Ætlið þið bara í slorið

...sagði Þóra fyrir hönd ríkissjónvarpsins í kvöld þegar forystan í kjördæmunum sat fyrir svörum. Ríkissjónvarp allra landsmanna hefur markvisst reynt að halda Frjálslynda flokknum frá sviðsljósinu og gera lítið úr fulltrúum flokksins í beinni útsendingu.

Frjálslyndi flokkurinn hefur sagt um stefnu sína í atvinnumálum að hann vilji uppræta einokun, samþjöppun, verðsamráð, kvótaframsal og ofríki vel mútaðra valdhafa til þess að koma á heilbrigðu atvinnuumhverfi í landinu.

Hefur ríkissjónvarp allra landsmanna eitthvað á móti ofangreindum markmiðum?

Borgarahreifingin var ekki með neina stefnu í atvinnumálum, framsókn og sjálfstæðisflokkur vilja halda áfram að gefa erlendum fjárfestum orkuna og eyðileggja landið okkar með mengandi stóriðju, Vinstri græn og samfylking vilja gera göngustíga og klára tónlistarhúsið fyrir litla 13,5 milljarða.

Við í frjálslyndum viljum raunverulega verðmætasköpun sem skilar sér til þjóðarinnar og það næst með því að bjóða fyrirtækjunum í landinu orkuna á sanngjörnu verði. Efla ilrækt (grænmeti) rækta korn til skepnufóðurs og manneldis, framleiða áburð, vinna úr íslensku hráefni s.s. vikri, fullvinna afurðir úr sjávarútvegi og landbúnaði, fullvinna ál, efla ferðamannaþjónustu, menningartengda ferðamannaþjónustu.

Við skulum ekki gleima því að störf í þessum greinum skapa afleidd störf í þjónustu í Reykjavík.

Er ríkisútvarp allra landsmanna á móti þessu?

Valda flokkar síðustu átján ára hafa markvisst drepið niður atvinnusköpun í landinu með einhæfum lausnum og spillingu. Þessu vill Frjálslyndi flokkurinn snúa við.

Frjálslyndi flokkurinn er eini flokkurinn sem bíður upp á raunhæfar lausnir.

Frjálslyndi flokkurinn hefur frá upphafi verið með opið bókhald.

Athugasemdir

[Jakobína Ingunn Ólafsdóttir, 14.4.2009 kl. 22:24]

Þetta ágæta slor hefur oft bjargað þjóðinni Sigurbjörg mín. Vinna í fiski er ekki svo afleit og við höfum ekki efni á því að einblína á hátækni sem vissulega á rétt á sér en hætt er við að verði ekki bjargvættur á tímum þegar fjármálakreppa ríkir um heim allan.

[Hákon Jóhannesson (IP-tala skráð) 14.4.2009 kl. 22:50]

Það er fengur fyrir Frjálslynda að fá þig - spillingarbanann á lista hjá sér.

Framundan er mikið hreinsunarstarf; ef það verður ekki hreinsað til hér verður ekki líft hér.

Já það er einkennileg þessi þráhyggja með að "útdeila" til fárra útvaldra.  Skrítið, en svona hefur þetta verið. Gott að ástæða þessa er að skýrast smám saman.

Auðlindir landsins eiga að vera eign þjóðarinnar - fólksins í landinu - en ekki fært upp í hendurnar á gráðugum, veruleikafirrtum einstaklingum sem einskis svífast.

Auðvitað þarf að auka iðnað hér, og efla fullvinnslu eins og unnt er og í fjölbreytninni er styrkur. Segir sig sjálft.

Gera má ráð fyrir auknum straumi ferðamanna hingað úr þessu vegna stöðu krónunnar. Var um daginn í Noregi og þar er allt a.m.k. 2x dýrara en hér. Fyrir þá að koma hingað er allt margfalt ódýrara, því laun þar eru líka hærri en hér.

[Helga Þórðardóttir, 15.4.2009 kl. 00:18]

Sammála þér Jakobína. Það er eins og Þóru sé eitthvað uppsigað við Frjálslynda flokkinn. Ég veit satt að segja ekki  hvað við höfum gert henni. Kannski finnst henni við bara vera púkó.

[Ómar Geirsson, 15.4.2009 kl. 01:04]

Blessuð Jakobína og takk fyrir góðan pistil.

Áherslur þínar verða að veruleika á einn eða annan hátt ef þjóðin ætlar að lifa heimskreppuna af.  

Eini gallinn sem ég sé á atvinnustefnu Frjálslynda er sú staðhæfing Guðjóns Arnar að þjóðin hafi ekki efni á "einhverri tilfinningasemi" þegar að kemur að því að skapa ný störf.  Með öðrum orðum þá var hann að lýsa yfir stuðningi við þá stóriðjustefnu sem var undirrót þeirra hávaxtastefnu sem hér er allt að drepa.  

Ný stóriðjustefna mun viðhalda hávöxtum og þar með eyða vaxtasprotum þínum.  Þú mátt benda Guðjóni á að Framsókn er fullfær um að predika stóriðjustefnu og þarf ekki hans liðsinni við það.

Hann á frekar að hlusta á þig kallinn og rökin eru næg í undangengnum pistlum.

En gangi ykkur allt í haginn.

Kveðja að austan.

[Steingrímur Helgason, 15.4.2009 kl. 01:06]

Stefnan var góð, ég er enn Frjálslyndur í anda & meiníngu, en skipbrotið var líkkiztulega okkar & séra Karl rak nú naglann fyrir bróður sinn í kvöld.

Flokkurinn er dáinn, lengi lifi flokkurinn.

[Jakobína Ingunn Ólafsdóttir, 15.4.2009 kl. 01:41]

Ef stefna frjálslyndra í atvinnumálum nær ekki fram að ganga er þjóðin í vondum málum.

Hvað varðar stóriðjustefnu þá eru frjálslyndir ekki hlyntir því að gerðir verði fleiri samningar um stóriðjuver. Það sýnir sig að stóriðjuverið eru ekki að skila neinu til baka fyrir almenning nema óánægju og skemmdir á ferðaþjónustu og öðrum atvinnugreinum.

[Ómar Geirsson, 15.4.2009 kl. 13:47]

Sammála Jakobína. 

Ræddu þessi mál í rólegheitum við kallinn því unga fólkið vill ekki meiri stóriðju.  Það skilur nefnilega rök þín.

Kveðja, Ómar.