Snýkjudýr á þjóðinni

Auðvaldið þrífst í skjóli valdhafanna sem hafa samið við ASG um að stofnunin megi rústa þessu þjóðfélagi. Bankarnir eru snýkjudýr sem eru að sjúga þróttinn úr almenningi og atvinnulífinu í landinu.

Sífellt stærri hlutur ráðstöfunartekna almennings fer í greiðslur til bankanna. Greiðslur af húsnæðislánum, bílalánum og yfirdráttarlánum á okurvöxtum.

Þegar skatturinn og bankarnir eru búnir að fá sitt er lítið eftir til annarrar neyslu. Þetta þýðir að viðskiptagrundvöllur annarra fyrirtækja en banka fer þverrandi.

Hvern fjandann eru yfirvöld að hugsa?

Ætla þau að reka hér samfélag sem samanstendur af bönkum og hungruðum lýð.

Myndin endurspeglar trú mína á málflutningi hagfræðinganna sem reiða fram upplýsingar í boði ný-frjálshyggjunar

Athugasemdir

[Ómar Geirsson, 23.2.2009 kl. 15:33]

Blessuð Jakobína.

Kjarni málsins.  Gunnar Tómasson  benti á þessa rökvillu peningamanna.  En ég sá að formannefni til VR þekkir ekki muninn á óðaverðbólgu og því ástandi sem nú ríkir.  Ef þetta er valkosturinn þá er Gunnar betri.  

Kveðja að austan.

[Jón Snæbjörnsson, 23.2.2009 kl. 16:04]

Tók eftir þessu líka hjá VR formannsefninu - tek undir með Ómari hér að ofan

þá er Gunnar skárri kostur

[TH (IP-tala skráð) 23.2.2009 kl. 16:39]

Athyglisverður punktur!

Vestanhafs var þessi umræða fyrir e-m vikum þ.e. af hverju er verið að dæla peningum í banka sem lúra síðan á þeim eins og ormar á gulli meðan heimili og fyrirtæki riða til falls.

Þetta er ný hugsun og hún er allrar athygli verð.  Af hverju ekki draga úr mikilvægi þessa milliliðar?

[Arinbjörn Kúld, 23.2.2009 kl. 16:53]

Það er gott að eiga djúpa vasa og gott að einhverjir græði á tilvist manns því ekki gerir maður það sjálfur

Svo mikið er víst.