Rússneska mafían og íslenskt stjórnlagaþing

Leyndarhyggjan hefur verið ráðandi afl í íslenskum stjórnmálum og í skjóli hennar þróuðust ótrúlegustu atburðir. 

Á síðasta áratug fóru íslenskir feðgar í víking til Rússlands og eignuðust þar framleiðslufyrirtæki. Fréttir hafa farið af velgengni þeirra í viðskiptum. Í þýskum fjölmiðlum hefur verið sagt frá því að keppinautar þeirra í Rússlandi hafi verið skotnir á færi.

Viðskiptafeðgarnir fengu síðar að kaupa íslenskan ríkisbanka fyrir risakúlulán frá öðrum íslenskum ríkisbanka.  Einkavæðingarferli sem þrátt fyrir þrýsting er ekki farið að rannsaka. 

Viðskiptaveldi þeirra tútnaði út og fengu þeir liðstyrk við að auka ítök sín í íslensku viðskiptalífi frá áhrifamanni innan samfylkingarinnar Vilhjálmi Þorsteinssyni. Vilhjálmur Þorsteinsson kemur víða við og er í raun birtingarmynd þess sem kallað hefur verið krosstengsl viðskipta og stjórnmála. Fyrirbæri sem kallað hefur verið eftir að sé upprætt í íslensku samfélagi í kjölfar bankahrunsins. 

 

 

 

 

 

 

 

 

 

 

 

 

 Skýrari mynd af þessu tengslaneti er að finna á  http://www.litlaisland.net/corruption/draw/302/299/

Vilhjálmur Þorsteinsson hefur verið með afli frá samfylkingu kjörinn á stjórnlagaþing.

Þegar bankakerfið íslenska hrundi kom upp þrálátur orðrómur um ítök rússnesku mafíunnar í Landsbankanum og að hún hefði tök á íslenskum bankamönnum. Hugtök eins og peningaþvætti voru tíð í umræðunni en íslenskir fjölmiðlar hafa hafnað þessu sem kjaftasögum.

Skömmu fyrir bankahrun keyrði Davíð Oddsson Seðlabankann í gjaldþrot og þurrkaði upp gjaldeyrisvaraforðann með því að setja hundruð milljarða, í erlendum gjaldeyri, inn í Kaupþing. Tvöhundruð og áttatíu þessara milljarða voru afhentir rússneskum athafnamanni sem Guðmundur Ólafsson hagfræðingur hefur kallað handrukkara og heldur fram að hafi morðsveitir á sínum snærum.

Í kjölfar bankahrunsins birtust í miðbæ Reykjavíkur sveitir rússneskra manna sem gistu á Hóteli 101 en Davíð, Geir og Björn Bjarnason fengu sér lífverði.  

Fjölmiðlar hafa veitt þessari fléttu litla athygli og ennfremur hefur lykilhlutverk Björgólfs Thors við að setja þjóðarbúið á hausinn fengið litla athygli. Össur Skarphéðinsson, Katrín Júlíusdóttir og Vilhjálmur Þorsteinsson hafa ennfremur ekki rofið tryggð sína við Björgólf Thor.

Umbætur á íslandi standa í frosti á meðan ráðskast er með ríkiseignir og þjóðareignir á bak við tjöldin. Menn sem hafa myndað blokkir um baráttu fyrir hagsmunum sem þjóna því að fylla vasa þeirra sjáfra láta ekki af iðju sinni. 

Hér má sjá tengslanet utanríkisráðherra:

http://www.litlaisland.net/corruption/17/ossur-skarpheinsson/ 

Sjónarmiðum komið á framfæri

...en ástunda sjálf einelti

Það er auðvelt að hvetja aðra til þess að iðka dyggðir. Stjórnmálaforystan leggur nú Lilju Mósesdóttir í einelti en málið tekur á sig öfgamynd í DV þar sem Utanríkisráðherran líkir þingkonunni við hryssu. 

Já þeir fá það óþvegið þingmenn sem leggjast ekki á magann fyrir forystuna.

Sjálfstæði Alþingis hefur verið mikið í umræðunni þetta ár. Mönnum virðist þó fyrirmunað að skilja að sjálfstæði Alþingis verður ekki aukið nema með breyttum viðmiðum um það hvað sé gott og vont í atferli þingmanna.

Lilja er sjálfri sér samkvæm og krefst aukins lýðræði og aukins réttlætis. Hún er ímynd framtíðarstjórnmálamannsins sem er sjálfum sér samkvæmur og fylgir hugsjónum sínum eftir. Vissulega gerir þetta forystunni erfitt fyrir en forystuhlutverkið á að vera krefjandi. Össur virðist ekki vera sáttur við það. Þægir þingmenn eru honum að skapi. Þægur þingmaður er þó ekki trúr hugsjónum eða kjósendum. Tryggð hans er við forystuna.

Við viljum sjá umbreytingar í stjórnmálum en forystan sem hefur verið á framfæri skattgreiðenda meiri hluta lífs síns hefur lítinn skilning á því hvað þarf til þess að koma á stað breytingum.

Aðeins nýtt fólk getur unnið að breytingum og sleppt rótgrónum hugmyndum um að þrælslund sé dyggð.  

Hvetja til samstöðu á nýju ári

Með bústnar kinnar og bleikan rass

Það er erfitt fyrir saklausar sálir þingmanna sjálfstæðisflokksins að horfa upp á spillinguna sem kraumar í herbúðum vinstri flokkanna. Bústnar kinnar sjálfstæðisþingmanna sem voru orðnar hvítar af þvotti eru nú farnar að bera roða vegna skilningsleysis vinstri stjórnarinnar sem enn hefur ekki áttað sig á að það var hún sem bjó til kreppuna og þá aðalega Steingrímur Joð.

Vísar ásökunum þingmanns á bug

Sammála sjálfstæðisflokknum í fyrsta sinn í 20 ár

Jóhönnu og Steingrími er varla stætt á því að gegna ábyrgðarstöðum eftir að hafa sýnt eindæma dómgreindarleysi í Icesavemálinu.

Vilja að Jóhanna og Steingrímur víki

Leki um Icesave

Búið er að birta á netinu skjöl sem lekið hefur verið að sögn fjölmiðla. 

Slóðin á þessi skjöl er  http://icesave3.wordpress.com/

Vildu losa ríkið undan Icesave

Sársaukinn á heima í London

Í húsi Björgólfs Thors

Verið að deila sársaukanum

Ríkisstjórnin vinnur enn gegn velferð skattgreiðenda

Kröfurnar vegna Icesave eru kröfur sem mynduðust í einkafyrirtæki Björgólfs Thors. 

Ríkisábyrgð á skuldum Björgólfs Thors er óásættanleg og verður alltaf óásættanleg.

Björgólfur Thor lifir í vellystingum í London á meðan ríkisstjórnin er að taka þjónustu af langveikum börnum og sjúklingum á dánarbeði til þess að greiða skuldir sem mynduðust í einkafyrirtæki hans.  

Ég segi eins og Fintan O'Toole sem er írskur fjölmiðlamaður það þarf að stofna nýtt lýðveldi og koma þessu fólki frá völdum sem hugsar um það eitt að bjarga auðlegð kjölfestufjárfesta (lesist mafíuforingja).

http://www.irishtimes.com/newspaper/opinion/2010/1123/1224283932871.html?sms_ss=facebook&at_xt=4cf809bfded44114,0 

Drög að frumvarpi verið gerð

Var augljóst 2008

Eftir klúður hrunstjórnarinnar þá lá þessi hætta fyrir. Alþjóðagjaldeyrissjóðurinn og skötuhjúin hafa síðan innsiglað þessi örlög. 

Búsáhaldabyltingin var andóf gegn ný-frjálshyggjunni, einokunarfyrirkomulagi og leiguliðaskipulagi sem hefur verið tryggt áframhaldandi brautargengi af núverandi ríkisstjórn og Alþjóðagjaldeyrissjóðnum.  

Telur millistéttina enda í fátækt

...illa upplýstur stjórnmálamaður þenur raddböndin

það eru stjórnmálamennirnir sem skapa stofnanir og eyðileggja þær.

Í tvö ár hafa stjórnmálamenn barist gegn því að vandinn sé persónugerður (orð Geirs Haarde)

Aumar stofnanir eru afsprengi af klíkuráðningum og það eru einstakir ráðherrar og stjórnmálamenn sem nota stofnanirnar til þess að hygla að þeim sem þeir telja að geti orðið sjálfum sér til framdráttar.

Stofnun er birtingamynd mannlífs og þeirra ákvarðana sem þeir sem eru í forystu taka. Stofnun á sér ekkert sjálfstætt líf óháð einstaklingum.

Mæli með því að Dagur kynni sér fræði um stofnanir þá kannski fattar hann hvað hann er að tala um.  

Afhjúpar veikleika flokksins

Trölli búin að stela jólunum...

...frá íbúum í Innri Njarðvík eða var það kannski Árni Sigfússon

Ekki skreytt í Innri Njarðvík