Fordæming í Páfagarði

Vatikanið er gott dæmi um menningarúrkynjun. Karlmenn sem ekkert vit hafa hvorki á konum né börnum berjast fyrir feðraveldinu. Stjúpfaðir nauðgar níu ára stelpu og hún verður ófrísk og móðirinn lætur hana fara í fóstureyðingu.

Hvern fordæmir Vatikanið, jú móðirina og læknana en ekki föðurinn sem framdi glæpinn sem leiddi til sársaukafullra aðgerða í kjölfarið.

Hvað þýðir þessi fordæming Vatikansins? Er Vatikanið að mæla með því að feður eignist börn með börnum sínum og geri það fordæmingarlaust?  

Úr frétt:

Kardináli í Vatíkaninu hefur stigið fram til varnar brazilískum biskupi sem lýsti því yfir að móðir 9 ára stúlku sem var þunguð að tvíburum eftir nauðgun og læknarnir sem framkvæmdu fóstureyðingu á stúlkunni séu með réttu útlæg.

Vatíkanið tekur undir fordæmingu

Athugasemdir

[Rakel Sigurgeirsdóttir, 8.3.2009 kl. 22:48]

Þeir dæma sig sjálfir þessir herra! Hversu hátt hafa raddir þessara sömu herra farið í fordæmingu á þeirra eigin þjónum sem hafa misnotað unga drengi í kaþólskum drengjakórum og -skólum?

Þessi fordæming er svo óheyrilega fáviskuleg að það nær engu tali. Að dæma þau útlæg sem stuðluðu að því að bjarga eina lífinu sem hægt var að bjarga í stað þess að leggja þrjú í stórkostlega hættu er afkáralegt dæmi um mannlega heimsku. Þessi fordæming getur ekki virkað öðruvísi en þannig að hún fælir marga frá kaþólsku kirkjunni sem gerir ekki annað en sýna sitt spillta og ókristilega andlit með þessari fordæmingu.

[Jakobína Ingunn Ólafsdóttir, 8.3.2009 kl. 22:56]

Já það er eitthað úrkynjað við hugarfarið þarna að baki.

[Hilmar Gunnlaugsson, 8.3.2009 kl. 23:11]

Alveg sammála þér Jakobína. Ég bloggaði um málið sjálfur og fékk fyrir vikið skammir frá einum stuðningsmanni Vatíkansins.

[The outlaw (IP-tala skráð) 8.3.2009 kl. 23:25]

Alhæfing, allir karlar eru eins ????

[Jakobína Ingunn Ólafsdóttir, 8.3.2009 kl. 23:36]

Nei, nei The outlaw það eru ekki allir karlar eins, ekki frekar en konun. Þetta Vatikan er þó skrítið fyrirbæri.

[Arinbjörn Kúld, 9.3.2009 kl. 08:34]

Þetta er sama hugarfar og hrjáir öfgamúslima og öfgakristna eða allar öfgatrúarhreyfingar. Viðbjóður.