Eru hagfræðingar að verða vankaðir?

Nú birta þeir áróðurgrein í snepli útrásarvíkinganna og vilja að almenningur greiði skuldir Björgólf Thors.

„Án náinna samskipta við nágrannaþjóðir okkar og við alþjóðastofnanir mun endurreisnin ekki takast. Það má vissulega nokkru til kosta af okkar hálfu til þess að heilbrigt samstarf geti haldist," segja þeir Gylfi Zoega og hinn aldurhnigni Jónas Haralz.

Hvað telja þeir Gylfi og Jónas að séu náin samskipti við nágrannaþjóðir. Eru það náin samskipti að gefa Bretum og Hollendingum óskiptan aðgang að eignum og auðlindum Íslendinga?

Eru það náin samskipti að afsala sér fullveldi í samningi við Breta og Hollendinga.

Já það er góð spurning: hverju má kosta til?

Hvað þýðir 200 milljarða niðurskurður í velferðakerfinu fyrir lífsgæði íslendinga?

Ég get sagt hvað það þýðir. Það kostar mannslíf, það hefur í för með sér verri heilsu og lífsgæði og það dregur úr menntunarmöguleikum. það eykur misskiptingu, ójöfnuð og fátækt.

Þegar stjórnvöld tala um hvernig að standa við skuldbindingar vegna Icesave gera þau ráð fyrir 25% hagvaxtaraukningu frá því sem staða þjóðarbúsins hefur verið sem allra best.

Hvaðan í ósköpunum koma forsendurnar fyrir slíkri hagvaxtaraukningu. Færustu kreppuhagfræðingar spá því að minnst 50 þúsund manns muni flýja landið á komandi árum.

Hvernig í ósköpunum ætlar ríkisstjórnin að standa undir 120 til 150 milljarða greiðslum til erlendra lánadrottna þegar vöruskiptajöfnuðurinn er ekki meiri en 60 milljarðar. Hvar ætlar ríkisstjórnin að fá gjaldeyri.

Þessi draumsýn Gylfa og Jónasar er ekki sæmandi og ekki raunhæf.

Má ég heldur biðja um Kúbu Norðursins en Zimbabwe Norðursins.

Og ég hef rætt við erlenda aðila um aðför Breta og Hollendinga að íslenskum almenningi og viðbrögðin eru:

But this is extortion...

Ja men detta är ju utpressning.....

það er nefnilega svo að almenningi í öðrum þjóðfélögum ofbýður þegar útskýrt er fyrir þeim hvað er á seiði hér á landi.

Athugasemdir

[Sigurður Þórðarson, 12.7.2009 kl. 00:01]

"Kína Norðursins" Er það eitthvað til að óttast?

  Veit Gylfi ekki að hagvöxtthvað til að ótur í Kína er einn sá hæsti í heimi og dregur vagninn í hagvexti heimsins?

Veit Gylfi ekki að það ríkir stöðnun og doði í EB einkum í samanburði við Kína?

[Hákon Jóhannesson (IP-tala skráð) 12.7.2009 kl. 00:04]

Alltaf gaman að heyra í Jónasi; en hans tími er liðinn nú.

Kjarni málsins er sá að það þarf ekki hagfræðimenntun til að leggja mat á stöðuna.

Það þarf fyrst og fremst heilbrigða skynsemi. Þekking á "áhættumati" hjálpar þó og útfrá því og skynsemininni góðu er margumræddur "samningur" ekki aðeins fáránlegur, henn er óraunsær, ósanngjarn og í reynd stórhættulegur landi og þjóð. Enda byggður á röngum forsendum frá degi eitt.

Umræddir hagfræðingar gleyma að tiltaka það; því þeir vita í raun betur

[Jóna Kolbrún Garðarsdóttir, 12.7.2009 kl. 04:17]

Ég verð að þakka þér Jakobína fyrir þrautsegju þína og dugnað hérna á blogginu.  Takk fyrir mig. 

[óskar (IP-tala skráð) 12.7.2009 kl. 12:53]

Já. Íslenskir fjölmiðlar, og íslenska "elítan". Þetta lið hampar hvort öðru opinberlega í tíma og ótíma. Það er alltaf leitað til sama fólksins varðandi einhverja "ráðgjöf". Almenningur þarf ekkert á ráðgjöf andlegra steingervinga að halda lengur. Það hefur alltaf hentað háskólaelítunni best að segja já á réttum stöðum og sauma síðan fyrir kjaftinn á sér, þegar það hentar. Besta leiðin til að tryggja völd sín, er að velja nægilega marga óttaslegna, þögula og þæga einstaklinga í sitt lið. Það er nóg af slíku liði meðal hagfræðinga sem eru komnir á ellilífeyri og jafnvel með alzheimer á hæsta stigi. Þeir hafa ekkert fram að færa lengur, en samt er alltaf leitað til þeirra, aftur og aftur!!! Standard íslensk þráhyggja og hefðir sem enginn þorir að hrófla við, eru einkenni áratuga langs heilaþvottar innan veggja háskólasamfélagsins. Það er ekki við öðru að búast frá þeim sem hafa fyllt hausinn á sér af einhverjum innantómum frösum, eftir aðra, en einhverri MEGA - ÞVÆLU. Afleiðingarnar: Þjóðarsorg. Þökk sé öllu sérfræðingastóðinu hérlendis, sem allir íslenskir fjölmiðlar tilbiðja eins og öll hin skurðgoðin sem hér ráða lögum og lofum.

[Arinbjörn Kúld, 12.7.2009 kl. 13:11]

Jebb enda er hagfræði hugarástand.

[Jakobína Ingunn Ólafsdóttir, 12.7.2009 kl. 15:29]

Það er líka óskammfeilni af gamalmennum og fræðimönnum að halda því fram að einhverju megi kosta til.

En þetta eitthvað eru lífsgæði annarra en þeirra sjálfra.

[Ómar Geirsson, 12.7.2009 kl. 20:49]

Kjarni málsins Jakobína,

"En þetta eitthvað eru lífsgæði annarra en þeirra sjálfra".  Þetta er ein birtingarmyndar siðblindu og hvaðan hefur Gylfi þá þekkingu að aðeins óþokkar og illmenni búi í Evrópu????  Mér finnst þú fara nærri lagi í bloggi þínu þegar þú bentir á þau ummæli sem þú fengir þegar þú útskýrðir ástandið fyrir erlendum aðilum.  "Extortion", svona gerir siðað fólk ekki.  Og Evrópa er byggð siðuðu fólki.

Kveðja að austan.