Fullyrðingagleði Jóhönnu orðin hlægileg...

...en er á sama tíma stórhættuleg því hún afhjúpar hversu grunnt hún hyggur að staðreyndum mála.

Ekki góður eiginleiki hjá persónu sem á að vera málsvari þjóðarinnar.

Gjaldþol ríkisins ekki í hættu

Athugasemdir

[Róbert Viðar Bjarnason, 18.6.2009 kl. 14:23]

Jón Frímann - Vil bara benda þér á að IceSave í Hollandi var opnað 2008 þegar núverandi formaður þingflokks Samfylkingarinnar var Bankamálaráðherra...  Er hann að þínu mati "bjáni" líka?  IceSave í Bretlandi fór ekki heldur almennilega af stað í Bretlandi (stækkaði þrefalt 2008) undir sama Bankamálaráðherra.

[Jakobína Ingunn Ólafsdóttir, 18.6.2009 kl. 14:33]

Jón Frímann ég vil biðja þig um að sýna blogginu mínu þá virðingu að þú farir ekki með staðleysur í athugasemdakerfi þess.

IceSave innlánsreikningarnir í Hollandi voru stornaðir á VAKT SAMFYLKINGARINNAR. Björgvin Sigurðsson var bankamálaráðherra og undirmaður hans var Jónas Fr Jónsson og þeir leyfðu þessa óhæfu, þ.e.a.s stofnun þessa útibús.

Hvað varðar Jóhönnu er hæfni hennar matsatriði og fer eftir hverju er verið að sækjast. Hún er greinilega snillingur þegar kemur að því að fórna fullveldi þjóðarinnar á grundvelli alls konar fullyrðinga sem eiga sér enga staðfestingu í haldbærum raunveruleika.

[Ómar Bjarki Kristjánsson, 18.6.2009 kl. 14:39]

Þetta er samt rétt hjá Jóni.  Málið á sér allt sinn aðdraganda og þar voru sjallar og frammarar potturinn og pannan.  Öllum aðdragandanum og gjörningnum sjálfum.

2008 var ekki hægt að ráða neitt við neitt og mál bankanna fyrst og fremst í höndum Fjármálaeftirlits og Seðlabanka.  Þannig voru sjallar og frammarar búnir að koma því fyrir á valdaferli sínum í fleiri fleiri ár.  (Og nú vil fólk þessa flokka aftur !)

Fulltrúum SF í viðskiptar. 2008 var því viss vorkun.  Gátu í rauninni ekkert gert.  Skriðan var fyrir löngu komin af stað og nánast komin niður á láglendi.

[Róbert Viðar Bjarnason, 18.6.2009 kl. 14:44]

Ómar, já þú segir...  Vil benda á þessa grein eftir Bankamálaráðherra Samfylkingarinnar, núverandi formaður þingflokks Samfylkingarinnar, skrifuð  5. Ágúst 2008 - 2 mánuðum fyrir hrun!

"Útrás og árangur bankanna

Þegar KB banki opnaði útibú í Lúxemborg fyrir nokkrum árum óraði líklega engan fyrir því hve
vel íslensku fjármálafyrirtækjunum ætti eftir að ganga við að hasla sér völl á erlendri grundu. Ævintýralega vel er kannski rétta orðið yfir það. Kjarkur, þor og góð þekking íslensku útrásarmannanna skilaði meiri árangri hraðar við fjárfestingar erlendis en hægt var að sjá fyrir og víkingurinn hefur vakið athygli á alþjóðavísu. Ekki síst þegar lagt er saman við aðra útrás Íslendinga erlendis í verslun, iðnaði og þjónustu ýmiskonar.

Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma."

http://tilveran-i-esb.blog.is/users/24/tilveran-i-esb/files/bjorgvin_g_sigur_sson_tras_og_arangur_bankanna.pdf

[Jakobína Ingunn Ólafsdóttir, 18.6.2009 kl. 14:46]

Þetta hefur ekkert með flokkslínur að gera heldur heimska og spillta einstaklinga í öllum flokkum. Mér er fjandans sama hvað an heimska kemur. Hún er hættuleg hvaðan sem hún kemur.

Mönnum sem hafa völd og áhrif er enginn vorkunn. Ef þeir ráða ekki við embætti sín og kunna ekki að fara með völd eiga þeir ekki að sækjast eftir embættum.

[BB (IP-tala skráð) 18.6.2009 kl. 14:48]

Eftir að hafa rennt yfir fyrirsagnirnar á bloggfærslunum hér að neðan finnst mér spaugilegt að þú skulir gagnrýna einhvern fyrir fullyrðingagleði :)

"Icesave málið versta klúður sögunnar"

"Rozadowzki hefur EKKI áhuga á velferð almennings"

"Leyndin verður að vopni gegn almenningi"

"Lögfræðiálit eru kjaftasögu valdhafanna"

"Hálfvitalýðræðið í verki"

"Skjaldborg um spillinguna"

"Bankastjórar í sífelldu klúðri"

og svo framvegis.

[Jakobína Ingunn Ólafsdóttir, 18.6.2009 kl. 14:54]

BB hefur þú ekki tekið eftir því að hverri þessara fyrirsagna fylgir færsla sem styður hana?

Svo finnst mér líka dálítið merkilegt þegar farið er að líkja saman kröfum til almúgakonu og forsætisráðherrans sem ber ábyrgð á framtíð þjóðarinnar.

[Benedikt Gunnar Ófeigsson, 18.6.2009 kl. 15:01]

Ég held að  röksöm almúgakona myndi gæta hagsmuna almennings mun betur en núverandi forsætisráðherra

[Jakobína Ingunn Ólafsdóttir, 18.6.2009 kl. 15:19]

Jón Frímann ef þú bærir minnsta skynbragð á stjórnsýslu myndir þú gera þér grein fyrir því að stofnunum ber að starfa eftir þeirri stefnu sem ráðherra setur.

Þú ert gott dæmi um endalaust bull samfylkingarmanna eins og t.d. þetta:

Ef eitthvað átti að gera, þá hefið þurft að framkvæma það árið 2006. Árið 2008 var orðið alltof seint að gera nokkurn skapaðan hlut, enda bankanir tæknilega orðnir gjaldþrota fyrir löngu síðan og kerfið í raun rétt óhrunið.

Samfylkingin hafði tækifæri frá 2007 til þess að stöðva þessa vitleysu og takmarka skaðann. Valdagræðgi og mútuþægni innan samfylkingarinnar kom hins vegar í veg fyrir að tekið væri á þessum málum.

SAMFYLKINGIN BER MIKLA ÁBYRGÐ Á STÖÐU ÞJÓÐARBÚSINS Í DAG.

Það skýrir líklega vitlausar ákvarðanir hennar sem virðast fyrst og fremst miða að því að sópa skítnum undir teppið og láta þjóðina borga skuldir útrásarvíkinganna.

[Ómar Bjarki Kristjánsson, 18.6.2009 kl. 15:43]

Róbert, þetta er allt vitað.  Það var mjög í tísku að dásama svokallaða útrás.  Þetta er langt í frá eina greinin því viðvíkjandi

Eg var bara að benda á að ákaflega erfitt var um vik 2008 varðandi icesave.  Það var búið að koma því þannig fyrir að fyrirbærið lifði nánast sjálfstæðu lífi.

Aðkoma SF er í heildardæminu algjört aukaatriði.  Þeir voru má segja aukaleikarar.

Miklu frekar ættu menn að kanna rót vandans.  Í upphafi skyldi endinn skoða etc. 

Annars er Jón með prýðilegt innlegg hér fyrir ofan sem tekur á þessu.

[Jakobína Ingunn Ólafsdóttir, 18.6.2009 kl. 15:49]

Jón Frímann ef þú hættir ekki að ljúga í kommentakerfinu hjá mér þá loka ég á þig.

Ómar Bjarki valdamenn geta ekki skýlt sér á bak við ráðaleysi. Þeir voru einfaldlega búnir að þyggja of miklar mútur og voru of gráðugir í völd til þess að taka á málum af þeirri festu sem þurfti til.

Málið er svo einfalt.

[Jakobína Ingunn Ólafsdóttir, 18.6.2009 kl. 15:55]

Það var ekki búið að opna útibúin í Hollandi árið 2007....

[Árni Gunnarsson, 18.6.2009 kl. 16:32]

Hér er í athugasemdum drepið á atriði sem mér hefur lengi þótt undarlegt að bera fram sem rök. Að það hafi verið of seint að gera eitthvað til að grípa inn í þessa atburðarás á þessum tíma eða hinum. Talað hefur verið um að hefði það verið gert þá hefðu bankarnir hrunið! Gott og vel.

En á þeim mörgu mánuðum sem ríkisstjórn Geirs og Ingibjargar beið eftir hruni bankanna komu ráðherrar hennar ítrekað fram í fjölmiðlum og sögðu að ástæðulaust væri að hafa áhyggjur af útþenslu bankanna erlendis. Staða bankanna væri sterk.

Og í skjóli þessa falska öryggis mokuðu bankarnir inn fjármunum saklauss fólks erlendis sem hér og stjórnendur þeirra hirtu þá peninga að líkindum til eigin nota og skuldsettu sýndarfyrirtæki fyrir ofurfjármunum sem greinilega var ákveðið að hirða út úr bönkunum sem voru að hruni komnir.

Hvers vegna yfirgaf Bjarni Ármannsson Glitni banka nokkru fyrir hrunið með bros á vör? Vissi hann ekkert fremur en ríkisstjórnin að hverju dró?

Niðurstaða: Ríkisstjórn Geirs og Ingibjargar ber fulla ábyrgð á miklum fjármunum saklauss fólks sem töpuðust vegna þess að það var nauðsynlegt að þegja um yfirvofandi hrun.

Hver hagnaðist á þeirri þögn?

[Ómar Geirsson, 19.6.2009 kl. 01:00]

Blessuð Jakobína.

Ég sé að þeir félagar, nafni minn og Jón Frímann eru ennþá að eltast við sama heygarðshornið.

Got og vel.  Jón Frímann segir "Það sem eftir stendur að samkvæmt reglum EES/ESB þá bar Íslenska ríkið ábyrgð á þessum reikningum upp að ákveðnni upphæð"

Það, að hann segi hluti, telur hann vera fullnægjandi rök og þau standist dóm.  En samt er það svo að það sem stendur í lögum eru lög og það sem stendur í tilskipun ESB um innlánstryggingar er sá grunnur sem íslensk stjórnvöld fóru eftir.  Og í þessari tilskipun segir skýrt í 24 lið samkvæmt stjórnartíðindum ESB sem skylt er að þýða á íslensku.

Tilskipun þessi getur ekki gert aðildarríkin eða lögbær yfir-völd þeirra ábyrg gagnvart innstæðueigendum ef þau hafa séð til þess að koma á einu eða fleiri kerfum viðurkenndum af stjórnvöldum sem ábyrgjast innlán eða lánastofnanirnar sjálfar og tryggja að innstæðueigendur fái bætur og tryggingu í samræmi við skilmálana í þessari tilskipun.

Ef þeir félagar nenna áfram að fara með staðleysur og hreinar vitleysur þá má birta textann á ensku þeim til heiðurs ef þeir eiga í vandræðum að lesa íslensku.

 

Og á grundvelli þessarar tilskipunar voru íslensku lögin samin og í þeim stendur á íslensku að 

 Með tryggingar samkvæmt lögum þessum fer sérstök stofnun er nefnist Tryggingarsjóður innstæðueigenda og fjárfesta, hér eftir nefndur sjóðurinn. Sjóðurinn er sjálfseignarstofnun.

Skýrar er ekki hægt að orða hlutina.  En ég á ekki textann á ensku því miður.

Og ef þessi lög stæðust ekki tilskipun ESB þá gilda mjög strangar reglur í EES samningnum um hvernig á að takast á við slíka vankanta. Nenni ekki að birta textann úr stjórnartíðindum en það er skjalfest að engar athugasemdir voru gerðar eftir þeim vinnugangi sem kveðið er á um í EES samningnum.  Því miður fyrir  Jón Frímann þá teljast athugasemdir hans ekki gildar samkvæmt þeim samningi.

 

Og hvað bullið um mismun neyðarlaga þá er vissulega öll mismunun bönnuð innan Tryggingasjóðs innlána en hverju þjóðríki er heimilt að setja reglur um aukna innstæðuvernd á sínum fjármálamarkaði.  En ef það stenst ekki EES samninginn þá er það hlutverk ESA og EFTA dómstólsins í okkar tilviki að gera athugasemdir.  Þess má geta að ESA er að athuga lagagildi neyðarlaganna.  Ef þau standast ekki lög og reglur EES þá mun ESA annaðhvort krefjast ákveðinna úrbóta eða krefjast þess að þau séu felld úr gildi.  Enn og aftur þá má lesa um þann vinnugang í EES samningnum sem Jón Frímann virðist kunna að skammstafa en hefur greinilega aldrei lesið.

 

Annars myndi maðurinn ekki bulla svona og vera með þær heimskulegar aðdróttanir og hér komu fram í kvöld.

 

Og íslensk stjórnvöld gátu stoppað Landsbankann í að opna ICEsave í Hollandi 2008.  Og hagfræðingarnir Jón Daníelsson og Gylfi Zöega hafa bent á í greinargerð sinni um efnahagshrunið að íslensk stjórnvöld hefðu átt og bar skylda til að neyða bankana í eignarsölu og aðrar þær aðgerðir sem nauðsynlegar voru í ljós þess að þeir fengu ekki endurfjármögnun.  Strax sumarið 2007 nota bene.

 

Og ef þetta væri handbolti hvernig færi leikurinn Jón og Gylfi versus Jón og nafni??

 

Og Icesave var fullkomlega löglegt samkvæmt EES samningnum, enda hefðu bæði breska og síðan Hollenska fjármálaráðuneytið bannað starfsemi ICEsave í viðkomandi löndum ef svo hefði ekki verið.

 

Jakobína, þetta hefur allt verið útskýrt ítarlega fyrir Jóni Frímanni, aftur og aftur með þeim árangri að hann þegir í smá tíma en síðan læðist hann aftur á vigvöllin, eins og algleymissjúklingur, tilbúinn í slaginn með sömu staðleysurnar.

 

Og núna varst þú fórnarlambið.

 

Kveðja að austan.