Ósýnilegur Össur

Össur Skarphéðinsson hefur löngun verið þekktur fyrir annað en feimni. Hann hefur gjarnan baðað sig í kastljósi stjórnmála og sótt eftir athygli. Frá því að hann tók við embætti utanríkisráðherra hefur orðið þar mikil breyting á. Utanríkisráðherran virðist vera í felum og athafnir hans hjúpaðar leynd.

ESB ferlið hefur tekið á sig mynd sem enn eitt leynimakks og hrossakaupamálið í Íslandssögunni. Bankahrunið haustið 2008 afhjúpaði mikinn glundroða í stjórnmálum og viðskiptum. Í búsáhaldabyltingunni fólst krafa um umbætur í stjórnmálum og rík áhersla var lögð á að uppskurð krosstengsla milli stjórnmála og viðskipta sem hefur verið meinsemd í íslensku stjórnarfari um áratugi.

Það leikur lítill vafi á því að samfylkingin hefur tekið við keflinu af sjálfstæðisflokknum í leynimakki um að skipta aðgangi að tækifærum á milli aðila sem flokkurinn hefur þegið af mútur. Þingmenn hafa styrkt stöðu mútukerfisins með því að festa það í sessi í landslögum.

Skítalyktin af hrossakaupum og leynimakki flokkanna er viðvarandi.

Yfirlýsingar Össurar kornið sem fyllti mælinn

Búin að fá nóg af ruglinu

Bjarni Ben heldur að almenningur sé búin að fá nóg af innanflokkserjum. Get varla sagt að ég hafi orðið vör við þetta. Ég hef hins vegar orðið vör við að almenningur er búin að fá nóg af:

Hrossakaupum

Græðgi

Einokun

Sjálftöku stjórnmálamanna

Leynimakki

Foryngjaræði

Vangetu

Hræðsluáróðri

Blekkingarleikjum

Óræðum fullyrðingum

Sviksemi

Þrælslund

mútuþægni

Innherjasvikum

...

Gefum skít í börnin en verjum spillt kerfi..

 

...virðist vera mottó ríkisstjórnarinnar.

Sendi eftirfarandi pistil á Smuguna fyrir nokkru sem hún hefur ekki séð sér fært að birta:

 Það vekur athygli þessa daganna að reka á yfir tug stjórnenda í leikskólum og grunnskólum. Sameina á skóla og leikskóla og þrengja að börnum í samfélaginu. Í sömu viku berast fréttir af því að kerfi  sem hefur verið styrkt með hundruðum milljarða úr vösum skattgreiðenda lætur sér ekki muna um að greiða bankastjórum, skilanefndarmönnum og skiptastjórum margföld leikskólastjóralaun.

Stjórnvöld vilja auka atvinnustig með því að ríkið kosti mannvirkjagerð en á sama tíma er heilbrigðisstarfólki sagt upp.  Meiri steypa og minni þjónusta virðist vera mottó ríkisstjórnarinnar.

Stjórnvöld hafa skuldsett ríkissjóð fyrir yfir þúsund milljarða sem börnunum sem er verið að þrengja að núna er ætlað að greiða í framtíðinni. Stefna ríkisstjórnarinnar eins og hún hefur birst á síðustu árum er ósjálfbær og miðar að því að tryggja velsæld þess hóps sem setti þjóðarbúið á hausinn og senda reikninginn til afkomenda.

Það hefur ekki skort á yfirlýsingarnar frá ráðherrunum sem líta svo á að þeir séu sveittir upp fyrir haus við að bjarga þóðinni. Yfirlýsingarnar hafa þó holan hljóm. Árangurinn í breytingarstarfsemi er enginn. Leyndarhyggan ræður ríkjum og blekkingarleikurinn heldur áfram á meðan fólk líður skort‚  almennri heilsu hrakar‚ ofbeldi eykst og börn og unglingar ganga svöng í skólanum.

Hvað er það sem ráðherrarnir eru að bjóða almenningi upp á? Jú þeir krefjast þess að velferðarkerfið sé rifið niður til varnar kerfinu sem leiddi ógæfu yfir þjóðina. Og hvað bjóða þeir í staðinn:

Það hvílir leynd yfir því hverjir eiga bankanna.

Það hvílir leynd yfir því hverjum var bjargað með neyðarlögunum.

Flokkarnir halda áfram að nota aðstöðu sína á þingi til þess að skammta sjálfum sér fjármuni úr vösum skattgreiðenda.

Mútur til flokkanna hafa verið festar í sessi í nýjum lögum.

Stjórnvöld halda áfram að reka nagla í líkkistu réttarfarsins með því að hunsa hæstaréttardóma sem eru „lélagir‟ en láta undir höfuð leggast að gera umbætur á spilltu dómskerfi.

Í stjórnsýslunni er vangeta umborin og kostnaðurinn sem hlýst af vangetunni færður yfir á skattgreiðendur.

Mennirnir sem hafa rústað samfélaginu ganga um á sjálfteknum eftirlaunum þótt þeir séu í toppstörfum sem Össur Skarphéðinsson hefur útvegað þeim. Stjórnalaþingið er grín og það skrifast á lélega stjórnendur. Fjármálaráðherrann hannar kerfi utan um bankanna sem gerir honum kleyft að víkjast undan ábyrgð.  Er þetta heigulsháttur‚ spilling eða heimska. Ég læt hann um að svara því.

Ráðherrarnir hreinlega prumpa yfir þjóðina svo ég orði þetta nú bara pent. 

Almenningur á heimtingu á því að vita hverjir eiga bankanna sem honum er gert að styrkja og eiga viðskipti við. Gleymum ekki að þessir bankar voru færðir úr eigu almennings með mjög vafasömum aðferðum í einkavæðingaferlum Davíðs Oddssonar og Halldórs Ásgrímssonar.

Almenningur á heimtingu á að upplýst sé um hverjum var bjargað með neyðarlögunum og hvernig fjárstreymið var í Landsbankanum árið fyrir hrun. Umgengni stjórnmálamanna við almenning er ruddaleg. Öllum megninþáttum mála er haldið leyndum  en heimtað af almenningi að hann fylli svartholin sem glæpastarfsemi í bönkunum hefur skilið eftir sig.

Jakobína Ingunn Ólafsdóttir

Stjórnsýslufræðingur

Segja sig úr þingflokki VG

Ríkisstjórnin hugsar um markaði en ekki almenna velmegun

Heilsa almennings og menntun veldur Alþjóðagjaldeyrissjóðunum ekki áhyggjum. Meginstefna Alþjóðagjaldeyrissjóðsins er að tryggja aðgang alþjóðafyrirtækja að auðlindum landa og lágmarka þann arð sem alþjóðafyrirtæki skilja eftir í viðkomandi löndum.

Ferill Alþjóðagjaldeyrissjóðsins á Íslandi hefur verið sorgarsaga fyrir íslenskan almenning. ALLAR ríkisstjórnir sem setið hafa frá 1990 hafa hlýtt ráðum Alþjóðagjaldeyrissjóðsins. Samskipti ríkisstjórna við Alþjóðagjaldeyrissjóðinn ganga út á að selja velferð almennings gegn skjaldborg um þær valdablokkir og viðskiptakjarna sem styðja viðkomandi ríkisstjórn. Hjá fyrri ríkisstjórnum gilti að verja einokunarstefnu og feudalisma sem tryggður var í löggjöf og lélegu eftirlitskerfi ásamt spilltu dómskerfi. Hjá núverandi ríkisstjórn gildir að verja viðskiptakjarna sem vilja komast með fjármuni sem skotið var undan fyrir hrun í skattaskjól á Íslandi og koma auðlindarentunni á örugga reikninga erlendis.

Meðan þetta fer fram eru leikskólar og grunnskólar skornir niður. Sjúkrahús og heilbrigðisþjónusta á landsbyggðinni á í vök að verjast. Stjórnmálamenningin á Íslandi hefur ekki lagast frá hruni. Börnum og gamalmennum er fórnað fyrir græðgina og hræðsluáróður er viðvarandi menntastefna ríkisstjórnarinnar.

 

Ætla ekki að styðja stjórnina

Trúðarnir vega að ungviðinu

Spurningin er: erum við sátt við þetta?

Hér vaxa peningar á trjánum þegar sprauta þarf fjármagni inn í bótasjóði sem rændir hafa verið af stórnmálamönnum og þeim sem mútað hafa stjórnmálamönnum.

Lítill skortur er á peningum þegar það vantar milljarða inn í sparisjóði sem stjórnmálamenn hafa grætt á í skjóli innherjavitneskju.

Ekki munar ríkisstjórninni um að borga Icesave fyrir Björgólf Thor.

Ekki er ríkissjóður blankur þegar hann veitir Björgólfi Thor undanþágu frá því að greiða skatta sem almennt þykja eðlilegt framlag vegna þátttöku í samneyslunni.

OG...

ekki vantar útskýringarnar á því hvers vegna það borgar sig að greiða einkaskuldir Björgólfs Thors og fela almenningi að borga skattana fyrir fyrirtæki hans.

EN...

eru ekki til neinar skýringar sem réttlæta það að við hlúum vel að börnum okkar?

Munu hlusta á athugasemdir

Hvað eru nokkrar milljónir á milli vina...

...segja íslensk yfirvöld en Alþingi hefur gert það löglegt að múta stjórnmálaflokkum í nýjum lögum.

Eftirfarandi greinagerð er á Hvítbók.

Tengsl Vilhjálms Þorsteinssonar við Björgólf Thor eru rakin og vakin athygli á því að hægt er að rekja tengsl Vilhjálms Þorsteinssonar inn í öll þau fyrirtæki sem styrktu Samfylkinguna árið 2007

Sjá; 

Tengsl Vilhjálms og Verne Holdings og Milestone: http://www.litlaisland.net/corruption/draw/302/65/

Tengsl Vilhjálms, FL - Group og Novator / Novator Credit Luxemburg: http://www.litlaisland.net/corruption/draw/302/299/

Vilhjálmur og Exista: http://www.litlaisland.net/corruption/draw/302/29/

Vilhjálmur og Straumur Burðarás:http://www.litlaisland.net/corruption/draw/302/22/

Vilhjálmur og Björgálfur Þór: http://www.litlaisland.net/corruption/draw/302/2/

Tengsl Vilhjálms, Jón Ásgeirs, Ocrahópsins og Verne Holdings http://www.litlaisland.net/corruption/draw/302/247/

Vilhjálmur, Glitnir, Verner Holdings og Geysir Green: http://www.litlaisland.net/corruption/draw/302/36/

Vilhjálmur og Kaupþing: http://www.litlaisland.net/corruption/draw/302/25/

Vilhjálmur og Teymi: http://www.litlaisland.net/corruption/draw/302/77/

Vilhjálmur og Eimskip: http://www.litlaisland.net/corruption/draw/302/57/

Vilhjálmur og Ker hf: http://www.litlaisland.net/corruption/draw/302/48/

Vilhjálmur og Landsbanki Íslands: http://www.litlaisland.net/corruption/draw/302/19/

Vilhjálmur og Samvinnutryggingar:http://www.litlaisland.net/corruption/draw/302/110/

Vilhjálmur og Samfylkingin: http://www.litlaisland.net/corruption/draw/302/18/

Heimir Már er fjölmiðlamaður á vegum 365 miðla:

Vilhjálmur og 365 miðlar: http://www.litlaisland.net/corruption/draw/302/37/

Styrkir til Samfylkingarinnar 2007:

* Actavis hf. 3.000.000
* Baugur Group hf. 3.000.000
* Eignarhaldsfélag Samvinnutrygginga 1.000.000
* Eimskipafélag Íslands 1.000.000
* Exista ehf. 3.000.000
* Eykt ehf. 1.000.000
* FL-Group hf. 3.000.000
* Glitnir 3.500.000
* Kaupþing 5.000.000
* Ker hf. 3.000.000
* Landsbanki Íslands 4.000.000
* Milestone 1.500.000
* Sparisjóður Reykjavíkur og nágrennis 1.000.000
* Straumur Burðarás fjárfestingabanki 1.500.000
* Teymi ehf. 1.500.000


Athugið svo hverja ríkisstjórnin hefur valið sér til fulltingis:

Ingvi Örn Kristinsson var aðstoðarmaður félagsmálaráðherra Árna Páls Árnasonar, en hann var framkvæmdastjóri Verðbréfasviðs Landsbankans. Einnig starfar hann sem ráðgjafi Forsætisráðherra.

Benedikt Stefánsson var í Greiningardeild Landsbankans og er núna aðstoðarmaður Gylfa Magnússonar Efnahags- og Viðskiptaráðherra.

Björn Rúnar er skrifstofustjóri í Viðskiptaráðuneytinu. Hann var forstöðumaður í Greiningardeild Landsbankans

Edda Rós er núna fulltrúi Íslands í AGS í gegnum Samfylkinguna. Hún var forstöðumaður Greiningardeildar Landsbankans

Arnar Guðmundsson var í Greiningardeild Landsbankans. Hann er núna aðstoðarmaður Katrínar Júlíusdóttur Iðnaðarráðherra.

Með svo marga bankamenn í farteskinu, og einnig hafandi í huga að fyrir kosningar kom í ljós að Samfó var sá flokkur sem hafði fengið næstmest í gjafafé frá bönkunum og eigendum þeirra; er ekki þá einfaldlega ljóst hverra hagsmuna stjórnendur Samfó, eru að leitast til með að vera?

Áhugavert einnig, að allir þessir aðstoðarmenn, eru fyrrum starfsmenn Björgólfsfeðga.


Er ormagryfjan kannski að opnast?

Gjafmildir Kaupþingskúnnar

Því er auðsvarað

Það er ekkert mál að finna rök gegn Icesave.

Lögin eru í kjarna sínum óeðlileg

Lögin eru birtingarmynd siðferðisbrests í hinum vestræna heimi

Lögin eru afsprengi hrossakaupa og spillingar innan fjórflokksins

Lögin eru táknmynd dáðleysis stjórnmálamanna.

Ég fór í viðtal hjá Rakel í dag. Rakel og Siggi höfðu kallað til fólk með ólíkar stjórnmálaskoðanir sem ætlar að segja NEI við Icesave. Þetta var myndarlegur hópur fólks og Rakel og Siggi stóðu keik með hljóðnemann og kameruna. Þegar ég var að yfirgefa svæðið kom Bjarni Ben gangandi og gekk fram hjá hópnum enda virðist hann hafa litla sannfæringu aðra en að selja atkvæði sitt hæstbjóðanda.

Ég ákvað að leggja áherslu á það í viðtalinu að ég vil ekki vera þátttakandi í því að gera börnin mín að skuldaþrælum. Því hvað sem öllum rökum og hræðsluáróðri líður þá er það meginkjarni þessarar atkvæðagreiðslu.

 

Það er að fá foreldra til þess að samþykkja það að gera börn sín að skuldaþrælum til þess að borga skuldir Björgólfs Thors.

 

 

Björgólfsarmur Samfylkingarinnar vinnur hörðum höndum við að hræða foreldra til þess að vinna það voðaverk að selja börnin sín.

Myndin er af stofnenda Icesave reikninganna þar sem hann er staddur um borð í lystisnekkju.

Kynna rök gegn Icesave

Ljúga Íslendingar í skoðanakönnunum?

Niðurstöður könnunar sem Gallup gerði skömmu fyrir þjóðaratkvæðagreiðslu um Icesave II sýndi að  26% þeirra sem svöruðu ætluðu ekki að segja nei við Icesave en eins og flestum er kunnugt hlutu umrædd lög um Icesave II einungis 2% fylgi í þjóðaratkvæðagreiðslunni.

Þessi reynsla af skoðanakönnun og slægu spágildi hennar vekur upp spurningar um áreiðanleika kannana og hvort þær séu notaðar sem vopn við að móta viðhorf almennings fremur en að spegla þau.

Við hljótum að spyrja okkur hvað veldur þessu gríðarlega ósamræmi milli könnunar Gallup og svo niðurstöðu kosninga skömmu síðar. Varla verður þetta skrifað á vikmörk.

Annað hvort lýgur fólk í umvörpum um afstöðu sína eða þá að þeir sem framkvæma könnunina hafa rangt við.

Ef við gefum okkur að niðurstöður Gallupkönnunar í fyrra hafi verið marktækar þá hefur fjöldi þeirra sem sögðust ætla að segja já logið til um afstöðu sína. Ef við gefum okkur að svarendur ljúgi enn í könnunum þá má ætla út frá þessum rökum að u.þ.b. 5% þjóðarinnar vilji taka þátt í að gera afkomendur okkar að skattgreiðendum í Hollandi og Bretlandi í næstu þjóðaratkvæðagreiðslu um Icesave.

Eins og við vitum öll þá eru engin lagarök fyrir því að íslenskir skattgreiðendur taki á sig skuldbindingar vegna Icesave. Icesave deilan er tilraun til þess að þrýsta íslendingum með ofbeldi til þess að leggja byrðar á herðar afkomendum sem eru með öllu óhæfar og setja þjóðarbúið í alvarlega áhættu.

Ég á ekki í nokkrum vandræðum með að gera upp hug minn í þessu máli. Ég vil að það sé alveg á hreinu þegar börnin mín spyrja mig um Icesave í framtíðinni að ég hafi ekki stillt mér í raðir þeirra sem tekið hafa stöðu með fjármálaöflunum um að gera þau að skuldaþrælum fjármálakerfisins.

Ef þessu verður þvingað upp á þjóðina hvort sem í gegn um dómstóla eða samning þá mun ég ekki skipa mér í hóp þeirra sem standa að því að þvinga þessu upp á afkomendur okkar.

Treysta eigin vinnuveitanda

Hagfræðingurinn Gunnar Tómasson um Icesave og Breta

Ég hvet fólk til þess að horfa á þetta viðtal við Gunnar Tómasson á Inn.

http://inntv.is/

Samkvæmt því sem Gunnar Tómasson segir er Icesavesamningurinn samvæmt viðmiðum AGS bein ógn við efnahagslega tilvist þjóðarinnar.

Óvissa og erfið samskipti

Já, hvar er birtan?

Eru það merki um betri tíma að Aríonbanki mútar nýjum bankastjóra sem sætir rannsókn vegna verðsamráðs til þess að koma til starfa. Er ofurtrú "kröfuhafanna" og stjórnar bankans slík á einokunar og samráðshugsjónum?

Er það merki um birtu að stjórnlagaþingsfulltrúar eru að fyllast af leiða vegna ruglsins í ríkisstjórninni og valdablokkunum við að yfirtaka þetta fyrirbæri?

Er það merki um bjarta tíma þegar bankarnir senda fjölskyldur á vergang til þess að tryggja "kröfuhöfunum" arð?

Er það merki um bjarta tíma misréttið í samfélaginu eykst í sífellu?

Er það merki um bjarta tíma að einstæðum mæðrum og öryrkjum er gert að lifa á framfærslu sem dugar ekki fyrir mat?

Er það merki um birtu þegar meginþorri manna hefur vart efni á því að ferðast innanbæjar hvað þá heldur lengra?

 

Merki um að tekið sé að birta til