Hinn villti kapítalismi á Íslandi

Víða erlendis skilur fólk hvað það þýðir að vera Íslendingur í dag þótt við skiljum það ekki sjálf. Í þessu landi búa tvær þjóðir. Þjóðin sem stal og þjóðin sem á að borga brúsann. Þjóðin sem stal gerir nú allt til þess að blekkja þjóðina sem á að borga. Við gerðum þetta óvart, við gátum ekki séð þetta fyrir eða þetta er heimskreppan.

Hinn ungi hagfræðiprófessor Dmitrijs Smirnovs varaði við því í ritgerð í haust að Lettland stefndi í efnahagslegt hrun líku því sem orðið hefði á Íslandi.

Skömmu síðar bankaði leynilögregla á dyrnar hjá honum og tók hann höndum fyrir að stuðla að þjóðfélagslegri ólgu og draga úr stöðugleika fjármálakerfisins.

„Við þurfum að hverfa frá villtum kapítalisma til einfalds kapítalisma,“ sagði Smirnovs í viðtali við CSM.

Á Íslandi vilja sjálfstæðismenn fá að dansa áfram hinn villta kapítalisma.

 

Handtekinn fyrir samlíkingu við Ísland

Athugasemdir

[Andri Geir Arinbjarnarson, 20.3.2009 kl. 07:55]

Ég er farin að hafa áhyggjur að þessu gríðarlega hatri sem birtist hér á blogginu í garð Sjálfstæðismanna.  Ekki ætlað ég að afsaka þeirra mistök sem eru mikil en við megum ekki missa tökin á öllu.  Þeir sem brutu lög þarf að draga fyrir dómstóla.  Á sama tíma held ég að við þurfum að fylgja fordæmi Suður Afríku og Nelson Mandela og setja á fót sannleiks og sáttarnefnd til að vinna okkur í gegnum þessi mál á siðmenntaðan hátt.  Því miður eignast fá lönd leiðtoga eins og Mandela og fá lönd eru eins langt frá því markmiði og Ísland, eins og nýleg prófkjör sanna.  Þetta leiðtogaleysi er okkar mikli vandi nú og er víst ekki á bætandi.

[Magnús (IP-tala skráð) 20.3.2009 kl. 10:07]

Þar sem mest af þeim reglum sem við höfum um fjármagnsmarkað kemur frá Evrópusambandinu væri rétt að draga það fyrir dóm. Gefa út (alþjóðlega) handtökuskipun á þá sem sitja í framkvæmdastjórninni, þinginu, framkvæmdastjóra o.s.fv. og láta þá borga bullið í sjálfum sér.

Sjálfstæðismenn voru bara að uppfylla það sem Jón Baldvin og Alþýðuflokkurinn (Samfylkingin) fékk fram með EES á sínum tíma. Þeir eru reyndar ekki stikk-frí en þeir eru ekki þeir skúrkar sem af er látið, þá er að finna annars staðar.

Annars er þetta allt saman bara stórt samsæri Evrópusambandslandana og fyrrum nýlenduríkja til að komast yfir Ísland og auðlindir okkar. Stóri bónus í því er svo Noregur sem fylgdi með enda þegar Noregur stendur einn eftir er hægt að segja upp EES á þeim forsendum að það séu brostnar forsendur fyrir samningnum enda var hann ekki gerður við eitt ríki heldur mörg.

Fari þetta lið til helvítis.

[Jakobína Ingunn Ólafsdóttir, 20.3.2009 kl. 13:37]

Ósköp eruð þið eitthvað viðkvæmir strákar mínir. Ég hata alls ekki sjálfstæðismenn og heldur ekki aðra menn. Það er mín skoðun að allir menn eigi skilið virðingu og mannréttindi og líka sjálfstæðismenn.

Ég vil hins vegar ekki að sjálfstæðismenn fá færi á því að dansa villtan kapítalisma áfram á Íslandi. Ég tel kominn tími til þess að sjálfstæðismenn fara að skoða sinn hug og þroskast.

Þeir hefðu kannski gott af því að rækta garðinn sinn og lesa góðar bækur en láta fólk sem hefur góðan samfélagsþroska en ekki villta draumóra um að vera best í heimi um að stjórna landinu meðan það verið að koma því upp úr skítnum sem sjálfstæðismenn komu því í.

[Jakobína Ingunn Ólafsdóttir, 20.3.2009 kl. 14:28]

Já Þrymur ég er að tala um flokksmaskínuna, frjálshyggjugúrúana og drengina sem setið hafa við fótskör þeira og forheimskast af boðskapnum.

[Jakobína Ingunn Ólafsdóttir, 20.3.2009 kl. 14:30]

....og auðvitað þá sem eru nægilega vitlausir til þess að kjósa þetta yfir sig og okkur hin

[Rakel Sigurgeirsdóttir, 21.3.2009 kl. 16:38]

Þetta er athyglisverð frétt en ég hefði viljað fá að vita hvor Dmitrijs Smirnovs sé laus núna.