Mörður skeleggur

Það þarf að fá svör við þessum spurningum

Sögur fara af því að stærstu útgerðarfyrirtækin í landinu/kvótagreifar

 eigi framleiðslufyrirtæki erlendis.

Þau selja fiskinn óunninn á undirverði til eigin fyrirtækja erlendis að því er sögur herma og losna þannig við að greiða skatt á íslandi.

Einnig hefur verið talað um að þessir aðilar fari með villandi málfluting um að hagstæðara sé að flytja fiskinn óunninn úr landi.

Útgerðin flytur þannig skatttekjur úr landi, atvinnutækifæri úr landi og vinnur gegn uppbyggingu á landsbyggðinni.  

Mjög er farið leynt með áhrifin af þessu enda margir stjórnmálamenn og fjölmiðlar í vasa LÍÚ 

Mörður spyr á ný um eignarhald í útlöndum

Betra að lækka starfshlutfall

Það er réttlátara og felur ekki í sér mismunun

það er líka hagkvæmara fyrir fyrirtækið að því leyti að mannauðurinn verður áfram fjölbreyttur og engin þekking glatast.  

Vissulega er auðveldara að segja fólki upp því þá þurfa ekki stjórnendur að horfa framan í þá sem þeir hafa skert kjörin hjá.

Undarlegt að forstjórinn sitji trúnaðarmannafundi ef honum er ekki boðið.

Kannski kann þessi maður ekki að stjórna fyrirtæki.  

Hörð umræða um uppsagnir hjá OR

Landsbankinn er ríkisbanki

Fjármálaráðherrann stillti Elínu Jónsdóttur í Bankasýsluna sem á að hafa eftirlit með hlutdeild ríkisins í bönkunum.

Elín Jónsdóttir, forstjóri Bankasýslu ríkisins, losaði sig undan kúluláni upp á á annað

 hundrað milljónir króna með því að selja eignarhaldsfélag sitt og skuldina með. Þetta var eftir hrun íslensku bankanna. Frá þessu var sagt í Pressunni í janúar.

Í skjóli Elínar er verið að afskrifa milljarða hjá útgerðum og völdum fyrirtækjum, þrátt fyrir að umrædd fyrirtæki hafi úthlutað eigendum sínum tugi eða hundruð milljóna í arð.

Í landinu búa tvær þjóðir.

Sú sem greiðir skuldir sínar auk þess að taka á sig tap bankanna

og hinir sem fá afskrifað og greiddan arð. 

http://framtidislands.is/

 

Dregur úr mótmælum

Valdastéttin í vörn

Eyjan sendi öllum forystu mönnum stjórnmálaflokka spurningu um það hvort þeir væru tilbúnir til þess að jafna kjör stjórnmálamanna og embættismanna ríkisins við þau sem almenningur býr við.

Útreikningar hafa sýnt að aðgerð sem þessi myndi geta leyst skuldavanda

 heimilanna.  

Engin í forystu fjórflokksins var tilbúin til þess að svara þessari spurningu.

Ég vil hvetja fólk til þess að varast framboð þeirra sem tilheyra hinni svokölluðu valdastétt og valdablokkum sem berjast um að hafa yfirráð yfir auðlindum landsins og fjarmagni.

 http://www.facebook.com/pages/Jakobina-Ingunn-Olafsdottir-a-stjornlagabing/161385473872928

 

„Það er bara allt skorið“

NáttúruAuðlindirnar fyrir þjóðina

Jóhanna Sigurðardóttir forsætisráðherra á sér ósk um nýtt ákvæði í stjórnarskrá þar sem kveðið er á um að auðlindir verði þjóðareign.

Hvað þýðir þetta hugtak þjóðareign. Hugtakið er merkingarlaust ef ekki fylgja skýlaus ákvæði um afnotarétt.

Ef nýtingarréttur er framseldur til áratuga er eignarrétturinn merkingarlaus

.

Tökum sem dæmi:

Þú átt hús. Ríkisstjórnin ákveður að framselja Jóni nýtingarrétt á húsinu þínu til fimmtíu ára.

Þú, makinn og börnin flytjið út. Þið getið sagt við vini ykkar: já, við eigum hús en vinir ykkar spyrja þá kannski, ...en hvers vegna búið þið á á götunni?

 

 

http://www.facebook.com/pages/Jakobina-Ingunn-Olafsdottir-a-stjornlagabing/161385473872928 

Skuldir fyrnist á tveimur árum

Fjölmiðlar lítt sáttir við lýðræðið

Fjöldi frambjóðenda er gleðiefni að því leyti að hann gefur tilefni til þess að trúa á vilja almennings til þess að taka þátt í lýðræðinu. 

Lýðræði er þó ekki öllum að skapi og valdastéttin einatt sett sig upp á móti breytingum sem fela í sér aukið lýðræði. Eigendur flestra fjölmiðla eru hluti af valdastéttinni og það má gera því skóna að þeim sé akkur í því að koma fólki að á stjórnlagaþingi sem gengur þeirra erinda.

Valdastéttin á Íslandi hefur tekið stjórnmálinn frá þjóðinni eins og Páll Skúlason hefur orðað það. Flokksræði hefur ríkt á Íslandi og það sem verra er að afglöp valdastéttarinnar hafa leitt ógæfu yfir þjóðina.

Stjórnlagaþingið er tilraun til þess að færa valdið aftur til þjóðarinnar. Í nýrri stjórnarskrá þarf að tryggja að vilji almennings endurspeglist í aðgerðum ríkisvaldsins. Stjórnarskráin þarf að verja þjóðina fyrir yfirgangi valdastéttarinnar. Þjóðin á að hafa síðasta orðið um málefni sem varða lífsbjörg hennar og frelsi. 

http://framtidislands.is/

 

Á fimmta hundrað í framboði

Frelsi og lýðræði

Ég vil stjórnarskrá sem tryggir að þjóðin hafi síðasta orðið um málefni sam varða lífsbjörg hennar og frelsi.

Ég vil sjá blómstrandi byggðarlög og þekkingu sem er hreyfiafl framfara og réttlætis.

Lýðræðismenntun frá leikskóla til fullorðinsára

http://framtidislands.is/ 

 

Alþingi sefur á meðan landið er selt

Það er verið að færa auðlindir í hendur erlendra fjárfesta sem greiða fyrir góssið með kúlulánum og hrunkrónum.

Suðurnesjamenn hafa fjármagnað mannvirkin og uppbyggingu orkuveitunnar sem nú er komin í eigu ævintýramanns frá Kanada.

Mótmæli Bjarkar og Evu Joly virðast falla í grýtta jörð meðal stjórnmálamanna. 

Það eru liðin tvö ár frá hruni en á þeim tíma hefur máttvana ríkisstjórn ekki gert neitt til þess að tryggja í lögum að allt sé uppi á borðum varðandi viðskipti með auðlindir.

Fram að þessu hafa erlendar fjárfestingar skilað litlu til þjóðarinnar sem hefur kostað og tekur alla ábyrgð vegna mannvirkjagerðar til nýtingar orku.  

Ekki tilefni til frekari aðgerða

Afl fólksins í lifandi stjórnarskrá

Það skiptir máli hverjir verða kosnir á stjórnlagaþing. Niðurstaða stjórnlagaþings og hvernig sú niðurstaða verður höndluð á Alþingi ræður þýðingu nýrrar stjórnarskrár fyrir íslenskan almenning.

Mörg viljum við búa í samfélagi sem virðir einstaklinginn og tryggir honum mannréttindi. Það er þó ekki algilt. Þeir sem njóta forréttinda hafa gjarnan hrokafulla sýn á mannveruna og telja að hún láti stjórnast af gróðahyggju einni saman. Hinir sömu telja gróða vera samheiti fyrir meiri peninga.

Kynni mín af fólki segja mér þó að ýmislegt annað en von um gróða hreifi við manninum. Leit hans að þekkingu, forvitni, ásókn í tilbreytingu, ást á listum og umhyggja fyrir þeim sem minna mega sín einkennir hegðun margra þeirra sem hafa lítið á milli handanna.

Þegar að gróðahyggjan ein ræður verður listin vond og tilbreytingin hverfur í firringu lífsnautna.

Fólkið í landinu, bara venjulegt fólk vill fá að lifa við mannlega reisn, mennta börnin sín og bjóða foreldrum sínum friðsælt ævikvöld. Það er nauðsynlegt þessu fólki að eiga fulltrúa við stjórn landsins sem það getur treyst. Fólkið í landinu vill að stjórnvöld tryggi þeim fyrirsjáanleikan um að morgundagurinn og að morgundagurinn verði áþekkur því sem búast má við.

En traustið til alþingis og stjórnarráðs er brotið. Stjórnmálin hafa yfirgefið fólkið sem hvíðir morgundeginum vegna ófyrirsjáanleikans. Vegna ógnar sem að því steðjar vegna ójafnræðis sem ríkir á milli almennings og fjármálakerfis. Vegna ógnar sem steðjar að því vegna þess að réttur einstaklinga er ekki virtur.

Við þurfum að bæta samfélagið með því að blása lífi í stjórnarskrá sem tryggir mannréttindi, kveður skýrt á um valdsvið og ábyrgð sjórnmálamanna og brýtur upp skipulag sem elur á leyndarhyggju, tortryggni og forheimskandi umræðu.

Líst illa á almenna niðurfærslu skulda

Lýðræði og þekking

Skilningur á hugtakinu lýðræði er nokkuð á reiki. Enska hugtakið democracy er dregið af gríska orðinu demokratía sem þýðir „rule of the people“ eða fólkið ríkir. Jafnræði og frelsi er jafnan óumdeilt einkenni lýðræðis. Bein þátttaka almennings annars vegar og stjórnskipan hins vegar eru ráðandi þættir um það hvort að fyrirkomulag stjórnarhátta geti talist lýðræðislegir eða ekki. Meirihlutaræði eins og tíðkast á Íslandi getur haft í för með sér kúgun ef einstaklingum eru ekki tryggð mannréttindi í lögum og stjórnarskrá og ef reglur um mannréttindi eru ekki virtar.

Í grein sem birt er á síðu „The International Center for Peace and Development“ segir um lýðræði að þrátt fyrir að byggja megi lýðræði upp á marga vegu sé grundvöllur lýðræðis að mannréttindi séu virt. Að hver einstaklingur njóti verndar samfélagsins og að vilji almennings en ekki vilji stjórnmálastéttarinnar endurspeglist í aðgerðum ríkisvaldsins.

Íslenskir stjórnmálamenn hafa í áratugi vanvirt lýðræði og byggt upp tálsýn til þess að fela lýðræðishalla á Íslandi. Frelsi og réttindi einstaklinga hafa verið fyrir borð borin til þess að tryggja persónulegan ávinning einstakra stjórnmálamanna og valdablokka sem tengjast þeim.

Hluti af því sem tryggir lýðræði í samfélagi eru góðar upplýsingar, gagnsæi og skilningur á því hvernig lýðræði verður til og hvað skiptir máli í lýðræðislegu samhengi. Almenningur þarf að hafa góðan skilning og þekkingu á þeim málefnum sem eru ráðandi um velsæld í samfélaginu. Leyndarhyggja og áróður eru því andstæðingar lýðræðis. Þekking, skilningur og upplýsingar eru hins vegar vinir lýðræðis. Þekking er ekki utanbókarlærdómur. Þekking er það hreyfiafl sem mótar samfélagið. Almenningur þarf að hafa góðar upplýsingar um það hvaða hagsmunum frambjóðandi hyggst þjóna til þess að geta staðið með sjálfum sér í kosningum. Þingmenn þurfa góðar upplýsingar um málefni til þess að geta beitt atkvæði sínu í samræmi við þá stefnu sem þeir hafa lofað að fylgja.

Grundvöllur lýðræðis er þekking og kerfi sem tryggir þátttöku almennings í veigamiklum ákvörðunum sem varða fyrirkomulag stjórnskipunar, fullveldi og nýtingu auðlinda.