Hvaða stjórnmálamenn tengjast álverunum og hvernig?

Þetta eru pælingar margra þessa daganna.

Hverjir eru búnir að lát múta sér til þess að hafa mikinn áhuga á uppbyggingu álvera?

Hverjir bera í víurnar?

Perkins þykir grunsamlegt að Landsvirkjun, sem er í opinberri eigu, birtir ekki opinberlega raforkuverð til álvera.

Er þetta ekki nokkuð augljóst:

„Það gefur til kynna að samningurinn sé ekki góður fyrir Ísland,“ sagði Perkins. „Ef samningurinn er góður fyrir Ísland myndi maður halda að menn myndu stæra sig af því og fólk fengi að vita af þessum góða samningi. Ég tel þetta merki um að eitthvað sé ekki í lagi. Þegar eitthvað er gert í leyni og upplýsingum haldið frá almenningi, jafnvel þótt hann eigi fyrirtækið, þá er það grunsamlegt.“

Kannski að Bryndís Hlöðvers geti frætt okkur nánar um þetta?

Og þetta er góð hugmynd:

Þegar ég geng hér um götur furða ég mig á því hvers vegna þið eigið svona mikið af stórum eyðslufrekum bílum. Mér finnst að þið ættuð öll að aka um á rafbílum og vera með rafknúið samgöngukerfi. Það mætti breyta bensínstöðvunum í rafhleðslustöðvar fyrir bíla. Þið gætuð tekið forystu á þessu sviði og jafnvel framleitt rafbíla eða rafvélar. Notað álið úr álverunum hér á landi.“

Og þessi líka:

Íslendingar eiga að nýta orkulindirnar en nýta orkuna sem mest til hagsbóta fyrir íslensku þjóðina, að mati Perkins. Hann nefnir t.d. uppbyggingu risastórra gróðurhúsa sem þarfnist mikillar orku. „Þið gætuð flutt út grænmeti, blóm og aðrar afurðir.

Ég hef tekið eftir því eftir hrun bankanna að margir hata stóru jeppanna sem aka um götur borgarinnar. Þeir eru táknrænir fyrir heimsku Íslendinga.

 

Ráðleggur Íslandi að neita að borga skuldir

Athugasemdir

[Magnús Helgi Björgvinsson, 8.4.2009 kl. 10:03]

Held að við eigum nú ekki að hlusta gagnrýnislaust á svona menn af kanntinum. Rakst á þessa umsögn um Perkins hér einhverstaðar á netinu. Gleymdi að merkja hvaðan ég tók það:

Bandaríska utanríkisráðuneytið gaf ekki mikið fyrir kenningar John Perkins og bók hans Confessions of an Economic Hit Man, sem kom út fyrir þremur árum. Sagði ráðuneytið frásagnir Perkins hreinan og kláran tilbúning, og bentu meðal annars á þá nýlegu staðreynd að bandarísk stjórnvöld hefðu í stórum stíl gefið eftir skuldir margra fátækra og skuldugra ríkja. Eins hafi þær þjóðir sem hlutu lánafyrirgreiðslu alþjóðlegra stofnana náð sér hraðar á strik og samkvæmt öllum stöðlum hefði íbúum viðkomandi landa vegnað betur en áður.

En ég eftast um að hér finnir þú fólk sem þetta á við

Hverjir eru búnir að lát múta sér til þess að hafa mikinn áhuga á uppbyggingu álvera?

Ég held að það sem t.d. kveikti í mönnum að semja um þessar álbræðslur hafi verið kosningaveiðar mest. En samt áberandi að t.d. Finnur Ingólfs hætti þegar hann var búinn að semja um álver á Grundartanga. En ég held að það eigi aðrar skýringar.

Perkins sagði að þeir fengju feitar stöður í þessum álverum eða hjá AMG og það er enginn sem er merkjanlega kominn í þá stöðu

[SH (IP-tala skráð) 8.4.2009 kl. 10:19]

Hverjir hafa komið nálægt samningagerð um sölu á raforku til stóriðju? Endurskoðaða samningagerð um sölu á raforku í framhaldi viðræðna um hækkun í hafi á sínum tima? Samningagerð um stóriðjuframkvæmdir?

The usual suspects: (stikkprufa)

Halldór E. Sigurðsson (B), Guðmundur G. Þórarinsson (B), Jóhannes Nordal (D), Sverrir Hermannsson (D).

Bæði eldri og yngri dæmi finnast, bætist á listann sem þurfa þykir.

[Ævar Rafn Kjartansson, 8.4.2009 kl. 10:44]

Ef garðyrkjubændur fengju sama verð og álverin yrði hér gríðarleg uppbygging og möguleikar í þessari grein. Ég hef grun um að raforkuverð til álvera sé svo skammarlegt að íslensku stjórnmálaálhausarnir sem sömdu um það hafi sett sem skilyrði að það yrði ekki gefið upp. Það virðist oft gleymast í eigu hverra Landsvirkjun er.

[Sigurður Haukur Gíslason, 8.4.2009 kl. 11:29]

Svör við þessum tveimur spurningum myndi skýra margt:

Hafa álfyrirtækin s.s. Alcoa styrkt stjórnmálaflokkana og ef svo er hvað mikið?

Hvað eru álfyrirtækin að borga fyrir orkuna?

[Ómar Geirsson, 8.4.2009 kl. 12:12]

Blessaður Magnús.

Rangfærslur eru ekkert betri þó þú lesir þær á netinu og vitnar í þær án heimilda.

Og það er alþekkt staðreynd eftir að Bush yngri náði völdum í Hvíta húsinu þá er það aðeins mistök ef yfirlýsingar bandaríska utanríkisráðuneytisins fara í takt við sannleikann.  Sjaldgæf mistök en hálfsannleikur, rangtúlkanir, misfærslur og hrein ósannindi mynda alltaf þeirra kokteila.

En lestu þér til um niðurstöður og skýrslur frjálsra félagasamtaka sem héldu heimsþing sitt í Belin í Brasílíu, á sama tíma og yfirstétt heimsins hélt sinn fund í Davos.

Þar munt þú fá nokkuð rétta mynd af því ástandi sem heimurinn er að glíma við og þó Perkins sé ekki neinn guð almáttugur þá veit hann meira viti í sínu fagi en aðkeyptir áróðursmenn sem hafa þann eina tilgang með störfum sínum að afvegleiða umræðuna og fela sannleikann.  

Málið er það að það trúir þeim enginn nema sá sem vill trúa.  Og þú þekkir það fólk á því að það vitnar sí og æ í bandaríska utanríkisráðuneytið um meinta gjöreyðingarvopnaeign Saddams Hussein.  Alveg óbrigðult ráð til að þekkja hina "trúuðu"

Kveðja að austan.