Finnur Ingólfsson, Bjarni Ármannsson og Árni Magnússon

Hvernig koma þessir aðilar að HS orku-málunum?

Ég bað (frammíkallaði) Óskar Bergsson að afhjúpa leynimakkið en hann sýndi mér ekki þá virðingu að nefna nöfn þeirra manna sem standa á bak við einkavæðingu HS orku.

Menn sem þegar hafa sett þjóðarbúið á hausinn og vinna einbeittir að því að hirða það sem geta úr rústunum.

Hvers vegna hefur Árni Tómasson sem hefur verið í þjónustu útrásarvíkinga fengið að víla og díla með Íslandsbanka....með Geyser Green Energy

AK-72 skrifar góða úttekt á blogginu sínu um flækjurnar sem umlykja þjófnaðinn á auðlindumnum á Suðurnesjum

"Árni Magnússon, fyrrverandi ráðherra og framsóknarmaður, hefur afskipti af framtíð GGE sem starfsmaður Íslandsbanka. Auk þess er Vilhelm Þorsteinsson yfirmaður fyrirtækjasviðs bankans, en hann er sonur Þorsteins Vilhelmssonar, aðaleiganda Atorku, stærsta hluthafa GGE. Hluthafar í VGK-Invest og Atorku hafa því bæði ættar- og flokkstengsl inn í Íslandsbanka."

Ég hvert fólk til þess að lesa þessa úttekt.

 

 

 

 

 

 

 

 

 

 

 

 

 

Á Hvítbók Á dögunum þóttust kaffihúsagestir á Cafe Mílanó í Faxafeni, taka eftir því þegar Finnur Ingólfsson, auðmaður og bandamaður Ólafs, kom inn um dyrnar. Hann skimaði vel í kringum sig áður en hann settist laumulegur við borð í horninu, þar sem téður Árni Tómasson sat og beið eftir honum.

Sala í HS Orku samþykkt

Athugasemdir

[, 15.9.2009 kl. 21:00]

Bölvuð svik.

[hilmar jónsson, 15.9.2009 kl. 21:02]

Gæti ekki orðað þetta betur Jakobína.

[Hallur Magnússon, 15.9.2009 kl. 21:12]

Jakobína!

Ertu ekki aðeins að missa þig!

Þú ert með meistaragráðu í stjórsnýslufræðum og gerir þig seka um að þekkja ekki grundvallaratriði í stjórnsýslu sveitarfélga!

Ég heyrði ekki betur en að þið á pöllunum fengjuð nánast óherft að koma skoðunum ykkar og frammíköllum - miskurteysislegum - á framfæri.

En þú veist að borgarstjórnarfundur er fundur stjórnsýslunar - borgarfulltrúa - en ekki málfundur með frústereðum vinstri mönnum.  Sá vettvangur er ananrs staðar.

En fyrst þú ert að tala um miskilning - þá liggur hann hjá þér.

Mótmælendur á pöllum borgarstjórnar eru að gera hróp að röngum aðila. Ef fólkið er á móti því að leigja orkulindirnar á Suðurnesjum þá er Orkuveitan og meirihlutinn í borgarstjórn ekki rétti aðilinn að skamma. Reykvíkingar hafa ekki umráð yfir þeim orkuréttindum. Það eru sveitarfélög á Suðurnesjum sem þegar hafa samið um nýtingu orkulindanna.

Ef fólkið er á móti því að leigja orkulindirnar í svo langan sem raunin er - það er til 65 ára - þá eiga þeir ennþá síður að gera hróp að meirihlutanum í borgarstjórn. Þeir eiga að gera hróp að ríkisstjórninni fyrir að breyta ekki lögum þannig að leigutími á auðlindum verði styttri og að sveitarfélögunum á Suðurnesjum fyrir að nýta sér að fullu þann möguleika sem lögin gefa.

Ef fólkið er á móti því að Orkuveitan selji hlut sinn þá á það að gera hróp að samkeppnisyfirvöldum sem túlka samkeppnislög á þann hátt  raun ber og skikkaði Orkuveituna að selja. Eða þá stjórnvöldum fyrir að setja ekki sérlög um að Orkuveitan geti átt hlutinn áfram.

Ef fólkið er á móti því að Orkuveitan selji Magma Energy hlut sinn í HS Orku - þá er Orkuveitan ekki sá aðili sem skamma skal. Magma Energy er eini aðilinn sem hefur gert tilboð. Fólkið á að skamma ríkisstjórnina fyrir að ganga ekki inn í samninginn - eða það á að skamma ríkisstjórnina fyrir að breyta ekki löggjöf þannig að ekki megi selja hlutinn til erlends aðila.

Hvernig sem á málið er litið - þá er fólkið á pöllunum að gera hróp að löngum aðilja.

Ein ástæða þess er reyndar augljós og hefur ekkert með sölu Orkuveitunnar á HS Orku til Magma Energy. Það er nefnilega stór hluti sem er að gera hróp að meirihlutanum í borgarstjórn vegna þess að þar er um að ræða stuðningsmenn Samfylkingar, VG og Borgarahreyfingar sem eru að hefja kosningabaráttu fyrir komandi sveitarstjórnarkosningar og vilja fella meirihlutann í borgarstjórn hvað sem það kostar og með hvaða meðulum sem er.

Tvískinnungur Samfylkingar sem er með eina stefnu í ríkisstjórn í málinu og aðra í borgarstjórn undirstrikar þetta. Einnig það að stuðningsmenn VG  beitir sitt fólk í ríkisstjórn ekki þrýstingi til að grípa inn í á þann hátt sem ríkisstjórnin getur gert.

Við eigum eftir að sjá fleiri svona flokkspólitískar uppákomur í vetur af hálfu stuðningsmanna minnihlutans í borgarstjórn.

[Jakobína Ingunn Ólafsdóttir, 15.9.2009 kl. 21:33]

Hallur Magnússon þú segir: Ef fólkið er á móti því að Orkuveitan selji Magma Energy hlut sinn í HS Orku - þá er Orkuveitan ekki sá aðili sem skamma skal.

Mikið rétt það er lítið gagn í því að skamma fyrirtæki heldur þarf að beina sjónum að fólkinu sem stjórnar því. T.d. framsóknarmanninum Alfreð Þorsteinssyni sem fékk í hendurnar stöndugt fyrirtæki sem hann umbreytti í skuldahít.

Svo má beina sjónum að makkinu á milli Alfreðs Þorsteinssonar og Finns Ingólfssonar.

Og núna má beina sjónum að Finni Ingólfssyni, Bjarna Ármannssyni og Árna Magnússyni sem fórnaði stöðu sinni sem félagsmálaráðherra til þess að gerast yfirmaður auðlindadeildar Íslandsbanka.

[Hallur Magnússon, 15.9.2009 kl. 21:42]

Jakobína.

Að sjálfsögðu getur þú ekki svarað spurningu minni - og ekki komið með málefnalega athugasemd um athugasemd mína.

Ég ætla ekki að fara að stæla við þig um Finn Ingólfsson sem hefur ekki það ég viti komið að flokkstarfi Framsóknar í 6 ár. Hann kemur mér ekki við - né borgarstjórnarflokki Framsóknar.

Get alveg upplýst þig um það að það hafa aldrei verið kærleikar á milli Óskars og Finns - og það væri saga til næsta bæjar ef Óskar væri að ganga erinda Finns Ingólfssonar! 

Það er svona álíka líklegt og Ólafur F. yrði kaddý fyrir Hönnu Birnu í golfmóti bæjarstjóra.

En er ekki svolítið vont fyrir sálarlífið að hafa einn mann svona á heilanum?

[Hulda Haraldsdóttir, 15.9.2009 kl. 21:50]

Það sem mér þykir verst í þessu máli sem og flestum öðrum í dag og það er vöntun á gagnsæi tómt pukur og plott, og maður veit vart í hvorn fótinn á stíga lengur og þá er alveg sama hvaða stjórnmálaflokki eða hreyfingu viðkomandi tilheyrir, allt traust er tapað

[Kolbrún Bára (IP-tala skráð) 15.9.2009 kl. 21:57]

Finnur hefur svo sannarlega notfært sér það að vera fyrrum framsóknarmaður og fengið góða fyrirgreiðslu frá framsóknarelítunni og hann fær aldrei nóg. Þessi gjörningur er skömm og hneisa. Að menn, sem sett hafa landið á vonarvöl skulu verðlaunaðir og studdir í því að fara í kringum lögin. Þvílík niðurlæging.

[Hallur Magnússon, 15.9.2009 kl. 22:13]

Hulda.

Söluferli hlutar HS Orku hefur verið opinn og gagnsær.

Kolbrún Bára.

Þér er að sjálfsögðu sjálfsagt að hafa þessa skoðun - en er eitthvað í fyrstu athugasemdinni sem ekki er rétt og satt?

[Jakobína Ingunn Ólafsdóttir, 15.9.2009 kl. 22:21]

Hallur það er alveg öruggt að það er ekki verið að selja auðlindirnar á Suðurnesjum vegna þess að það sé góður samningur. Borgin stórtapar á þessari sölu og það verður varla þrætt fyrir það að framsóknarmenn hafa verið fingrlangir í orkuveitunni. En ekki ætla ég að undanskilja sjálfstæðismenn.....það er eitthvað annað á ferðinni hér en hagsmunir bæjarbúa.

Hvaða hagsmunir eru það?

Það er að koma í ljós....

[Hallur Magnússon, 15.9.2009 kl. 22:37]

jakobína.

Þú veist það jafn vel og ég að það er ekki verið að selja auðlindirnar á Suðurnesjum - þótt leigutíminn sé of langur.

Þú veist það líka að það er ekki við Orkuveituna né meirihlutann í borgarstjórn að sakast í því -eins og ég segi í pathugasemd minni:

"Mótmælendur á pöllum borgarstjórnar eru að gera hróp að röngum aðila. Ef fólkið er á móti því að leigja orkulindirnar á Suðurnesjum þá er Orkuveitan og meirihlutinn í borgarstjórn ekki rétti aðilinn að skamma. Reykvíkingar hafa ekki umráð yfir þeim orkuréttindum. Það eru sveitarfélög á Suðurnesjum sem þegar hafa samið um nýtingu orkulindanna.

Ef fólkið er á móti því að leigja orkulindirnar í svo langan sem raunin er - það er til 65 ára - þá eiga þeir ennþá síður að gera hróp að meirihlutanum í borgarstjórn. Þeir eiga að gera hróp að ríkisstjórninni fyrir að breyta ekki lögum þannig að leigutími á auðlindum verði styttri og að sveitarfélögunum á Suðurnesjum fyrir að nýta sér að fullu þann möguleika sem lögin gefa."

Ennþá hefur ekki komið fram rökstudd athugasemd sem hrakið hefur þann sannleik sem ég set fram í fyrstu athugasemd minni.

Sumir - eins og Þór Jóhannesson - eru svo huglausir að þeir verja sig með því að birta ekki málefnalegar athugasemdir mínar - en kjósa þess að beita fúkyrðum í bloggi sínu um borgarfulltrúa meirihlutans.

[Jakobína Ingunn Ólafsdóttir, 15.9.2009 kl. 23:09]

Hallur vertu ekki með þennan orðhengilshátt. Hann er ekki til fyrirmyndar.

ÞAÐ ER VERIÐ AÐ SELJA AFNOTARÉTTINN AF AUÐLINDUNUM Í 130 ÁR....FYRIRGEFÐU MISMÆLI ÞAÐ ER VERIÐ AÐ STELA HONUM.

Persónulega finnst mér þjófarnir og leppar þeirra áhugaverðastir

[Hallur Magnússon, 15.9.2009 kl. 23:22]

Kakobína.

Vertu ekki með þessar visvísandi rangfærslur.

Bíð ennþá eftir rökstuddum athugasemdum við þann sannleik sem fram kemur í upphaflegu athugasemdinni minni.

[Hallur Magnússon, 15.9.2009 kl. 23:24]

Jakobína.

Hvar í samningi um sölu á hlut Orkuveitunnar er talað um leigu á afnotarétt til 130 ára?

Hvergi.

Ástæðan ósköp einföld - það er ekki Orkuveitunnar eða Reykjavíkurborgar. Verð enn einu sinni að árétta:

"Mótmælendur á pöllum borgarstjórnar eru að gera hróp að röngum aðila. Ef fólkið er á móti því að leigja orkulindirnar á Suðurnesjum þá er Orkuveitan og meirihlutinn í borgarstjórn ekki rétti aðilinn að skamma. Reykvíkingar hafa ekki umráð yfir þeim orkuréttindum. Það eru sveitarfélög á Suðurnesjum sem þegar hafa samið um nýtingu orkulindanna.

Ef fólkið er á móti því að leigja orkulindirnar í svo langan sem raunin er - það er til 65 ára - þá eiga þeir ennþá síður að gera hróp að meirihlutanum í borgarstjórn. Þeir eiga að gera hróp að ríkisstjórninni fyrir að breyta ekki lögum þannig að leigutími á auðlindum verði styttri og að sveitarfélögunum á Suðurnesjum fyrir að nýta sér að fullu þann möguleika sem lögin gefa."

[Hákon Jóhannesson (IP-tala skráð) 15.9.2009 kl. 23:34]

Því miður komst ég ekki á pallanna.  Þurfti að sinna vinnu minni suður með sjó sem ég og geri oft.  Það er hörmulegt að frá því ágæta og vinnusama fólki sem þar býr að nú búið að selja eign þeirra sem það  hefur unnið fyrir í gegnum árin. Ekki bara eign heldur sjálfstæði næstu kynslóða. 

Græðgisarmur Magma Energy er nú búinn að læsa sig í landið. Óhugnanlegt að fá þessa andlitslausu menn hingað.

Þessi miskunnarlausi gjörningur er landsala framin af innlendum landráðamönnum. 

[ElleE (IP-tala skráð) 16.9.2009 kl. 00:00]

Akkúrat eins og Hákon lýsir.  Landssalan í AGS stil til einka-gróða-fyrirtækja hefur hafist.   Það er ekki búandi í þessu svikalandi. 

[Jóna Kolbrún Garðarsdóttir, 16.9.2009 kl. 00:56]

Ég missti greinilega af fjörinu á áheyrendapöllunum í gær, ég var það aðeins á milli 2 og 3.  Það er ótrúlegt hversu víða Hallur kemur við á bloggsíðum, ætli hann sé á launum við þessa útúrsnúninga???  Eða er hann kannski málefnalegasti bloggari Íslands í dag??? 

[Hallur Magnússon, 16.9.2009 kl. 01:13]

Ágæta Jóna Kolbrún.

Gætir þú bent á útúrsnúningana?

Þér til upplýsingar þá er ég ekki á launum við bloggið - því miður. Það væri gaman.

En í dag hef ég kíkt á tölvuna milli þess sem ég hef verið að brjóta saman þvott, gefa börnum að borða og vinna greinargerð fyrir viðskiptavin.

Hafði útvarpið opið og hlustaði á borgarstjórnarfundinn.

Orðbragð og rangfærslur margra á blogginu urðu til þess að ég sá mig til knúinn að leiðrétta misskilninginn.

Hef ekki ennþá fengið rökstuddar athugasemdir sem hrakið hafa frumathugasemd mína.

Játa að þetta hefur tekið smá tíma - sem varð til þess að ég þarf aðeins að vinna fram á nótt til að klára minnisblaðið sem ég þarf að skila í fyrramálið.

En stundum verður maður að leggja eitthvað á sig þegar ómaklega er ráðist að flokknum mínum.

[Jóna Kolbrún Garðarsdóttir, 16.9.2009 kl. 01:17]

Ég spurði hvort þú værir á launum eða málefnalegasti bloggarinn á Íslandi í dag, þú hefur greinilega kosið að vera á móti mér líka. 

[ElleE (IP-tala skráð) 16.9.2009 kl. 10:29]

Í síðustu ath. semdunum finnst mér vera vegið að manni fyrir skoðanir hans.  Gæti skilið það ef hann hefði verið ruddalegur.  EKki veit ég hvaða flokk hann er að verja og enginn svika-flokkanna á það þó skilið.   Hins vegar er hrikalegt að landssalan sé hafin.   Alþingi/ríkisstjórnin gátu sett neyðarlög og stoppað söluna.  Nei, það vildu þeir ekki og skömm og svik þeirra sem samþykktu gjörninginn er ófyrirgefanlegt.

[Jakobína Ingunn Ólafsdóttir, 16.9.2009 kl. 11:35]

Ég verð nú að tjá mig hér því ég lít svo á að það sé ekki verið að vega að Halli fyrir málefnalegar skoðanir heldur bull.

Hallur segi:

Hvar í samningi um sölu á hlut Orkuveitunnar er talað um leigu á afnotarétt til 130 ára?

En það er enginn munur á leigu á afnotarétti til 130 ára og sölu....

Sá gjörningur færir kaupandanum völd og tækifæri til arðráns rétt eins og sala myndi gera.

Sá gjörningur skapar hættu fátæktar og vonleysis fyrir komandi kynslóðir rétt eins og sala myndi gera.

Hallur ætti að skammast sín fyrir að verja svona gjörning....og skoðanir sem styðja þjófnað og arðrán hafa ekkert gildi sem krefst virðingar.

[ElleE (IP-tala skráð) 16.9.2009 kl. 12:15]

Já, get fallist á það að allir sem verja gjörninginn og landdsöluna ættu að skammast sín.  Og þeir sem studdu hann ættu að gjalda þess og skammast sín og helst fara úr landi.  Fannst þetta vera orðið þarna í lokin eins og persónulegt stríð og var þó ekki að verja innihald skoðana Halls, alls ekki, og skil ekki hvað hann var að verja eins og ég lýsti að ofan: " EKki veit ég hvaða flokk hann er að verja og enginn svika-flokkanna á það þó skilið."

[Vigdís Ágústsdóttir (IP-tala skráð) 16.9.2009 kl. 12:50]

Eigum við ekki að finna annað orð yfir þessa glæpahunda en að kalla þá "útrásarvíkinga" Þetta er  tvírætt orð, finnst mér, getum við ekki fundið annað orð, sem passar betur , yfir þessa svörtu karla? Þeir eru sko engar hetjur.   

[Jakobína Ingunn Ólafsdóttir, 16.9.2009 kl. 13:06]

Nei satt er það þetta er útrásar- og auðlindamafía. það er réttnefni. Glæpirnir eru skipulagðir, ná inn í stjórnmál og stofnanir. Mútur, glannaskapur og leynimakk...

Það er komin tími til þess að þetta sé kallað réttu nafni.

[Sigurður Ingi Jónsson, 16.9.2009 kl. 13:55]

Hallur, trúir þú hverju orði sem þú skrifar, eða ertu eingöngu að vinna þér inn punkta hjá réttum aðilum?

[Páll (IP-tala skráð) 17.9.2009 kl. 10:42]

@Hallur - hvað er svona gott við þennan samning?