Bretar mega eiga afganginn

Já þannig er það borgum bretum 2 milljarða fyrir viðvik sem getur varla kostað nem 500 milljónir og segjum þeim að þeir megi eiga afganginn.

Hvernig er heimilisbókald Svavars Gestssonar.

Eða er hann bara svona kærulaus þegar hann semur fyrir hönd annarra?

Niðurlægjandi ákvæði

Skildumæting fyrir lýðræðiselskandi Íslendinga

Ég minni á útifund Rauðra daga.

Sjálfstæði og fullveldi Íslands verður í brennidepli.

 ESB og IceSave.

Austurvöllur kl. 15:00, laugardaginn 25. júlí.

Ræðumenn:

Jakobína Ólafsdóttir, Andrés Magnússon og Mona Jensen.

Bretar niðurlægja Íslendinga

Samningsför Svavars Gestssonar til Bretlands er ein versta niðurlæging sem nokkur maður hefur lagt í fyrir hönd Íslendinga.

Bretar hafa sagt Íslendingum stríð á hendur. Helsta markmið þeirra hefur verið að rústa efnahagslífi Íslensku þjóðarinnar. Þegar bankahrunið varð var Gordon Brown vel undirbúinn. Ferlið sem hófst í kjölfarið var vel undirbúið. Frasarnir voru hannaðir. Hagsmunatengslin við Brusselvaldið og Alþjóðagjaldeyrissjóðinn tryggð.

Það hefur verið dýrkeypt Bretum að leggja í alla þessa vinnu til þess að steypa Íslensku þjóðarbúi. Kostnaðurinn við vinnu sérfræðinga, frasahönnuða og klækjasnillinga í samningsgerð hefur kostað sitt. En Bretar deyja ekki ráðalausir. Þeir rukkuðu Svavar um hundrað þúsund vinnustundir fyrir framlag þeirra við að rústa Íslensku þjóðarbúi. Svavar sagði bara já. Jóhanna sagði bara já og Steingrímur sagði bara já.

Þeim finnst greinilega öllum eðlilegt að Íslendingar standi undir stríðskostnaði Breta gegn Íslandi.

Þótt Svavari Gestssyni finnist það lítið mál að Bretar þjösnist á Íslensku þjóðinni er honum mikið í mun að vernda sína persónulegu hagsmuni

Glannaskapur áhættufjárfesta keyrir niður atvinnulífið

Samdráttur í efnahagslífi tenginst mörgum þáttum sem mældir eru í starfsemi samfélgasins. Í samfélagi þar sem neytendur eru sterkir og skapa góðan markað er gott efnahagslíf. Í samfélagi sem býr við traustar atvinnugreinar er efnahagslífið gott.

Efnahagslífið í samfélagi er hluti af daglegum veruleika þeirra sem byggja það upp.

Traust og fjölbreytt atvinnulíf dregur úr hættu á samdrætti.

Ríkisstjórnin hefur spáð hagvexti á Íslandi. Þessu hefur hún spáð þrátt fyrir að hún gerir ekkert til þess að skapa almenningi umhverfi til þess að byggja upp atvinnuvegi. En hver er þá ástæðan fyrir bjartsýni ríkisstjórnarinnar.

Jú, ríkisstjórnin hefur verið að treysta á að útlendingar reddi þessu fyrir hana. Ríkisstjórnin treystir stóriðju og alþjóðafyrirtækjum fyrir velferð þjóðarinnar.

Þegar fréttir berast af því að alþjóðafyrirtæki vilji fresta byggingu álvera setur hin græna ríkisstjórn upp skeyfu og breytir hagspám sínum. Vonin um hagvöxt verður að engu.

Ríkisstjórnin hefur nefnilega valið að veðja ekki á þjóðina, almenning til þess að byggja upp atvinnulífið heldur starfar ríkisstjórnin eftir stefnu sem gerir landsmenn háða útlendingum. Útlendingum sem hafa þjóðarhag Íslendinga hvergi á lista sínum yfir markmið með starfseminni.

Enn eykst samdrátturinn í Bretlandi

Getur einhver skýrt þetta út fyrir mér?

Moggin segir frá því í dag að Norræni frjárfestingarbankinn sé hættur að lána íslendingum vegna vanskila.

Sigurður Þórðarson sem er í stjórn Norræna fjárfestingabankans segir að ef Ísland samþykki Icesave-samninginn gæti það breytt afstöðu sjóðsins.

Það sem er stórmerkilegt við þetta mál er að Norræni fjárfestingabankinn hætti að lána Íslendingum ári 2007.

Var þá þegar byrjað að undirbúa Icesave-samninginn og viðbrögð við honum árið 2007?

Ég get ekki lesið annað úr orðum Sigurðar Þórðarsonar.

Eða bullar þessi Sigurður bara eitthvað út í loftið þegar hann talar við fréttamenn?

Eða hefur einhver beðið Sigurð um að segja þetta til þess að fá almenning til þess að trúa því að það borgi sig að borga?

Eða eru það samantekin ráð bankakerfisins (Norræni fjárfestingarBANKINN, AGS handrukkari bankakerfisins, ESB málsvari bankakerfisins, erlendir lánadrottnar og áhættufjárfestar) að reyna að hræða Íslendinga til þess að borga brúsann fyrir glannaskap bankakerfisins?

Það er líka merkilegt að erkikratinn Jón Sigurðsson hefur allsstaðar verið nálægur þar sem klúðrið hefur verið mest.

Í Norræna fjárfestingabankanum, í fjármálaeftirlitinu, í seðlabankanum og að aðstoða ríkisstjórnina við efnahagsmálin.

Skyldumæting á Austuvelli í dag

Í dag klukkan 14.00 hefjast mótmæli á Austurvelli gegn Icesave-samningnum sem munu standa fram eftir degi.

Allir sannir lýðræðiselskandi Íslendingar eru hvattir til þess að mæta.

ESB færist nær Nasismanum

Áróður, söfnun persónuupplýsinga og kúgun er að verða einkenni ESB.

Það er fyrirætlun ESB að safna persónuupplýsingum um þegnanna og ekki er farið leynt með það. Frá þessu segir í sænska dagblaðinu Expressen. þar segir m.a.: Nú er á borðinu að ESB fái frjálsan aðgang að upplýsingum um ferðir, fjármál og netnotkun þegnanna. Áhyggjurnar og óánægjan eykst. Þetta myndi bitna illilega á Svíum segir sænski þingmaðurinn Camilla Lindberg.

Mikil söfnun persónuupplýsinga gerir almenning berskjaldaðan gagnvart valdhöfum. Söfnun persónuupplýsinga er bein aðför gegn frelsi almennings.

Frelsi alþjóðafyrirtækja, stóriðju og fjárfesta er hins vegar aukið. Bankaleynd, flutningur fjármagns og vinnuafls þjónar þessum aðilum. Afleiðingarnar eru að velmegandi svæði innan Evrópu eru að breytast í láglaunasvæði. Alþjóðafyrirtæki og fjármálakerfi sem eru í eigu fámenns hóps innan Evrópu ræna almenning með regluverki sem færir tapið sífellt yfir á almenning en gróðann í hendur auðvaldsins.

Þróun ESB er sífellt að færa meira vald til Brussel og þar með meira vald til stóriðju og alþjóðafyrirtækja sem hafa greiðan aðgang að valdhöfum í Brussel.

Svíar greiða yfir 2000 milljarða á ári til ESB og fá til baka um það bil 1000 milljarða. Skýringin, jú það er svo lítill landbúnaður í Svíþjóð. Þeir sem njóta helst styrkja bandalagsins eru Evrópskir aðalsmenn og alþjóðafyrirtæki. En á meðan á þessu gengur hrynur sænska velferðakerfið sem er ekki svipur hjá sjón.

Hlé gert á störfum þingsins

1000 milljarða aðgöngumiði að ENGU

Hvað innihalda hinar 27 leynilegu síður Icesave samningsins? Bæði Gordon Brown og utanríkisráðherra Hollendinga hafa gloprað því út úr sér að tengsl séu á milli Icesave, ESB og í tilfelli Browns einnig AGS.

Economist skefur ekkert af því sem íslenskir stjórnmálamenn vilja alls ekki horfast í augu við, þ.e.:

-ólíklegt er að Íslendingar fái undanþágu frá sjávarútvegsstefnu

-að óreiða í efnahagsmálum þjóðarinnar sé slík að t.d. þjóðverjar og Hollendingar hafi gefið í skyn að Íslendingar fái ekki inngöngu fyrir en þeir hafa komið málum sínum í lag. (þýðing: Íslendingar fá ekki inngöngu nema þeir beygi sig undir vöndinn skrifi undir afarkosti Icesave og afhendi útlendingur eignir og auðlindir á brunaútsölu)

-að Íslendingar séu mótfallnir aðild. Ég tek undir þetta því ég verð vör við síaukna andstöðu við ESB-aðild og vantraust gagnvart stjórnvöldum.

Ég var á fundi í dag og þar var danskur blaðamaður staddur sem gaf okkur ýmsa bæklinga um ESB.

Ég rakst á þessa klausu í bæklingnum:

Det siges at "Norge har olie og Schweiz har sine banker, men Danmark vil ikke kunne klare sig udenfor EU".´

og síðan þetta:

Island, dere ikke er med i EU, har gennem EFTA opnået et forhold til EU, som sikrer landet gode handelsbetingelser.

I Danmark er det ökonomiske samarbejde me Island f.eks. synligt gennem islandske opköb af Magasin du Nord, Sterling og Mærsk Air. Island er dermend et levende eksempel på at også et lille land kan handle med EU uden at være medlem af unionen.

Economist: Líklegt að farið verði að dæmi Norðmanna

Slóð Jóns Sigurðssonar

Bankastjóri Norræna fjárfestingabankans

Í stjórn Seðlabanka Íslands

Stjórnarformaður fjármálaeftirlitsins

Efnahagsráðgjafi ríkisstjórnarinnar

Sigurður Þórðarson sem er í stjórn Norræna fjárfestingabankans segir að ef Ísland samþykki Icesave-samninginn gæti það breytt afstöðu sjóðsins.

Hvað þýðir þetta sem hann er að segja á mannamáli. Jú að ef Íslendingar skrifa upp á víxil upp á 1.000 milljarða þá gæti það breytt afstöðu sjóðsins.

Er ekki nokkuð mikill áróður fyrir því sem gæti gerst ef skrifað er upp á Icesave eða ef samningnum er hafnað?

Það hvað gæti gerst eru engin vísindi og ég lýsi eftir vitrænni umræðu um málið.

Hættir að lána Íslendingum

Í þágu Hollendinga og Breta að viðhalda leynd

"Dyrberg sagði að ákvæðu Íslendingar að láta reyna á málið fyrir dómstólum, hlyti það að þýða að þeir hefðu séð eitthvað sem öllum hinum 27 þjóðum ESB hefði yfirsést."

Það má byrja á því að spyrja hvort að 27 þjóðum ESB yfirsjáist eitthvað eða hvort einhverjar þessara þjóða hafi hagsmuni af því að sópa staðreyndum málsins undir teppið.

Það má einnig skoða þá skýringu að Gordon Brown gekk fram með offorsi eftir bankahrunið og laug upp á íslensku þjóðina. Ferðaðist um alla álfuna í þeim tilgangi einum.

Hvernig væri að skoða þá skýringu að þáverandi utanríkisráðherra (í afleysingum) Össur Skarphéðinsson gerði nákvæmlega EKKI NEITT til þess að leiðrétta þennan áróður. Hann ásamt klíkuráðnum kerfiskörlum í sendiráðum erlendis sýndu algjöra vanburði til þess að takast á við það áróðursstríð sem þá hófst.

Icesave málið hefur frá upphafi verið áróðursstríð. Sífellt eru tínd til rök í málinu sem eru langt utan við kjarna málsins. Íslensku ráðherrarnir hafa látir Breta og Hollendinga ráðskast með sig og leyft þeim að skilgreina þann "sannleika" sem þeim hefur hentað.

Samkvæmt tilskipun ESB er ríkissjóðum aðildarlandanna ekki heimilt að veita tryggingarsjóðum innistæðna, í viðkomandi löndum ríkisábyrgð. Sjá hér.  Þetta ákvæði hefur trúlega verið sett til þess að tryggja jafna samkeppnisstöðu aðildarlandanna. Textinn á ensku segir: "The system must not consist of a guarantee granted to a credit institution by a Member State itself or by any of its local or regional authorities." Sjá nánar

Þetta þýðir að samkvæmt tilskipun ESB mega hvorki Íslendingar né aðildarlönd ESB veita tryggingarsjóðum ríkisábyrgð. Það er í hrópandi andstöðu við tilskipun ESB að krefjast þess að ríkið ábyrgist innistæður banka í einkaeigu. Það er alveg sama hvaða rökum er beitt. Þetta er grundvöllur reglna ESB og við það situr.

Íslendingum var skylt að stofna tryggingarsjóð innistæðna og það gerðu þeir og uppfylltu því að fullu kröfur ESB svæðisins.

Tilburðir ríkisstjórnarinnar til þess að viðhalda leynd yfir Icesave samningnum og gögnum hans virðast skýrast af því að eftir því sem meira kemur upp á yfirborðið því ljósara er að þessi nauðungarsamningur er stórhættulegur fyrir allan almenning. Það er í þágu Hollendinga og Breta sem þessari leynd er viðhaldið

Hann þjónar því fyrst og fremst að koma á hér á landi "2007" þar sem útrásar- og innrásarvíkingar geta valsað í einkabanka í eigu áhættufjárfesta eftir lánum og keypt hér upp rústirnar sem þeir skildu við.

Mörg ákvæði samningsins eru árás á velferð íslensks almennings, brot á allri hefð í alþjóðasamskiptum og brot á ákvæðum íslenskrar stjórnarskrár.

Íslensku ráðherrarnir skilja einfaldlega ekki það sálfræðilega áróðursstríð sem er í gangi og í stað þess að bregðast við því þjóna þau því.

Það má benda á að í  77. gr. íslensku stjórnarskrárinnar stendur það skýrum orðum: "Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu."

Þessi Icesave eftirásamningur getur því aldrei orðið grundvöllur að ríkisábyrgð nema ríkisstjórnin skýri hvernig hún ætlar að afla tekna til þess að standa skil á honum.

Með því að hunsa tilskipanir ESB, íslensku stjórnarskránna og íslensk landslög er verið með fordæmi að skapa réttarfarslegan glundroða.

Hvernig ætlast íslensk, bresk eða hollensk yfirvöld að borin sé virðing fyrir regluverki þegar þessir aðilar gera allt til þess að hunsa það og gefa fáránlegum þvættingi úr eigin munni forgang yfir innihaldi laga.

Borga tvo milljarða fyrir Breta?