Er sjálfstæðisflokkurinn kommúnistaflokkur Íslands?

Þeir sem aðhyllast frelsi hljóta að vilja að allir hafi jafnan rétt til veiða þar til búið er að veiða upp í heildarkvóta. Frjálsa samkeppni um fiskveiðarnar. Ég kalla það ofríki ríkissins þegar ríkið stjórnar því hverjir fá að veiða og hverjir ekki. Auðvitað samræmist það best kapitalismanum að ríkið selji aðgang að auðlindinni og að það sé frjáls samkeppni um hana. Málpípur LÍÚ virðast vera upp til hópa kommúnistar sem heimta ríkisafskpti og ókeypis aðgangi að eignum ríkissins en ríkið er þjóðin.

Nafngiftin á flokknum virðist líka verið orðin hálfgert skrípi. Að kalla flokk sem hefur varið síðustu áratugum í að selja útlendingum landið, sjálfstæðisflokk, er einhvern veginn afkáralegt. 

Flokkurinn hefur veðsett allan fjandann hjá erlendum fjármálastofnunum svo sem ríkisstofnanir og jafnvel fiskinn í sjónum. Hann er ábyrgur fyrir því að ríkisbankarnir eru nú komnir í eigu útlendinga. Hann er ábyrgur fyrir því að útlensk stóriðja hefur einokunarrétt á kaupum að íslenskri orku. 

Þessi flokkur sem kallar sig sjálfstæðisflokk hefur unnið að því öllum árum að gera þjóðina ósjálfstæða og háða erlendu valdi. 

Er áhugi á nærbuxum góður undirbúiningur fyrir pólitík

Ég minnist þess að Davíð Oddson sagði fyrir u.þ.b. 20 árum að það að reka ríkið væri eins og að reka fyrirtæki. Við það tæki færi spáði ég því að Davíð Oddsson ætti eftir að setja þjóðarbúið á hausinn.

Það kemur mér á óvart hversu margir sem hafa lélegt siðferði, skrítin áhugamál eða skrítnar hugmyndir um ríkið komast langt í stjórnmálum.

Það sem einkennir forystu stjórnmálanna í dag að þeir nota ríkið til þess að gera sjálfa sig ríka og til þess að láta ríkið greiða fyrir sínar persónulegu þarfir.

Lítið fer fyrir áhuga a almannaheill og almennri velmegun.

Forheimskunarkjaftæðið er eitt af verkfærum við þessa iðju.

Nú vill sjálfstæðisflokkurinn sölsa undir sig RÚV og ekki veitir af ef forheimskunarboðskapurinn á að berast landsmönnum reglulega. 

Talaði meira um tísku en pólitík

Húrra! Frétt á Mogganum

Það fer lítið fyrir fréttum af spillingarmálum á Mogganum sem þekja þó síður annarra fréttamiðla.

• Bróðir Árna Matt fékk 4 milljarða í ÍLS sem dregið er í efa að verði endurgreiddir.
• Spilltir og klíkuráðnir hæstaréttardómarar telja það ekki kynferðislegt ofbeldi þegar karlar misþyrma kynfærum konu.
• 
• Bjarni Ben var launaður stjórnarformaður N1 þegar félagið tók fjóra milljarða að láni úr lífeyrissjóðunum. Þessir fjórir milljarðar voru afskrifaðir og auðvitað kemur tapið fram sem skerðing á lífeyri til gamalmenna.
• Nú einnig eru miklar fréttir af meðferð fjármuna í Eir en þar var Vilhjálmur Þ formaður. Forstjórinn og fjölskyldan notaði þróunarsjóðinn til þess að kosta skemmtiferðir og lúxus fyrir fjölskylduna. Já skítt með gamalmennin.
• Einstakt tengslanet framsóknarflokksins og spilling við mannaráðningar hefur kostað skattgreiðendur hundruð milljarða. Páll Pétursson kom syni sínum fyrir sem forstjóra fjármálaeftirlitsins, illa menntuðum vini sínum og flokksbróður sem forstjóra Íbúðarlánasjóðs, smiðir og iðnaðarmenn (fólk ólæst á hagtölur og fjármál) var skipað í stjórn.
•  
•  Mútugreiðslur útgerðarmanna til stjórnmálaflokka eru auðvitað athyglisverðar fréttir í ljósi atburðarrásarinnar frá kosningum.

Já það er gaman á Íslandi ......fyrir suma

Ólafur tók við undirskriftum

Unnið gegn hagsmunum almennings

Sjávarþorp eiga mikið undir því komið að ráðgjöf stofnana hafi ávallt hagsmuni almennings að leiðarljósi.

Sú saga hefur verið lífsseig að sérfræðingar á Hafró séu klíkuráðnir af Sjálfstæðisflokknum samkvæmt fyrirmælum LÍÚ.

Svona sögusagnir draga auðvitað úr trausti á viðkomandi stofnun og stjórnsýslunni almennt. Nýleg skýrsla um starfsemi Íbúðarlánasjóðs staðfestir spillingu í mannaráðningum við opinberar stofnanir og hvernig hlutverk stofnanna hefur verið hunsað í þágu annarlegra sjónarmiða. 

Ólafur Jónsson bendir á í samhengi við þessa frétt:

Staðreyndin er að þjóðin hefur tapað tugum milljarða í útflutningsverðmæti á að ekki var aukið við aflann fyrr og handfæraveiðar gefnar frjálsar. Norðmenn hafa núna rúllað upp mörkuðunum og þrefaldað útflutningsverðmæti bara í þorski síðan þeir juku aflann fyrir 2 árum. Við sitjum eftir of sein og með allt á hælunum vegna yfirgangs kvótahirðarinnar sem nú ætlar sér eignarhald í nýtingaréttinum sem má aldrei verða.  

Það er augljóst að ástandið í mörgum byggðarlögum á landsbyggðinni er bágborið og ber ekki vott um almenna velsæld enda hafa útgerðirnar stungið undan hagnaðinum af fiskveiðum með því að selja fisk til eigin fyrirtækja erlendis á undirverði og sogið þannig fjármuni úr byggðarlögunum og komið þeim fyrir erlendis.

LÍÚ hefur ásamt málpípum sínum reynt að reka fleyg á milli landsbyggðar og höfuðborgarsvæðis til þess að beina athyglinni frá höfuðandstæðingi landsbyggðarinnar sem er LÍÚ.

Landsmenn látið ekki LÍÚa að ykkur. 

„Öfundsvert“ ástand fiskistofna

Rökskrípi arðránsins.

Hinn forheimskandi áróður LÍÚ virðist eiga sér lítil takmörk.

Bjarni Jónsson er einn þeirra sem trúir á hagkvæmni stórútgerðarinnar sem þó vælir sífellt yfir afkomu sinni. 

Bjarni Jónsson segir:

Við skulum reyndar bara taka dæmi af togaranum Páli Pálssyni, ÍS-102.  Jaðarkostnaður hans við að bæta einu tonni við 70 t afla sinn er miklu lægri en kostnaður smábátsins við að fiska 1 t. 

Hugtakið jaðarkostnaður er notað yfir útreikninga sem eru notaðir til þess að skoða hagkvæmni aukinnar framleiðslu. Breytilegur kostaður er eingöngu notaður við þessa útreikninga en horft fram hjá kostnaði sem framleiðsluaukning hefur ekki áhrif á. Það er því aldrei hægt að nota jaðarkostnað til þess að bera saman hagkvæmni tveggja fyrirtækja eða framleiðslueininga og sér í lagi þegar fjárfestingastrúktúr þessara framleiðslueininga er mjög ólíkur.

Ég benti Bjarna Jónssyni á þetta en hann svaraði mér:

 Það er ekki gott að henda reiður á flaumnum frá þér, sem ber allur vott um yfirgripsmikla vanþekkingu á málefninu, sem hér er til umræðu, sjávarútveginum, ásamt hugtökum, sem notuð eru til að bera saman hagkvæmni mismunandi aðferða.

Það vill svo til að ég hef skrifað Kand mag ritgerð við háskólann í Gautaborg þar sem rannsóknarefnið var kostnaðarútreikningar og var þetta hugtak á meðal þess sem þar var til umfjöllunar og er óhætt að fullyrða að ég sé sérfræðingur á þessu sviði. 

Rökvillur og reikningskúnstir eru útgerðinni til skammar og skýra kannski að hluta hvernig þessi starfsemi hefur ratað í skuldafen þrátt fyrir að hafa einokunarrétt á sjávarmiðunum. Þegar þeim er bent á rökvillur svara þeir með skætingi og persónuárásum. Ég get ekki séð að fólki sem fer fram með vitstola umræðu sé treystandi fyrir þeim völdum sem fylgja því að ráða yfir atvinnuvegi í byggðarlögum landsins. 

Hafa beðið um fund með forsetanum

Fagmaður er ekki vitur eftir á eða vit-laus við ákvarðanatöku

Það er auðvitað hægt að læra mikið af reynslunni. En ástæðan fyrir því að oft er sóst eftir vel menntuðu fólki til starfa er sú að mistök geta verið dýrkeypt. Sérfræðingi leyfist einfaldlega ekki að nota frasann "það er auðvelt að vera vitur eftir á". Fyrir sérfræðinginn er það að vera vitur eftir á ekki valkostur.

Fagmaðurinn á að nota vitið við undirbúning ákvarðanna en ekki sem eitthvað verkfæri sem hann beitir í framtíðinni til þess að velta fyrir sér klúðrinu sem ollu brunarústunum.

Það er heldur ekki boðlegt að forstjóri ríkisstofnunnar sem hefur gerst sekur um afglöp í starfi segi þetta er búið og gert.

Fyrir fjölda Íslendinga er þetta ekki búið og gert heldur lifa þessi mistök með okkur í samtímanum og speglast í öreiga kynslóð á aldrinum 25 til 45 ára.  Embættisafglöp Guðmundar Bjarnasonar og pólitísk spilling Framskóknarflokksins verður þung byrði á ungu fólki um langt skeið.

„Auðvelt að vita betur í dag“

Tvö lýðveldi á Íslandi

Ég legg til að stofnuð verði tvö lýðveldi á Íslandi.

Eitt fyrir kjósendur Framsóknarflokks og Sjálfstæðisflokks sem borga í sér ríkissjóð og fá síðan þjónustu frá vanhæfu, klíkuráðnu starfsfólki og borga svo tapið þegar að allt fer til fjandans.

Hitt lýðveldið borgar svo í annan ríkissjóð sem rekur stofnanir sem veita faglega þjónustu og bera ábyrgð. Þeir sleppa síðna við að borga fyrir klúður hinna.

Gleyma þætti bankanna

Hafði þetta á tilfinningunni

Datt í hug að þessir strákar væru dálítið latir.

„Hafa skapað sér sjálfskaparvíti“