svo er spurningin hvort ekki væri hægt að koma málinu í snarpari flýtimeðferð?

[Jakobína Ingunn Ólafsdóttir, 30.1.2009 kl. 11:43]

Stjórnarskráin eins og hún er í dag er þröskuldur í málinu