Íbúum bannað að tala á íbúafundi

Árni Sigfússon auglýsti íbúafund í Keflavík en svo virðist vera sem fundurinn hafi í raun verið áróðursfundur í boði útrásarhyskisins.

Reiðin kraumar í íbúum í Reykjanesbæ enda hefur Árni rústað bæjarfélaginu með dyggri aðstoð spilltra sjálfstæðismanna sem hafa verið að leika sér að milljörðum í bæjarfélaginu. Sitjandi hringinn í kringum borðið.

Hannes Friðriksson hefur þetta um málið að segja.

Sérkennileg heimska í þingheimum

Árni Páll Árnason sat í bankaráði Búnaðarbankans þegar bankinn lánaði Björgólfunum 6 milljarða. Hálft andvirði kaupa þeirra í Landsbankanum. Og Árni Páll tók ekki eftir því að 6 milljarðar voru færðir af reikningum Búnaðarbankans til ríkisins í nafni Björgólfsfeðga.

Hvað var Árni Páll að gera í bankaráði?

Merkilegt að þegar þingmenn eru spurðir út í spillingu þá bera þeir alltaf fyrir sig heimsku.

 

Klækjabrögð eða nauðsyn?

Fórna mannslífum fyrri ESB

Gera má ráð fyrir að það kosti um 2 milljarða að ganga til aðildarviðræðna við ESB.

Það kostar 600 til 800 milljónir að bólusetja alla þjóðina við svínaflensu. Um þriðjung af því sem aðildarviðræður kosta.

Stjórnvöld ætla að spara og kaupa bara bóluefni fyrir hálfa þjóðina. Ætla þeir að láta bólusetja sjálfa sig, fjölskyldur sínar og vini sína?

Hvernig fer skömmtunin fram? Ætlar ríkistjórnin að verðleggja bóluefnið þannig að aðeins ríkir fái aðgang að því. Eða þarf fólk að sýna flokkskírteinið? Hvaða mælikvarða ætla stjórnvöld að nota?

Það er nokkuð víst að þetta mun kosta mannslíf á Íslandi. Nýlega bárust fréttir af því að sex ára barn lést úr flensunni í Bretlandi.

Bretar og Norðmenn ætla að bólusetja alla.

En samfylkingin telur mikilvægara að fá að taka þátt í kokteilboðum í Brussel en að verja mannslíf á Íslandi.

Gaspur samfylkingarinnar

Ég var að hlusta á þingmenn í Kastljósi og fannst nýjasti frasi samfylkingar frekar hallærislegur.

Helgi Hjörvar sagði "eigum við halda þjóðaratkvæðagreiðslu um það hvort halda eigi þjóðaratkvæðagreiðslu"?

Skammast þingmenn sín aldrei fyrir að láta út úr sér bull á borð við þetta?

Skammast þingmenn sín aldrei fyrir tilburði til þess að forheimska þjóðina?

Tvöföld atkvæðagreiðsla þýðir að þjóðin fær að taka afstöðu til þess hvort sækja eigi um aðild að ESB. Ef þjóðin segir nei í atkvæðagreiðslu ætlar samfylkingin þá samt sem áður að sækja um aðild? Ég sé ekki betur en að túlka megi orð Helga þannig.

Samfylkingin ásamt sjálfstæðisflokki setti þjóðarbúið í þrot. Nú er samfylkingin að nýta sér ringulreiðina sem hún sjálf hefur skapað til þess að keyra þjóðina inn í ESB.

Samfylkingin hefur vanrækt um uppbyggingu eftir hrunið enda er hún með ESB á heilanum.

Það eru skelfilega erfið ár framundan hjá þjóðinni og engin umræða fer fram í fjölmiðlum eða meðal stjórnmálamanna um það hvernig leiða megi þjóðina í gegn um þetta.

Þingmenn samfylkingarinnar hugsa nú eingöngu um r$%"%# á sjálfum sér.

 

Efnahagsleg óvissa verri en skuldir

Viljayfirlýsing stíluð á Alþjóðagjaldeyrisstjóðinn

Einn rökstuðningur Ríkisstjórnarinnar fyrir því að undirrita samning um Icesave er að hún sé bundinn af viljayfirlýsingu fyrri Ríkisstjórnar frá því í nóvember á síðasta ári.

Ég fann þessa yfirlýsingu á netinu.

Og viti menn viljayfirlýsingin er stíluð á Alþjóðagjaldeyrissjóðinn. Hún er stíluð á Dominique Strauss-Kahn.

Hvernig í ósköpunum getur yfirlýsing stíluð á Alþjóðagjaldeyrissjóðinn verið bindandi í samningum við Breta og Hollendinga?

Árið 2016: 400 milljarðar + Icesave

Eftirfarandi útskýring á barnaláni Ríkisstjórnar Gunnars Thoroddsens er að finna á Wikipedia:  

Barnalánið svokallaða var hluti af efnahagsráðstöfunum sem ríkisstjórn Gunnars Thoroddsens greip til í efnahagsþrengingum snemma á 9. áratugnum. Barnalánið var kúlulán sem ríkisstjórnin tók hjá Hambros-bankanum í London uppá 35 milljónir punda. Lánið sem bar 13% vexti hafði gjalddaga árið 2016 og fékk því nafngiftina „Barnalánið", því það myndu verða börn þeirra sem tóku lánið sem loksins greiddu það.

Ég skellti þessu inn í Excel og gaf mér að pundið væri 200 krónur, og að lánið hefði verið tekið 1982 (kemur ekki fram nákvæmlega hvenær það er tekið) og vextir 13%.

Niðurstaða mín er að umrætt lán er rúmlega 400 milljarðar árið 2016. Þá fellur allt lánið í gjalddaga.

Ef lánið hefði verið á gjalddaga árið 2000 hefði það staðið í 56 milljörðum. Lánið hækkar með stjarnfræðilegum hraða síðustu árin. Þetta er það sem kallað er compounding effect á útlensku.

Með því að skrifa undir Icesave eins og samfylkinguna og Steingrím dreymir um er ríkisstjórnin að ábyrgjast lán sem stendur í 1.000 milljörðum árið 2016. Á sama ári falla svo þessir 400 milljarðar í gjalddaga.

Já feðurnir/mæðurnar eiga það til að vera ábyrgðarlaus. Afætur á börnum sínum myndi ég kalla þetta.

Hjáseta er svik við kjósendur

Þeir þingmenn sem velja að sitja hjá í þessu máli eru að bregðast kjósendum. Þingmenn eru kosnir til þess að beita atkvæði sínu en ekki til þess að hlaupa heim til mömmu sinnar þegar á reynir.

Hjáseta kann að ráða úrslitum

Eru hagfræðingar að verða vankaðir?

Nú birta þeir áróðurgrein í snepli útrásarvíkinganna og vilja að almenningur greiði skuldir Björgólf Thors.

„Án náinna samskipta við nágrannaþjóðir okkar og við alþjóðastofnanir mun endurreisnin ekki takast. Það má vissulega nokkru til kosta af okkar hálfu til þess að heilbrigt samstarf geti haldist," segja þeir Gylfi Zoega og hinn aldurhnigni Jónas Haralz.

Hvað telja þeir Gylfi og Jónas að séu náin samskipti við nágrannaþjóðir. Eru það náin samskipti að gefa Bretum og Hollendingum óskiptan aðgang að eignum og auðlindum Íslendinga?

Eru það náin samskipti að afsala sér fullveldi í samningi við Breta og Hollendinga.

Já það er góð spurning: hverju má kosta til?

Hvað þýðir 200 milljarða niðurskurður í velferðakerfinu fyrir lífsgæði íslendinga?

Ég get sagt hvað það þýðir. Það kostar mannslíf, það hefur í för með sér verri heilsu og lífsgæði og það dregur úr menntunarmöguleikum. það eykur misskiptingu, ójöfnuð og fátækt.

Þegar stjórnvöld tala um hvernig að standa við skuldbindingar vegna Icesave gera þau ráð fyrir 25% hagvaxtaraukningu frá því sem staða þjóðarbúsins hefur verið sem allra best.

Hvaðan í ósköpunum koma forsendurnar fyrir slíkri hagvaxtaraukningu. Færustu kreppuhagfræðingar spá því að minnst 50 þúsund manns muni flýja landið á komandi árum.

Hvernig í ósköpunum ætlar ríkisstjórnin að standa undir 120 til 150 milljarða greiðslum til erlendra lánadrottna þegar vöruskiptajöfnuðurinn er ekki meiri en 60 milljarðar. Hvar ætlar ríkisstjórnin að fá gjaldeyri.

Þessi draumsýn Gylfa og Jónasar er ekki sæmandi og ekki raunhæf.

Má ég heldur biðja um Kúbu Norðursins en Zimbabwe Norðursins.

Og ég hef rætt við erlenda aðila um aðför Breta og Hollendinga að íslenskum almenningi og viðbrögðin eru:

But this is extortion...

Ja men detta är ju utpressning.....

það er nefnilega svo að almenningi í öðrum þjóðfélögum ofbýður þegar útskýrt er fyrir þeim hvað er á seiði hér á landi.

Er Steigrímur Joð óskabarn útrásarvíkinganna?

Ég man eftir því í haust þegar Jón Ásgeir horfði beint í augu sjónvarpsáhorfenda og sagði: "nei ég hef aldrei heyrt um eyjuna Tortola."

Ég man eftir því þegar Steingrímur Joð horfði framan í þjóðina og sagði: "nei við borgum ekki Icesave."

Ég man eftir því að fyrir skömmu síðan skrifaði Jón Kaldal pistil og hélt því fram að Eva Joly hefði brugðist.

Þegar ég í dag rekst á pistil eftir þennan penna útrásarfjölmiðlanna þar sem hann dásamar Steigrím Joð sem hefur svikið öll sín kosningaloforð vakna spurningar hjá mér hvers vegna þeir sem mútuðu samfylkingunni vilja nú kynna Steingrím Joð sem hinn næsta mikla spámann.

Jón Kaldal segir engan tíma fyrir biðleiki. þessi orð hans benda til þess að hann hafi lítinn skilning eða lítinn áhuga á þeirri varhugaverðu stöðu sem þjóðin er í því nú er ekki rétti tíminn fyrir óðagot. Nú er ekki rétti tíminn fyrir hugsunarleysi, fljótfærni og grunnhyggni.

Ég er orðin þreitt á að horfa upp á strengjabrúður útrásatvíkinganna rústa samfélaginu úr ráðherrastólum.

Stjórnvöld eru búin að eyðileggja framtíð barna okkar

Glæpamafían sem hefur stjórnað landinu rústaði fjárhag þess og eyðilagði framtíð barna okkar. Svo einfalt er það.

Það er ekki hægt að tala um að eitthvað hafi skollið á íslandi, að hér hafi orðið náttúruhamfarir. Nei það var bara þannig að á einum degi í haust urðu afleiðingar græðgi, spillingar og þjófnaðar ljósar.

Samfylkingin ber nú áfram kyndil sjálfstæðisflokks og ætlar að sjá til þess að landið verið gjörsamlega efnahagslega óbyggilegt fyrir afkomendur okkar.

 

Framtíðin utan Íslands