Hættulegasta stofnun á Íslandi...

...er fjórflokkurinn.

Fyrsta verkefni ríkisstjórnarinnar ætti að vera að banna fjórflokkinn og setja þessar 400 milljónir sem hún ætlar að skammt flokkunum til góðra málefna, t.d. á Grensás.

Tvær aðrar stofnanir eru líka stórhættulegar en það eru samtök atvinnulífsins og ASÍ.

Það þarf að leggja þær stofnanir niður áður en þær ræna sparnaði landsmanna og afhenda hann byggingarverktökum sem eiga stóra sök á hruninu.

Makkað er nú bak við tjöldin um að hirða það sem er í lífeyrissjóðunum og koma því í hendur stórra byggingaverktaka. Fjármálaráðherrann hefur forgöngu um þennan ófögnuð.

Launþegar þessa lands í guðanna bænum látið í ykkur heyra. Þið þurfið að lifa eftir 67 ára aldur.

Viðamiklar breytingar

Athugasemdir

[Jóna Kolbrún Garðarsdóttir, 29.9.2009 kl. 01:00]

Ég frétti í kvöld að við byggingu tónlistarhússins væru 1/3 Íslendingar og 2/3 útlendingar.  Borgin er að styðja atvinnubótavinnu fyrir útlendinga, en nokkrir Íslendingar fá að vinna þarna.  Ef farið verður í byggingu hátæknisjúkrahússins er næsta víst að meirihluti byggingarverkamannanna verði útlendingar sem þyggja lægri laun en Íslendingar.  Samt rukka verktakarnir sömu upphæðar fyrir hvern verkamann.   Lítill fugl hvíslaði þessu að mér. 

[Ísleifur Gíslason, 29.9.2009 kl. 01:03]

Ég er orðinn 63 ára og óttast um minn hag.

ÁFRAM ÍSLAND
NEI við ESB  -  NEI við Icesave - NEI við AGS

Styðjum Samtök Fullveldissinna
http://www.fullvalda.is

http://fullvalda.blog.is/blog/fullvalda/

[Ómar Geirsson, 29.9.2009 kl. 09:35]

Blessuð Jakobína.

Þarfur punktur hjá þér, en ég myndi vilja að þjóðin gerði upp við fortíðina á mannsæmandi hátt.  Er ég þá að vísa í þau börn sem voru hart leikin af Kerfinu, áður fyrr á árum, og okkur ber skylda til að bæta fyrir þann miska.

En heimskan sem þú lýstir á sér bakhjarl í vitgrönnum fjölmiðlamönnum sem kópera orð ráðanda afla athugasemdarlaust, en skrumskæla og afbaka raddir þeirra sem benda á heimskuna.

Eins og Jóna Kolbrún bendir réttilega á þá eru þessar stórframkvæmdir ekki atvinnuskapandi fyrir íslensku þjóðina, ekki nema hún vilji sætta sig við þrælakjör verktakanna.  Og á vissan hátt eru þeir nauðbeygðir því ESB lögleiddi þrælahald með þjónustutilskipun sinni, og skítafyrirtæki eins og Immafíos eiga markaðinn.

Látum það vera þó vitgrönn fjölmiðlastétt hafi trúað lyginni um Kárahnjúka,  að sú framkvæmd hefði verið nauðsynleg til að tryggja atvinnu þó þá þegar væri þjóðin að glíma við ofhitnun hagkerfisins, en ekki slaka, þá átti þetta blessaða fólk að sjá að það skildi það enginn upp á fjöllum þegar það kom þangað til að ræða við mannskapinn.  

Af hverju sama lygin aftur?????

Halda menn að það gildi ekki ennþá sömu reglur um útboð á EES svæðinu.  Á að undirbjóða og fara á hausinn eins og Arnarfell og öll þau hin verktakafyrirtækin sem stóðu á brauðfótum eftir mestu framkvæmd Íslandssögunnar.  Og áttar fólk sig ekki á því að það þarf að greiða skuldirnar.  Það er ekki endalaust hægt að slá lán fyrir nýjum virkjunum, og selja rafmagnið á þeim kjörum að ekki sé hægt að greiða þessi sömu lán til baka, nema þá með sífelldri endurfjármögnun sem er annað orð yfir ægivald lánardrottna yfir hálfgjaldþrota fyrirtækjum.

Þegar maður hlustar á þessa umræðu, þá er eins og þeir vitgrönnu hafi staðnað í 2007 og þeir láti endalaust mata sig eins og kalkúninn, og ef svo er þá legg ég til að þeir verði sendir í safaríferð til Nýju Gíneu, þar mætti hugsanlega finna lausn á fjölmiðlavanda þjóðarinnar.

Þjóðin þarfnast sárlega 2009 fréttamenn, fólk sem lætur ekki ráðaöflin og fjárúlfa, endalaust komast upp með sama blekkingarvefinn.   Keisarinn er fatalaus, og það er að kólna úti, því er það brýnt verkefni að klæða manninn.

Kveðja að austan.

[Þorsteinn Svavar McKinstry (IP-tala skráð) 29.9.2009 kl. 15:23]

Þykir engum það einkennileg ráðstöfun að ætla að bjarga þjóðinni með því að byggja nýjan landspítala. Þegar það blasir við að ekki virðist hægt að reka þann gamla. Ætli nýi spítalinn verði rekinn án starfsmanna. Þ.e.a.s. að hátækni-sjúkrahús þýði að spítalinn verður mannlaus svona svipað og hausa- og flökunarvél um borð í hátæknivæddum skuttogara. Guð hjálpi Íslendingum (Ísland sér um sig sjálft). Ég held að þjóðin þrauki þó ekki verði byggðir skólar og spítalar í 5 eða 10 ár.

Líklegast væri eina vitið að Lífeyrissjóðirnir keyptu upp allt húsnæði sem fólk ræður ekki við að greiða og leigði það síðan. Þannig myndu sjóðirnir tryggja sitt fé og ávaxta og fólkið í landinu fá húsnæði til að búa í gegn sanngjarnri leigu. Hver á húsið sem maður býr í skiptir ekki höfuð máli, heldur hvað kostar það að búa í húsinu - maður tekur nefnilega ekki húsið með sér frekar en nokkurn annan hlut þegar að hérvistinni lýkur.

Þorsteinn Svavar McKinstry