1 verkefni: hjálpa útrásarvíkingunum

Fyrst á lista ríkisstjórnarinnar er:

Samið um Icesave við Breta og Hollendinga til að greiða fyrir alþjóðlegu samstarfi og endurreisn efnahagslífsins.

Alþjóðafyrirtæki ráða yfir rúmlega 50% af hagkerfum. Í heimskreppunnibirtist barátta alþjóðafyrirtækja fyrir umráðum yfir auðlindum jarðar. Ríkisstjórnir aðstoða auðvaldið við að komast yfir eignir almennings með því að styrkja fjármálafyrirtæki í einkaeigu með fjármunum úr ríkissjóði sem teknir eru úr vasa skattgreiðenda.

Vinstristjórnir friðþægja almenning með ölmusuhyggju. Almenningur er skattpíndur og honum steypt í skuldir en síðan ganga þessar svokölluðu vinstristjórnir fram og bjóða "sértækar aðgerðir" það er að segja ölmusu til hluta þeirra sem þær hafa komið á vonarvöl.

Lítum þá á fyrsta verkefni Ríkisstjórnarinnar: greiða fyrir alþjóðlegu samstarfi og endurreisn efnahagslífsins. Hvað þýðir "endurreisn efnahagslífsins" Er skuldbinding upp á 650 milljarða gagnvart Bretum og Hollendingum liður í þeirri endurreisn?

Viðskiptajöfnuður þarf að standa undir afborgunum og vaxtagreiðslum af erlendum lánum. Viðskiptajöfnuðurinn var jákvæður um 15 milljarða á fyrsta ársfjórðungi þessa árs sem gerir um 60 milljarða á ársgrundvelli.

Markmið ríkisstjórnarinnar með Icesavesamningnum er ekki að bæta hag almennings.  Icesavesamningurinn greiðir einungis leið fjármálakerfisins og alþjóðafyrirtækja. Ríkisstjórnin leitar leiða til þess að komast í náðinna hjá Evrópuklúbbnum. Hvað má það kosta?

Flýtur almenningur sofandi að feigðarósi í þeirri trú að ölmusuríkisstjórn Jóhönnu Sigurðardóttur muni bæta upp þá skuldahýt sem hún er að koma samfélaginu í?

Viljum við þetta?

Segir 21 verkefni af 48 afgreidd

Athugasemdir

[Hafsteinn Björnsson, 12.6.2009 kl. 14:43]

Ég segi NEI! við þessu bulli ríkisstjórnarinnar. Það er vel þekkt, eins og þú réttilega bendir á, að "vinstri/jafnaðar" stjórnir búa til félagsmálapakka sem þeir verða svo góðir við og allir tárast yfir "aumingjagæsku þeirra".

[Árni Gunnarsson, 12.6.2009 kl. 18:14]

Allar ríkisstjórnir vinna í umboði Alþingis sem aftur starfar í umboði þjóðarinnar.

Hefur þessi þjóð gefið Alþingi umboð til að samþykkja óútfylltan víxil upp á litla 650 milljarða?

Þessi bráðabirgðasamningur Svavars stúdents jók ekki að mun tiltrú fjármálaheimsins á Íslendingum. Gengishrap krónunnar hefur komið í kjölfarið og við það hækkaði samningurinn um 37 milljarða.

Getur einhver nefnt mér dæmi um að virðing þjóðar vaxi við að krjúpa á kné og glúpna fyrir hótunum?  

[Ómar Geirsson, 13.6.2009 kl. 02:56]

Blessaður Árni.

Þetta þótti alltaf góður siður hjá þeim þjóðum sem horfðu framan í ógn Mongólana.

En er ESb ígildi ógnarverknaða þeirra????

Er Evrópa byggð upp af illmennum??'

Eða eigum við að brosa af bulli Leppa og Skreppa Samfylkingarinnar í þessu máli???????????

Kveðja að austan.