Skilið þýfinu

Í gær var undirritaður í Stokkhólmi samningur milli Íslands og Cayman- eyja um upplýsingaskipti á sviði skattamála.

Á sama tíma undirrituðu hin Norðurlöndin samhljóða samning við Cayman-eyjar.

Lífverðir ráðherranna?

Hvers vegna þurftu Björn Bjarnason og Geir Haarde lífverði í haust? Hvað kostuðu þeir þjóðina?

Hvers vegna pantaði Björn Bjarnason brynvarðar bifreiðar í haust. Ætlaði hann að vígvæðast gegn þjóðinni?

Hvers vegna þarf núverandi ríkisstjórn ekki lífverði?

Eru lífverðirnir komnir í frí eða eru þeir á atvinnuleysisbótum?

Gagnrýnir hryðjuverkalögin

Ríku strákana langar í völd

Sjálfstæðisflokkur og framsókn eru undirrót spillingar á Íslandi. Spilltar og heimskulegar aðgerðir og ákvarðanir manna í þessum flokkum eru rót þeirrar atburðarrásar sem á endanum leiddi til fjármálahryðjuverkaárásar á landið.

Feðurnir í sjálfstæðisflokk og framsókn hafa nú sent drengi sína í stjórnmálin til þess að halda áfram að þjóna erlendu og innlendu auðvaldi. Þeir vilja stóriðju og tilheyrandi eiturgufur í hvern krók og kima landsins. Þeir vilja græða meira og reyna að blekkja almenning og telja honum trú að þetta sé honum til góða.

Einhver sagði mér að olíufélagið N1 ætti 90% allra dekkjaverkstæða í Reykjavík. Einhver sagði mér að olíufélögin væru búin að skipta mér sér landinu. Er þetta ekki einokun ef rétt er?

Nú vilja einkavinavæðingasinnar og einokunarsinnar komast aftur til valda og ef þeir gera það munu þeir ganga endanlega frá þjóðinni.

Leiðtogaumræður á RUV í gær voru athyglisverðar. Hlustið vel.

Hryðjuverkalög of harkaleg

Loftbóluskuldir

Ætla valdhafar að verja almenning fyrir afætum fjármálaheimsins eða ætla þau að færa þeim íslenska hagkerfið á silfurfati spyr Michael Hudson.

Það þarf að færa höfuðstól skulda af fasteignum niður að verðmæti fasteigna. Skuldir umfram raunveruleg verðmæti fasteigna eru loftbóluskuldir. Þessar skuldir byggja ekki á neyslu skuldarans heldur neyslu braskara og óábyrgra stjórnmálamanna.

Þjófnaður sem hannaður var af sjálfstæðisflokki og framsókn í valdatíð þeirra með dyggri aðstoð vina þeirra í bönkunum. 

Samræmd úrræði vegna greiðsluerfiðleika

Verðtrygging notuð til þess að tryggja að bankarnir hagnist á hruni efnahagslífsins

...Segir Michael Hudson í fréttablaðinu í dag. En hann kallar hagstjórnina á Íslandi efnahagslegt sjálfsmorð.

Og spurningin sem stjórnvöld þurfa að svara:

Ætla þau að verja almenning fyrir afætum fjármálaheimsins eða ætla þau að færa þeim íslenska hagkerfið á silfurfati?

Fjandi gott að Hudson skuli vera komin í baráttuna

Ég hef fylgst með málflutningi Hudson og oft vitnað í hann í vetur. Það er nefnilega alveg á hreinu að ef Íslendingar lúta höfði og gangast inn á hrikalegar kröfur lánadrottnanna þá mun þjóðin koma til með að lifa í örbyrgð undir stjórn ofurríkra lénsherra.

Við verðum að berjast gegn ofurvaldinu. Því er sama hvort þrælarnir eru svartir eða hvítir. Við verðum að berjast fyrir heimilum okkar, heilbrigðu atvinnulífi og framtíð barna okkar.

Við verðum líka að rísa upp gegn einokunar-, gjafakvóta- og einkvinavæðingarflokkunum sjálfstæðisflokk og framsókn.

Fjármálahryðjuverk gegn Íslandi

Eftir hrun bankanna í haust sagði ég að mér liði eins og Ísland hefði verið hertekið innan frá. Michael Hudson sérfræðingur i alþjóðafjármálum sem ætlar að tala við okkur í Silfrinu hjá Agli á morgun skrifar grein um hryðjuverkaárásina á Ísland í Fréttablaðið í dag.

Hann segir m.a.:

Á síðustu árum hefur Ísland orðið fyrir árásum alþjóðlegra lánadrottna. Þeir hafa náð að sannfæra hóp lukkuriddara um að leiðin til auðs og hagvaxtar væri í skuldsetningu en ekki ráðdeild. Bankar og spákaupmenn í innsta hring alþjóðafjármálakerfisins höfðu það að meginstarfi að selja skuldir og þurftu að búa sig undir að efnahagslega hrun sem sagan sýnir að fylgi óhjákvæmlega í kjölfar slíkrar ofurskuldsetningar. Það gerður þeir með því að sá fræjum hugmyndafræði sem leit á keðjuverkandi skuldsetningu sem góða hagstjórn.

Hudson segir einnig:

Það fyrsta sem Íslendingar verða að gera er að átta sig á að landið hefur orðið fyrir efnahagslegri árás útlendinga sem studdir voru af íslenskum bankamönnum.

Í átta ár var unnið að því að setja Ísland á hausinn og Hudson segir:

Fleiri verða veikir, lifa í örvæntingu og deyja fyrir aldur fram ef þjóðin neitar ekki að greiða til baka megnið af þeim lánum sem prangað hefur verið inn á þjóðina á síðustu átta árum.

Heitir ekkert af þessum félögum N1?

Ég er alveg orðin rugluð á þessum nafngiftum olíufélaganna.

Í mbl segir:

Héraðsdómur Reykjavíkur hefur dæmt Ker ehf., Skeljung ehf. og Olíuverzlun Íslands hf. til að greiða....

Eru olíufélögin ekki  bara þrjú. Gengur eitthvert þeirra undir dulnefni þegar það verður uppvíst að lögbrotum?

Olíufélögin skaðabótaskyld

Kyssir þjóðin vöndinn?

....og kýs yfir sig fjórflokkinn.

Bjarni kallar þetta Stokkhólmsheilkennið.

Ætlum við að ganga í lið með þeim sem haldið hafa okkur í gíslingu?

Hættir við þingframboð

Upptaka skulda orðið hið viðtekna?

LÍÚ óttast eignaupptöku. Vill LÍÚ bara gefa almenningi skuldirnar? Vilja þeir sem fengu kvótann gefins að við borgum fyrir þá skuldirnar og gefum þeim kvótann eina ferðina enn?