VG í Reykjavík

Nítján manns eru í framboði í forvali Vinstrihreyfingarinnar - græns framboðs í Reykjavík, fyrir sveitarstjórnarkosningarnar sem haldnar verða í vor. Sjá listann hér.

Það er mikilvægt að koma fólki að hjá borginni sem er tilbúið að fylgja stefnu Vinstrihreyfingarinnar sem er umhverfisvæn, boðar jöfnuð og styrka stoð samfélagsins við borgarbúa.

Bent hefur verið á að þar sem AGS hefur farið um hafa lífsnauðsynjar s.s. vatn, orka og velferðarþjónusta orðið að dýrum verslunarvarningi sem aftur hefur leitt til hnignunar lífsgæða. Við því þarf að sporna og það verður gert helst gert með því að styðja einstaklinga sem eru til búnir að standa vörð um eignir almennings og láta sig velferðarmál varða.

Þeir sem vilja stuðla að auknum styrk VG með því að taka þátt í forvali framboðsins þurfa að skrá sig hér fyrir 26. janúar 2010.  Forvalið verður haldið 6. febrúar 2010.

 

19 manns í forvali VG í Reykjavík

Athugasemdir

[Guðmundur Jónas Kristjánsson, 19.1.2010 kl. 01:08]

Jakobína! Ertu virkilega Vinstri græn? Jú, þú ert það skv. þessu. En, sem slíka
tek ég þig nú af mínu bloggvinalista! Engann  and-þjóðlegan laumu-kommúnista,
og laumu ESB-sinna og Icesave-sinna eins og Vinstri græna eru þar velkomnir.
Vertu sæl í þinni Vinstri grænni trú!

[Ómar Geirsson, 19.1.2010 kl. 13:36]

Blessuð Jakobína.

He, he, í það fyrsta þá verður þú áfram efst á mínum bloggvinalista.  Þú verður sjálf að biðja um færslu.  Segi það aðeins af gefnu tilefni. 

Og annað, hefur þú nokkuð á móti því að ég vitni beint í þína frábæru grein í gær, eða jafnvel birti hana í heild ef mér finnst hún hæfa réttu fréttaskoti.  Og ég lofa, upp á tíu fingur, að vera kurteis þegar ég nota hana.

En ég náði alveg punkti þínum með þessu bloggi.  Þú vilt veg þeirra sem mestan sem standa á sinni stefnu og hugsjónum.  En það minnir mig á aðra góða grein eftir Þórarinn Hjartarson í Morgunblaðinu í dag.  

Janúarbyltingin gerði stjórnmálamenn útrásartímans ófæra um að framfylgja þessari stefnu. Það þurfti ný andlit á kerfið. VG hafði ekki þótt stjórntækur flokkur, einkum vegna stóriðjuandstöðu, og 2006 fékk hann miklu minni fjárframlög frá auðmönnum en hinir flokkarnir þrír. En janúarbyltingunni fylgdi vinstri sveifla og ný staða kom upp. Úr því að auðmenn höfðu ekki tryggt sér flokkinn fyrirfram þurftu þeir að gera það eftir á, og það gekk greiðlega. Úr ráðherrastóli breytti Steingrímur J. málflutningi sínum undurhratt, gagnvart AGS, í niðurskurðarmálum, Icesave, ESB-umsókn m.m. Með mælsku sinni náði hann að leggja stefnu íslenska auðvaldsins og AGS fram sem stefnu félagslegra gilda.

Og ég veit að þú ert sammála þessari greiningu hans.  En þá er vandinn þar sem þú virðist þekkja vel til hans.

Hverjir af hinum væntanlegum frambjóðendum hafa ekki síðri siðferðisþroska og dýr frumskógarins þegar kemur að því að vernda börn sín?

Var svona aðeins að spá í með hvað fólki maður ætti að fylgjast með með jákvæðu hugarfari.  Og jafnvel kurteisu líka.

Með öðrum orðum þá hefði ég gaman að fá framhaldspistil með jákvæðri greiningu á mönnum og málefnum.  Þó Guðmundur átti sig ekki á því að einhversstaðar þurfa vondir að vera, þá geri ég það.  Og bý jafnvel yfir þeim eiginleika að sjá ýmislegt jákvætt við fólk í öllum flokkum, en viðurkenni að ég fer mjög dult með það þegar kemur að Samfylkingunni í dag.  En það er af gefnu tilefni.

Mér þykir vænt um börnin mín.

Kveðja að austan.

[Rannveig H, 19.1.2010 kl. 14:04]

Skoðanakúgun og ofbeldi nær hámarkinu hjá Guðmundi þarna, og þó mönnum eins og honum eru engin takmörk sett.

[Elle_, 19.1.2010 kl. 19:57]

Afar góður pistill sem Ómar kom með þarna úr Mogganum og ég tek undir það sem þar segir.  En Guðmundur er orðinn pirraður og reiður út af öllum Steingríms- og VG- svikunum, eðilega, eins og fjöldi manns.  Það vildi ég segja honum til varnar.  Sjálf mun ég ekki þora að kjósa aftur VG.