Gerum árás á hallærið!

Okurvaxtastefnan (stýrivextir seðlabankans) sem Alþjóðagjaldeyrissjóðurinn þröngvar upp á þjóðina stefnir fyrirtækjum í þrot. Talað er um að 60 - 80% fyrirtækja séu tæknilega gjaldþrota.

Ef fyrirtæki fara að stöðvast í umvörpum þýðir það að útflutningur minnkar og gjaldeyristekjur minnka. Ef útflutningsfyrirtæki selja afurði framhjá kerfinu þýðir það að gjaldeyrir berst ekki inn í landið. Þetta þýðir síðan að ekki er unnt að standa í skilum með vaxtagreiðslur og afborganir af erlendum lánum.

Vaxtagreiðslur ríkissjóðs eru á þessu ári 87 milljarðar en hverjar eru vaxtagreiðslur Landsvirkjunar, Orkuveitunnar, sveitafélaga og annarra af erlendum lánum? Erlendum lánum sem greiða þarf með erlendum gjaldeyri?

Draga verður í efa miðað við núverandi aðstæður að á næsta ári verði til erlendur gjaldeyrir í landinu til þess að standa að fullu undir innflutningi á nauðsynjavörum. Hvernig ætla valdhafarnir að bregðast við því?

Það verður að fara að huga að því að auka sjálfbærni þjóðarinnar. Það verður að auka matvælaframleiðslu og framleiðslu á þeim nauðsynjavörum sem hægt er að framleiða hér.

VONANDI ÁTTAR FÓLK SIG Á AРLEPPAR í fjórflokknum ERU GJÖRSAMLEGA VANHÆFIR TIL ÞESS AÐ TAKAST Á VIÐ ÞAÐ SEM FRAM UNDAN ER......Það má ekki gefa þessum fjandans sjálfstæðisflokki tækifæri til þess að gera meira af sér.

Fjármálaumhverfið og gjafakvótakerfið er sjúkdómseinkenni þess hugarfars sem valdhafar hafa boðað. Sjúkdómurinn lamar getu þjóðarinnar til þess að bjóða afkomendum sínum upp á heilbrigða framtíð.

Auðlindirnar og mannauðurinn er lífsneisti þjóðarinnar. Græðgisjónarmið fjármálamarkaðarins fela ekki í sér skilning á hinum raunverulega auð þjóðarinnar og hafa hunsað viðhald hans.

Sjálfbærni byggir á því meðal annars að verðmætin skili sér til þeirra sem skapa þau. Auðvaldið virðir ekki mikilvægi auðlindanna fyrir afkomendur okkar. Markmið auðvaldsins er að ná verðmætunum af þeim sem skapa þau.

Fjölbreytileiki þekkingar og færni dregur úr áhættu í verðmætasköpun. Margvíslegur iðnaður sem byggir á þessum margbreytileika eykur hæfni þjóðarinnar til þess að komast af í alþjóðasamfélaginu.

Stefna ríkisstjórnarinnar sem felur í sér áherslu á einhæft atvinnulíf á Íslandi í formi fjármálamarkaðar og stóriðju hefur dregið úr áherslu á fjölbreytta menntun og þekkingu. Velferð og velmegun á Íslandi hvílir á stefnubreytingu í þessum efnum. Athafnir ríkisstjórnarinnar stefna eignarhaldi þjóðarinnar á auðlindunum og þar með auðlindunum sjálfum í hættu.

Hugmyndir að atvinnusköpun sem eykur getu þjóðarinnar til þess að komast af í kreppunni og dregur úr fólksflótta:

-Pakki til ilræktar, aukinnar framleiðslu grænmetis og ávaxta

-Frjálsar handfæraveiðar

-Aukin kornrækt til skepnufóðurs og manneldis

-Markaðssetning ferðaþjónustu

-Fullvinnsla afurða úr sjávarútvegi og landbúnaði

Ef stefnt er að ofangreindum frumatvinnugreinum munu þjónustugreinar við þessa atvinnuvegi blómgast.

Sú hörmulega árás sem ríkisstjórnir undangenginna ára hafa gert á velferð almennings þýðir að ekkert verður eins og það var áður. En ef við höldum rétt á spilunum þarf lífið ekki að verða verra bara öðruvísi.

Burt með spillingarliðið

Nýja orðabókin

Kjölfestufjárfestar: Fjárglæframenn

Athafnamenn: Þjófar

Árangurstengd laun: Þjófnaður bankaeigenda

Erlendir fjárfestar: Íslendingar í leynum í aflöndum, íslenskir þjófar sem eiga leynireikninga í Karabíska hafinu

Útrásarvíkingur: Landráðamaður

Íslenskur auðmaður: Sá sem stolið hefur öllu steini léttara

Viðskiptavild: verðmætamat þjófs á sjálfum sér

Viðskiptahættir: Glæpastarfsemi

Viðskiptaráð: Ráðningarstofa stjórnmálaleppa

Styrkir til stjórnmálamanna: Mútur

Farandverkamenn: Íslendingar sem ekki eru í leynum í aflöndum

Einkavæðing: Sjálftaka

Ágætt er að hafa þessa orðabók til hliðsjónar þegar hlustað er á fjölmiðla. Orðræða fjölmiðlanna hjálpar glæpamönnunum að komast upp með glæpi sína.

 

Verður hún rekin ef leppar viðskiptalífsins komast til valda...

Ekkert var rannsakað í tíð fyrri ríkisstjórnar. Ríkisstjórn sjálfstæðismanna og samfylkingar settu  bara lok á ormagryfjuna.

Eva Joly mun ekki eira glæpamönnunum. Komist leppar viðskiptaráðs aftur til valda þarf varla að spyrja af veru hennar hér.

Steingrímur þetta heita ekki viðskiptahættir heldur glæpastarfsemi (um framferði félags Björgólfsfeðga Samson)

Dapurlegar fréttir af Samson

Trúverðugleiki íslenskra viðskipta í rúst

Siðrofið svokallaða lifir góðu lífi í íslensku viðskiptalífi. Eru neyðarlög að verða daglegt brauð á Íslandi og eina leiðin til þess að koma böndum á spillingaröflin?

Hvers vegna er ekki fjallað um hverjir eiga hlut að máli í þessum viðskiptum?

Viðskiptalíf á Íslandi er hulið leynihjúpi. Hver á fyrirtækin? Hver á auðlindirnar? Hvert hverfa verðmætin?

Það þarf að draga fram pólitísk og viðskiptaleg tengsl á Íslandi. Það þarf að gera grein fyrir sjálftöku stjórnmálamanna og það þarf að gera grein fyrir því hverja stjórnmálamenn hafa leppað.

Ég spyr, verður Eva Joly rekin ef leppar viðskiptamafíunar komast til valda í næstu kosningum?

Brýnt og óumflýjanlegt

Sjálfstæðisflokkur hefur gert hálfa þjóðina að ölmusuþegum

Með boðum og bönnum, spillingu og sjálftöku hefur sjálfstæðisflokkur rústað atvinnuvegunum. Nú kallar foringi flokksins almenning "þá sem minna mega sín" og segir að flokkurinn vilji hjálpa þeim sem þurfa að "reiða sig á velferðarnetið".

Fyrir atbeina sjálfstæðisflokksins verður stórt höggvið í "velferðarnetið" í haust. Hver vill vera háður ölmusum sjálfstæðisflokks?

Öfgafult Ísland

Ágætur listi á bloggi Andra Geirs:

“Ísland er að verða land öfga, allt er annað hvort vanmetið eða ofmetið:

Hér er smá listi yfir vanmetið ástand:

Skuldir einstaklinga

Skuldir atvinnuveganna

Ríkishallinn

Erlendar skuldir

Icesave

Fátækt

Spilling

Atvinnuleysi

Staða atvinnuveganna

Fúsk hér og þar og alls staðar

Hið ofmetna er hins vegar:

Hæfni stjórnmálamanna til að ráða við ástandið

Lýðræðisleg vinnubrögð á öllum stigum þjóðfélagsins

Reynsla og þekking skilanefnda og annarra ráða og stjórna ríkisins

Krónan sem framtíðargjaldmiðill

Staða Íslands utan ESB

Eftirlitststofnanir ríkisins

Fjórflokkakerfið

Hraði og öryggi í ákvarðanatöku

O.s.frv.”

Verður verðsamráð gert löglegt ef sjálfstæðisflokkurinn ...

... kemst til valda sem hann gerir þó trúlega ekki því fylgi hans fer ört dvínandi.

Hvers vegna er talað um "meint" samráð olíufélaganna?

Liggur verðsamráð ekki fyrir í dómsúrskurði?

Er verið að reyna að slá ryki í augu kjósenda?

Verðsamráð drepur niður starfsemi annarra atvinnuvega og skapar atvinnuleysi.

 

 

Fyrrum stjórnarformaður olíufélags.

Matsmenn verða dómkvaddir

Össur sýnir ilina

sem er ekki mjög diplómatískt og þykir hinn versti dónaskapur víða um lönd.

Össur sat í ríkisstjórn sem samþykkti að láta börnin okkar greiða skuldir Björgúlfs Thors. Vona að hann sé ekki að gera neinn fjandann af sér þarna út í London. Satt að segja er ég skíthrædd miðað við það sem á undan er gengið.

Össur og Miliband ræddu um Icesave

Er þetta draumafyrirtæki samfylkingarinnar?

Er þetta nýja Ísland?

Capacent Glacier sérhæfir sig í fjárfestatengslum, bæði innanlands og utan.

Hvað ætla þeir að aðstoða við að selja erlendum fjárfestum, jú auðlindir í jarðvarma og sjávarútveg.

Þeir ætla að aðstoða valdhafanna við að selja Ísland undan börnum okkar.

Hvað verður um afkomendur okkar? Verður framtíð þeirra að vera leiguliðar í eigin landi?

Eru tilbúnir í endurreisnina

Rányrkja viðskiptablokkanna

Krónan er seld fram hjá hagkerfinu. Gjaldeyrir vegna útflutnings berst ekki til landsins.

Þetta er kallað að "ákvæði í reglum um gjaldeyrisviðskipti um skilaskyldu hefur ekki haldið. "

Ágætt væri ef þetta væri útskýrt betur fyrir lesendum Mbl, t.d. hverjir eiga þarna í hlut.

Eru hinir svo kölluðu "kjölfesturfjárfestar" að reyna að koma þjóðinni enn meir á hausinn?

Kjölfestufjárfestar = fjárglæframenn = útrásarvíkingar?

Herða á gjaldeyrishöftin