Ríkisábyrgð brýtur í bága við tilskipun

Það er tryggingarsjóður innistæðna sem hefur þá brotið í bága við tilskipun en ekki Ísland. Þetta þarf að leiðrétta með því leiðrétta dreifingu þess fjármagn sem hent var í bankanna eftir hrun og tryggja það að bretar og hollendingar fái ekkert fram hjá tryggingarsjóðnum. Tryggingasjóðurinn á að hafa forgang um ALLAR eignir Landsbankans.

Ísland braut gegn tilskipun

Jón Gnarr og Hanna Birna í kappræðum kl. 15.00 á Útvarpi sögu

Í dag kl. 15.00 verða Jón Gnarr og Hanna Birna á Sögu. Vonandi viðurkennir Hanna Birna að það er ekki hægt að halda niður skattahækkunum, byggja golfvelli og hallir og hald uppi gæðum í grunnskólum og þjónustu á sama tíma. Það þarf einfaldlega að velja.

Sjálfstæðismenn hækka þjónustugjöld og gera grunnskólanna að þriðja flokks stofnunum.

Látum Reykjanesbæ vera víti til varnaðar og skutlum Sjálfstæðisflokknum úr borginni. 

	Garðbæingar segja sína skoðun
Ábyrgðarmaður færslu Tenging við þessa frétt hefur verið rofin vegna kvartana.

Höfuráherslan þarf að vera að halda orkuveitunni í eign borgarinnar

Því miður kemur það ekki skýrt fram hjá Jóni. Hvað á hann við með sögninni að hjúkra? Hvað á hann við með skapandi hugsun og vinnu?

Stjórnmálamenn þurfa að tala skýrt fyrir kosningar. Kjósendur eiga heimtingu á að vita hvað þeir kjósa. 

„Fyllist von fyrir hönd borgarinnar“

Sjálfstæðisflokkurinn fær ekki nægilegt högg

En gott að sjá Framsókn hverfa.

Sjálfstæðisflokkurinn hefur svo lengi skammtað fé úr almannasjóðum til afætna að þeir tryggja sér sennilega atkvæði þeirra. Nema kannski þeirra sem sjálfstæðisflokkurinn er búin að gera að öreigum í valdatíð sinni. 

Mikið forskot Besta flokksins

Þetta heitir atvinnusköpun

...

Ísland kynnt víða í Evrópu

Þarf leyfi ASÍ til að gagnrýna stjórnvöld

Kannski hef ég verið að gagnrýna ríkisstjórnina í leyfisleysi.

Sennilega skilur Steingrímur Joð ekki hugtakið atvinnusköpun. 

Mannvirkiá borð við þær sem Steingrímur nefnir að sé í bígerð að byggja er ekki atvinnusköpun nema þá í mjög knöppum skilningi þess orðs. Óheyrilegar dýrar skammtímalausnir.

Stuðningur við framleiðslu af ýmsu tagi, sprotafyrirtæki, þekkingarfyrirtæki, hugmyndum um nýtingu orku o.s.frv. það er atvinnusköpun til framtíðar. 

Ætlar Steingrímur að fjármagna steypuframkvæmdirnar með erlendum lánum?

Steingrímur segir orðrétt:

„Talandi um ríkisstjórnina bendi ég á eitt sem enginn getur frá okkur tekið en það er að hún er að fá mjög jákvæðar umsagnir frá erlendum aðilum um það hvernig við höfum tekist hér á við skulda- og ríkisfjármálavandann. 

Þá má nefna umfjöllun Alþjóðagjaldeyrissjóðsins í tengslum við aðra endurskoðun hans og fleiri aðila sem telja að Ísland sé komið vel á veg og hafi tekist betur en mörgum öðrum löndum að fást við kreppuna."

Hvers vegna ætti Alþjóðagjaldeyrissjóðurinn ekki að vera ánægður. Steingrímur og Jóhanna eru að gera landið efnahagslega óbyggilegt með skuldsetningu ríkissjóðs til þess að uppfylla ósk Alþjóðagjaldeyrissjóðsins að bjarga erlendum fjárfestum.

 

Gefa veiðileyfi á stjórnvöld

Neyslunni haldið uppi með gervigengi

Raunverulegt gengi krónunnar er 260 krónur fyrir evruna. Til þess að viðhalda neysluvenjum á Íslandi er genginu þrýst niður í 160 krónur fyrir evruna með gjaldeyrishöftum.

Það má spyrja að því hvort að  gjaldeyrishöftin haldi ekki raungengi krónunnar niðri og hvort þetta fyrirkomulag viðhaldi ekki kreppunni á Íslandi. 

Hvers vegna hafa fjölmiðlar ekki áhuga á því að skoða þetta mál?

Ef gjaldeyrishöftum væri aflétt myndi verðlag hækka um þriðjung eða jafnvel meir. Innflutningur myndi dragast saman sem og neysla í landinu. Þörf fyrir erlendan gjaldeyri myndi minnka og skuldsetning þjóðarbúsins líka. Kreppan yrði harðari og styttri. Stjórnmálamenn þora ekki að fara þessa leið....og verða fúlir þegar þeir eru kallaðir aumingjar.

Hæsta gildi væntingavísitölu frá hruni

Þessi viðbygging er bara flopp

Það er verið að draga saman seglin á Landsspítalanum. Hugmynd um viðbyggingu virðist því vera alger rökleysa.

Það þarf að huga að því að styðja uppbyggingu sjálfbærra atvinnuvega en ríkisstjórnin virðist vera upptekin af hugmyndum um að festa fjármagn í steypu sem á eftir að kalla síðar eftir viðhaldskosnaði en skapar varla varanleg störf við annað. 

Efasemdir um spítalann

Sjálfstæðisflokkurinn er búin að tjalda í götunni hjá mér!

Þetta er búin að vera viðburðaríkur dagur hjá mér. Ég heimsótti kosningaskrifstofu VG og sá að það var búið að henda mér út af framboðslistanum fyrir borgarstjórnarkosningar. Mér var sagt að ég færi í taugarnar á Steingrími Jóhanni.

Síðan fór ég og heimsótti kosningaskrifstofu Besta flokksins en þar var enginn sem gat ekki horft í augun á mér enda hefur Besti flokkurinn ekki keyrt sína baráttu með rætinni umræðu og kjaftagangi um keppinauta.

Sjálfstæðisflokkurinn hefur tjaldað í nágrenni við mig. Kannski vonast þeir til þess að ég gangi í flokkinn.

Ég er félagi í Borgarahreyfingunni, Vinstri grænum, Frjálslyndum, Samfylkingunni og Fullveldishreyfingunni og ég er líka á póstlista hjá Hreyfingunni. 

Sumum finnst ég vera mjög pólitísk en mér finnst ég eiginlega bara hafa skoðanir. 

Náttúruauðlindirnar eiga að vera í eigu þjóðarinnar

Það á að afnema heimild á framsali á kvóta eða tilfærslu á milli ára

Það á að setja löggjöf sem tryggir eðlilega samkeppni í viðskiptum

Það á ekki að skuldsetja ríkissjóð til þess að borga tap erlendra aðila á hruninu

Það á að senda AGS heim til sín

Það á ekki að færa tap bankanna inn á heimili landsins

Að þessu sögðu þá tel ég að stjórnmálaskoðanir mínar fari ekki saman við stefnu neinna af fjór- flokkunum. 

 

	Rannsókn miðar vel
Ábyrgðarmaður færslu Tenging við þessa frétt hefur verið rofin vegna kvartana.

Leppar Alþjóðagjaldeyrissjóðsins gera aðsúg að Lilju

Steingrímur Joð, Björn Valur og Árni Þór standa sem einn maður í hlýðni sinni við Alþjóðagjaldeyrissjóðinn.

Klíkufélagarnir þeir Steingrímur, Árni Þór og Björn Valur hafa haft forystu um að fylgja stefnu sem felur í sér einkavæðingu banka, sölu náttúruauðlinda til erlendra fjárglæframanna, byggingu stóriðju og svo mætti lengi telja. 

Þeir hafa reynst Alþjóðagjaldeyrissjóðnum auðveldir í taumi. Lilja lætur hins vegar ekki teyma sig og það fer í taugarnar á þessum drengjum. 

Það þarf kjark til þess að vera Lilja innan um þessa menn.

Þarf kjark til að stoppa í gatið