Ég held ég sé hætt að elska sjálfstæðismenn. Þeim er ekki viðbjargandi.

Auðmennirnir sem höfðu leppa sína í stjórnsýslunni og á Alþingi stálu öllum gjaldeyrnum og fóru með hann til aflandseyja.

Hvað segir sjálfstæðisflokkurinn núna. Jú hann vill hindrunarlaust flæði innflutnings. Hvar á að fá gjaldeyri fyrir innflutningi nú þegar allur gjaldeyrir fer í að greiða vexti af erlendum lánum?

Á Sögu segir m.a.:

Sjóður undir stjórn Illuga Gunnarssonar kostaði skattgreiðendur 11 milljarða. Fullyrðingar um sjóðinn á heimasíðu Illuga standast ekki raunveruleikann.

Í smugunni segir:

Tryggvi Þór skrifaði sem kunnugt er skýrslu fyrir Viðskiptaráð Íslands ásamt bandaríska hagfræðingnum Friederic S. Mishkin vorið 2006. Skýrslan var fyrst og fremst hugsuð til þess að troða ofan í kok úrtölumanna og kæfa þannig alla gagnrýni. Það tókst og við fengum IceSave.

 

Á MBL segir: Fólkið brást en ekki stefnan

Hvern fjandann er þá sjálfstæðisflokkurinn að tefla aftur fram þessu sama fólki og brást.

Það er ljóst hverjum heilvita manni að stefna sjálfstæðisflokksins brást. Það er skrifað um það í fjölmiðla út um allan heim hvernig arfavitlaust stefna stjórnvaldsins leiddi þessa þjóð í ógöngur. En nú vill Viðskiptaráð koma leppum sínum aftur að.

Menn vilja geta hafið hér heilbrigðisiðnað og flutt inn feita Ameríkana sem þeir ætla að lækna áður en þeir verða veikir. Heilbrigðisstarfsfólk sem almenningur hefur kostað að mennta getur þá farið að stunda það að lækna innflutta sjúklinga. Skítt með veikt fólk á Íslandi. Er það annars ekki stefna sjálfstæðisflokksins?

Fólkið brást, ekki stefnan

Athugasemdir

[Jakobína Ingunn Ólafsdóttir, 20.3.2009 kl. 20:57]

Fyndið

[Helga (IP-tala skráð) 20.3.2009 kl. 21:05]

Það er umhugsunarefni fyrir þá sem hafa hugsað sér að kjósa
Sjálfstæðisflokkinn í apríl að nefnd á vegum flokksins sagði að stefna
flokksins hafi ekki brugðist heldur hafi fólkið brugðist (væntanlega á
nefndin við þingmenn Sjálfstæðisflokkins).

Enginn veit hver verður stefna Sjálfstæðisflokksins næsta kjörtímabil. En
allir vita hvaða einstaklingar eru í framboði fyrir flokkinn. Af hverju ættu
þeir ekki að bregðast aftur?

Hugsið ykkur tvisvar um áður en þið greiðið Sjálfstæðisflokknum atkvæði:
Stjórnmálaflokki sem teflir fram sama fólkinu sem í skásta falli svaf á verðinum
síðustu kjörtímabil og í versta falli spilaði með í spillingunni sem hefur verið meiri en svartsýnasta fólk gat látið sér til hugar koma - Það verður ekki aftur
snúið.

Rifjið upp tilmæli fyrrum forsætisráðherra til okkar allra þegar við vissum ekki hvaðan á okkur stóð veðrið sl. haust: Ekki persónugera vandann. Hann talaði ekki til okkar eins og vitiborins fólks - Hann talaði ekki kjark í okkur - Hann upplýsti okkur ekki um hvað hafði gerst og hann sagði okkur ekki hvað væri fram undan. Hann sagði okkur að persónugera ekki vandann!!!

Vill nokkur maður láta tala svona við sig aftur???
 

[J.þ.A. (IP-tala skráð) 20.3.2009 kl. 21:27]

Víst verður manni flökurt ???

[HT (IP-tala skráð) 20.3.2009 kl. 21:38]

Aðgát skal höfð í nærveru geislavirks úrgangs 18 ára stjórnartíðar!

[Helga (IP-tala skráð) 20.3.2009 kl. 23:09]

Sendu endilega hér inn tilvitnunina sem þú talar um, Þrymur, fyrir okkur hin sem erum ólesin í Mao.

[Helga (IP-tala skráð) 20.3.2009 kl. 23:30]

Þetta grunaði mig, Þrymur, þú ert samfélagslega dýrmæt mannvitsbrekka.

Þýddirðu sjálfur textann sem þú segir vera eftir Maó?

Ég játa að ég skil hvorki tilvitnun þína né sé ég hvernig hún hæfir orðum mínum hér að ofan. En þú verður væntanlega ekki í vandræðum með að skýra þetta út fyrir mér.

[B Ewing, 20.3.2009 kl. 23:31]

Samlíking þessarar yfirlýsingar Sjálfstæðisflokksins við málstað byssuglaðra hvítra Ameríkana og hins kolklikkaða Charlton Heston er skuggalega rétt.

NRA: „Guns don't kill people, people kill people"

NRA: „Byssur drepa ekki fólk, fólk drepur fólk"

XD: „Stefna drepur ekki hagkerfi heillar þjóðar, fólk drepur hagkerfi heillar þjóðar"

Sjálftökuflokksmenn eru endanlega orðnir klikk. 

[Helga (IP-tala skráð) 20.3.2009 kl. 23:41]

Nei, Þrymur það mun ég ekki gera. Ég hef ekki áhuga. En ég vil gjarnan halda áfram að njóta visku þinnar, þekkingar og skynsemi hér á blogginu hennar Jakobínu, ef þú vilt vera svo sætur.

[Jakobína Ingunn Ólafsdóttir, 21.3.2009 kl. 00:03]

ALLIR erlendir sérfræðingar (sem ég hef lesið og eru þeir nokkrir) sem hafa gefið álit sitt telja vanda íslenska þjóðarbúsins heimatilbúinn.

Voru það útlendingar sem fóru að stela ríkisstofnunum af þjóðinni á tíunda áratugnum?

Voru það útlendingar sem komu á kvótakerfinu (stálu fisknum sem nú syndir í sjónum og afkomendum þessara sömu fiska)?

Voru það útlendingar sem byggðu Kárahnjúkavirkjun og selja orkuna með tapi?

Voru það útlendingar sem einkavinavæddu bankanna m.a. til Bjórgúlfanna?

Voru það útlendingar sem spilltu hér stjórnsýslunni?

Voru það útlendingar sem voru svo staurblindir að þeir tóku ekki eftir að hér stefndi allt í óefni?

Það þarf ótrúlega heilaþveginn og heimskann einstakling til þess að trúa því að heimskreppan sé rótin að þeim gríðarlega vanda sem framundan er í efnahagsmálum Íslendinga.

[Jakobína Ingunn Ólafsdóttir, 21.3.2009 kl. 00:38]

Ísland hefur alltaf verið dverghagkerfi með handónýtan gjaldmiðil

[halkatla, 21.3.2009 kl. 07:48]

Heimskreppan og aðdragandi hennar breytir engu um mann(ó)kosti fólksins sem hefur verið bendlað opinberlega við sjálfsstæðisflokkinn og stefnu hans. Sá viðbjóður hefur blasað við árum saman. Þeir sem bera í bætifláka fyrir svona lýð einsog þann sem "stjórnaði" þessu landi í gegnum eitthvað siðspilltasta og sorglegasta tímabil Íslandssögunnar (andlegt atgervi er mikilvægara en líkamlegt) eiga sér engar málsbætur en ég nenni ekki að rausa um það meira en ég hef þegar gert, Jakobína og félagar eru fín í að benda á það sem allir vita um þessi mál. En samúð mín er með Þrym (og öðrum í hans stöðu) sem ætlar að eiga viðbjóðslegt karma í næsta lífi, ásamt félögum sínum í flokknum.