Gott að vita af einum ráðherra með óskerta dómgreind

Ríkisstjórnin hagar sér eins og óvinur almennings.

Það er alveg sama hvernig ríki innan Evrópusambandsins, valdhafarnir í Brussel og Alþjóðagjaldeyrissjóðurinn moka yfir íslendinga ríkisstjórnin bara beigir sig og buktar.

Verstu spár um aðkomu Alþjóðagjaldeyrissjóðinn hafa ræst.

Það verður ekki lengur þrætt fyrir það að Bretar og Hollendingar eru að beita fyrir sig ESB til þess að þvinga Íslendinga til þess að skrifa undir Icesave samninginn sem þeir geta ekki staðið við.

Það verður ekki lengur þrætt fyrir það að Bretar og Hollendingar eru að beita Alþjóðagjaldeyrissjóðnum til þess að þvinga Íslendinga til þess að skrifa undir Icesave samningin.

Það sem er alvarlegast er að Alþjóðagjaldeyrissjóðurinn og ríkisstjórn Íslands beita hér efnahagsaðgerðum sem draga úr líkum á því að þjóðin nái sér upp úr því feni sem stjórnmálamenn, embættismenn og glæpamenn hafa komið henni í.

Vill fresta umsóknarferli ESB

Athugasemdir

[Valsól (IP-tala skráð) 26.7.2009 kl. 15:05]

Jón hefur engar áhyggjur af samningsstöðu, þetta er bara fyrirsláttur því hann er svo hræddur um það að íslendingar fái að sjá hvað kemur út úr samningum. Hann óttast að þeir samningar verði of góðir fyrir almenning til að hafna þeim. Þessi maður er að reyna koma í veg fyrir að almenningur fái þá kjarabót sem fylgir því að ganga í ESB.

 Ömurlegur málfluttningur, en hæfir manninum!

Þér ferst að tala um dómgreind reyandi að koma í veg fyrir það að börnin okkar geti staðið jafnfætis öðrum einstaklingum í Evrópu þegar kemur að því að kaupa sér þak yfir höfuðið. Þessi þenkjandi sem tröllríður andstæðingum gengur út á þröngsýni, heimóttarskap og tryggð við öfl í þjóðfélaginu sem hafa aldrei borið hag almennings fyrir brjósti.

[Jakobína Ingunn Ólafsdóttir, 26.7.2009 kl. 15:17]

Hvernig veist þú Valsól hvaða áhyggjur Jón hefur. Ert þú náinn vinur hans?

Hvaða einstaklingum í Evrópu vilt þú að börnin okkar standi jafnfætis? Ef þig dreymir um að börnin sem þú vilt að greiði skuldir fjárglæframanna komi til með að standa jafnfætis þeim sem betur mega sín þá verð ég að biðja þig að hugsa dæmið upp á nýtt.

Mér er gjörsamlega fyrirmunað að skilja hvernig þú kemst að þeirri niðurstöður að skuldasöfnun upp á þúsundir milljarða geti skapað betri framtíð fyrir börnin okkar.

Áður en þessi blessuð börn sem þú talar um geta farið að íhuga að koma sér þaki yfir höfuðið þurfa þau að fjármagna sem svarar einni til tveimur íbúðum sem renna til betur megandi í Evrópu.

Ég held að þú sér að hugsa um börn yfirstéttarinnar í Evrópu en ekki íslensk börn þegar þú talar um börn sem sem geta eignast húsnæði.

[Valsól (IP-tala skráð) 26.7.2009 kl. 15:25]

Bíddu styður þú ekki sjálfstæðisflokkinn? Meirihluti sjálfstæðismanna hefur verið fylgjandi aðild í öllum skoðanakönnunum síðan 2004. Núna sést ekki einn einasti Sjálfstæðismaður sem þorir að hafa þá skoðun að við eigum að ganga til aðildar. Dvíðsæskan og bullið í kring um Styrmir Gunnarsson og Björn Bjarnason gerir það að verku að engin þorir að tjá sig í þessum blessaða flokki. Meira að segja fékk Benidikt Jóhannsson verðlaun fyrir að þora tala á móti flokknum. Hugsaðu þér, hann fékk verðlaun fyrir að þora vera á annarri skoðun en Davíð og félagar. Menn eru svo skíthræddir við að hafa aðra skoðun en Davíðs klíkan, að þeir þora ekki öðru en að fylgja hjörðinni af ótta við að komið verði einhvers staðar í veg fyrir framgang þeirra í atvinnumálum, eða að börnin þeirra fái ekki vinnu því klíkan gæti komið í veg fyrir það, finnst þér virkilega gaman að vera í flokki þar sem er slík skoðanakúgun að menn þori ekki að tjá sig? Aumingja þú.

[Auðun Gíslason, 26.7.2009 kl. 15:33]

"Bíddu styður þú ekki sjálfstæðisflokkinn?"  Sjúbb!

[Jakobína Ingunn Ólafsdóttir, 26.7.2009 kl. 15:39]

Valsól hvaða samfylkingarmann hefur þú séð þora andæfa forystunni. OG SÍÐAN HVENÆR STYÐ ÉG SJÁLFSTÆÐISFLOKKIN?

Ég kaus samfylkingunna árið 2007 og var því atkvæði mjög illa varið. Samfylkingin er nefnilega auðvaldsflokkur. Það met ég af gjörðum hennar. Hún lét ekki sitt eftir liggja í að steypa þjóðinni fram af bjargbrúninni þá 18 mánuði sem hún sat í ríkisstjórn með sjálfstæðisflokknum.

Samfylkingin studdi sjálfstæðisflokkin en ekki ég þótt hún hafi misnotað mitt atkvæði við að gera það.

Ég var reyndar á Austurvelli í gær að fagna rauðum dögum með íslenskum ALVÖRU sósílalistum. Hélt ágæta ræðu sem þú getur lesið hér neðar á blogginu mínu.

Það ert þú sem ert kapítalisti. Ég er frjálslyndur vinstri umhverfissinni sem vill berjast gegn því að börnin mín verði sett í ánauð eða flæmd úr landi fyrir Breta og Hollendinga.

[sjálfstæðismaður :) (IP-tala skráð) 26.7.2009 kl. 15:40]

Jahérna, Valsól er aldeilis rökföst. Byggir andstöðu sína á "skoðunum" Jóns Bjarnasonar og fullyrðingar um "gæði" ESB á því að Jakobína sé í Sjálfstæðisflokknum  

Það er ekki að undra að illa gangi að koma þessum málum í málefnalegan farveg.

[Jakobína Ingunn Ólafsdóttir, 26.7.2009 kl. 15:48]

Já sjálfstæðismaður rökin sem byggja á því að Jakobína sé í sjálfstæðisflokknum eru nokkurn vegin þau fjarstæðukenndustu sem ég hef séð hingað til.

Ég efast um að ég fengi inngöngu í sjálfstæðisflokkin þótt ég skriði til þeirra á maganum og það er algjörlega örugg að þótt sjálfstæðisflokkurinn, vígi kvótabraskaranna, kæmi skríðandi á maganum til mín þá myndi ég ekki ganga í sjálfstæðisflokkinn

[Sigurður Þórðarson, 26.7.2009 kl. 19:49]

Nákvæmlega.

[Valsól (IP-tala skráð) 26.7.2009 kl. 20:07]

Þetta er mín afstaða. vona að þú nennir að lesa þetta.

Kannski hef ég aðein hlaupið á mig varðandi þig og þínar skoðanir. Ég bið afsökunar ef ég hef farið yfir strikið.

Ég er byrjaði að gagnrýna forystu Samfylkingarinnar síðastliðið haust fyrir hrun þegar Ingibjörg brást gjörsamlega með því að ráða vinkonu sína sem forstjóra varnamálastofnunar gekk fram af mér. Ég gagrýndi líka þegar Ingibjörg réði sendiherra inn á skrifstofu utanríkisráðuneytisins. Ég gagnrýndi líka þá skiptingu ráðuneyta sem varð í þessu glataða stjórnarsamstarfi Sjálfstæðis og Samfylkingarmanna. Ég kallaði Ingibjörgu lítinn Davíð Oddsson, sem væri farin að haga sér sem slík. En ég er í Samfylkingunni vegna þess að þetta er eini jafnaðarmannaflokkurinn á Íslandi og þar að auki er þetta eini flokkurinn sem vill ganga í ESB.

Ástæðan fyrir því að ég vill ganga í ESB er vegna þess að ég veit að ESB er einn stór félagsmála og mannréttindapakki sem mun taka völd af Sjálfstæðisflokknum, því þau hagsmunasambönd glæpamanna á Íslandi hefðu átt að sjá sóma sinn í því að leggja sjálf sig niður eftir hrunið síðastliðið haust, en það gerðu Sjálfstæðismenn að sjálfsögðu ekki, enda hagsmunasamband.

Ég vill ganga í ESB út af því að ég vill að börnin mín standi jafnfætis öðrum íbúum Evrópu þegar kemur að því að þau langi til að kaupa sér þak yfir höfuðið.

Vissir þú að vextir munu lækka um 228 miljarða á ári, já á hverju ári? Þetta þýðir að við þurfum að leggja minna á okkur til að endar nái saman, sem svo aftur þýðir að við getum eytt meiri tíma með börnunum okkar. Þetta verður mesta kjarabót sem íslenskur lamenningur mun nokkurn tíman standa til boða.

Ef tekið er lán upp á 10 miljónir í íslenskum krónum til 40 ára þá þarftu að borga miðað við að allt væri í þessu fína og 5% vexti og 5% verðbólgu, þá yrði það ekki minna en 90 miljónir til baka. Ef þú tekur sama lán í Þýskalandi, þá borgar þú til baka á 40 árum 12 miljónir. Þú vilt sem sagt að börnin þín þurfi að borga 90 miljónir á sama tíma og þér gefst tækifæri á að bjóða þeim lán þar sem þau þurfa ekki að borga nema 12 miljónir.

Þetta er ótrúlegt, ég skil ekki svona, ég bara skil það ekki. Ef við breytum þessari upphæð í 20 miljónir, þá lýtur dæmið svona út. Annað hvort tekur þú íslenskt lán og borgar 200 miljónir til baka á 40 árum eða þú tekur lán í ESB landi og borgar 24 miljónir.

Mismunurinn á þessum lánum hann fer eitthvert, skilurðu, það er einhver sem setur hann í vasann, hann hverfur ekki bara, og ég get alveg lofað þér því að sá aðili vill ekki ganga í ESB. Ef við göngum í ESB, þá munu verða þeir mestu fjár flutningar á milli stétta á íslandi eins og aldrei áður. 228 miljarðar til almennings á hverju ári í formi lægri vaxtagreiðslna. Nú veit ég að einhver er ekki sammála mér um þennan mismun, en hvort sem mismunurinn fer í vasa einhvers eða hvort þetta var gjaldið sem við þurftum að borga fyrir að vera með krónu, þá skiptir það ekki máli, þetta eru fórnarpeniingar sem voru að sliga fjölskyldur landsins.

Ef það væru til hagsmunasamtök almennings, eins og hagsmunasamtök bænda, þá get ég líka lofað því að ef þau samtök væru heiðarleg, þá myndu þau vilja ESB. Við eigum ekki að taka afstöðu til ESB út frá því hvað óðalsbóndinn vil eða kvótakóngurinn, við eigum að taka blákalda afstöðu til ESb út frá því sem kemur best fyrir okkur sjálf og okkar eigin fjölskyldur.

Gerði Ásmundur VG þingmaður ekki einmitt það á þingi? Svrið ví því er jú, en hann var vanhæfur til að taka þessa afstöðu. Þingmönnum var nýlega gert það að gera grein fyrir hagsmunatengslum sínum. Ef þingmaður átti hlutabréf í einhverju fyrirtæki þá vildi almenningur vita af því ef sá hinn sami væri að taka ákvarðanir sem vörðuðu þetta fyrirtæki. Ásmundur rekur fyrirtæki sem kallast bændabýli. Hann tók afstöðu út frá eigin hagsmunum gegn hagsmunum alemnnings sem hann var þó kosin til að gæta.

[Jakobína Ingunn Ólafsdóttir, 26.7.2009 kl. 20:29]

Árni Páll á fimm fyrirtæki sem hann hefur ekki gefið upp í sambandi við hagsmunatengsl eftir því sem sagt var í einum fjölmiðlinum og eitt þeirra heitir Evrópuráðgjöf ehf.....

Það eru þjóðarhagsmunir að vernda innlenda matvælaframleiðslu og að þjóðin búi við matvælaöryggi og hátt atvinnustig.

[Valsól (IP-tala skráð) 26.7.2009 kl. 21:20]

Eru þetta einu rökin, að við verðum að hafa innlenda matvælaframleiðslu? Þeir voru heppnir Finnar að láta ekki svona rök stoppa sig, og sama má segja um Svía. Veistu, það verður alveg nóg framleiðsla á mat, ég hef engar áhyggjur af því. Hvað atvinnustig snertir, þá höfum við alveg efni á því að það séu alltaf einhverjir í fríi. Þó svo það sé 10% atvinnuleysi þá þýðir það ekki að það verði alltaf sömu 10% sem verði án vinnu. Svo er auðvitað bara út í hött að miða atvinnustig á íslandi við það sem gerist verst í Evrópu. Ef við ættum að miða við eitthvað þá ættum við að miða við þau lönd sem eru með hvað hæst atvinnustigið. Ástæðan er einföld, við þekkjum ekki sögu um atvinnuleysi og viljinn til vinnu er til staðar. Svo ég blæs á þessi rök, og spyr þig aftur pínulítið breytta spurningu, viltu virkilega leggja þetta á börnin þín, viltu virkilega, bara svo bændur geti áfram fengið uup undir 20.000 miljónir á ári, til að viðhalda háu matarverði? Veistu, bara sem dæmi þá munu egg lækka um 70% og nautakjöt um 35%.

Það er eins og fólk hafi algjörlega látið þessi sérhagsmunasamtök plata sig upp úr skónum. Heldur þú í eina mínútu að matvælaframleiðsla á Íslandi leggist af? Ég veit að þú trúir því ekki. Svo það sem meira er, það gæti þó ekki verið að það verði einmitt raunin að bændum muni ganga vetur innan sambandsins en utan þess. Svo má alveg fækka bændum, þeir eru ekkert heilagari en t.d. fiskverkunarfólk. Það grenjar engin þegar 200 af þeim missa vinnuna, þá er það bara kölluð hagræðing. 

Ég veit svo sem að mér tekst ekki að snúa þér, þú gætir verið bóndi þess vegna, ég veit ekkert um það, en það er sorglegt að það skuli vera búið að takast af þessum sérhagsmunasamböndum að blekkja svoleiðis fólk sundur og saman að maður bara gapir stundum. Eins og þetta með auðlyndirnar, ,,við missum ALLAR auðlyndirnar" segir fólk. Það þarf ekki einu sinni að lesa sig til umþetta til að fatta að þetta er rugl, hveldur nokkur lifandi maður að lönd hafi staðið í röðum til þess að komast inn í þetta samband bara til þess að gefa auðlyndir sínar, þvílíkt og annað eins rugl. Nei þjóðir hafa staðið þarna í röðum út af því að hagsmunum almennings hefur verið best borgið þannig. Norgegur er undantekningin vegna gífurlegs olíu-auðs. aðrar þjóðir hafa farið þarna inn af því þjóðarleiðtogar hafa metið það svo að hagsmunir almennings vægju hrra en hagsmunir sérsambanda bænda. Læt ég máli mínu lokið. Bið þig vel að lifa, og vona að þú hugsir málið út frá öðrum forsendum, nefnilega þér sjálfri og fjölskyldu þinni.

Varðandi Árna Pál, þá er hann apsalút, ekki minn maður, sá pappír á heima í frjálshyggjudeild Sjálfstæðisflokksins.

Gangi þér vel í doktorsnáminu,  ég er einmitt að hefja mastersnám núna í haust. :)

[Júlíus Björnsson, 26.7.2009 kl. 21:25]

Þessi maður er að reyna koma í veg fyrir að almenningur fái þá kjarabót sem fylgir því að ganga í ESB.

Við höfum fengið flest það sem sendur næst almenningi með aðildarsamning EFTA 1995. Innflutningstollar í formi aðgangs að innrimarkaði falla niður. Sem lækkar ekki innflutningsverð hækkar greiðslugetu ríkissjóðs. Við fáum að greiða fyrir sameiginlega Útlendingastefnu og öryggis [ Sameignlegan Hernað].

Lög EU er viðurkenning á menningar arfleið sem virðir mannréttindi minna og frá Norðri og Vestri séð. EU gengur út á heildina í samvinnu sem á að skila grunvelli efnahagsríkja í innri samkeppni þar sem að miðstýring sér um kostnað sem er sameiginlegur öllum meðlimaríkjum stjórnsýslulega, til lækkunar á þeirra eigin.

Inngengin lönd, áður lítilla náttúru auðlinda og meðal langt minni en Íslendingar hafa svo svo forréttinda ríkin nágrannar EU [skilgreind þannig í lögum EU] fengið stuðning í formi lánafyrirgreiðslna til endurskipuleggja efnahaga [áherslur í samfélagsgerð] að hætti þeirra til fyrirmynda og ríkustu: Frakka, Þjóðverja, Breta, Hollendinga og Austurríkismanna.    Þetta kallast ávinningur fyrir meðlimaríki og væntanleg til að skapa sínar eigin kjarabætur, um það snýst nú innri samkeppni efnahagseininganna.

Íslendingar almennt eru með mikla ranghugmyndir um EU sem er samfesting meðlimaríkja til að auka innri arðsemi sína.

Til að fá sömu kjör og Rúmenar þyrftum við að sækja um að gerast ríkisborgarar þar sama gildir um öll Ríkjakjörin í samkeppni.

Ef eitthvað breytist við nálægð við miðstýringu EU þá er það jöfnum lífskjara launaþrælanna: almúga þjóðanna, fer eftir styrk þeirra meðlimaríkja stjórnvalda.

Þessi ofuráhersla á mikið stjórnmálegt samstarf til að byrja með minnkar í enda kostnaðarsamar útvíkkunnar og mun verða skorin niður að kröfum ríkari meðlimaríkja að sjálfsögðu þegar seinna þroskaferlið, fullkomnun sjálfvirku stýrikerfanna, EU laganna verður eina sem eftir er.

Skammtímavæntingar þeirra Stjórnmálamanna sem skilja ekki tilgang lána fyrirgreiðslnanna [Lesa ekki lögin:samninganna með skilningi] má kenna um þessari lágkúrulega almúga umræðu hér á landi.

Til að auka kjarabætur þarf að skera kostnað við lánastarfsemi niður hér. Einfalda og réttfæra lög hér á landi, innleiða í lög Fasteignavísitölu til verðtryggingarþáttar  vaxta af langtímalánum íbúðafasteigna, banna lög um einokun neysluvísitölu skammtámalána, sem hækkar alltaf, því þeir sem taka skammtíma lá í almennri kreppu er sennilega ekki í kreppu.

Til að lækka verð innflutnings vara er hægt að beina innflutning út fyrir EU eins og 92% heimsins gera nú í dag. Ef Íslendingar er ósáttir við verðin á rétta genginu, eftir að Stórubankar EU [þýskir] hættu að kaupa krónubréf fyrir evrur [styrkja gengið] til að undirbúa inngöngu og efla samstarf EFTA ríkjanna milli meðlimaríkja EU. 

Til þess að eiga góða vináttu við almenning í EU gildir að hafa góð laun og eyða miklu þegar maður sækir þá heim.            

[Valsól (IP-tala skráð) 26.7.2009 kl. 22:16]

Júlíus, þú gleymir evruni og kostunum sem henni fylgja! Svo þetta með að einfalda og réttfæra lög, það bara verður ekki gert, þú veist það og ég veit það. Það er flokkur í landinu sem er sérhagsmunasamband fyrir glæpamenn. Þessi flokkur er því miður það stór að hann getur komið í veg fyrir slíkar kjaraumbætur. Þetta er ein af ástæðunum fyrir því að ég vill ganga í ESB, og það verður alveg nákvæmlega sama hvaða reglum og lögum þú breytir, þú munt aldrei geta rétt almenningi á íslandi 228 miljarða á hverju og einu einasta ári. Svo eftir situr, að þú ert að reyna koma í veg fyrir kjarabætur  til almennings.

[Jakobína Ingunn Ólafsdóttir, 27.7.2009 kl. 00:00]

Valsól þú gleymir krónunni

Þú skilur ekki krónuna

Það breytir engu hvort að við fáum evru eða ekki.

Við þurfum nefnilega að greiða evruna því verði sem gildir núna ef við kaupum hana núna.

það liggur þó fyrir að við fáum enga evru þó við göngum í ESB. Við uppfyllum ekki Mastrict skilyrðin fyrr en eftir 30 ár. Og þá verður krónan bara í fínu lagi því það eru forsendurnar.

Það þarf ekkert að ganga í ESB til þess að breyta lánakjörum á Íslandi.

Ef ríkisstjórnin vill breyta lánakjörum þá bara breytir hún þeim. þarf ekkert leyfi ESB til þess.

Ef ríkisstjórnin vill losna við verðtrygginguna þá bara gerir hún það. þarf ekkert leyfi ESB til þess.

Það er orðið mjög þreytandi að hlusta sífellt á það þegar verið er að búa til samhengi sem ekki er til staðar.

[Júlíus Björnsson, 27.7.2009 kl. 02:45]

Rétt hjá J I Ó.

Nákvæmt með tilliti til alþjóðlegra vaxtaformúlusamsetninga. Þá miðast þær allar miðað við forsendur um að tryggja lámarksvexti það er til að tryggja verðtryggingu. Það vill engin losna við verðtryggingu á réttum forsendum.

Þegar um langtíma lán er að ræða [Mortgage loans] sem er elsta og algengasta lánsform heimsins og oftast eina lánið sem fjölskyldur taka gildir að áhætta er lítil sem engin og bera þau vanalega lægstu vextina að jafnaði það sem afgangur höfuðstólsins er alltaf tryggður með veð[andlag]inu sem eftir er að borga. Um þetta gilda lagareglur sem byggja á eignarétti. Lánadrottinn á fyrsta veðrétti getur alltaf gengið að því ef skuldarinn uppfyllir ekki lánassamningin og fengið það sem honum ber.  Vaxtaformúlan tekur mið af fasteignaverðsþróun sem er mælikvarði á góða hagstjórn ef fasteignaverð lækkar almennt þá fækkar fólki eða lífskjör hafa skerst verulega. 

Ríkisstjórn sem vill sitja við völd í jafn langan tíma oftast um 30 ár og íbúalánið getur í samræmi lofað fólki stöðugleika þann tíma. Til að sanna það tekur hún upp notkun íbúðafasteignavístölu til verðtryggingar veðandlaginu sem er ógreitt. Til þess að viðgetum treyst í að Ríkisstjórnin sé ábyrg eða hæf.

Siðmenntaðar þjóðir halda þessum lánaflokk utan við braskið. Nú eru það SAmFóog VG sem bera ábyrgðina á því að breyta lögum um verðstryggingar til samræmis við Fjölskylduvænar ríkistjórnir heimsins.Ný íbúðalán fjármálastofnanna á vegum ríkis og lífeyrissjóða miði við vísitöluna sem tekur mið af ferli vísitalna meðal íbúðaverðs.  Verðtrygging með lögum  mið tilliti til öruggustu veðs almenning grundvelli reisnar fjölskyldunnar eða einstaklingsins.

Vaxtaferill í 30 ár endurspeglar hagstjórnina þar sem jafnræði og lýðræði er haft að leiðarljósi og lámarks metnaður um betri langvarandi lífskjör. 

Hann hækkar jafnt og þétt kannski að meðaltali um 2,5% á lánstímanum 0,8% á ári.

Hinsvegar getur verið að ferill lækki í 3 ár á tímabilinu [löng kreppa] um 10% þá eru ekki reiknaðir neikvæðir vextir heldur leiðréttingu vegna íbúðaverðtryggingar sleppt.  Þarna græðir lándrottinn nógu til að bíða 3 ár, hvað varðar lánaflokk Mortgage lána. Nafnvextirnir formúlunnar lifa áfram.   

Ef fasteigna verð hækkar vegna þess að laun hækka og verð neysluvarningins þá gætu fasteignaverð hækkað hlutfalslega en vaxta byrði launþegans yrði óbreytt.  Réttlát verðbólga er ekki ástæða nauðsynjar rangra vertryggingaforsenda á Íslandi.

Neysluverðsvísitala myndar ferill af því sem hækkar mest á mörkuðum á hverjum tíma eða því sem mest eftirspurn er eftir á almennum kreppu tímum eru það lágu vörðuverðin sem hækka hlutfallslega mest. Hann er því stöðugt vaxandi og neyslu vísitalan því aldrei neikvæð rétt mæld og í raun mælikvarði á hámarksvexti eða raunvexti og með fullu áhættu álag með tilliti til hverfandi veðs eða glataðra væntinga eða heimskrar spákaupmennsku.

Notast þessi neysluvístala í vaxtaútreikning lánaflokki skammtímalána fasteignaverðtryggða eða ekki hjá siðmenntum ríkistjórnum [Ekki SAmFó og VG í dag]  

Ferill skammtímalána í 30 ár ef lán er endurnýjuð fjórum sinnum á ári eru um 120 lán. Sum borgast og önnur borgast ekki, væntingar bregðast. Þess vegna þykkir eðlilegt að vaxtaformúla slíkra geri ráð fyrir slíkum væntanlegum áföllum og því skilar hún alltaf talsvert hærri vöxtum sem gætu þá á 30 árum að jafnaði verið sömu og ef um öruggasta lánaflokkinn væri að ræða.

Ástæðan fyrir því að leitt var í lög einokum neysluverðsvístölu til verðtryggingar hér á landi var til þess að að láta íbúðalánin greiða niður: afföll samtímalánanna.

Allt sett í sömu körfuna í fjármálstofnunum. Heildarhagnaður síðan gefin upp.  

Þetta skammast Allar Ríkistjórnir heimsins að gera og þekkist þetta ekki utan Íslands. Greindar vísitala ráðamanna erlendis of há.

Þetta er ástæða fyrir því að ábyrgir Erlendir Bankar koma ekki hingað lögleiddar vaxtaformúlur á Íslandi hærri en allstaðar annarstaðar að jafnaði.

Miðstýringin í EU getur ekkert gert í þessum málum það er alls ekki um óeðlileg undirboð að ræða á innrimarkaði.

Niður með verðtrygginguna skilar engum tilgangi. Hinsvegar Upp með rétta eða réttláta verðtryggingu með tilliti til lánaflokks skilja allir fjármálamenn utan  Íslands að minnsta kosti, því það hljómar af viti. 

Ég emeilaði Jóhönnu og hún er ekki búin að breyta lögum til að leiðrétta einokunina Neysluvísitölu á öllum lánaflokkum framtíðarinnar til vertryggingar.

Í kreppu í hvaða landi sem er hækka ekki Fasteignalán á alþjóða réttum forsendum. Þar er hægt að setja skatta á lúxusvöru án þessa að byrði skuldabyrgði vaxi og eignahluti almennings í heimilinu minnki. Þar er borin virðing fyrir elsta lánaflokki mannkynsins Mortgage loan og fyrir eignarrétti og friðhelgi heimilisins hornsteina heimamarkaðar. 

Ef Jóhanna er fullviss um að hún sé að fara inn í EU og fái evru og hér  ríki Maastricht stöðugleiki í dag og þá getur hún ekki haldið áfram að níðast á almenning. Samræma lánsform hér og vaxtaformúluforsendur er algert lámark.  

Sparifjáreigendurnir hans Péturs Blöndal verða bara að ákveða hvort ég eða þú eigum að ávaxta fé þeirra eða Baugur og önnur eignarhaldsfélög í framtíðinni. 

Gömlu rangverðtryggðu lánin eru annað mál sem þarfa að skoða út af fyrir sig.

[Júlíus Björnsson, 27.7.2009 kl. 02:47]

Ástæðan fyrir því að leitt var í lög einokum neysluverðsvístölu til verðtryggingar hér á landi var til þess að að láta íbúðalánin greiða niður: afföll skammtímalánanna

[Júlíus Björnsson, 27.7.2009 kl. 02:52]

Til þess að þetta sé löglegt og heiðarlegt þurfti strax í upphafi að íbúðalána hér væru hámarkvaxtaverðtryggð með bak tryggingu í fasteigninni.