ÞRÆLAHALD FYRIR STÓRyÐJU (með ypsíloni fyrir þá sem vilja ræða stafsetningu)

HVERSU MIKLU STJÓRNA ALÞJÓÐAFYRIRTÆKI, AGS OG ESB Á BAK VIÐ TJÖLDIN? 

Það er ótrúlegt að horfa upp á samhljóminn í því sem hefur verið að gerast á Íslandi og kenningum Namomi Klein sem skrifaði bókina "shock doctrine." Naomi Klein skrifað m.a. grein um Ísland í vetur.

Í bók sinni the Shock doctrinefjallar hún um það hvernig breytingar sem þjóna alþjóðafyrirtækjum en draga úr lífskjörum almennings er troðið í gegn við aðstæður sem má líka við náttúrumhamfarir. Hún rökstyður mál sitt vel. Breytingar af þessu tagi hafa skilið milljónir millistéttafólks í örbyrgð víða um heim.

Hvar sem alþjóðafyrirtæki hafa náð tökum hafa auðlindir verið rændar og landið skilið eftir mengað og ónýtt komandi kynslóðum.

Mannréttindi verða ekki tryggð með þjóðum nema grunnþjónusta sé á valdi ríkisins, s.s. rafmagn, vatnleiðslur og vatnsból, samgöngur, heilbrigðisgæsla og menntastofnanir. Chicago skólinn hefur hannað kenningar sem standast ekki. Græðgihyggjan leiðir til fátæktar fjöldans en hyglir fáum. Það sem ömurlegt að horfa upp á hvernig klíkustjórnmálin á Íslandi eru við lýði sem aldrei fyrr.

Margir virðast hafa gleymt að samfylkingin leiddi þjóðarbúið í gjaldþrot. Stjórnmálamenn innan hennar vébanda hafa gengið fyrir mútum og þjóna stórfyrirtækjum en vanrækja uppbyggingu atvinnulífs í landinu.

Ríkisstjórnin er að haga sér eins og þriðja heims ríkisstjórnir sem hafa dæmt almenning í örbyrgð. Þeir ætla að fara að eyða tugum milljarða í samgönguframkvæmdir og aðrar framkvæmdir sem EKKI eru VERÐMÆTASKAPANDI en senda framleiðslufyrirtæki sem eru VERÐMÆTASKAPANDI bónleið í burtu.

ÞESSI RÍKISSTJÓRN UNDIR FORYSTU JÓHÖNNU SIGURÐARDÓTTUR VIRÐIST VILJA SKAPA HÉR SAMFÉLAG ÞRÆLA FYRIR STÓRIÐJU.

Fjöldi erlendra sérfræðinga og Nóbelverðlaunahafa hafa varað við þessari þróun og má þar nefna Joseph Stieglits, Róbert Aliber, Michael Hudson, John Perkins og Naomi Klein.

Róbert Aliber lét meðal annars hafa eftir sér: að fólk sem valið væri af handahófi úr símaskránni gæti varla klúðrað efnahagsmálum hér meira en Seðlabanki og stjórnvöld hafa gert. 

Og prófessor Aliber í nóvember:

"Það er makalaust hversu oft fólk sem veldur kreppum heldur að það sé rétta fólkið til að leiða þjóðir út úr þeim,"

Ég minni á að Professor Richard Aliber er einn helsti kreppusérfræðingur í heimi samtímans.

Kreppan grefur undan mannréttindum

Athugasemdir

[Svanhildur (IP-tala skráð) 28.5.2009 kl. 13:09]

Þetta eru mjög einkennileg skrif hjá þér kona góð!  Sérstaklega þetta "Margir virðast hafa gleymt að Samfylkingin leiddi þjóðina í gjaldþrot"  ????   Hvað með Sjálfstæðisflokkinn og Framsóknarflokkinn sem sagt einkavæðingarflokkana, sem að "flestra" áliti voru aðal spillingar- og hrun valdarnir og sátu í stjórn um  árabil á meðan þjóðinni var ´handstýrt fram af bjarginu og ofan í skíthauginn sem hún situr síðan í næstu árin.  Við þurfum enga "doktorsgráðu" til að muna þetta.

[Jakobína Ingunn Ólafsdóttir, 28.5.2009 kl. 13:16]

Spillingin magnaðist þegar samfylkingin komst að í ríkisstjórn. Þú verður að fyrirgefa en ég hef ekki lagt trú á fjarvistasönnun samfylkingarinnar. Það lýsir kannski best óskammfeilninni þar á bæ að þeir telja sig saklausa og telja sig ekki þurfa að endurskoða neitt í sínum ranni sem gerir þá hættulega en ég er ekki búin að gleima eftirfarandi:

Samfylkingarþingmenn þáðu mútur

Össur Skarphéðinsson var í makki með peningaþvættisfjölskyldu í katar

Samfylkingin hefur verið á kafi í klíkuráðningum og er enn.

Samfylkingin er í plotti með Brusselvaldhöfum.....

[Svanhildur (IP-tala skráð) 28.5.2009 kl. 13:22]

Viltu ekki vera svo væn að skella hér inn svona lista um hina flokkana líka, bara svona til þess að gæta réttlætis.   Þú hlýtur að hafa aðgang að ávirðingum hinna flokkanna líka.

Svo er stóriðja ekki skrifuð með y, það lærði ég í barnaskóla.

[Jakobína Ingunn Ólafsdóttir, 28.5.2009 kl. 13:30]

Vilt þú ekki benda mér á aðra einstaklinga sem nú eru við VÖLD sem keyrðu þjóðarbúið á hausinn?

Samfylkingin er stórhættuleg vegna þess að hún er enn við völd og húner enn spillt (á mála hjá aðþjóðavaldinu en þjónar ekki velferð þjóðarinnar).

Dæmi: þriðjungur þjóðarinnar stefnir í þrot á vakt samfylkingarinnar. Hún hefur valið að fara þessa leið en það er margbúið að benda á aðrar leiðir.

[Helga (IP-tala skráð) 28.5.2009 kl. 13:34]

Svanhildur, innlegg þín eru athyglisverð og betra að vanda vélritunina svo að þér takist að lesa textann og skilja innihald hans án truflana frá y-um hér og þar sem barnaskólakennarar sögðu að ætti að vera i).

Var enginn í gagnfræðaskóla sem kenndi þér að takast á um málefni en láta persónulegt skítkast eiga sig?

[Magnús Bjarnason (IP-tala skráð) 28.5.2009 kl. 13:39]

Vá, það sem þú getur látið frá þér. En þú skalt líka vona að engin taki þig alvarlega, eða treysta á það að virðing fyrir málfrelsi sé rík innan Samfylkarinnar. Því ég er ekki viss um hvorum megin þessi efnisgrein er við lögum um meiðyrði.

"Margir virðast hafa gleymt að samfylkingin leiddi þjóðarbúið í gjaldþrot. Stjórnmálamenn innan hennar vébanda hafa gengið fyrir mútum og þjóna stórfyrirtækjum en vanrækja uppbyggingu atvinnulífs í landinu. "

Vinsamlegast, farðu nú að lækka rostan. Það er hægt að hafa skoðanir án þess að sjá sér hvöt til þess að rægja fólk sem er að sinna starfi sínu af heiðarleika og bestu getu.

Því ég efast um það að fólk sækist eftir opinberu embæti nema að það hafi hug á því að bæta þetta samfélag okkar. Það er eðlilegt að gagnrýna störf þeirra og efast um forsendur ákvarðanatöku. En svona óhróður er fyrir neðan allar hellur. 

En og aftur, þú gefur þig út fyrir að vera fræðimanneskja og sem slík þá er eðlilegt að gera meiri kröfu til orða þinna en annarra.

[Jakobína Ingunn Ólafsdóttir, 28.5.2009 kl. 13:55]

Magnús Bjarnason hvar hefur þú verið undanfarna mánuði?

Það er staðreynd að þingmenn samfylkingar hafa þegið milljónagjafir frá fjárglæframönnum

Það er staðreynd að ráðherra í ríkisstjórn samfylkingar voru á þeytingi um fjarlæg lönd að möndla með auðlindir þjóðarinnar við fólk sem hefur vægast sagt vafasamt orðspor

Það er staðreynd að að atvinnulíf á Íslandi er í molum á vakt samfylkingarinnar.

Ef þú sér eitthvað af ofangreindu varði við lög um meiðyrði þá undirstrikar það bara mína tilfinningu um að það sé skítalikt af þessu öllu saman.

Ég þarf ekkert að lækka í mér rostann. Ég stend með minni þjóð og fólkinu í landinu. Þetta fólk þarf á minni rödd að halda þótt hún sé ekki þóknanleg samfylkingu.

Ég geri einmitt kröfu til minna orða en það er vegna þess að ég hef unnið í frystihúsi og skúrað gólf. Rödd mín er rödd konu sem hefur ofboðið spillingin er rödd þín er rödd þess sem vill þagga niður umræðu um óréttlæti og spillingu.

[Jakobína Ingunn Ólafsdóttir, 28.5.2009 kl. 14:04]

Magnús Bjarnason ég endurtek:

Rödd þín er rödd þess sem vill þagga niður umræðu um óréttlæti og spillingu.

[Svanhildur (IP-tala skráð) 28.5.2009 kl. 14:07]

Æ þakka þér fyir að leiðrétta villuna í fyrstu setningunni Jakobína, ´sú villa stakk mig í hjartað.

Því miður Helga, persónulega skítkastið skrifast á aðra manneskju en mig.

Og Magnús Bjarnason  þín orð eru eins og töluð úr mínu hjarta.  Takk fyrir þau.

[Helga (IP-tala skráð) 28.5.2009 kl. 14:27]

"Því miður Helga, persónulega skítkastið skrifast á aðra manneskju en mig. Svanhildur."

Svanhildur, þú verður sjálf að bera ábyrgð á orðum þínum og kannast við þessa setningu: "Við þurfum enga "doktorsgráðu" til að muna þetta." Þessu skítkasti kemur þú ekki yfir á aðra.

[Jakobína Ingunn Ólafsdóttir, 28.5.2009 kl. 14:42]

s

Svanhildur afhjúpar þú ekki þína málefnafátækt með því að hengja þig á innsláttarvillu.

Til þess að slá ekki vopnin úr höndum snata samfylkingarinnar ætla ég að setja hana inn aftur.

Já og svo er fyrir með tveim errum.

sbr.

Æ þakka þér fyir að leiðrétta villuna

[Magnús Bjarnason (IP-tala skráð) 28.5.2009 kl. 15:00]

Kæra Jakobína

Til þess að hægt sé að taka mark á mikilvægri umræðu um spillingu og óréttlæti þá verður sú umræða að vera yfirveguð. Þær forsendur sem þú vinnur útfrá er ekki hægt að kalla yfirvegun, þetta er því miður litað af dónaskap og dómhörku. Slíkan málflutning er erfitt að taka efnislega fyrir. 

Þannig að viljir þú að mark sé takandi á þínum málflutningi, þá þarftu að temja þér hófsamari málflutning sem hægt er að taka efnislega fyrir. Eins og er þá er það ekki hægt, þar sem fruss svívirðinga hindrar það.

Rödd mín er rödd þess sem vill háttsemi í samskiptum manna. Yfirlæti, drambsemi, óvirðing sem einkennt hafa íslenska þjóðmála umræðu síðustu árin hefur verið óþolandi. Menn eru fastir í skotgröfum og hika ekki við að gera grín af málflutningi andstæðinga sína eða vænna þá um óheillindi. Þetta er leiðinlegt og óþroskað. 

Sú umræða sem þú stunda hér á vettfangi þínum er þessu marki brennd, hún er að mínu mati hlut af því sem kallast "gamla ísland". Slepptu gífuryrðunum, þá verður erfiðara að hundsa spurningar þínar. Annars verður auðvelt að hundsa þig og það er auðveldast þöggun sem til er, að hætta hlusta. Ég efast um að þú vilt að fólk hætti að hlusta á þig. 

[Óskar (IP-tala skráð) 28.5.2009 kl. 15:01]

Ekki er mér kunnugt um aldursdreifingu íbúafjölda íslands. En mér segir svo hugur, að c.a. 65%  þjóðarinnar séu komin vel yfir fertugt. Ætla má að stór hluti þess hóps, sé þegar búin að koma sér upp þaki yfir höfuðið. Það er ekki við því að búast, að þessi hópur hafi kosið neitt annað en sama ruglið yfir sig aftur í síðustu kosningum. Enda engin þörf fyrir þá sem halda að þeir séu með allt sitt á "þurru", að kjósa eitthvað annað en mega-passíva einstaklinga yfir hina, sem hafa jafnvel ekki haft efni á að kaupa sér svo mikið sem brækur í 2 ár eða svo Og svo smitast meirihluti þjóðarinnar smátt og smátt af andleysi og aumingjaskap ráðmanna. Eða öllu heldur "sjúkleikanum" sem bæði Ólafur Ragnar og Steingrímur J hafa gert að umtalsefni nú nýverið. Þeir hafa greinilega verið að lesa nýjasta kynningarbæklinginn frá SÁÁ.

[Ómar Geirsson, 28.5.2009 kl. 15:03]

Blessuð Jakobína.

Þú ert góð, annars kæmu Snatarnir ekki í heimsókn.

Er þessi Magnús ekki maðurinn sem gat ekki rökstutt sínar fullyrðingar í Brussel þræðinum.  En skítkast og bull þarf ekki að rökstyðja.  Það vellur upp úr fólki sem á við hægðartregðu að etja.

En árásir á þig eru árásir á alla þá fræðimenn sem eru að vara við þessum hörmungu.  Þorvaldur Gylfa er dvergur í fræðum miðað við Stiglitz.  Og Obama leitar til Hudson um ráð til að vinna bug á kreppunni.

En Samfylkingin boðar örbirgð og ánauð.  Þegar þú bendir á það mætir fólk með skít.  En skítafíla gjaldþrota og okurvaxta er af þeim, en ekki þínum málflutningi.

Hann er sannur og réttur.

Hafðu þökk fyrir.

Kveðja að austan.

[Magnús Bjarnason (IP-tala skráð) 28.5.2009 kl. 15:11]

Sæll gæskur

Þakka hlýleg orð. 

Kveðja

[Rakel Sigurgeirsdóttir, 28.5.2009 kl. 15:11]

... enn einu sinni rétt ályktun hjá Ómari og aðdáunarverður stuðningur! Undarleg þessi árátta sem maður sér í texta þeirra sem andmæla þér að gera lítið úr þér sem fræðimanni og þessi sífellda tugga um að þú vitir ekkert um hvað þú sést að tala og þess vegna hollast að þegja

Ég sendi þér steinefni til að styrkja þín sterku bein!

[Helga (IP-tala skráð) 28.5.2009 kl. 16:36]

Alþjóðafyrirtæki, þ.m.t. fjárfestingarfyrirtæki og álfyritæki, Evrópusambandið og Alþjóðagjaldeyrissjóðurinn stjórna meira en margur maðurinn vill horfast í augu við. Síðan í haust hafa margir bent á skrif Naomi Klein, gagnrýni Robert Aliber og aðvaranir Micheal Hudson og John Perkins en það er eins og ákveðinn hópur neiti að taka eftir, neiti að trúa.

Það verður alltaf til fólk sem skipar sér í lið og  stendur með sínu liði fram í rauðan dauðann. Þótt fólkið myndi gera sjálfu sér greiða með því að vera gagnrýnið, gera eðlilegar og réttlátar kröfur á stjórnmálamenn og embættismenn, standa á bremsunni og veita aðhald. En flokkurinn er sumu fólki dýrarmætari en annað og sennilega er tímasóun að reyna að koma vitinu fyrir slíkt fólk. Það þýðir þó ekki að við hin eigum að eftirláta þeim umræðuna.

„Margir virðast hafa gleymt að samfylkingin leiddi þjóðarbúið í gjaldþrot“, segir Jakobína og ég er sammála.

Samfylkingunni tókst vel í kosningunum að þurrka fortíð sín út. Það er vitað nú að ríkisstjónin vissi árið 2007 í hvað stefndi og hafi einhverjir gleymt hverjir sátu í þeirri ríkisstjórn þá var það Samfylkingin og Sjálfstæðisflokkurinn. Þótt Framsókn hafi verið búin að gera ýmislegt af sér á árum áður þá leysir sök Framsóknar ekki Samfylkinguna undan hennar þætti. Samfylkingin tók þátt í að halda leyndu fyrir þjóðinni að árið 2007 og 2008 barst hver viðvörunin á eftir annarri um í hvað stefni. Samfylkingin tók ekki bara þátt í að halda þessu leyndu heldur tók hún peninga úr ríkissjóði til að kosta áróðursferð til útlanda til að tala þar þvert á upplýsingar frá sérfræðingum.

Samfylkingin átti viðskiptaráðherrann og hann brást. Hann átti að setja reglur og lög til að verja þjóðina gagnvart skelfilegri reglugerð Evrópusambandsins um ábyrgð þjóðar á starfsemi bankaútibúa í löndum ESB.

Samfylkingin átti fulla aðild að þeirri ákvörðun að höfða ekki mál gegn Bretum. Samfylkingin átti fulla aðild í þeirri ákvörðun að fá Alþingi þann 6. desember til að gefa þáverandi ríkisstjórn heimild til að ganga til samninga vegna Icesave. Ákvörðun sem er grundvöllurinn að því að leiða íslensku þjóðina fram á bjargbrún þar sem hún hangir enn.

Samfylkingin á mjög alvarlegan hlut í því hvernig komið er. Og þau sem komu fólkinu í þessa erfiðleika eru síst til þess fallin að leiða fólkið út úr þeim sömu erfiðleikum.

Að síðustu þá er líklega rétt að rifja það upp að hvern dag frá hruni hefur Samfylkingin verið í ríksstjórn. Liðnir eru 8 mánuðir og Samfylkingin hefur enn ekki bögglað saman stefnu og sett markmið. Enn veit þjóðin ekki hvert á að halda, til hvers, hvernig og undir leiðsögn hvers: Íslensku ríkisstjórnarinnar, ESB eða AGS!?

[Bjöggi (IP-tala skráð) 28.5.2009 kl. 17:08]

Hvað er málið með titilinn á þessu bloggi? Er einhver speki á bak við þetta ypsilon? Me not fatta þetta

[Benedikt G. Ofeigsson (IP-tala skráð) 28.5.2009 kl. 17:23]

Til viðbótar þeim ágætu mönnum sem Jakobína nefndi vil ég benda á tvo ágæta hagfræðinga Dean Baker,  Mark Weisbrot  sem starfa hjá stofnun sem heitir Center for Economic and Policy Research. það er að sjálfsögðu aldrei vitnað í þeirra skrif í stóru fjölmiðlunum  enda allt of gagnrýnir til að þola dagsins ljós en það má nefna að Dean Baker var farinn að vara við óstöðugleika í hagkerfinu strax árið 2002.  Mark Weisbrod hefur skrifað skýrslur um efnahagsmál í Suður Ameríku þar sem kemur fram mjög alvarleg gagnrýni á störf AGS allt mjög  vel rökstutt. 

 Athyglisvert að hlusta á  Stigliz í þættinum The big sellout þar sem hann segir nánast beint út að efnahagsmótel AGS og alþjóðabankans séu áróður til að koma í gegn stefnumálum sem ýta undir skamtímagróða fárra. Þessi stefna sé í raun þvert á það sem menn telja góða hagfræði

 Spurning hvort menn ættu aðeins að fara að skoða orð samfylkingarfólks í því ljósi og   spara stóru orðin gagnvart þeim sem gagnrýna þetta.

[Rakel Sigurgeirsdóttir, 28.5.2009 kl. 17:43]

Mér fannst líka athyglisvert þegar J.S. sagði að þeir keyrðu á úreltri hagfræði sem ætti ekkert erindi við nútíma hagkerfi.

[Jakobína Ingunn Ólafsdóttir, 28.5.2009 kl. 18:46]

Rakel, Benedikt, Ómar, Helga og fleiri ég þakka innlitið.

Magnús Bjarnason, háttvísi er verkfæri valdhafa sem þeir nota til þess að fela sóðaskapinn og ábyrgðarleysið að baki gjörðum þeirra. Ég hef ekkert slíkt að fela og vel að tala mannamál við fólk. Óskýr málflutningur þjónar ekki MÍNUM tilgangi.

[Magnús Bjarnason (IP-tala skráð) 28.5.2009 kl. 19:52]

Ég er búin að skipta um skoðun, þér er ekki viðbjargandi því miður. 

Þannig að nú er ósk mín að þú básunir skoðanir þínar á Samfylkingunni eins og hátt og mögulega er. Í guðanna bænum ekki slá af, bætu í ef eitthvað er. Bara nógu stór orð og vera svo frjó í lýsingarorðunum, því mannamál þarf að vera skýrt. Það mun einnig bæta málflutning þín til muna, svo ekki halda aftur af þér. Því þá værir þú ekki heiðarleg gagnvart sjálfri þér. Kurteisi er ókeypis og þess vegna er hún verðlaus og í vondu valdahafan ber að nota dýr orð, þeir eiga það skilið. 

Vertu sæl, ég plaga þig ekki oftar hér með orðum mínum. 

[Jakobína Ingunn Ólafsdóttir, 28.5.2009 kl. 20:22]

Magnús Bjarnason ég þakka þér fyrir innlitið. Merkilegt þó að þú skildir gera þér ferð á bloggið mitt til þess að reyna að breyta mér (eða ala mig upp) og ferð svo í fílu þegar það mistekst.