Bjarni Ben á villigötum

Ræður þingmanna í kjölfar stefnuræðu forsætisráðherra voru misgóðar en ræða Bjarna Benediktssonar skar sig út fyrir frumlega hugsun.

Bjarni færir fram ýmsar kenningar um það hvers vegna fólk er að mótmæla. Að hans mati óska mótmælendur eftir meiri stóriðju, fleiri afleitum samningum og áframhaldandi gliðnun á milli fátækra og ríkra. Draumsýn Sjálfstæðiflokks er hráefnissamfélag sem tryggir velsæld fámenns hóps þeirra sem hafa aðgang að kötlunum. Bjarni telur að almenningur sé að kalla eftir skammtímafixum sem færir fjármuni í vasa auðmanna. Hann virðist halda að fyrir utan Alþingi séu áhangendur LÍÚ að hylla Sjálfstæðsflokkinn fyrir að færa framleiðslugreinarnar úr landi og skilja byggðalögin eftir blæðandi. Kannski heldur hann líka að mótmælendur séu að andmæla því að Geir Haarde fari fyrir landsdóm.

Merkilegt verður að teljast að Bjarni telur það Sjálfsstæðisflokknum tiltekna að hann er tilbúinn „til samstarfs við ábyrga aðila“ en atferli sjálfstæðismanna hafa sýnt allt frá hruni bankanna að forystan í þeirra hópi skilur ekki merkingu orðsins ábyrgð.

 

• Sjálfstæðisflokkurinn hefur svo sannarlega verið tilbúinn til samstarfs viðýmsa aðila, t.d.:
• Björgólf Thor og Björgólf Guðmundsson um einkavæðingu Landsbankans
• S-hópinn og Finn Ingólfsson um einkavæðingu Búnaðarbankans
• LÍÚ um framsal auðlinda þjóðarinnar til fámenns hóps einstaklinga og skuldsetningu og rányrkju aflaverðmæta.
• Viðskiptaráð um að rífa varnir almennings gegn bönkum og fyrirtækjum úr í löggjöf þingsins
• Magma Energy um kaup á jarðvarmaauðlindum fyrir kúlulán og hrunkrónur
• Erlenda stóriðju um gjafverð á íslenskri orku

 

Almenningur er að mótmæla spillingu innan vébanda fjórflokksins, samtryggingunni og skeytingaleysi í garð þeirra sem eru fórnarlömb ábyrgðarleysis og leynimakks stjórnvalda hruntímabilsins.

Vissulega hefur ríkisstjórnin kallað yfir sig reiði almennings vegna samtryggingar og þjónustulund við alþjóðafjármálakerfið,Alþjóðagjaldeyrissjóðinn og skeytingaleysi við almenning en Bjarni Benediktsson og Sjálfstæðisflokkurinn eru svo sannarlega ekki lausnin við því vandamáli. 

Ekkert boð komið

Já þingið er brandari...

...á meðan ráðherrar úr hrunstjórninni sitja á þingi

...á meðan mútþegar sitja á þingi

...á meðan þingmenn sem véla fyrir LÍÚ sitja á þingi

...á meðan þingið hunsar velferð almennings en gengur erinda fjármálakerfisins

...á meðan þægð við forystuna ræður meiru en hæfni og dómgreind

...á meðan Alþingi er valdalaust og embættismenn, LÍÚ og viðskiptaráð semja lögin.... 

Hætt að segja háttvirtur

Hvað þýða þessi mótmæli

Það sem fólkið á Austurvelli biður um er stjórnvöld fari að huga að hagsmunum almennings í landinu en gangi ekki erinda fjármálakerfisins í öllum atriðum. 

Réttlæti og heiðarlegt uppgjör

Alþingi mótmælt

...er að stjórnvöld geri almenningi ljóst að ofbeldi verði aldrei liðið og aldrei umborið segir Sigmundur Davíð. 

Það skiptir ekki máli hvað stjórnvöld vilja gera lýðnum ljóst ef þau njóta ekki virðingar.

Atburðir eins og milljarðagjöf til fjölskyldu Halldórs Ásgrímssonar skapar upplausn í landinu.

Atburðir eins og afskriftir á skuldum Bjarna Ármannssonar skapa upplausn.

Fólkið er ekki að mótmæla rískisstjórninni sérstaklega heldur þinginu í heild. Þingi sem hunsar samfélagsumbætur og réttlæti. Þingi sem helst má líka við sandkassaslag. 

Það er að skapast hættuástand

Hvað þá um óformleg tengsl?

Engin formleg tengsl

Jekill og Hyde

Það er augljóst að Steingrímur hefur fetað í fótspor forvera sinna og misst öll tengsl við þjóðina. 

Löng vera á alþingi virðist eyða skynbragði einstaklinga á þarfir og hagsmuni þjóðarinnar.

Því miður hefur yfir helmingur þingmanna glatað dómgreind og getunni til þess að setja hluti í röklegt samhengi. 

Líta mótmælin öðrum augum nú

Boða aukið atvinnuleysi

Í tvö ár hefur alvarlegurstu afleiðingum kreppunnar verið frestað. Lán voru fryst og velferðarkerfið hakkað niður í áföngum á meðan fjármunum hefur verið ausið í bankanna og skuldir fjárglæframanna afskrifaðar. 

Það á að setja skilyrði við fjármögnun bankanna og skilyrðin eiga að allt liggi upp á borðinu um lánveitingar bankanna í aðdraganda hrunsins og að allt liggi upp á borðinu um afskriftir lána.

Reiðin sem kraumar nú undir í samfélaginu er ekki síst afleiðing af því að fólk horfir upp á leynimakk og óheilindi valdhafanna.

 

Hin sönnu hrunfjárlög

...OG EGGIN FLJÚGA

Á rölti mínu um Austurvöll við setningu Alþingis hitti ég fræðimann frá Cambridge háskóla sem er hér staddur vegna rannsóknar á afleiðingum þess þegar húsnæðisbólur springa. Ég ræddi við hann í smástund og hann sagði mér frá því að í Bandaríkjunum hefði húsnæði fólks farið á uppboð og verið keypt fyrir smánarverð af fólki sem hefur aðgang að fjármagni og leigt síðan fólki sem hefur misst húsnæði sitt. Bólan var í raun gríðarleg eignatilfærsla frá millistéttarfólki til yfirstéttarinnar. Millistéttin færðist með þessu niður plan á lágstéttarinnar, þeirra fátæku og eignalausu. Vandinn hefur verið að fólk áttar sig venjulega ekki á ferlinu fyrr en skaðinn er skeður. Vaknar upp þegar það er búið að missa allt sitt og spyr; hvers vegna tók ég ekki þátt í mótmælunum?

 

Stjórnmálamenn 

Stjórnmálamenn og embættismenn hafa hinsvegar betri yfirsýn og geta haft áhrif á atburðarrásina. Þeir geta valið aðrar leiðir sem skila annarri niðurstöðu. Þeir hafa hins vegar valið að gera það ekki en þráast eigi að síður við að kalla sig norræna velferðarstjórn. Í baráttu sinni fyrir að öðlast traust alþjóðasamfélagsins hefur ríkisstjórnin troðið á almenningi og svikið kjósendur. Hátíðarhöld við setningu Alþingis báru af þessu keim. Hlýðni við Alþjóðagjaldeyrissjóðinn birtist í því að nýju bankarnir voru fjármagnaðir með hundruð milljarða úr vösum skattgreiðenda og síðan gefnir “erlendum kröfuhöfum”. Markmiðið er endurreisa bankanna með því að viðhalda stökkbreyttum skuldum almennings. Til þess að tryggja eiginfjárstöðu bankanna er friðhelgi fjölskyldulífsins fótum troðin með uppboði á heimilum og niðurrifi fyrirtækja. Skjaldborg hefur hins vegar verið slegið um fjölskyldu Halldórs Ásgrímssonar sem fær nú milljarðagjafir frá Landsbankanum.

Réttarkerfið í landinu er lítið annað en rekald sem sveiflast eftir hagsmunum valdhafa og alþjóðafjármálakerfis. Orðið forsendubrestur þykir eingöngu eiga við þegar það þjónar bankakerfinu. Ráðherrar úr hrunstjórninni tóku sér dómsvald á alþingi og sýknuðu meðráðherra sem keyrðu landið í þrot annað hvort að vítaverðum kjánaskap eða af ásetningi.

 

Setningarhátíð

Sóðaskapurinn fyrir utan Alþingi við setningarathöfn var táknrænn fyrir sóðaskapinn inni á alþingi og þau ummerki sem hann skilur eftir sig um allt samfélagsið. Mótmælin á Austurvelli báru þess vott að nýjir tímar séu að hefjast á Íslandi. Þetta eru tímar reiðinnar og tímar vonleysis en líka tímar háværrar kröfu um athafnir til þess að bæta ástandið. Valdhafarnir hafa hvatt til æðruleysis en mæta nú eggjakasti og eru hrópaðir niður fyrir störf sín á alþingi.

Það var ámátlegt að horfa upp á þingmenn hlaupa álútna undir eggjakasti og lauma sér bakdyriameginn inn á alþingi. Reisn þessarar hátíðar var engin. Virðingin engin. Birtingarmynd ónýts alþingi og ónýtrar kirkju sem engu þjónar öðru en að viðhalda sjálfu sér. 

 

Viðhorf þingmanna 

Ragnheiður Ríkarðsdóttir er döpur vegna þess að stjórnmálamenn njóta ekki friðhelgi. Fáar yfirlýsingar hafa borist um depurð þingmanna vegna þess að verið er að brjóta niður síðustu leyfar velferðar í landinu og að sýslumaður skuli reglulega rjúfa friðhelgi íslenskra heimila. Ástu Ragnheiði Jóhannesdóttur þykir sorglegt að dagurinn skyldi ekki reynast ánægjudagur fyrir þingmenn. Séra Hjálmar telur að kirkjan hefði átt að njóta meiri virðingar á þessum degi. Kirkjan sem varið hefur kynferðislegt ofbeldi og brugðist söfnuði sínum. Einn af forsprökkum hátíðarhaldanna var biskupinn sem óátalið lét kynferðislegt ofbeldi í guðshúsi. Aðgerðaleysi kirkjunnar gerði guðshúsið að ógnvekjandi stað fyrir fórnarlömb ofbeldis. Virðing er tilfinning sem verður til vegna góðrar reynslu en ekki vegna kröfu um virðingu.

Tími Jóhönnu er greinilega að líða undir lok. Friðþægingartal um velferðaríki, sáttmála og endurreisn dugar ekki lengur til þess að sefa reiði þeirra sem nú blæðir. Valdhafar hafa reynt að gera mótmælendur að óvini þjóðarinnar með því að kalla mótmæli ofbeldi sem er rangnefni en hið raunverulega ofbeldið hefur hins vegar verið aðgangsharka að skuldurum og fyrirvinnum í þessu landi.

Á mótmælunum fyrir framan Alþingi var andrúmsloftið magnþrungið og reiðin lá í loftinu. Nýtt fólk er að mótmæla. Þetta er fólk sem er reitt en grundvelli að eðilegu lífi á Íslandi hefur verið kippt undan því. Tugir þúsunda hafa misst atvinnu, enn fleiri eru í raun öreigar og margir eru að missa ástvini úr landi. Það er eitthvað súrrealískt við að stjórnmálamenn pirrist yfir því að fá ekki að éta snitturnar sínar í friði við þessar aðstæður.

Jakobína Ingunn Ólafsdóttir

Stjórnsýslufræðingur

Fjárlögin uppkast fremur en stefnumörkun

Viltu að fólkið bjóði þingmönnum upp á snittur?

...Sorglegt að þingmenn geti ekki átt ánægjulegan dag.

Mótmælin settu svip á þingsetninguna

Skuldavanda Halldórs Ásgrímssonar?

Ríkisbankinn sem er á forræði fjármálaráðherrans afskrifaði þúsundir milljóna fyrir fjölskyldufyrirtæki Halldórs Ásgrímssonar á sama tíma og lífið er kramið úr blómlegum og atvinnuskapandi fyrirtækjum og fjölskyldur sendar á götuna.

Er Steingrímur J Sigfússon hissa á reiði fólksins?

Óánægja vegna skuldavanda