Hræðsluáróður útrásarvíkinganna

Útrásarvíkingarnir eiga fjölmiðlanna.

Útrásarvíkingarnir hafa keypt sér marga stjórnmálamenn eins og kunnugt er.

Útrásarvíkingarnir vilja að þjóðin greiði skuldir þeirra.

Útrásarvíkingarnir vilja að við galopnum Ísland fyrir erlendar fjárfestingar svo að þeir geti hirt það sem þeim hefur enn ekki tekist að hirða.

Útrásarvíkingarnir vilja í ESB og hafa marga stjórnmálamenn á mála til þess að ná því markmiði.

Hræðsluáróðurinn felst í því að fólki er talið trú um að allt fari til fjandans ef þjóðin borgar ekki skuldir útrásarvíkinganna eða þeirra sem ég vil gjarnan kalla þjóðníðinga og ef við galopnum ekki hér allt fyrir erlendar fjárfestingar (brunaútsölur fyrir þjóðníðinganna).

Vörumst þá sem segja að þeir vilji ganga til aðildarviðræðna STRAX. Þeir vilja okkur ekki vel.

Og svo vil ég birta hér fleyg orð Offara sem hefur húmor fyrir geðvonskunni í mér en hann segir:

Vertu róleg Jakobína þegar íslendingar hefja aðildarviðræður með allt niðrum sig sjá erlendir fjárfestar hvað hægt er að spila mikið með þessa heimskingja og traust erlendra fjárfesta á íslandi eykst.

Athugasemdir

[Rakel Sigurgeirsdóttir, 29.4.2009 kl. 01:45]

Ég er hrædd um að þú hafir alltof mikið til þíns máls í því sem þú vekur athygli á hér að ofan, því miður

[Vilborg G. Hansen, 29.4.2009 kl. 07:44]

Nú er ég sammála þér Jakobína, þetta er nefnilega akkurat málið

[Gunnlaugur Ingvarsson (IP-tala skráð) 29.4.2009 kl. 07:57]

Flott grein hjá þér.

Já það stendur yfir áhlaup á Ísland af þessum aðilum.

Stöðugt er hamast á þjóðinni um hengiflug ef við ekki. . . . . .  og annað áfall ef við ekki.

Fréttamiðlarnir hamast á þjóðinni og stjórnmálamönnunum, þeir flokka frétttir bókstfalega þannig að við erum mötuð á einhliða ESB áróðri frá morgni til kvölds. 

Síðan koma ESB agentarnir sem sitja í fínu ESB Evrópufræðasetrunum sem kostuð eru af áróðurs- og stækkunarmálaráðuneyti ESB og setja upp fræðamannasvipinn og draga svo upp hverja glansmyndina á fætur annarri af dásemdum ESB aðildar.

Fyrir þessum óhroða og rétt-trúnaði þurfum við að berjast ! 

[Helena (IP-tala skráð) 29.4.2009 kl. 08:28]

Þú talar um hræðsluáróður en nýtir svo slíkan málflutning sjálf.

Þú setur fram fullyrðingar sem getur svo sem vel verið að eigi við einhver rök að styðjast en rökin eru afar fyrirferðarlítil í þínum málflutningi, svo fyrirferðarlítil að ég get hreinlega ekki komið auga á þau.

Þú gerir hér lítið annað en að eigna tilteknum mönnum ákveðnar fyrirætlanir sem ég geri ráð fyrir að þú hafir ætlað þér að færa rök fyrir að muni leiða okkur til glötunar.

Vafasamur málflutningur, svo ekki sé meira sagt.

[Offari, 29.4.2009 kl. 08:57]

Sæl Jakobína mér hefur líka fundist það vera útrásarvíkingarnir sem vildu koma landinu inn í Esb. Þessu fleygu orð sem þú vitnar í hjá mér komu af því að ég hef alldrei skilið hvernig það eitt að hefja aðildarviðræður ætti að auka trú annara þjóða á Íslandi.

Aðrar þjóðir vilja líka hafa blóraböggul og Ísland liggur vel undir höggi núna. Tiltrú annara þjóða á okkar þjóð eykst ekki fyrr en búið er að finna annan blóraböggul í staðinn.

[S.Á. (IP-tala skráð) 29.4.2009 kl. 09:31]

Stutt en hnitmiðuð greining, sem segir flest sem segja þarf. Takk fyrir!

[Kristján E.Guðmundsson (IP-tala skráð) 29.4.2009 kl. 09:40]

Ég er satt að segja mjög undrandi á svona barnalegu rugli eftir lestur á menntunarlegum bakgrunni höfundar. Í gær var í viðtali í sjónvarpi viðtal við tvo forstjóra tveggja "útrásarfyrirtækja",  frá Marel og CCP.  Þeir hafa byggt hér upp fyrirtæki sem eðlilega þurfa að leita "útrásar", þ.e. fara með framleiðslu sína og uppfinningar á hinn stóra markað. Þeir segjast einfaldlega ekki geta búið við það ástand sem hér er í gjaldeyrismálum, þ.e. með krónuna og því muni slík fyrirtæki einfaldlega flytja sig úr landi ef ekki verði gengið í ESB og tekinn hér upp gjaldgeng mynt!! Við höfum vissulega brennt okkur á ævintýramennsku "útrásarvíkinga" í fjármálum en fólk má ekki missa sig í einhverju rugli um að aldrei megi leita útrásar í atvinnumálum. Sannleikurinn er sá að í frumvinnslugreinum á Íslandi, þ.e. landbúnaði og sjávarútvegi vinna nú innan við 7% vinnuafls á Íslandi.  Heimamarkaður er hér mjög lítill og ef byggja á hér upp einvherja atvinnu fyrir menntaða þjóð þurfum við að vera á hinum stóra markaði ESB, njóta stöðugleika í efnahagslífinu með mynt sem er alls staða gjaldgeng, og geta þannig búið ungu fólki lífvænleg lífsskilyrði hér á landi. Annars fer það einfaldlega úr landi. Menn lifa ekki á einhverri þjóðrembu !

[Héðinn Björnsson, 29.4.2009 kl. 10:04]

Fólkið í landinu kaus og verður nú að taka afleiðingunum af því vali sem það gerði. Við hin gerðum það sem við gátum til að segja frá stéttarhlutverki ESB í núverandi stöðu þjóðarinnar en samt valdi þjóðin að kjósa meirihluta á þingi sem vill sækja um aðild að ESB. Geti sá meirihluti sameinast um aðferð til að sækja um aðild og takist ekki að vísa þeirri ákvörðun til þjóðarinnar verðum við að taka því.

[Magnús Helgi Björgvinsson, 29.4.2009 kl. 10:27]

Það væri gaman að vita um hverja þú ert að tala! Sé ekki í svipinn hvað þeir ættu að gærða á þvi að við gengjum í ESB? Voru þeir ekki einmitt að græða á því að reglur hér voru ekki eins og í ESB. Minni þig líka á að með því að vera í EES samninginum erum við búin að undirgangast allar reglur ESB varðandi frítt flæði fjármagns og fjárfestingar milli landa. Þannig að ég sé ekki afhverju þeir ættu að græða sérstaklega á því. Held að flestir ESB sinnar séu að leita að því að komast í efnahagsumhverfi þar sem að sveiflur í gjaldmiðli geti ekki hækkað skuldir fólks á einni vikum um marga tugi prósenta. Sem og að fyrirtækin sé samkeppnishæf með sama gjaldmiðil og aðrir á mörkuðum.  Og síðast enn ekki síst að erlendir fjárfestar fái trú á að fjárfesta hjá okkur. Annars eigum við okkur varla viðreysnar von.

Þegar svona hrun verður eigum við að horfa til reynslu og leiða annarra og það eru t.d Finnar. Um það skrifaði ég eftirvarandi.

"Hér um daginn var á landinu finnskur sérfærðingur í fjármálaráðuneyti þeirra Ilkka Mytty. Á www.pressan.is má lesa frásögn af fyrirlesri hans. Hann sagði m.a.

Finnar gengu í gegnum svipaða efnahagskreppu og Ísland glímir við í dag. Eftir mikið góðæri á 9. áratugnum dróst landsframleiðsla saman um 14 prósent milli áranna 1990 og 1993 og atvinnuleysi fór úr 3 prósentum upp í 20 prósent á sama tíma.

Mytty segir að mörg mistök hafi verið gerð í aðdraganda kreppunnar. Reglum á fjármálamarkaði hafði verið aflétt en því fylgdi ekki aukið eftirlit með markaðinum af hálfu finnskra stjórnvalda. Hagkerfið ofhitnaði og finnski Seðlabankinn brást við með því að hækka stýrivexti upp úr öllu valdi. Þetta leiddi til þess að erlent fjármagn varð ódýrt og einkageirinn sat uppi með háar skuldir, bæði í innlendri og erlendri mynt. Þá gerði illt verra að á sama tíma hrundu Sovétríkin og útflutningur þangað dróst saman um 70 prósent.

Til að bregðast við kreppunni réðust finnsk stjórnvöld í umfangsmiklar aðgerðir. Opinber útgjöld voru skorin niður um nærri 10 prósent á árunum 1991 til 1999 og skattar voru hækkaðir. Finnar höfðu löngum búið við háa verðbólgu, háa vexti og gengissveiflur og því lá fyrir að endurskoða þurfti peningastefnuna frá grunni.

Mytty segir að innganga í ESB, og síðar Myntbandalag Evrópu, hafi verið rökrétt skref í því að auka samkeppnishæfni hagkerfisins og binda það við hagkerfi Evrópu. Í ljós hafi komið að sú ákvörðun hafi verið rétt og aukið á stöðugleika og trúverðugleika Finnlands. Vextir séu nú lægri, matvælaverð lækkaði umtalsvert og kaupmáttur jókst. Mikilvægasta atriðið sé þó að upptaka evru hafi aukið erlenda fjárfestingu og samkeppni varð virkari. Þá hafi vinnumarkaðurinn svarað kalli um aukinn sveigjanleika."

[Anna (IP-tala skráð) 29.4.2009 kl. 10:31]

Ef ég held mig við sama stíl og hér er viðhafður, þá má á sama hátt segja:

Íslenskir kvótakóngar eiga fjölmiðla [Mogga].

Íslenskir kvótakóngar hafa [alveg örugglega] keypt sér marga stjórnmálamenn [það kom t.d. í ljós þegar rætt var um auðlindaákvæðið í stjórnarskrá í þinglok. Þar kom sérhagsmunagæsluhópur kvótakónganna út úr skápnum].

Íslenskir kvótakóngar vilja að þjóðin afskrifi skuldir þeirra [sem þeir hafa stofnað til með veðsetningu á kvóta sem þeir eru ekki enn búnir að veiða].

Íslenskir kvótakóngar telja það stærstu ógnina við sig að með aðild að ESB verði opnað fyrir erlendar fjárfestingar í atvinnugreininni því að þá hafa ÞEIR ekki lengur EINIR vald yfir verðmætunum sem felast í fiskinum OKKAR [en þeim finnst allt í lagi að þeir fjárfesti sjálfir í sjávarútvegsfyrirtækjum í ESB löndum, enda hafa þeir verið að gara það í töluverðum mæli síðustu ár].

Íslenskir kvótakóngar vilja ALLS EKKI í ESB og hafa marga stjórnmálamenn á mála til þess að koma í veg fyrir það.

Að því sögðu þá finnst mér samræða um ESB mál í þessum stíl ekki skila neinu. Við eigum að ræða um ávinning og fórnir í víðara samhengi, vega og meta alla kosti og galla og í framhaldi af því taka upplýsta ákvörðun um það hvar við viljum standa í samfélagi þjóðanna!

[Björn Heiðdal, 29.4.2009 kl. 13:32]

Getur einhver ESB sinni útskýrt hvað sé gott við þjóðargjaldþrot í boði frjálsra fjármagnsflutninga.  Getur sá hin sama útskýrt fyrir mér hvernig erlendir togarar bæta hag Íslendinga.  Síðan vantar útskýringu hvað Finnar fengu í ESB en gátu ekki fengið með EES. 

[Jakobína Ingunn Ólafsdóttir, 29.4.2009 kl. 14:33]

Anna ég sé ekki að það geri málið léttvægara ef almenningur fær hræðsluáróður úr báðum áttum. Það er þó staðreynd að það hafa verið ESB sinnar sem hafa keyrt á þvælunni í aðdraganda kosninga. Hvernig tala ESB sinnar um Ísland. Málflutningur Kristjáns hér að ofan er gott dæmi. Hann telur útrýmingu sjálfstæðisflokks á frumvinnslugreinunum og hreppaflutninga frá byggðum landsins eigi að vera viðmið í mótum framtíðar.

Hann talar um menntaða þjóð. Hvað er menntuð þjóð. Er það þjóð þar sem allir eru með nefið límt við tölvuskjái og þekkja ekki lyktina af kúaskít.

Ætlar hann að endurreisa bankanna. Sér hann lausnir í meiri skuldsetningu og öreiga þjóð skipaða einstaklingum sem skulda vinnuævi fyrir framan tölvuskjái áður en þeir hafa lært að stíga í lappirnar.

Ég held Anna að það sé full þörf á að umræðan komist á annað stig þótt það sé kannski ekki í þínum skilningi.