Elska sjálfstæðismenn þrælslundina?

Þegar ég blogga um kúgun á borð við einokun, ójafnrétti kvenna, spillingu í valdakerfinu, öfuguggahátt sjálfstæðismanna í samningum við erlendar þjóðir ryðjast sjálfstæðismenn með skítkasti inn á bloggið hjá mér.

Finnst þessum einstaklingum svona eftirsóknarvert að búa í samfélagi sem er ofurselt erlendu og innlendu auðvaldi, þar sem náttúrunni er nauðgað, almenningi meinaður aðgangur að gæðum landsins, konur kúgaðar og börn niðurlægð með rassskellingum.

Sjálfstæðismenn gera nú allt sem í sínu valdi stendur til þess að blekkja almenning um þá niðurlægingu sem þeir hafa kallað yfir þjóðina. Dómsvaldið er spillt, stjórnsýslan er vanhæf og þjóðin hefur verið rænd.

Sjálfstæðismenn vilja ekki að þjóðin skilji þetta og koma sífellt fram með villandi upplýsingar um stöðu þjóðarbúsins.

Þeir reyna að múta almenningi til þess að greiða þeim atkvæði sitt með vitlausum gylliboðum um skuldaafslætti. Ef sjálfstæðisflokkurinn kemst til valda mun hann rústa velferðakerfinu og skattpína almenning til þess að halda upp hér fámennri velmegunarstétt. Það hefur sagan sýnt.

Athugasemdir

[Steingrímur Helgason, 18.3.2009 kl. 00:06]

Gjörsammála þér.

[Jóna Kolbrún Garðarsdóttir, 18.3.2009 kl. 00:22]

Ég er líka sammála þér. 

[Jóhanna Garðarsdóttir, 18.3.2009 kl. 10:14]

Það er svo einkennilegt að í hvert sinn sem sjálftæðismenn lenda í stjórnarandstöðu ganga þeir um eins og froðufellandi villidýr og reyna koma höggi á andstæðinginn. Þetta kom ekkert á óvart. Íslendingar hafa upplifað þetta áður hvort sem er í borgarstjórn eða Alþingi.

Í ár hafa þeir gjörsamlega misst sig og hafa gleymt að það eru ekki langt síðan að þeir slepptu taumnum sem þeir hafa haldið í sem fastast s.l. 18 ár. þeir eru einnig haldnir bráðablindu því þeir sjá ekki né skilja afhverju þeim var bolað frá.

[haukur gunnarsson (IP-tala skráð) 18.3.2009 kl. 11:49]

Finnst nú staðreyndirnar ekki þvælast fyrir þér, XD hefur verið í stjórn í 18 ár og ég sé ekki að heilbrigðiskerfið sé í rúst, sennilega með því betra í heiminum. XD rændi ekki þjóðina það voru veruleikafyrtir bankamenn. Ráða xd öllum heiminum, vandræði ífjáarmálum er nú víðar enn hér.

[Jakobína Ingunn Ólafsdóttir, 18.3.2009 kl. 12:15]

Þeir hönnuðu um hverfið fyrir þetta og höfðu af því persónulegan ávinning. Bankarnir og eingnarhaldsfélögin tóku við börnum þeirra, tengdabörnum, eiginkonum, systrum og bræðrum sem sum hver tóku þátt í að ræna landið. Gleymið ekki að sumir tóku beinan þátt til þess að hagnast á bankabrjálæi. Þú er greinilega illa nýfrjála "með því betra í heiminum" hvers vegna gat þá Geir Haarde ekki notað það en þurfti að fara til Hollands. Það var alla vega ekki nógu gott fyrir hann. Og með því betra fyrir hverja þá sem hafa efni á því að borga fyrir það?

[Carl Jóhann Granz, 18.3.2009 kl. 14:23]

Auðvitað voru gerð mistök og ýmislegt sem menn segja að menn hefðu átt að sjá fyrir. Allavega auðvelt að segja það eftirá.
En ekki var nú allt kerfið hannað af Sjálfstæðisflokknum, aðrir flokkar líka síðan náttúrulega er uppistaða fjármálakerfisins tekið upp af ESB.

En að rústa velferðakerfinu stenst ekki, sjaldan verið eins skynsamlega unnið í heilbrigðismálum og eftir að Guðlaugur Þór tók við.
Síðan er skattpíning eitthvað sem tengist vinstri flokkunum. Vittu til, í komandi vinstri stjórn eftir kosningar mun verða pínt og það mikið því þau eru ekki til í að fara í hagræðingar og minnkun hjá hinu opinbera.

[Jakobína Ingunn Ólafsdóttir, 18.3.2009 kl. 16:34]

Carl þú hefur litla hugmynd um hvað þú ert að tala um varðandi heilbrigðiskerfið. Hvergi löndum sem við viljum bera okkur við eru tannskemdir barna eins miklar og á íslandi. Í Bretlandi er heilbrigðisþjónusta og tannlækningar frí fyrir börn. Guðlaugur þór var á góðri leið með að rústa heilbrigðiskerfinu. Hans markmið var að þjóna fjárfestum sem vildu koma klóm sínum í heilbrigðisþjónustuna en ekki bæta þjónustu fyrir almenning

Almenningur hefur aldrei verið eins skattpíndur og í stjórnartíð Sjálfstæðsiflokksins. Þetta er vel rannsakað og skjalfest. Ég bendi þér á að kíkja í gögn frá OECD.

[Carl Jóhann Granz, 18.3.2009 kl. 20:15]

Alveg sammála þér með tannlæknahluta kerfisins en það er nú einnig tilkomið vegna kostnaðar tannlækna. Erfiðlega gengur að fá báða aðila til að sættast á verð.

Þú vilt þá eflaust gagnrýna sameiningu stofnana og færslu þjónustu til sparnaðar sem skemmdarverk eins þarft og það var.

Síðan get ég ekki séð að það skipti máli hvort einkarekstur á afmörkuðum þáttum kerfisins er til staðar eða ekki ef það er til sparnaðar. Svo lengi sem þjónustan er ekki síðri.

Hvað með kaupmáttinn ? Það má ekki slá fram staðhæfingu um meiri skatta án þess að taka tillit til hærri tekna sem skilur eftir meira í vasa fólks.

Annars ætla ég ekkert að þykjast vera eldklár í þessu öllu saman eða of vel inni í málum en þetta sem þú hefur bent á er frekar hæpið. Þú virðist aðallega gegn hugmyndafræðinni um einkarekstur.

[Jakobína Ingunn Ólafsdóttir, 18.3.2009 kl. 20:21]

Ég er í sjálfu sér ekki andvíg hugmyndum um einkavæðingu en mér er ekki sama um það hvað er einkavætt. Í bandaríkjunum er dýrasta heilbrigðisþjónusta í heimi og hún er einkavædd.

[Jakobína Ingunn Ólafsdóttir, 18.3.2009 kl. 20:23]

Í samfélagi þjónar það velferð allra að aðgangur sumri þjónustu sé greiður fyrir alla einstaklinga. Ríkið þarf að tryggja að allir hafi aðgang að slíkri þjónustu.

[Carl Jóhann Granz, 18.3.2009 kl. 20:31]

Þess vegna set ég fyrirvara um að einkareksturinn verði að vera hagkvæmari ásamt ekki verri þjónustu. Ef það tekst þá þykir mér það jákvætt.

En með blessaða tannlæknaþjónustuna myndi ég vilja hafa þetta aftur eins og það var, hún var meira og minna frí fyrir börn. ekki bara þriggja og tólf ára eða hvaða 2-3 ár það var.

[Jakobína Ingunn Ólafsdóttir, 18.3.2009 kl. 22:24]

 Í bandaríkjunum er dýrasta heilbrigðisþjónusta í heimi og hún er einkavædd.

[Carl Jóhann Granz, 18.3.2009 kl. 22:45]

Og við höfum einkarekna parta og þeir eru ódýrari. Það er ekki alveg samasem merki með Bandaríkjunum í öllu.

[Jakobína Ingunn Ólafsdóttir, 18.3.2009 kl. 23:03]

Ha ha