Árni Páll fær prik frá mér

Árni Páll Árnason félagsmálaráðherra virðist hafa verið í góðum tengslum við dómgreind sína á ársfundi ASÍ þar sem hann talar um grátkór sjávarútvegs og stóriðju vegna orkuskatta og innköllunar fiskveiðiheimilda.

Árni Páll varar við þeirri vá að verða að ginningarfífli stóriðju og útgerðarauðvalds.

Ekki stendur á grátkórnum að senda fulltrúa sína fram á sjónarsviðið en framkvæmdarstjóri LÍÚ virðist vera með grátstafinn í kverkunum í gagnrýni sinni á fyllilega réttmæta lýsingu Árna Páls. Einnig gagnrýna ginningarfífl auðhyggjunnar í stjórnarandstöðu Árna Pál að sögn Fréttablaðsins.

Ástandið á efnahagskerfi Íslands er bein afleiðing af græðgi og spilafíkn embættis- og stjórnmálamanna sjálfstæðisflokks sem hafa komið á einokunarkerfi á auðlindanýtingu í landinu. Þeir sem hafa haft aðgang að auðlindunum sópuðu auðlindarentunni úr landi meðan sjálfstæðismenn og aðrir stjórnmálamenn voru í spilafíkilsvímu að skafa restina innan úr efnahagskerfinu með leik að afleiðum og vafningum.

Athugasemdir

[Gulli (IP-tala skráð) 25.10.2009 kl. 13:10]

Thad er eins og öllum á Althingi sé mútad...annad hvort af LÍÚ eda audkýfingum.

Audvitad er thad gódur business fyrir thá sem hafa völd til thess ad afskrifa skuldir audkýfinga ad thyggja nokkrar % af theim milljónum eda milljördum sem their skrifa af skuldum audkýfinganna.  Bádir hóparinir graeda ofbodslega...almenningur tapar rosalega.

Kvótaraeningjarnir graeda á sinni monopoly stödu og thingmenn ef their thyggja mútur frá LÍÚ fá sennilega miklu meira en thingmannalaun fyrir vikid.

Gód eru taekifaerin fyrir óheidarlega á thingi.  Hverning stendur annars á thví ad meirihluti thingmanna hefur engan áhuga á ad tryggja hagsmuni almennings?  Thad er svo augljóst ad kvótakerfid er hreinn og klár thjófnadur.  Ad flokkar sem thykjast vera fyrir frelsi einstaklingsins og samkeppni stydji thetta raeningjakerfi segir allt sem segja tharf.

[Jóhannes Laxdal Baldvinsson, 25.10.2009 kl. 14:23]

Ég er ekki sammála þér um hreinleika Árna Páls eða tilgang hans í stjórnmálum. Ég gruna manninn um græsku og vera að þjóna persónulegum metnaði. Hvar var hann í gróðærinu? Var hann ekki að spila með? Stofnaði hann ekki 2 tortóla félög í nafni sjálfs sín? Og síðan skulum við spyrja hvaða hernaðarplan bræðurnir gerðu, annar business maður, hinn lögfræðingur, til að koma hinum síðarnefnda til áhrifa í flokki alþýðu og jafnaðarmanna? Þetta rímar bara ekki í mínum huga. Og kannski er ég bara sjúklega tortrygginn, en ég sé samband á milli ræðu ráðherrans á ASÍ þinginu og þess frumvarps sem hann var á sama tíma að böðla gegnum þingið til að hjálpa vinum sínum og kunningjakreðsu til að losna undan skuldum vegna hlutabréfabrasks. Nú þurfum við að krefjast þess að allir þingmenn og makar þeirra gefi upp skuldaniðurfellingar í kjölfar frumvarps þessara 32

[Jakobína Ingunn Ólafsdóttir, 25.10.2009 kl. 15:25]

Takk fyrir innlitið Jóhannes. Ég tek undir það sem þú segir um Árna Pál. Hann vekur frekar mikla tortryggni. Í raun held ég að samfylkingin sitji uppi með frekar óvandað fólk í ríkisstjórninni að Jóhönnu undanskilinni.

[Sigurður Sigurðsson, 25.10.2009 kl. 15:42]

Það er búið að fara svo illa með fólkið að það treystir eiginlega engum. Það er líklega sama hver á í hlut. Verst er hvað öll þessi mál eru sett fram á óskiljanlegu máli fyrir fjölskyldurnar í landinu. Flækjan verður til þess að auka á tortryggnina og gegnsæið sem bráð vantaði hefur ekki skilað sér.

Fyrstu fréttir af þessum nýju lögum eru ekki góðar en það vantar ennþá skýra túlkun á lögunum. Bent er á einhverskonar eftirlit með lögunum en staðreyndin er að þetta fer inn í bankana sem eru jú ríkisbankar og hver veit hvað gerist síðan. Það bendir allt til að það sé búið að opna á niðurfellingu hjá allskonar fólki sem arðrændi þjóðina eða ætlaði að arðræna þjóðina en var óheppið og vill að þjóðin greiði fyrir óheppnina.

þetta er eins og þeir sem tóku þátt í píramída peningakeðjunum og voru óheppnir, átti þjóðin að bæta þeim upp sitt tap? Ég held ekki.

Einnig er ekki nóg að lengja bara í íbúðalánunum og létta greiðslurnar. það þurfa að koma til alvöru niðurfellingar.

[Jakobína Ingunn Ólafsdóttir, 25.10.2009 kl. 16:14]

Ég tek undir það sem þú segir Sigurður. Öll atburðarrásin frá hruni ber þess merki að menn gangi ekki fram af heilindum og er alveg sama hvar drepið er niður í forystu flokkanna.