Er þetta Icesaveþvingun?

Auðvitað dettur mér fyrst í hug þegar ég heyri þessa frétt að Gordon Brown hafi kippt í spotta í Alþjóðagjaldeyrissjóðnum. Svipuna á íslensk yfirvöld takk.

Annars var ég á fyrirlestri Stiglitz í dag og þótt leikmenn geri sér kannski ekki grein fyrir því svona almennt fer hann ekki hefðbundnar leiðir og þykir kannski hálfgerður upprausnarseggur meðal hagfræðinga markaðshyggjunnar.

Hann sagði um AGS að sjóðurinn ofmeti hagvöxt þegar metið er þol ríkisins þegar það yfirtekur skuldir einkaaðila. Hann benti á að reynsan þar sem AGS hefur átt aðkomu sýndi þetta.

Stiglitz vakti einnig athygli á mikilvægi þess að móta efnahagsstefnu þannig að hún stuðli að atvinnuþátttölu.

Stiglitz telur að lán frá AGS og jafnvel Norðurlöndunum séu óþörf. Lánalínur duga. Hann telur að áframhaldandi vera AGS hér sé ekki heppileg.

Ekki á dagskrá 14. september

Athugasemdir

[Ágúst Valves Jóhannesson (IP-tala skráð) 8.9.2009 kl. 03:05]

Ég held að við þurfum að vara okkur svolítið á lærimannadýrkun svona yfir höfuð. Joseph Stiglitz getur ekki gert neitt sem myndi gera neitt annað en að halda um hnútanna áfram í markaðshyggjuhagkerfi sem skilar sér alltaf á eina vegu!

Það er hinsvegar rétt að þessi frestun æ ofan í æ að fá seinni greiðsluna frá AGS er ekkert annað en Icesave þvingun. Ekkert annað! Og það er alveg ótrúlegt að Steingrímur J. Sigfússon sem "þóttist" vera aðalgagnrýnandi sjóðsins fyrir áramót er svo meðtækilegur þessum sama sjóð að það er ekki broslegt einu sinni.

[Benedikt Gunnar Ófeigsson, 8.9.2009 kl. 14:31]

Það er alveg rétt hjá þér Ágúst að við þurfum að vara okkur á lærimannadýrkun. 

En ég held  samt að rétt sé að halda á lofti orðum stiglitz (helst án einhverrar dýrkunar á manninum) og þeirra hagfræðinga sem tala á svipuðum nótum. Lilja Mósesdóttir er reyndar búinn að tala á svipuðum nótum frá degi eitt í hruninu en fáir hafa hlustað. 

Það er líka rétt Ágúst, að Stiglitz er engin róttæklingur, hann talar (allavega eins og ég skil hann) fyrir svipuðum ríkiskapitalisma eins og var ríkjandi á vesturlöndum frá því eftir seinna stríð og til um 1970. Mjög langt frá því að vera  fullkomið tímabil, en samt mesta framfaraskeið sem venjulegt fólk á vesturlöndum hefur upplifað, með velferðarkerfi, heftu markaðskerfi og hröðum tækniframförum. Það er reyndar ljóst að slíkt samfélag er ekki sjálfbært  en það endist mun lengur, kostar minni fórnir fyrir almenning og veldur almennt minni skaða en það óhefta markaðshyggju og  auðvalds velferðarkerfi sem við búum við í dag. Það hefur rústað mörgum samfélögum og  er reyndar á góðri leið með að keyra mannkynið allt fram af hengiflugi á öllum sviðum. 

Málið er rótækar breytingar taka tíma, sérstaklega ef þær eiga að gerast lýðræðislega. Við þurfum millileik sem kostar ekki of miklar blóðsúthellingar og má því ekki raska núverandi valdakerfi of mikið, en bremsar auðvaldið samt af.

[Ágúst Valves Jóhannesson (IP-tala skráð) 9.9.2009 kl. 01:18]

Heyr.