VARÚÐ

Svo kann að fara að Bretar og Hollendingar geri ekki athugasemdir við fyrirvarana við Icesave-frumvarpið vegna þess að þeir telja sig vita að breskir dómstólar taki fyrirvarana ekki gilda. Þetta kemur fram í bráðabirgðaáliti bresks þjóðréttarsérfræðings. Þess vegna séu fyrirvararnir í núverandi mynd þeim galla búnir að í þeim felist töluverð áhætta.

Frá þessu segir á Eyjunni.

 

Það virðist vera helsta áhyggjuefni þingmanna að koma frumvarpinu um ríkisábyrgð í gegn um þingið með hraði. Gríðarleg áhætta fylgir þessu máli og er varúð betri kostur en asi við þessar aðstæður.

Athugasemdir

[sr (IP-tala skráð) 22.8.2009 kl. 23:49]

Var ekki einn af þessum blessuðu fyrirvörum á þá leið að lögin taka ekki gildi fyrir en erlend stjórnvöld sem að málinu koma hafa samþykkt þá? Er þá ekki tekinn af allur vafi um gildi þeirra fyrir dómstólum?

[Jakobína Ingunn Ólafsdóttir, 23.8.2009 kl. 00:00]

Þessi erlendi þjóðréttarfræðingur sem mér skilst að sér prófessor í fræðunum telur að fyrirvararnir standist ekki.

Mér dettur helst í hug að það verði litið svo á að það sem stendur í Icesave-samningnum hafi forgang fyrir það sem stendur í fyrirvörunum.

Ég tek ekki afstöðu til þessa enda ekki sérfróð en ég tel að taka þurfi af allan vafa áður en þessu er kýlt í gegn

Ég er reyndar hissa á því hvað menn eru að stressa sig á þessu (nema ef vera skyldi að þá sé farið að sjást í botninn á ríkissjóði). Það má þó ekki láta skammtímavandamála rugla þessu máli. Þetta er alltof alvarleg til þess.