Keflavík lánar gullgröfurum 6 milljarða

Magma energy er alþjóðafyrirtæki í eigu aðila sem hafa auðgast á því að vaða í auðlindir þriðja heims ríkja.

Árni Sigfússon ætlar að lána þessum aðilum 6 milljarða af fjármunum Reykjanesbæjar til þess að þeir geti keypt afnotaréttinn af jarðvarmaauðlindunum í 65 ár og rukkað íbúa Reykjanesbæjar fyrir afnot af heitavatninu í 65 ár.

Árni Sigfússon og Íslandsbanki sem er eign ríkisins sem er stjórnað af vinstri stjórn Jóhönnu Sigurðardóttir ætla að einkavinavæða jarðvarmaauðlindirnar.

Íbúar Reykjanesbæjar mega eiga áfram rörin í jörðinni sem þeir hafa reyndar byggt upp sjálfir en mega ekki nota vatnið sem rennur um þau nema að borga erlendum auðkýfingum og íslenskum útrásarvíkingum sérstakan skatt fyrir það.

Þetta með rörin í jörðinni ber vott um tæra snilld bæjarstjórnans því að á meðan gróðinn af heitavatnssölunni lendir í vasa auðkýfinga þurfa íbúar bæjarfélagsins að sjá um viðhaldið á veitunni.

Sala jarðvarmaauðlindarinnar er sérstaklega hættuleg þar sem um einokunarfyrirtæki er að ræða og fyrirtækið getur rukkað íbúanna um það sem þeim sýnist fyrir heita vatnið.

Þetta hefur verið eitt helsta áhugamál Össurar Skarphéðinssonar og forseta Íslands.

Hvers vegna er útrásarvíkingurinn Össur enn í Ríkisstjórn?

Athugasemdir

[Hákon Jóhannesson (IP-tala skráð) 6.7.2009 kl. 17:05]

Það er bara ein spurning:  Ætla íslenskir ráðamenn á hinum ýmsu stigum að sýna þroska, staðfestu og framsýni og spyrna við fótum núna - eða ætla þeir að halda áfram að selja auðlindir lands og þjóðar til erlendra aðila ?

Bendi á myndina Home (Yann Arthus-Bertrand) sem sýnd var í Sjónvarpinu í gær. Hana má sjá á Youtube hér.

Hættan á því að ísland verði græðginni endanlega að bráð er raunveruleg og að hér verði ekki byggilegt eftir einhverja áratugi vegna fullkomins arðráns. 

[Baldur Fjölnisson, 7.7.2009 kl. 00:11]

Leppadrasl fjórskipta einflokksins sýnir hér enn einu sinni leppeðli sitt og undirlægjuhátt.

[Björg F (IP-tala skráð) 7.7.2009 kl. 02:28]

Það er einmitt svo að helsu auðlindir fátækustu ríkja heims eru í eigu erlendra auðhringja og ætti einmitt að vera okkur vítið til varnaðar..

 En það er ekki von til þess að núverandi ríkisstjórn læri af reynslu annara þjóða frekar en sú fyrri.

Hin barnslega einfeldni og vanþroski er orðinn þjóðinni svo hættulegur að maður veit ekki lengur hvað maður á að gera til þess að opna augu þessa fólks við stjórnartaumanna..

Ögmundur virðist vera sá eini sem talar af einhverju viti og lætur ekki beygja sig í búmmerang...

[Júlíus Björnsson, 7.7.2009 kl. 03:33]

EU einkavinavæðir ekki bara jarðvarmaauðlindirnar heldur allt.

Stjórnarskráin eða Lissabon samningurinn er Hagfræði stýrikerfi þjóðarlíkama sem byggir á Feudalisma [EU Seðlabankakerfið] og svæða hliðskipum Ofurrisalágvöruframleiðslu í anda Stalín. Menningar arfur  Evrópu Sameiningarinnar EU:ES.

[Villi Asgeirsson, 7.7.2009 kl. 06:31]

Er ekki hægt að henda því inn í stjórnarskrána að auðlindir megi alls ekki, undir neinum kringumstæðum, lenda í höndum útlendinga?

Ég sá einhverja heimildamynd þar sem sýnt var hvernig þessir menn vinna. Allt vatn í Bólivíu (minnir mig) var í eigu fyrirtækisins (sem var Bandarískt), þ.á.m. regnvatn. Það var ólöglegt að safna regnvatni eftir að vatnsskatturinn hækkaði svo að fátæklingarnir höfðu ekki efni á að drekka og þrífa sig. Fyrirtækið var með fólk á launaskrá sem fylgdist með og tilkynnti ef einhver lét sér detta í hug að setja fötu út þegar rigndi.

Sagan endaði þannig að fólk gerði uppreisn gegn kananum og endurheimti auðlindina sína, vatnið, aftur. En fæstar sögurnar enda svona vel.

Árni ætti að gera hreint fyrir sínum dyrum, eða hætta að selja þjóðina eins og einhver dólgur. Hvar eigum við annars sex milljarða til að lána?

[H (IP-tala skráð) 7.7.2009 kl. 15:26]

Hvar hefur það komið fram að Össur eigi það fyrir baráttumál að selja jarðvarmaauðlindirnar? - Þarf ekki svona menntuð kona sem sækist eftir doktorsgráðu að gæta þess að skrökva ekki uppá fólk?

Össur barðist fyrir því að það yrði sett í stjórnarskrá að auðlindirnar væru sameign þjóðarinnar, þá studdi Össur útrás íslenskrar orkuþekkingar og þátttöku íslenskra fyrirtækja og hugvits í orkuverkefnum erlendis, þ.e. algerlega öfugt við að fá útlendinga hingað, og allt annað en að selja orkuauðlindir Íslands. Hvergi veit ég til þess að vísbendingar, hvað þá beinar yfirlýsingar hafi komið frá Össuri um að hann styddi að útlendingar keyptu íslenskar jarðvarmaauðlindir eða neinar aðrar íslenskar auðlindir - en hann barðist fyrir að þær yrðu skilgreindar sem þjóðareign í stjórnarskránni. Össur sem iðnaðarráðherra fékk svo sett lög sem beinlínis hindra bein yfirráð útlendinga yfir íslenskum fyrirtækjum sem ráða yfir auðlindum.

- Þarftu ekki að vita hvað þú segir þegar þú berð svo alvarlegar ásakanir á nafngreint fólk Jakobína?

[Jakobína Ingunn Ólafsdóttir, 7.7.2009 kl. 15:57]

Ágæti H væri ekki í lagi að þú nafngreindir sjálfan þig þegar þú gengur erinda jarðvarmamafíunnar.

Ég hef fullt leyfi til þess að hafa skoðun á því hvað valdhafarnir aðhafast og koma þeim skoðunum á framfæri.

Gjörðir þeirra hafa áhrif á velferð mína og velferð allra sem ég þekki.

þegar menn fara í valdastöður verða þeir að sætta sig við að fólk lesi í gjörðir þeirra og hafi á þeim skoðanir.

Ekki veit ég hvað Össur ÆTLAÐI að gera en sú staðreynd liggur fyrir að auðlindirnar eru alls ekki varðar. Það er verið að selja vatnsrettindi og heitavatnsréttindi til tugi eða jafnvel hundruði ára víða um landið.

Össur hefur verið mjög athafnasamur og valdamikill í allri þessari atburðarrás og þá skiptir það engu máli hvað hann ÆTLAÐI að gera.