Fylgi flokka lítið

Var að hlusta á fréttir núna kl. 7 (morgun)
Þar var sagt frá könnun um fylgi flokka
Af 800 manns svöruðu svo margir að þeir vildu ekki kjósa neinn af núverandi flokkunum að spurning væri hvort könnunin væri nokkuð marktæk.
Sem sagt: Mjög margir virðast bíða eftir einhverju alveg nýju framboði - ?

Athugasemdir

[Halla Rut , 24.1.2009 kl. 10:50]

Sömuleiðis held ég að margir er nú segjast myndu kjósa Framsókn eða VG mundu heldur kjósa nýjan flokk ef hann kæmi fram. Þ.e.s. ef sá flokkur væri skipaður hæfu og fersku fólki er lofaði breytingum, uppkjöri og baráttu við spillingu.

Eftir hverju ertu að bíða?

[Rut Sumarliðadóttir, 24.1.2009 kl. 11:20]

Flokkakerfið er úr sér gengið. Ég hef ekki hugmynd um hvaða flokk ég vildi kjósa helst engan. Veit hreinlega ekki hvort ég kjósi yfirhöfuð en það er  óábyrt svo ekki velur maður þann kostinn. Arg og garg.

[Björgvin R. Leifsson, 24.1.2009 kl. 12:25]

Ertu að tala um könnun Fréttablaðsins? Ef svo er, þá tóku 47% afstöðu til flokka skv. RÚV. Það segir ekkert um hversu margir vilja ekki kjósa neinn af núverandi flokkum, þ.e. það þýðir ekki að 53% vilji ekki kjósa neinn af núverandi flokkum. Inni í þeirri tölu eru m.a. óákveðnir og þeir sem ekki gefa upp afstöðu sína. En það er engu að síður umhugsunarefni hversu stór þessi hópur er og ugglaust nokkuð stór sá hópur, sem einmitt vill ekki kjósa neinn af núverandi flokkum. Inni í þeim hópi, sem ég veit ekki hversu stór er, eru líka þeir, sem eru óánægðir með flokkinn sinn í augnablikinu en eru samt líklegir til að skila atkvæðinu sínu til föðurhúsanna í vor, t.d. óánægðir íhaldsmenn og kratar.

Það yrði fróðlegt að sjá hvernig framboði eins og þúi hefur lýst Jakobína myndi ganga í vor miðað við það sem á undan er gengið.

[Arinbjörn Kúld, 24.1.2009 kl. 12:31]

Ég er einn af þeim og er ekki alveg að átta mig á þessum tveim hreyfingum sem komnar eru fram með stjórnarskrárbreytingar að aðalmarkmiði og ætla síðan að leggja sig niður þegar þeim er náð. Gott mál en hvar er pólitíski flokkurinn eða breiðfylking sem hefur efnahagsmál, utanríkismál, velferðarmál, menntamál, heilbrigðismál, framtíðarskipan samfélagsins ofl. á stefnuskrá?

[hilmar jónsson, 24.1.2009 kl. 12:42]

Ég bind vonir við Nýtt lýðveldi. Að eitthvað gott komi út úr því.

Mælist þér vel í dag Jakobína.

[Halla Rut , 24.1.2009 kl. 13:20]

Tek undir með Arinbirni.

[Vilborg Traustadóttir, 24.1.2009 kl. 13:38]

Ég vona að nýtt framboð komi til. Ég mun kjósa það ef mér líst á það og ég vil hafa Jón Baldvin með.

Gangi þér vel í ræðuhöldunum hjá Herði Torfa ;-).....hann á heiður skilið fyrir að halda utan um þetta og verkalýðshreyfingin má alveg skammast sín að taka ekki þátt í þessu með því að skipuleggja mótmælafundi og upplýsingagjöf til almennings.

Hörður Torfa mátti þó alveg sleppa athugasemum um veikindi Geirs það er alltaf svo viðkvæmt að kommenta á slíkt.

[Björgvin R. Leifsson, 24.1.2009 kl. 14:00]

Hmm... Jón Baldvin er ábyrgur fyrir 1. ríkisstjórn Daviðs Oddssonar, sem lagði grunninn að því ástandi, sem við búum núna við. Jón Baldvin kom íhaldinu til valda, sem enn sér ekki fyrir endann á. Það væri nú meiri uppvakningurinn.

Hitt er annað að verkalýðshreyfingin sýnir sig enn einu sinni að vera gagnslaus fyrir alþýðu þessa lands, enda uppkeypt af auðvaldinu.

Hörður Torfa gerði ekkert annað en að benda á að það er ekki búið að lofa kosningum í vor og að ríkisstjórnin ætlar ekki að fara frá.

[Haraldur Davíðsson, 24.1.2009 kl. 14:04]

Hvað segirðu! Eru flokkarnir búnir að drepa sig ? GUÐ MINN GÓÐUR HVAÐ GERUM VIÐ NÚ ???

Þetta eru augljósar fréttir, fólk er búið að fá nóg af sjálfhverfum og gerspilltum einkavinafélögum, sem heita stjórnmálaflokkar. Það er löngu kominn tími til að henda þingræðinu og flokkakerfinu þangað sem það á heima....

[Offari, 24.1.2009 kl. 14:11]

Vandamálið er að ekki er ennþá búið að mynda þá flokka sem munu leita lausna við að koma nýju Íslandi aftur á rétta braut.

[Vilborg Traustadóttir, 24.1.2009 kl. 14:12]

Jón Baldvin fékk ekki tækifæri til að fylgja eftir þeim breytingum sem hann tók þátt í að koma af stað og það var afar afdrifaríkt.

Breytingar eru nefnilega þannig að það þarf að fylgja þeim eftir. Það gerist EKKERT af sjálfu sér.

Allra síst reglulaus frjálshyggja sem varð sjálfkrafa græðgisvæðing.

Jón Baldvin hefur alltaf staðið fyrir máli sínu og gert það vel.

Hann myndi og hjálpa okkur mikið að endurheimta virðingu í útlöndum.