Ringulreið og flækjur

Voru íslenskir fjárglæframenn hafðir að fíflum?

Ginnti Deutche bank þá til þess að svindla?

Talaði Jóhanna við Má Guðmundsson?

Er Samfylkingin að gleypa Vinstri græna.

Er Besti flokkurinn að gleypa Samfylkinguna?

Er stefna ríkisstjórnarinnar að kaupa íslenskar krónur af erlendum fjárfestum en selja íslenskar auðlindir til erlendra fjárfesta?

Er Róbert Vessman vinur Guðlaugs Þórs?

Fékk Björgólfur Thor skjaldborgina og skattaívilnanir?

Er Evran í andslitrunum?

Er Bjarni Ben smeykur við Guðlaug Þór?

Hvar fékk Guðlaugur Þór átta milljónir?

Hvað er eðlilegt núna hjá Guðlaugi Þór?

Langar Guðlaugi Þór í meiri pening?

Langar Bjarna Ben í meiri pening?

Hvernig tengist Bjarni Ben svindli með bótasjóð Sjóvár?

Þarf Dagur Eggertsson núna að vera skemmtilegur?

Ætlar Jón Gnarr sjálfur að hugsa um ísbjörninn?

Vekja fréttir fleiri spurningar en svör?

 

Serious Freud Office rýnir nú í þátt

Deutsche Bank í hruni bankanna

 

Skoða Kaupþing og Deutsche Bank

Hreinsa til í yfirstjórn orkuveitunnar

Stjórnendur sem geta rekið fyrirtæki með tapi sem selur hita í Reykjavík eiga að finna sér annað starf. Skuldir orkuveitunnar hafa hækkað um hundruð milljarða á örfáum árum. Gríðarlegt bruðl hefur verið í fyrirtækinu.

Trúnaðarsamtöl á leynifundum

Atvinnuleysi og fátækt alvarlegasta ógnunin

Ég er að horfa á Ísland umbreytast fyrir augum mér. Landið sem bjó við velsæld horfir nú fram á langdregna erfiðleika sem eiga eftir að birtast í auknum félagslegum vandamálum og vandamálum sem stjórnvöld hafa ekki skýrt hvernig þau ætla að leysa. 

Viðvarandi sljóleiki hefur ríkt gagnvart innrás Alþjóðagjaldeyrissjóðsins í Alþingi og ríkisstjórn Íslands. 

Fjölmiðlar tala í glöðum tón um ánægjulega viðburði og dugnað Íslendinga. Fjölmiðlar hampa Jóni Gnarr og flokki hans sem birtir enga stefnu fyrir kosningar. Kannski ekki sérlega skaðlegt því stefnuskrá flokkanna virðist hvort sem er tómt plat þegar flokkseigendurnir komast til valda. 

Fjölmennir hópar hafa reynt að koma að máli sínu í fjölmiðlum og vekja athygli á þeirri atlögu sem gerð er á íslenskan almenning í skjóli núverandi ríkisstjórnar. 

Fjölmiðlar hafa ekki rými fyrir óánægjuraddir ekki nú frekar en fyrir hrun. 

Sannleikurinn blasir þó við fyrir þá sem eitthvað nenna að hugsa.

Raungengi krónunnar er 250 krónur gagnvart evrunni. Haldið er uppi gervigengi með gjaldeyrishöftum til þess að viðhalda neyslu og innflutningi. 

Þetta þýðir í raun að verið er að fjármagna neyslu núverandi kynslóðar á kostnað ungs fólks og komandi kynslóða. Það má til sanns vegar færa að 40% vöruverðs sé fjármagnað af börnum okkar og barnabörnum. 

Slæm staða fólks í dag er ekki aðaláhyggjuefnið heldur sú staðreynd að það er verið að festa viðvarandi fátækt í sessi á Íslandi. Þetta er að gerast á vakt Jóhönnu Sigurðardóttur og Steingríms J. sem trúa á velvilja og skynsemi Alþjóðagjaldeyrissjóðsins sem í raun hefur hernumið landið.

Aðkoma Alþjóðagjaldeyrissjóðsins á í raun meira skylt við valdarán en aðstoð. 

Staða heimilanna afar slæm

Fastheldni og hugmyndir ný-frjálshyggju viðheldur fátækt

Það er mjög erfitt er að sannfæra fólk í byrjun um að þetta megi laga mjög auðveldlega." Þessi auðvelda leið er einfaldlega að hætta að borga og fara að prenta okkar eigin peninga. „Það verður erfitt í 2-3 ár, þið þurfið að lifa án ákveðinna hluta sem þið flytjið inn - en svo verðið þið í lagi eftir það. SJÁ HÉR. 

 

 

Bankarnir uppfylla ekki reglur FME

Skil ekki þessa áherslu á persónukjör

Persónukjör eitt og sér munu auka aðgang fjársterkra aðila að alþingi og gera kosningar gríðalega flóknar.

Prófkjörssukkið mun þá færast úr flokkunum og inn í sjálfar alþingiskosningarnar. 

Það þarf að frekar að leggja áhreslu á heildarendurskoðun kosningakerfsins, fjármögnun kosninga og flokka, skoðanakannanir í aðdraganda kosninga og auglýsingar og kostun þeirra. 

Einnig þarf að skoða tengsl á milli fjarmögnunar íþróttahreyfinga af hálfu hins opinbera, útdeilingu bitlinga og kosningasmölun. 

 

Segir persónukjör stranda á konum í VG og Samfylkingunni

Þessi maður hefur ekki farið í búð nýlega

... Kannski sér konan um innkaupin

Segir innflutt matvæli ekki hafa hækkað

Greindarvísitala homo íhalddus sennilega lægri

Sennilega eru sjálfstæðismenn að meðaltali heimskari en annað fólk. Þetta er mín skoðum eftir að hafa lesið pistla eftir foringja og málsvara flokksins. Sjá t.d. þennan hér.

 

	18 ára fékk 100% lán til að kaupa rándýran bíl
Ábyrgðarmaður færslu Tenging við þessa frétt hefur verið rofin vegna kvartana.

Besti flokkurinn ímyndunarsjúkur

Sjáfstæðisflokkurinn vann stórsigur í kosningunum. Vinstir græn stóðu sig gríðarlega vel og Framsókn líka. Þetta má lesa úr orðum formanna flokkanna en þetta þýðir þá líklega að Besti flokkurinn sé bara fokking ímyndunarsjúkur þegar hann telur sig vera sigurvegara kosninganna.

Hanna Birna vill reyndar bara tapa pínulítið með því að nú fái bara enginn að ráða fyrst að Sjálfstæðisflokkurinn fær ekki að ráða. En Besti flokkurinn hefur úr vöndu að ráða. Forystumenn flokkanna í borginni eru bara svo leiðinlegir. Tala mest í frösum og hefðbundnum stjórnmálamannasetningum. Nú vilja þeir ábyggilega fara að rífast um það hverjir fái flesta bitlinganna til þess að útdeila í smölunarliði sínu.

Besti flokkurinn hefur kannski ekkert vit á þessu því hann grínaðist bara á meðan hinir flokkarnir voru að lofa fylgismönnum sínum gulli og grænum skógum í kosningabaráttunni. Ef Besti flokkurinn ætlar að halda áfram að grínast bara í kosningarbaráttum þá þarf hann kannski ekki að útdeila neinum bitlingum og getur bara sett almennilegt fólk í nefndir og ráð. Það er ekkert grín að vera drepleiðinlegur stjórnmálamaður því það setur mönnum verulegar skorður við vandaða stjórnsýslu

Leynifundir boðaðir næstu daga

Gaman að agnúast út í sjálfstæðismenn...

...á þessu bloggi.

Þá þeytast þröngsýnir leppar sjálfstæðisflokksins fram með rétttrúnaðarfrasana.

Það er oft á tíðum aumkunarvert að hlusta á heilaþvegið ungviðið.

Björn Bjarnason kallar heilbrigða gagnrýni á Sjálfstæðisflokk hatursáróður.

Fokking Sjálfstæðisflokkurinn hefur firrt þrjátíu prósent þjóðarinnar heilbrigðri skynsemi. 

Það þarf engan geimvísindamann til þess að greina það að sjálfstæðisflokkurinn setti þjóðarbúið á hausinn, rústaði trúverðugleika dómskerfisins og hefur haldið uppi hatrömmum áróðri fyrir því að konur séu eiginlega ekki menn. 

Sigrún Björk segir af sér

Það er kraftur í þjóðinni

Niðurstöður sveitastjórnakosninga endurspegla kraft í íslenskri þjóð.

Fólk þarf þó að fara að átta sig á því hvað er raunverulega að gerast í Íslensku samfélagi og hverjir bera ábyrgðina. 

Það liggur fyrir að Sjálfstæðismenn bera ábyrgð á bankahruninu en sagan endar ekki þar.

Núverandi stjórnvöld hafa í raun mjög takmörkuð völd en hinn raunverulegi valdhafi er Alþjóðagjaldeyrissjóðurinn. Viljayfirlýsing sem ríksistjórnir, sjálfstæðisflokks, samfylkingar og síðar vinstri grænna hafa undirritað flytur gríðarlegt vald til Alþjóðagjaldeyrissjóðsina. 

Verndun auðlinda gegn ásælni erlendra fjárfesta er á valdi Alþjóðagjaldeyrissjóðsins. Núverandi og fyrrverandi ríkisstjórnir afsöluðu þessu valdi til Alþjóðagjaldeyrissjóðsins.

Ef Alþjóðagjaldeyrissjóðurinn getur fært fyrir því rök að gjörningur af hálfu ríkisstjórnarinnar tefji eitt af þremur markmiðum í viljayfirlýsingunni þá hefur hann neitunarvald. Þetta gildir um hindranir ríkisstjórnarinnar á  sölu auðlinda til erlendra aðila. Ég tel að skortur á ráðrúmi ríkisstjórnarinnar í málefnum auðlindasölu skýrist af tvennu. Annars vegar að Alþjóðagjaldeyrissjóðsins hafi beitt neitunarvaldi og hins vegar stefnu hinna svokölluðu Blairista í samfylkingu sem er ljúft að braska með auðlindir.

Málefnavinnu að ljúka