Áliðnaður og kreppa

Alþjóðagjaldeyrissjóðurinn hefur rakið uppruna hrunsins til Kárahnjúkavirkjunnar.

Orkuverð til álvera hefur verið leyndarmál ríkisstjórna Sjálfstæðisflokks og Framsóknar og síðan Sjálfstæðisflokks og Samfylkingar.

Sögusagnir hafa gengið um að Framsóknarmenn hafi verið truflaðir í hagsmunagæslunni við ákvörðun orkuverðs til álvera, hagsmunir þjóðarinnar urðu einhverra hluta vegna að aukaatriði.

Hvað um það í skýrslu Indriða H. Þorlákssonar kemur fram að ekki sé ávers og Kárahnjúkaævintýrið arðbært fyrir þjóðarbúið.

Samtök Iðnaðarins vilja gjarnan að þetta sé matreitt öðruvísi ofan í almenning.

Vanmetur mikilvægið

Athugasemdir

[Heidi Strand, 3.2.2009 kl. 22:19]

Kárahnjúkavirkjun er verk Framsóknarflokksins.

[Jakobína Ingunn Ólafsdóttir, 3.2.2009 kl. 22:22]

EINMITT

[Offari, 3.2.2009 kl. 22:26]

Ég vinn hjá alcoa og tek það nærri mér þegar þeirri uppbyggingu sem ég tók þátt í er kennt um það óstand sem nú ríkir. Ég neita samt að segja af mér því ég vill meina áliðnaðurinn sé ekki sökudólgurinn heldur séu það hvernig menn fóru með þá peninga sem voru í gangi á þessum tíma.

Ég kenni heldur ekki kapitalismanum um hrunið heldu þeim sem misnotuð sér gallana á kerfinu. Ég vill hinsvegar ekki að menn sem trúa á að hægt sé að endurreisa handónýtt kerfi haldi áfram að stjórna því trú þeirra á að hægt sé að laga kerfi sem enginn treystir gerir bara illt verra. Ég vill nýtt kerfi.

[Jakobína Ingunn Ólafsdóttir, 3.2.2009 kl. 22:27]

Já Offari Nýtt Kerfi

[Haraldur Rafn Ingvason, 3.2.2009 kl. 22:51]

Álver og önnur stóriðja á alveg rétt á sér - með öðru. Áherslurnar á hana eru hins vegar komnar út í algera vitleysu. Bara sú staðreynd að fyrirhugað er að nýta alla bestu virkjanakosti okkar undir þennan einhæfa atvinnuveg, ætti að duga til að slá núverandi áætlanir út af borðinu.

[Helga (IP-tala skráð) 3.2.2009 kl. 23:22]

Ál, stóriðja, Halldór, Valgerður. Minnist ekki á þennan pakka ógrátandi ! 

Talsmaður Samtaka iðnaðarins gagnrýnir Indriða fyrir það sem talsmaðurinn heldur fram að Indriði segi ekki. En hvernig talar hann sjálfur?

Mbl. hefur eftir honum: "Bjarni Már segir einnig að ekki sé hægt að gefa sér að arður af orkusölunni sé lítill, með vísun til ummæla forsvarsmanna orkufyrirtækjanna um að hagnaðurinn sé vel viðunandi." Hvurslags blaður er þetta?

Hvar eru rökin fyrir eftirfarandi? ..."ekki hægt að gefa sér að arður að orkusölunni sé lítill"... Hvað á það lengi að viðgangast að arðinum af orkusölunni sé haldið leyndum?

 ..."með vísun til ummæla forsvarsmanna orkufyrirtækjanna"... Halló, er orðum þeirra manna sem halda orkuverðinu leyndu treystandi?

"Hvað snerti þá staðreynd að hagnaðurinn renni til erlendra aðila bendir Bjarni Már á að þetta sé veruleikinn í alþjóðavæddu hagkerfi"... Og hvað!?

Eiga Íslendingar bara að vera sælir og glaðir með að sitja uppi með skuldir af Kárahnjúkavirkjun, Kárahnjúkum fátækari fyrir vikið, skerta möguleika í ferðaþjónustu á hálendinu, glatað orðspor vegna eyðileggirnar á villtri náttúru vegna þess að þetta er veruleikinn í alþjóðavæddu hagkerfi!

Hverju af því sem Indriði "sagði ekki" er talsmaður Samtaka iðnaðarins að mótmæla?

[Hólmfríður Bjarnadóttir, 4.2.2009 kl. 00:31]

Útreikningar eru nokkuð sem hægt er að flakka með fram og aftur. Forsendur eru settar fram af einum aðila og svo kemur annar með aðeins aðrar forsendur og sá þriðji með enn aðra. Svona er hægt að finna út niðurstöðu sem hentar þessum og hinum. Indriði Þorláksson er örugglega góður stærðfræðingur og fær í að gera skýrslur og allt það. Miðað við þær forsendur sem hann hefur sett fram hefur hann örugglega fengið rétta niðurstöðu.

[Eiður Ragnarsson, 10.2.2009 kl. 15:35]

Helga..  Það hafa aldrei fleiri ferðamenn ferðast um öræfin í kringum Kárahnjúka en síðastliðin 4 ár, og þeim fer bara fjölgandi..

Burtséð frá öllu öðru, með eða á móti og öllum þeim pakka, þá hafa möguleikar hins venjulega Jóns og hinar venjulegu Gunnu til ferða á hálendinu norðan Vatnajökuls, stóraukist í kjölfar Kárahnjúkavirkjunar.

Það er meira að segja hægt að fullyrða að störf sem ekki voru til (í ferðaþjónustu) hafi skapast við þessa framkvæmd, og mætti þá ekki segja að það séu afleidd störf vegna stóriðju??? Ja ég bara spyr.

Hitt er svo annað mál að þegar arðsemi framkvæmdana er reiknað, þá fer niðurstaðan yfirleitt eftir því hvernig menn eru þenkjandi, og því erfitt að treysta einhverju einu í því sambandi.

En halda menn virkilega að Landsvirkjun hafi einungis verið að gera þáverandi stjórnvöldum og Alcoa inc greiða með því að skuldsetja sig ???

Hvurslags endemis vitleysa er þetta....