Höfða til þrælslundar íslendinga

Íslensk lög um verðtryggingu eiga sér enga samsvörun í lögum annarra landa. Lögin um verðtryggingu eru dæmigerð birtingarmynd sviksemi valdhafanna við þjóðina. Meðan bankarnir voru í eigu ríkisins voru þeir skattheimtutæki.

Eftir að ríkissjónin seldi vinum sínum bankanna voru þessi tæki við skattheimtu af skuldurum færð í hendur einstaklinga.

Eftir hrun bankanna hefur þetta tæki, verðtyggingin, auk okurvaxta verið notuð til þess að fjármagna bankanna.

Skuldarar eru ekki hrifnir og íhuga aðgerðir. Málaliðar ríkisvaldsins mæta hratt og vel með þrælasvipuna og höfða til þrælslundar Íslendinga. Hvað segja þeir jú bankarnir fara aftur á hausinn. Þetta þýðir í raun að það hefur ekki tekist að fjármagna bankanna því það getur aldrei verið á ábyrgð almennings að gera það.

Ég bendi þeim sem vilja innlimast í Nýtt Lýðveldi Ísland á linkinn hér en í þessu lýðveldi er bannað s.b.r. 2. gr. laga nr. 1/2009 að vera þrælslundaður.

Gæti þurft umboðsmann skuldara

Athugasemdir

[Evreka (IP-tala skráð) 5.5.2009 kl. 22:21]

Hvernig getur þú verið á móti því að Ísland sæki um aðild að Evrópusambandinu? - þegar vitað er að ekki bara besta leiðin, heldur eina leiðin, til að taka þessu er að ganga í ESB. Þá hverfur verðtrygging, vextir lækka og gengið verður stöðugra.

En þessu vilt þú fórna fyrir eitthvað misskilið þjóðernislegt fullveldi...

[Jón Lárusson, 5.5.2009 kl. 23:29]

Það er ekkert mál að fjarlægja verðtryggingu og lækka vexti. Þetta er bara spurning um pólitíska ákvörðun ráðamanna og hefur ekkert með ESB að gera. Stöðugt gengi er aðeins erfiðara að höndla, en er ekki ómögulegt.

[Jakobína Ingunn Ólafsdóttir, 5.5.2009 kl. 23:59]

Þakka þér fyrir Jón og velkomin í hóp þeirra sem þurfa sífellt að vera að leiðrétta þessa hugvillu ESB sinna.

Ég er ansi hræddum að ESB fái allt fyrir ekki í þetta sinn.

[Evreka (IP-tala skráð) 6.5.2009 kl. 17:13]

Nú, hvernig ætlið þið að fara að því að afnema verðtryggingu bara sísona? Það er því miður ekki svo einfalt. Enda væri annars löngu búið að því!

Þvert á móti, þá hefur margsinnis verið bent á að við erum föst í eigin vítahring. Eigendur verðtryggðra skulda (t.d. lífeyrissjóðir) geta ekki látið þær af hendi án þess að tapa gífurlegum fjármunum. Hvernig ætlið þið þá að fara að þessu?

Auk þess er ekki nóg að afnema verðtryggingu, því vextir eru svo háir. Gott dæmi er nýtt "tilboð" landsbankans um óverðtryggð lán, nokkuð sem hljómar auðvitað mjög vel. En þegar betur er að gáð, þá eru raunvextir á slíkum lánum enn hærri en á verðtryggðum lánum, þannig að lántakandinn tapar bara enn meira.

En þið hafið engan áhuga á lægri vöxtum eða afnámi verðtryggingu. Alltént virðist það ekki vera nógu ofarlega í huga ykkar til að ná því með því að ganga í ESB. Og það er rangt hjá þér Jón varðandi ESB, þú hefur orðið fyrir einhverjum hræðsluáróðri, enda veður anti-ESB áróður uppi sem aldrei fyrr.

[Jakobína Ingunn Ólafsdóttir, 7.5.2009 kl. 02:21]

Eureka þú bullar alveg ótrúlega. Hvers vegna ætti að vera auðveldara að afnema verðtrygginguna innan ESB en utan?

Eigendur verðtryggðra skulda tapa akkúrat engu því verðbólgan er á niðurleið. Vilt þú útskýra fyrir mér hvers vegna nauðsynlegt er að hafa verðtryggingu á Íslandi en engu öðru landi í heiminum.

Þú hýtur að geta útskýrt það vel fyrst þú ert svona viss í þinni sök.

Svo finnst mér merkilegt að ESB sinnar séu komnir með Snata.

[Evreka (IP-tala skráð) 7.5.2009 kl. 16:17]

Þú ættir að geta aflað þér upplýsinga um það, furðulegt að spyrja svona einfaldra spurninga. Málið er ekki flókið:

Verðtrygging verður ekki afnumin í einu vetfangi á meðan efnahagsástand er svona óstöðugt hér á landi. Innganga í Evrópusambandið, og upptaka evru eftir nokkur ár, myndi leiða af sér lága vexti, stöðugt gengi og stöðugra efnahagslíf. Við slíkar aðstæður er hægt að afnema verðtryggingu.

Þá má spyrja hvort lítil verðbólga og lækkun vaxta síðar á árinu muni ekki gera það sama? Svarið er nei, því verðbólgan hefur bara hríðfallið vegna þess að það er engin eftirspurn eftir vörum, allra síst innfluttum. Ástæðan fyrir því er hrun efnahagslífsins, fólk á einfaldlega ekki pening. En verðbólgan mun fara upp aftur á næsta ári, með tilheyrandi vaxtahækkunum og svo sömu keðjuverkun og við höfum búið við. Ónýtur gjaldmiðill mun sjá til þess að hér verður óstöðugt umhverfi áfram.

Annað atriði: Ég bendi þér aftur á þá staðreynd, að jafnvel þó verðtrygging yrði afnumin með handafli þá yrði enginn ávinningur af því fyrir íslenska lántakendur. Óverðtryggðir vextir eru svo háir og þeir munu haldast svona háir á meðan við komum engum böndum á efnahagslífið.

Af hverju í ósöpunum heldurðu að 90% hagfræðinga mæli með inngöngu í ESB? - undir það taka líka lang flest verkalýðsfélög og atvinnurekendur. Þessir aðilar eiga gríðarlegra hagsmuna að gæta og færu aldrei að mæla með ESB aðild nema vera vissir í sinni sök.