Hvers vegna var gjaldeyrisvaraforðanum forðað úr landi í haust?

Jöklabréfaútgefendur endurfjárfestu í íslensku ríkisskuldabréfum til þess að tryggja sér krónur til endurgreiðslu á jöklabréfum sem endurgreidd skyldu í krónum. Við þetta safnaðist fyrir gjaldeyrisvaraforði en annar gjaldeyrir virðist vart hafa verið til í landinu.

Rétt fyrir hrun var nánast allur gjaldeyrisvaraforði 520 milljarðar lagðir inn á Kaupþing. Sögur herma að fjárglæframennirnir hafi flúið með fullar ferðatöskur af gjaldeyri úr landi um svipað leyti og einnig hafa verið fréttir að hundrað milljarða millifærslu úr Kaupþing til Kaupþing í Luxemburg.

Leynd hvílir yfir því nú hverjir eru eigendur jöklabréfanna og hver ríkisstjórnin af fætur annarri hefur farið með völd án þess að stynja upp hverjir þessir lánadrottnar jöklabréfaútgefendanna eru en jöklabréfaútgefendurnir eiga síðan kröfu á Íslenska ríkið.

Einhverra hluta vegna hefur verið ákveðið að eyða púðrinu í Ólaf Ólafsson en Björgólfur Thor er innan skjaldborgarinnar eftir því sem best verður séð.

Ekki er ljóst hvort Ólafur Ólafsson hafi verið að  plata hinn ágæta sjeik Mohamed Bin Khalifa Al-Thani frá Katar en heyrt hef ég þó að sjeikinn hafi tapað á þessum viðskiptum og sé reiður Ólafi. En gjörðir Björgólfs Thors hafa einungis bitnað á skattgreiðendum hér á landi. Reyndar tel ég að Bretar og Hollendingar eigi líka að borga skatt hér á landi þar sem þeir telja sig eiga rétt á þjónustu ríkissjóðs Íslands.

Forseti Íslands er í ágætu vinvengi við emírinn af Katar og fór til hans nýlega í opinbera heimsókn en heimsókn hans er sögð hafa skilað víðtækum árangri. Í viðræðum forseta og emírsins af Katar,
Sheikh Hamad Bin Khalifa Al Thani, kom fram eindreginn vilji þjóðarleiðtoga Katars til að kanna rækilega möguleika á náinni samvinnu við Íslendinga á sviði banka- og fjármála, heilbrigðismála og rannsókna í læknavísindum, nýtingu hreinnar orku, háskólamenntunar og rannsóknaásamt því að þróa samræður um hvernig smærri ríki eins og Ísland og Katar gætu í sameiningu haft áhrif á stefnur og strauma á alþjóðavísu. 

Í viðræðum forseta Íslands og emírsins af Katar og á fundum iðnaðarráðherra Össurar Skarphéðinssonar og orkumálaráðherra Katars var farið yfir fjölmörg verkefni sem íslenskir bankar og fyrirtæki, háskólar og rannsóknastofnanir gætu komið að.

Leitað á heimili Ólafs

Athugasemdir

[Arinbjörn Kúld, 23.5.2009 kl. 01:27]

Þetta lyktar allt verulega illa. Maður spyr sig?

[Júlíus Björnsson, 23.5.2009 kl. 02:06]

Bara til að árétta Forseti má ekki gegna neinum störfum öðrum en starfskyldum sínum. The President merkir í eyrum flestra útlendinga titil sem jafngildir titli Forsætisráðherra á Íslandi: orð gætu talist skuldbindandi fyrir þjóðina. Arabar eru alveg sérlega snobbað lið.

Einnig sagði vinur minn frá Damaskus að í Arabafréttunum um árið hefði verið sagt frá fordæma hring sem skartgripsali einn í Dubaí hefði átt að hafa gefið forseta vorum. Kannast einhver við það?

Mútur eru daglegt brauð í alþjóða viðskiptum: regla frekar en undantekning.

Múta þýðir t.d. í Afríku  bera gjafir á einhvern til að liðka fyrir viðskiptum. Nokkrir stjórnmálamenn með leynireikninga geta gert mannleg mistök sem kosta þjóðina milljaraða næstu árin.  Þessvegna ætt öll leynd að vera bönnuð þegar um alþjóða viðskipta samninga er að ræða. Raforkuverð og fleira.