Af rökhæfni prófessora

Hver prófessorinn af öðrum við Hálskóla Íslands gengur nú fram af mér með rökleysum og þvættingi.

Stefán Ólafsson segir á Vísi:

Með þessu veðsettu bankamennirnir íslensku þjóðina alla án þess að láta vita eða spyrja leyfis.

Og Stefán telur að það geri þjóðina ábyrga.

Ef ég og Stefán ættum heima í sömu blokk og ég myndi gera eitthvað í nafni blokkarinnar og veðsetja allar íbúðirnar fyrir því myndi Stefán þá telja að næsta eðlilega skref væri að borga reikninginn sem ég léti senda honum.

Er ekki eitthvað í lögum Háskólans sem bannar mönnum í hans stöðu að fara með þvætting?

Það er eins og samfylkingin verði algjörlega skyni skroppinn í skotgrafahernaði við sjálfstæðismenn sem hún aðstoðaði við að koma þjóðarbúinu á hausin.

Stefán Ólafsson studdi það með gögnum í góðæri sjálfstæðisflokks og samfylkingar að fátækt hefði aldrei verið eins útbreidd á Íslandi.

Vill hann að fátæklingarnir taki á sig núna að greiða skuldir Björgólfs Thors?

Langmesta verðbólgan á EES-svæðinu

Athugasemdir

[Kolbrún Hilmars, 17.8.2009 kl. 14:49]

Sæl Jakobína.  Pistill Stefáns í Fréttablaði dagsins ber fyrirsögnina Siðfræði Icesave-málsins.  Mér sýnist eftir þann lestur að allir í blokkinni "þinni" séu siðferðilega ábyrgir fyrir skuldinni "þinni" bara vegna þess að þeir búa þar.  

Að þér tækist að svindla í nafni hússins því stjórn húsfélagsins vissi ekki af svindlinu þínu, eða að lánardrottinn þinn hafi ekki athugað hvort þú hefðir leyfi húsfélagsins skiptir greinilega ekki máli.

[Sigurður Ingólfsson (IP-tala skráð) 17.8.2009 kl. 14:52]

Jakobína sæl. Ég verð að játa að mér fannst greinin hans Stefáns mjög góð. Svo les ég þína grein og hún er líka mjög góð ! Getur verið að þið hafið bæði rétt fyrir ykkur? Kveðja

[B.N. (IP-tala skráð) 17.8.2009 kl. 14:52]

Hér kemur smá úr grein eftir undirritaðan sem birtist í Fréttablaðinu í maí 2005. Ég var ekki í vafa að elítan í Háskólanum á stóra ábyrgð hverning fór hér á landi með aðgerðarleysinu sínu meðan þjóðin var rænd framtíð sinni og núna er stór hluti þeirra á mála hjá ESB sem gefur þeim mörgum brauð bíta í. Sú aðferð kallast styrkir og fjölmiðlarnir gefa þessu fólki svo greiðan aðgang að sér til að til að segja okkur lýðnum frá Paradís(Evrópubandalaginu) 

,Úthlutaðar þorskveiðiheimildir á þessu fiskveiðaári eru 209 þúsund tonn og því hægt að sjá að verðgildi þessara veiðiheimilda hafa hækkað á sex mánuðum um rúma 52 milljarða króna. Aðrar veiðiheimildir í öðrum tegundum má áætla að séu til samans annað eins. Þetta hefur sömu virkni eins og peningafalsanir á efnahagslífið enda má sjá að erlendar skuldir eru komnar í 200% af vergri landsframleiðslu. Hér er ef til vill lausnin komin hvers vegna stórar gengisfellingar hafa ekki orðið ennþá síðan þetta kerfi var styrkt með lögum um stjórn fiskveiða nr.38 1990 og útskýrir hvers vegna sjávarútvegurinn hafi ekki þurft á gengisfellingum að halda þetta tímabil þrátt fyrir allt of hátt gengi krónunnar fyrir sjálfbæran rekstur. Hágengisnefnd sjávarútvegsráðherra virðist hafa fengið það verkefni að dreifa athyglinni frá vandanum og styrkja trúverðuleika þessa kerfis til að fá þjóðarsálina til að trúa því að sjávarútvegurinn sé nú hættur að skipta máli og þá væntanlega til að réttlæta það að hleypa erlendum aðilum inn í greinina. Ráðherra þessa málaflokks segir það koma sér á óvart hversu sterkur íslenski sjávarútvegurinn sé í heild sinni eftir að hafa lesið nefndarálitið. Ég fullyrði að þetta á ekki við landvinnsluna því hún fær ekki úthlutaðan kvóta til að búa til fjármagn úr. Tölur Hagstofu Íslands sýna að útflutningsverðmæti sjávarafurða nemur yfir 60% af verðmæti vöruútflutnings landsmanna. Undirritaður óskar eftir að hagfræðingar stígi nú fram á ritvöllinn og útskýri fyrir þjóðinni hvað sé að gerast og hvað sé framundan.''

Baldvin Nielsen Reykjanesbæ

[Villi (IP-tala skráð) 17.8.2009 kl. 15:19]

Skiptir það ekki höfuðmáli að stjórn húsfélagsins studdi þig og þínar gjörðir með kjafti og klóm? Allir í stjórninni: Ráðherrar, fjármálaeftirlit, seðlabanki..Svo komum við eftirá hvort heldur íbúinn í kjallaranum eða penthouse-íbúðinni og viljum fría okkur ábyrgð.

Við getum sjálfum okkur um kennt. Við kusum þetta fólk. Alveg eins og með árásina á Írak. Ísland (íslenska þjóðin) tók þátt.

[Hólmfríður Bjarnadóttir, 17.8.2009 kl. 15:31]

Stefán Ólafsson hagfræðiprófessor hefur hingað til farið með neinn þvætting og ég tel afar ósennilegt að hann taki til við það núna.

[Árni Gunnarsson, 17.8.2009 kl. 15:34]

Það ætti öllum að vera ljóst eftir áratuga setu Hannesar H. í stöðu prófessors við H.Í að það er ekkert í lögum þeirrar stofnunar sem bannar mentorum hans að bera fram þvætting.

[Kella (IP-tala skráð) 17.8.2009 kl. 15:35]

Hefðum við Íslenskur almenningur líka verið siðferðilega ábyrgur ef upphæðin sem þjófunum tókst að stela væri segjum þúsund sinnum hærri? Hver er munurinn á einni krónu og 100.000 milljörðum hjá þessum ágæta manni. Enginn? Alþýðan á bara að borga?

En mikið er ég sammála þér og takk fyrir gott blogg.

Kv.

[Einar Björn Bjarnason, 17.8.2009 kl. 17:31]

Hmm, ég held að við þurfum að viðurkenna, að Bretar og Hollendingar, hafa raunverulegt og réttmætt, "grievance" gagnvart okkur.

Á hinn bóginn, er ekki heldur skynsamlegt, að samþykkja óbreyttann samning. 

Ég tek undir með ritstjóra Financial Times, að það þurfi að endurdreifa byrðunum, þannig að Ísland ráði við þær og einnig þannig, að ekki komi til landflótta og langvarandi kreppu.

Þannig, styð ég ekki þá afstöðu, að neita að taka tillit til hagsmuna Breta og Hollendinga. Á hinn bóginn, er heldur ekki sanngjarnt af þeim, að taka ekkert tillit til okkar hagsmuna.

Að mínum dómi, hefur uppgjafar stefna ríkisstjórnarinnar verið röng. Ég hef alltaf verið sannfærður um, að góð rök væru fyrir að endursemja, eða alla tíð síðan sömu vikunni og Icesave frumvarpið var kynnt á Alþingi.

Í greinargerð með því, kemur það fram, að skuldir ríkisins með Icesave inniföldu verði mest, 1,25 VLF, ótrúlegt en satt. Í sömu vikunni, byrtust óvænt upplýsingar um að skuldir ríkisins væru 2,5 VLF ef reikanað væri með Icesave, og fulltrúi AGS staðfesti þá tölu.

Þá þegar, hefði ríkisstjórnin átt, að draga frumvarpið til baka, og kynna Bretum og Hollendingum, að forsendubrestur hefði orðið. Enda er munurinn á 1,25 VLG og 2,5 VLF ekkert smáræði, setur alla útreikninga um greiðslugetu í háa loft.

Meira hefði ekki átt að þurfa, en þessa einföldu staðreynd. Síðan, hefði það hreinlega verið órökrétt af Hollendingum og Bretum, að neita að taka upp samingana.

Skiljanlega, hefði getað verið nokkur tortryggni, frá mótaðilunum og þá hefði sá einfaldi mótleikur verið fær, að mæta með allt bókhaldið og hreinlega endurskoða það, ásamt fulltrúum hinna landanna, þar til allir aðilar væru orðnir sáttir um hver raunveruleg staða væri. Slíkt er oft gert, þegar bankar eru að díla við fyrirtæki sem eru í skuldavandræðum.

Það, að ríkisstjórnin, lét sem ekkert væri, þrátt fyrir að allar forsendur væru hrundar, er að mínu mati það helsta sem réttlætir að tala um svik og undirlægjuhátt.

Ég hef með öðrum orðum, lengi verið þeirrar skoðunar nú, að endursemja eigi um Icesave,,,með það í forgrunni að þjóðin borgi einhverjar skaðabætur upp í tjónið, sem Bretar og Hollendingar urðu fyrir, en alls ekki krónu eða Evru meira, en hægt er að ráða við.

Síðan, á að endursemja um aðrar skuldir.

Kv.

[Jakobína Ingunn Ólafsdóttir, 17.8.2009 kl. 17:52]

Nei Einar Björn ekki gagnvart okkur heldur gagnvart Björgólfi Thor en ég hef ekki orðið vör við að þeir beindu spjótunum að honum. Hann er víst auðfúsugestur þeirra.

[Jakobína Ingunn Ólafsdóttir, 17.8.2009 kl. 18:16]

Villi þú segir: Skiptir það ekki höfuðmáli að stjórn húsfélagsins studdi þig og þínar gjörðir með kjafti og klóm?

Meinar þú að þess vegna eigi íbúðareigandinn ekki rétt á eðlilegri dómstólameðferð?

Grundvallarformgerð í þessum málatilbúnaði bendir til hnignandi siðmenningar ef þessi rök eiga að teljast siðfélagsleg.

[Villi (IP-tala skráð) 17.8.2009 kl. 18:53]

Þegar þú mættir á húsfélagsfund og kaust stjórnina veittir þú henni væntanlega þitt umboð til að halda utan um fjármál og að hafa eftirlit með öðrum íbúum. Stjórnin studdi gjörðir Björgólfanna með kjafti og klóm og við hin horfðum bara á. Ekki minnist ég þess að menn hafi mótmælt á Austurvelli.

[Jakobína Ingunn Ólafsdóttir, 17.8.2009 kl. 19:11]

Fyrirgefðu Villi en þarft þú ekki að flikka upp á rökhæfning.

Þegar ég kýs húsfélag þá er ég ekki að gefa henni umboð til þess að veðsetja íbúðina mína.

[Villi (IP-tala skráð) 17.8.2009 kl. 19:26]

 Ef stjórn húsfélagsins beitir einn íbúann ofríki og hann fer í kjölfarið í mál og vinnur málið, og skaðabætur. Hver á að borga? Ef íbúar geta ekki borgað....Hvert á að sækja bæturnar?

[Jakobína Ingunn Ólafsdóttir, 17.8.2009 kl. 19:29]

Til þeirra sem frömdu glæpinn

[Elle_, 17.8.2009 kl. 19:38]

Ég tek undir með þér, Jakobína.  Líka tók ég eftir að hann sagði að bankinn hafi verið með nafn landsins.   Hvað ætli það komi nú ábyrgð okkar á horfnu milljörðunum við?  Það þarf að sækja horfnu milljarðana til Bretlands til London-búans ríka, Björgólfs Thors.  Ekki til barnanna okkar og foreldra. 

[Villi (IP-tala skráð) 17.8.2009 kl. 20:15]

Einsog hjá tryggingarfélögunum varðandi bílslys þá eigum við endurkröfurétt á þá. Fyrst þarf að bæta fórnarlömbunum tjón þeirra svo sækjum við peninginn til víkinganna.

[Jakobína Ingunn Ólafsdóttir, 17.8.2009 kl. 20:46]

Er þetta ekki að verða komið í flækju hjá þér Villi?

[Elle_, 17.8.2009 kl. 20:48]

Vissulega Villi eigum við oftast endurkröfurétt á tryggingafélag í bílslysi.  Ekki alltaf þó og fer eftir ýmsu.   Hvað ef stjórnendur tryggingafélagsins hafa ryksugað upp alla peninga burt og farið í gjaldþrot.   Ætlar þú þá að sækja ísl. ríkið og ísl. skattgreiðendur?   Og ef já, heldur þú að þú fengir tapið bætt?  

Öll ríkin 3, Bretland, Holland og Ísland eru jafnsek er það ekki?   Og EEA og EU líka er það ekki?   Icesave var rekið undir þeirra lögum og eftirlitið var líka þeirra.  Hins löndin ættu að hjálpa okkur við að finna horfnu milljarðana og ná þeim.   Ekki níðast á ísl. skattborgurum.